RSS
91. zk., 2012ko maiatzaren 10a, osteguna
- Bestelako formatuak:
- PDF (209 KB - 2 orri.)
- EPUB (198 KB)
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
BESTELAKO XEDAPENAK
INDUSTRIA, BERRIKUNTZA, MERKATARITZA ETA TURISMO SAILA
2077
EBAZPENA, 2012ko martxoaren 28koa, Industria Administrazio eta Segurtasuneko zuzendariarena; honen bitartez, Baimendutako Profesionalak Prestatzeko Aitortutako Erakunde den Asesoramiento y Enseñanza Integral de Profesionales, S.L. (ASEIP) «Fluordun gas erabiltzen duten Ibilgailuen klimatizazio ekipoen manipulazioa» espezialitatean ikastaroak emateko baimena ematen zaio, egiaztatutakoak ez diren instalazioetan.
Esp.-zk./Gaia: SEG/02912
AURREKARIAK
Bat.– Industria Administrazio eta Segurtasuneko zuzendariaren 2011ko azaroaren 7ko Ebazpenaren bidez, aitortutako erakunde izaki, Asesoramiento y Enseñanza Integral de Profesionales, S.L. (ASEIP) sozietateari baimena eman zitzaion baimendutako profesionalak prestatzeko ikastaroak Bizkaian emateko, «Fluordun gas erabiltzen duten Ibilgailuen klimatizazio ekipoen manipulazioa» espezialitatean. Erakunde horren Erregistroko identifikazio-zenbakia honako hau da: REFPA, A-0092.
Bi.– 2012ko otsailaren 12an, ASEIP, S.L. elkartearen ordezkariak «Fluordun gas erabiltzen duten Ibilgailuen klimatizazio ekipoen manipulazioa» espezialitatean prestakuntza-ikastaroak egiaztatutakoak ez diren instalazioetan emateko eskaera aurkeztu zuen. ASEIP, S.L. elkarteak Bizkaian ikastaroak emateko baimena du, Basauriko honako leku honetan: Zabalandi Auzoa, z.g. (Feu Vert empresaren egoitza). ASEIP, S.L.-k proposatutako instalazio berriak Bizkaian daude, DAVASA Vizcaya enpresaren instalazioetan, hain justu:
– Ugaldeguren I Industrialdea, P4-V lursaila (48170 Zamudio).
Hiru.– 2012ko otsailaren 24an, instalazioak gainbegiratu ostean, Bizkaiko Lurralde Ordezkaritzako teknikariek aldeko txostena egin zuten, industria-segurtasunaren alorrean norbanakoaren prestakuntzako txartelak eta enpresa baimenduak arautzeko den martxoaren 14ko 63/2006 Dekretuan xedatutako betekizunekin bat zetozelako.
Espediente horri ebazpena emateko, honako hauek kontuan hartu eta horiei buruzko aipamena egin beharko da:
OINARRI JURIDIKOAK
Bat.– Industria Administrazio eta Segurtasuneko zuzendariari dagokio ebazpen hau ematea, Industria, Berrikuntza, Merkataritza eta Turismo Sailaren egitura organikoa eta funtzionala ezartzen duen irailaren 22ko 514/2009 Dekretuaren 14. artikuluan ezarritakoarekin bat etorriz.
Bi.– Eskatzaileak aurkeztutako dokumentazioaren arabera, egiaztatuta dago aipatutako enpresak izan badituela industria-segurtasunaren alorrean norbanakoaren prestakuntzarako txartelak eta enpresa baimenduak arautzen dituen martxoaren 14ko 63/2006 Dekretuaren 22. artikuluan ikastaroak emateko gutxieneko gisa eskatzen diren instalazioak, eta instalazio horiek Bizkaiko Lurralde Historikoan daude.
Hiru.– Arestian aipatutako 63/2006 Dekretua aplikatzeko barne-jarraibideak ematen dituen Kontsumo eta Industria Segurtasuneko zuzendariaren eta Energia eta Meategien zuzendariaren 2007ko martxoaren 9ko ebazpenaren 24.3 artikuluaren arabera, Bizkaian baimendutako ASEIP, S.L. prestakuntza-erakundeak dagokion baimena lortu beharko du hasierako baimenean jasotakoak ez diren instalazioetan ikastaroak emateko.
Adierazi diren lege-xedapenak eta oro har aplikagarriak izan eta horiekin bat datozen gainerako arauak aztertuta, honako hau
EBAzTEN DUT:
Aurkeztutako irakasle berria onartzea eta Asesoramiento y Enseñanza Integral de Profesionales, S.L. (ASEIP) baimendutako prestakuntza-erakundeari baimena ematea «Fluordun gas erabiltzen duten Ibilgailuen klimatizazio ekipoen manipulazioa» espezialitatean ikastaroak emateko, Bizkaiko Lurralde Historikoan kokatutako honako instalazio hauetan:
– Ugaldeguren I Industrialdea, P4-V lursaila (48170 Zamudio).
Ebazpen honen aurka gora jotzeko errekurtsoa jar dakioke Industria eta Energiako sailburuordeari, ebazpena jakinarazten denetik hilabeteko epearen barruan. Hori guztia, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 107. artikuluan eta hurrengoetan azaltzen denari jarraikiz.
Vitoria-Gasteiz, 2012ko martxoaren 28a.
Industria Administrazio eta Segurtasuneko zuzendaria,
YOLANDA LÓPEZ FERNÁNDEZ.