Euskal Herriko Agintaritzaren Aldizkaria

105. zk., 2012ko maiatzaren 30a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA-SAN SEBASTIÁNGO LEHEN AUZIALDIKO 7 ZENBAKIKO EPAITEGIA

2417

EDIKTUA, diru-zenbateko bat erreklamatzeko bideratutako 853/11 hitzezko judizioaren ondoriozkoa.

Donostia-San Sebastiángo Lehen Auzialdiko 7 zenbakiko Epaitegia.

Judizioa: 853/11 hitzezko judizioa.

Demandatzailea: Gipuzkoa eta Donostiako Aurrezki Kutxa.

Abokatua: Iñigo Larequi Arcos.

Prokuradorea: Pagola.

Demandatua: Cesar Luis Lopez Sousa, Cesar Augusto de Oliveira Almeida, Marco Paulo Sousa Lopes eta Manuel Antonio de Sousa Lopes.

Gaia: diru-zenbateko bat erreklamatzea.

Judizio horretan epaia eman da, eta honako hau da epaitza:

EPAITZA

Osorik baiesten dut Pagola prokuradoreak Gipuzkoa eta Donostiako Aurrezki Kutxaren ordezkari gisa aurkeztutako demanda, honako hauen urkakoa: Cesar Luis López Sousa, Marco Paulo Sousa Lopes, Manuel Antonio de Sousa Lopes eta Cesar Augusto Oliveira de Almeida. Beraz, demandatuak kondenatzen ditut auzi-jartzaileari modu solidarioan honako hauek ordaintzera: 5.527,69 euro –tronkoarenak–, eta hitzartutako interesak (% 17,25), mailegu-kontua itxi eta hurrengo egunetik guztia ordaindu arte sortutakoak (kontu horren zorpeko saldoa erreklamatzen baita). Sortutako kostuak alderdi demandatuari ezartzen zaizkio.

Aurkaratzeko modua: apelazio-errekurtsoa aurkeztuz, Gipuzkoako Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: aurkaratzea zein alegaziotan oinarritzen den, eta apelatutako ebazpena eta aurkaratutako erabakia zein diren (PZLb, 458.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hauxe da: 0030 1846 42 000 5001 274 0699 0000 00 0853 11. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Cesar Augusto de Oliveira Almeida demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Jakinarazten den ebazpenaren testu osoa eskura du interesdunak, epaitegi honetako bulego judizialean.

Donostia-San Sebastián, 2012ko urtarrilaren 27a.

IDAZKARI JUDIZIALA.

Azterketa dokumentala