Euskal Herriko Agintaritzaren Aldizkaria

33. zk., 2012ko otsailaren 15a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

Lanbide-Euskal Enplegu Zerbitzua

726

EBAZPENA, 2011ko azaroaren 29koa, Lanbide-Euskal Enplegu Zerbitzuko zuzendari nagusiarena. Honen bidez, Euskal Autonomia Erkidegoko enpresetako langileentzako prestakuntza-ekintzak finantzatzeko diru-laguntzak ematea ebazten da.

Lanbide-Euskal Enplegu Zerbitzuko Administrazio Kontseiluak 2011ko uztailaren 14ko bileran (abuztuaren 4ko EHAA) erabaki zuen Euskal Autonomia Erkidegoko enpresetako langileentzako prestakuntza-ekintzak finantzatzeko diru-laguntzetarako deialdia egitea.

Deialdiaren 12. artikuluak dioenez, Hobetuz-ek aztertuko ditu aurkezten diren eskaerak, eta Lanbide-Euskal Enplegu Zerbitzuari egingo dizkio beharrezko proposamenak, zerbitzu horretako zuzendari nagusiak ebazpena eman dezan; eta erakunde onuradunen zerrenda eta emandako kopuruak Euskal Herriko Agintaritzaren Aldizkarian argitaratuko dira.

Aipatutako aginduaren 11. oinarrian ezarritako balorazio-irizpideen arabera baloratu dira eskaerak. Eman beharreko laguntzak zehazteko, agindu horretako 9. eta 10. artikuluetan ezarritakoa hartu da kontuan.

Horrenbestez, honako hau

EBAZTEN DUT:

Lehenengoa.- I. eranskinean zerrendatzen diren erakundeei diru-laguntzak ematea (guztira, 20.550.000 euro), onartutako prestakuntza-planak garatzeko, eranskin horretan adierazten diren zenbatekoen arabera.

Bigarrena.- II. eranskinean jasotako eskaerak ez onartzea, bertan adierazten diren arrazoiengatik.

Ebazpen honek amaiera ematen dio administrazio-bideari, eta horren aurka, berraztertze-errekurtsoa aurkez dakioke Lanbide-Euskal Enplegu Zerbitzuaren zuzendari nagusiari, hilabeteko epean, jakinarazpena jaso eta biharamunetik hasita, edo zuzenean administrazioarekiko auzi-errekurtsoa aurkez daiteke, Gasteizko Administrazioarekiko Auzien Epaitegian, bi hilabeteko epean, ebazpen hau jakinarazi eta biharamunetik aurrera.

Vitoria-Gasteiz, 2011ko azaroaren 29a.

Lanbide-Euskal Enplegu Zerbitzuko zuzendari nagusia,

JAVIER RAMOS SALAZAR.

(Ikus .PDF)

(Ikus .PDF)