RSS
193. zk., 2012ko urriaren 3a, asteazkena
- Bestelako formatuak:
- PDF (189 KB - 2 orri.)
- EPUB (96 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO EPAITEGIA
4387
EDIKTUA, oro har kontratuei buruz bideratutako 260/11 prozedura arruntaren ondoriozkoa.
JAKINARAZPEN-ZEDULA
Vitoria-Gasteizko Lehen Auzialdiko 2 zenbakiko Epaitegian 260/11 prozedura arrunta bideratu da «Pelayo, Mutua de Seguros y Reaseguros a prima fija» entitateak eskatuta, Juan Delgado Iñigoren aurka, kontratu batzuk direla-eta. Prozedura horren gainean epaia eman da. Hona hemen idazpurua eta epaitza, kopiatuta:
33/12 EPAIA
Judizioaren gaia: gainerako arruntak (42).
EPAITZA
Baietsi egiten dut zenbatekoa erreklamatzeko judizio arrunta egiteko demanda, Elorza prokuradoreak «Pelayo, Mutua de Seguros y Reaseguros a prima fija» aseguru-etxearen ordez aurkeztu duena, auzi-ihesean den Juan Delgado Iñigoren aurka. Letratua García jauna izan da. Eta, beraz,
Juan Delgado Iñigo kondenatzen dut «Pelayo, Mutua de Seguros y Reaseguros a prima fija» aseguru-etxeari 12.622,37 euro ordaintzera.
Ateratzen den diru-kopuru likidoak Prozedura Zibilaren Legearen 576. artikuluan –epai-betearazpenetarako– aurreikusitako interesak sortuko ditu (ebazpen honen egunetik ordainketa guztiz egin arte), baldin eta agindutakoa borondatez betetzen ez bada.
Kostuak alderdi demandatuari ezartzen zaizkio.
Jakinaraz bekie ebazpen hau alderdiei.
Aurkaratzeko modua: apelazio-errekurtsoa, Arabako Probintzia Auzitegian (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).
Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu eta Kontsignazioen kontuan. Kontuaren zenbakia hauxe da: 0010 0000 04 0260 11. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).
Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari judiziala naizenez, guzti horren fede ematen dut Vitoria-Gasteizen, bi mila eta hamabiko otsailaren hogeita hiruan.
Juan Delgado Iñigo demandatuari behar bezala jakinarazteko balio dezan egin eta sinatzen dut ediktu hau, Vitoria-Gasteizen, bi mila eta hamabiko irailaren lauan.
IDAZKARIA.
