Euskal Herriko Agintaritzaren Aldizkaria

66. zk., 2012ko martxoaren 30a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

DONOSTIA-SAN SEBASTIÁNGO LEHEN AUZIALDIKO 5 ZENBAKIKO EPAITEGIA

1557

EDIKTUA, 491/11 prozedura arruntaren ondoriozkoa.

Judizio horretan epaia eman da, eta honakoa da epaitza:

«Osorik baiesten dut Jiménez epaitegietako prokuradoreak Banco Santander SAren izenean eta ordez aurkeztu duen judizio arrunt zibilerako demanda, auzi-ihesean diren Patricia Maldonado Aragón eta Endika Koldo Martínez Fernández jaun-andreen aurkakoa. Auzigaia 6.331,16 euro erreklamatzea da.

1.– Patricia Maldonado Aragón eta Endika Koldo Martínez Fernández jaun-andreak kondenatzen ditut, behin ebazpena irmoa egin ondoren, Banco Santander SAri 6.331,16 euro ordaintzera.

2.– Patricia Maldonado Aragón eta Endika Koldo Martínez Fernández jaun-andreak kondenatzen ditut, ebazpen hau irmo egindakoan, Banco Santander SAri honako hauek ordaintzera: 6.331,16 euroko zenbatekoaren % 19,95eko interesak, demanda aurkeztu zenetik (2011ko apirilaren 6a) ordainketa guztiz egin artekoak.

3.– Patricia Maldonado Aragón eta Endika Koldo Martínez Fernández jaun-andreak kondenatzen ditut, prozedurako kostuak ordaintzera.

Epai hau helaraz bedi epaitegi honetako epaien liburura, eta prozeduran lekukotza utzi.

Aurkaratzeko modua: apelazio-errekurtsoa aurkeztuz, Gipuzkoako Probintzia Auzitegiari zuzendua (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ebazpena jakinarazi eta biharamunetik aurrera hogei egun balioduneko epean. Idazki horretan, bestalde, honako hauek adieraziko dira: apelatutako ebazpena, errekurritzeko nahia eta zein erabaki aurkaratzen den (PZLb, 458.2 artikulua).

Errekurtsoa jarri ahal izateko, 50 euroko gordailua egin beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori epaitegi honek Banesto taldean (Banco Español de Crédito) duen Gordailu kontuan kontsignatu beharko da. Kontuaren zenbakia hauxe da: 1833 0000 04 049111. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Diru-kopuru hori zainpean utzi izana egiaztatu egin beharko da errekurtsoa aurkeztean (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Endika Koldo Martinez Fernandez demandatua non bizi den ez dakigunez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Ebazpen horren aurka, demandatu auzi-iheslariak apelazio-errekurtsoa aurkez dezake, 20 eguneko epean.

Jakinarazten den ebazpenaren testu osoa interesdunaren eskura dago, epaitegi honetako bulego judizialean.

Donostia-San Sebastián, 2012ko otsailaren 14a.

IDAZKARI JUDIZIALA.

Azterketa dokumentala