Euskal Herriko Agintaritzaren Aldizkaria

139. zk., 2012ko uztailaren 17a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

TOLOSAKO LEHEN AUZIALDIKO ETA INSTRUKZIOKO 2 ZENBAKIKO ZUZENEKO LAGUNTZA EMATEKO UNITATE PROZESALA

3279

EDIKTUA, 686/10 prozedura arruntaren ondoriozkoa.

JAKINARAZPEN-ZEDULA

Tolosako Lehen Auzialdiko 2 zenbakiko Epaitegian, prozedura arruntari buruzko 686/10 prozedura bideratu da, Kutxak eskatuta, Joaquin Manuel Nobre Vazrato eta Ioan Beuca-ren kontra. Prozedura horren gainean epaia eman da. Hona hemen idazpurua eta epaitza, kopiatuta:

70/12 EPAIA

Epailea: Leyre Urretavizcaya Ardanaz andrea.

Lekua: Tolosa (Gipuzkoa).

Eguna: bi mila eta hamabiko maiatzaren hogeita laua.

Alderdi demandatzailea: Kutxa.

Abokatua: Iñigo Lareki Arcos.

Prokuradorea: Jose Ignacio Otermin Garmendia.

Alderdi demandatua: Joaquin Manuel Nobre Vazrato.

Abokatua:

Prokuradorea.

Judizioaren gaia: prozedura arrunta.

EPAITZA

Osorik baiesten dut Iñigo José Ignacio Otermin Garmendia epaitegietako prokuradoreak Gipuzkoa eta Donostiako Aurrezki Kutxaren izenean eta ordez aurkeztutako demanda, eta, hortaz, Joaquin Manuel Nobre Vazrat kondenatzen dut honako hauek ordaintzera: hamazazpi mila zortziehun eta laurogeita zazpi euro eta hogeita hamabi zentimo (17.887,32), tronkoarenak; mila bostehun eta hemeretzi euro eta hamazazpi zentimo (1.519,17), 2010eko maiatzaren 22tik –alegia, zorpeko saldoren mailegu-kontua itxi zen egunaren biharamunetik– demanda aurkeztu arteko epeari dagozkion % 17,25eko interes itunduenak; eta demanda honen egunetik zorra guztiz ordaindu arte sortutako interesak.

Kostuak demandatuak ordaindu beharko ditu.

Aurkaratzeko modua: apelazio-errekurtsoa aurkeztuz, Gipuzkoako Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori epaitegi honek Banesto taldean (Banco Español de Crédito) duen Gordailu kontuan kontsignatu beharko da. Kontuaren zenbakia hauxe da: 1865 0000 04 068610. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Eta Joaquin Manuel Nobre Vazrato demandatuari jakinarazpena behar bezala egiteko balio dezan ematen eta sinatzen dut idazki hau, Tolosan (Gipuzkoa), bi mila eta hamabiko maiatzaren hogeita lauan.

IDAZKARIA.

Azterketa dokumentala