Euskal Herriko Agintaritzaren Aldizkaria

243. zk., 2011ko abenduaren 26a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

Bilboko Lehen Auzialdiko 12 Zenbakiko Epaitegia

6223

EDIKTUA, 1603/10 hitzezko judizioaren ondoriozkoa.

Bilboko Lehen Auzialdiko 12 zenbakiko Epaitegia (Bizkaia).

Judizioa: 1603/10 hitzezko judizioa.

Demandatzailea: Aktiv Kapital Portfolio As, Oslo, Brugg-eko sukurtsala.

Abokatua: Maria Carmen Delgado Fontan.

Prokuradorea: Maria Teresa Fariñas Garrido.

Demandatua: Susana Euba Ibarreche, Helenes 2000 SL eta Lusi de Mauricio Garcia de Paadin.

Gaia: hitzezko judizioa.

Judizio horretan epaia eman da; hona hemen epaitza:

EPAITZA

Osorik baiesten dut María Teresa Fariñas Garrido epaitegietako prokuradoreak, Aktiv Kapital Portfolio As, Oslo, (Brugg-eko sukurtsala) merkataritza-sozietatearen izenean eta ordezkaritzan aurkeztu duen demanda; horrenbestez, Susana Euba Ibarreche eta Luis de Mauricio García de Paadin demandatukideak, María del Mar Ortega González prokuradoreak ordezkatutakoak, bost mila, zazpiehun eta bost euro eta laurogeita bost zentimo (5.705,85) modu solidarioan ordaintzera kondenatzen ditut. Halaber, demanda aurkeztu zenetik aurrera sortutako legezko interesa, eta epai honetatik aurrera sortutako urteko interesa ere -diruaren legezko interesa, bi puntu gehituta- ordaindu beharko dute demandatukideek. Demandatuak, azkenik, prozeduran sortutako kostu guztiak ordaindu beharko ditu.

Prozedura Zibileko Legearen 457. artikuluarekin bat, epai honen kontra apelazio-errekurtsoa aurkez daiteke: epaitegi honetan aurkeztu beharko da idazkia, bost eguneko epean, jakinarazten den egunetik hasita; bertan, zein ebazpen apelatzen den eta zein erabaki inpugnatzen den adierazi beharko da.

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua eratzeko, diru-zenbateko hori epaitegi honen Gordailuan eta Zainpean uzteko Kontuan zainpean utzi beharko da; kontu hori Banesto (Banco Español de Crédito) taldekoa da, eta 4726 0000 00 1603 10 zenbakia du; errekurtsoa aurkeztean egiaztatu egin beharko da zainpean utzi dela diru-zenbateko hori (BJLOko 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Epai hau eman, agindu eta sinatu egiten dut. Epaia alderdiei jakinaraziko zaie, legez ezarritako moduan.

Helenes 2000 SL demandatuaren egungo egoitza ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluaren arabera (PZLb).

Ebazpen horren aurka, apelazio-errekurtsoa aurkez dezake auzi-ihesean den demandatuak.

Jakinarazten den ebazpenaren testu osoa eskura du interesdunak, epaitegi honetako bulego judizialean.

Bilbao (Bizkaia), 2011ko irailaren 13a.

IDAZKARI JUDIZIALA.