Euskal Herriko Agintaritzaren Aldizkaria

183. zk., 2012ko irailaren 19a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA-SAN SEBASTIÁNGO LEHEN AUZIALDIKO 2 ZENBAKIKO EPAITEGIA

4196

EDIKTUA, 658/11 prozedura arruntaren ondoriozkoa.

Donostia-San Sebastiángo Lehen Auzialdiko 2 zenbakiko Epaitegia.

Judizioa: 658/11 prozedura arrunta.

Demandatzailea: Gipuzkoa eta Donostiako Aurrezki Kutxa.

Abokatua: Iñigo Lareki Arcos.

Prokuradorea: Tames.

Demandatua: Andranik Vardanyan.

Gaia: judizio arrunta.

Judizio horretan epaia eman da 2012-07-19an. Hona hemen epaiaren idazpurua eta epaitza:

169/12 EPAIA

Epailea: Aranzazu Aguinaga Mendizábal andrea.

Lekua: Donostia-San Sebastián.

Eguna: bi mila eta hamabiko uztailaren hemeretzia.

Alderdi demandatzailea: Gipuzkoa eta Donostiako Aurrezki Kutxa.

Abokatua: Juan Pedro Martinez Arenas.

Prokuradorea: Santiago Tames Alonso.

Alderdi demandatua: Andranik Vardanyan.

Abokatua.

Prokuradorea.

Judizioaren gaia: judizio arrunta.

Nik, Maria Aranzazu Aguinaga Mendizabalek, Donostiako Lehen Auzialdiko 2 zenbakiko epaile magistratuak, ikusi ditut 658/11 judizio arrunteko autoak, auzi-ihesean den Andranik Vardanyan-en aurkakoak. Auto horiek Santiago Tamés Alonso prokuradoreak sustatu ditu, Gipuzkoa eta Donostiako Aurrezki Kutxaren izenean eta ordez, eta Juan Pedro Martínez Arenasek defendatu.

EPAITZA

Baietsi egiten dut Santiago Tamés Alonso epaitegietako prokuradoreak Gipuzkoa eta Donostiako Aurrezki Kutxaren izenean eta ordezkaritzan aurkeztutako demanda. Horregatik, auzi-jartzaileari honako hauek ordaintzera kondenatzen dut Andranik Vardanyan demandatua: 6.228,27 euro, printzipalarenak, eta hitzartutako interesak, mailegu-kontua eta ageriko aurrezki-libreta itxi ondorengo egunetik zorra erabat ordaindu arte sortutakoak –izan ere, kontu horien zorpeko saldoa erreklamatzen da–.

Sortutako kostuak demandatuari ezartzen zaizkio.

Jakinaraz bekie epai hau alderdiei, eta aditzera eman jakinarazpena egiten denetik harako hogei eguneko epean epai horren aurka apelazio-errekurtsoa aurkez dezaketela. Gipuzkoako Probintzia Auzitegiari dagokio errekurtso horretaz arduratzea.

Errekurtsoa aurkeztu ahal izateko, 50 euroko gordailua eratu beharko da, eta, baldintza hori bete ezean, ez da hura izapidetzea onartuko. Gordailua gauzatzeko, zenbateko hori zainpean jarri beharko da epaitegi honek Banesto (Banco Español de Crédito) taldean duen Gordailuan eta Zainpean jartzeko Kontuan (1846 zenbakia); errekurtsoa aurkeztean, zenbateko hori zainpean jarri izana egiaztatu beharko da (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Nire epaia hori denez, erabaki, agindu eta sinatu egiten dut. Epaiaren testigantza autoei erantsiko zaie.

Andranik Vardanyan demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Jakinarazten den ebazpenaren testu osoa eskura du interesdunak, epaitegi honetako bulego judizialean.

Donostia-San Sebastián, 2012ko uztailaren 19a.

IDAZKARI JUDIZIALA.

Azterketa dokumentala