193. zk., 2012ko urriaren 3a, asteazkena
- Bestelako formatuak:
- PDF (177 KB - 2 orri.)
- EPUB (96 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
VITORIA-GASTEIZKO LEHEN AUZIALDIKO 2 ZENBAKIKO EPAITEGIA
4386
EDIKTUA, kontratuei buruz bideratutako 1655/10 hitzezko judizioaren ondoriozkoa.
JAKINARAZPEN-ZEDULA
Gasteizko Lehen Auzialdiko 2 zenbakiko Epaitegian 1655/10 hitzezko judizioa bideratu da, Dialsa Olid, S.L.k eskatuta, Cierres y Jardines, S.L.ren aurka, kontratu batzuk direla-eta. Prozedura horren gainean ebazpena eman da. Hona hemen idazpurua eta epaitza, kopiatuta:
276/11 EPAIA
Judizioaren gaia: hitzezko gainerakoak (13).
EPAITZA
Baietsi egiten dut diru-kopuru bat erreklamatzeko bideratutako hitzezko judizioko demanda, Dialsa Olid, S.L.U.k jarritakoa, Sanchiz prokuradoreak ordezkaturik eta Principe letraduak lagundurik, auzi-ihesean dagoen Cierres y Jardines, S.L.ren aurka, eta, horrenbestez,
Dialsa Olid, S.L.U.ri 2.379 euro gehi zenbateko horrek 2010eko otsailaren 10etik ebazpen honen egunera arte sortutako legezko interesak ordaintzera kondenatzen dut Cierres y Jardines, S.L. demandatua.
Eta, epaiak betearazteari dagokionez Prozedura Zibilaren Legeko 576. artikuluan aurreikusitakoaren aurka egin gabe, ebazpen honen egunetik ordainketa osoa egin arte, baldin eta agindutakoa borondatez betetzen ez bada.
Kostuak alderdi demandatuari ezartzen zaizkio.
Jakinaraz bekie ebazpen hau alderdiei.
Ebazpen horren aurka ezin da errekurtsorik aurkeztu, hala ezarrita baitago 37/2011 Legeko xedapen iragankor bakarrean, PZLko 455. artikuluaren 1. paragrafoan –in fine– egindako aldaketaren eraginez.
Eta epai honen bidez erabaki, agindu eta sinatzen dut.
Argitalpena: epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari naizenez, horren guztiaren fede ematen dut, Gasteizen, bi mila eta hamaikako azaroaren hogeita hamarrean.
Cierres y Jardines, S.L. demandatuari behar bezala jakinarazteko balio dezan egin eta sinatzen dut ediktu hau, Vitoria-Gasteizen, bi mila eta hamabiko irailaren lauan.
IDAZKARIA.