Euskal Herriko Agintaritzaren Aldizkaria

243. zk., 2011ko abenduaren 26a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

Ingurumen, Lurralde Plangintza, Nekazaritza eta Arrantza Saila

6216

EBAZPENA, 2011ko urriaren 26koa, Ingurumeneko sailburuordearena. Honen bidez, Bial Industrial Farmacéutica SAk Zamudion sustatutako farmazia-produktuak fabrikatzeko instalazioari ingurumen-inpaktuari buruzko adierazpena eta ingurumen-baimen integratua ematen zaizkio.

AURREKARIAK

2010eko uztailaren 1ean, Bial Industrial Farmacéutica SAk Zamudioko udal-mugartean farmazia produktuak fabrikatzeko proiektu batek daukan ingurumen-inpaktua ebaluatzeko prozedura izapidetzen hasteko eskatu zion Eusko Jaurlaritzako Ingurumen, Lurralde Plangintza, Nekazaritza eta Arrantza Sailari, Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrak zein proiektuen ingurumen-inpaktuari buruzko Legearen testu bategina onartzen duen urtarrilaren 11ko 1/2008 Legegintzako Errege Dekretuak xedatutakoaren arabera.

2010eko uztailaren 9an, Eusko Jaurlaritzako Ingurumenaren Kalitatearen Zuzendaritzak zenbait erakunderi txostena egiteko eskatu zien, ingurumen-inpaktuari buruzko azterlanaren zabaltasuna eta xehetasun-maila zehazteko. Zehazki, irizpena eskatu zitzaien honako erakunde hauei: Osasun eta Kontsumo Sailari, Kultura Sailari, Biodibertsitaterako eta Ingurumen Partaidetzarako Zuzendaritzari, Ingurumenaren Plangintzaren Zuzendaritzari eta Uraren Euskal Agentziari (horiek guztiak Eusko Jaurlaritzako erakundeak); Kulturako Zuzendaritza Nagusiari eta Ingurumen Zuzendaritza Nagusiari (biak Bizkaiko Foru Aldundiko zuzendaritza nagusiak), baita Zamudioko Udalari eta Bilbao Bizkaia Ur Partzuergoari ere.

2010eko irailaren 28an, Eusko Jaurlaritzako Ingurumenaren Kalitatearen Zuzendaritzak txostena egin zuen, ingurumen-inpaktuari buruzko azterlanaren zabaltasuna eta xehetasun-maila zehazteko.

2010eko urriaren 2an, Bial Industrial Farmacéutica SAk ingurumen-baimen integratua eman ziezaioten eskatu zuen Eusko Jaurlaritzako Ingurumen, Lurralde Plangintza, Nekazaritza eta Arrantza Sailaren aurrean, ingurumen-inpaktuaren adierazpena baino lehen, Kutsaduraren Prebentzio eta Kontrol Integratuari buruzko uztailaren 1eko 16/2002 Legean xedatutakoarekin bat etorriz, farmazia-produktuak fabrikatzeko Zamudioko udal-mugartean. Eskaerarekin batera honako dokumentazio teknikoa aurkeztu zen:

● Egitasmo teknikoa eta ingurumen-inpaktuari buruzko azterlana.

2011ko otsailaren 9an eta maiatzaren 2an, Ingurumen-organoak agiri gehigarriak eskatu zizkion sustatzaileari, eta 2011ko maiatzaren 12an osatu zen espedientea. Besteak beste, egun hartan Zamudioko Udalaren 2011ko apirilaren 11ko txostenaren kopia atxiki zitzaion espedienteari; aipatu txostenak proiektua plangintza urbanistikoarekin bateragarria dela egiaztatzen du.

Beharrezko agiri guztiak aurkeztutakoan, Ingurumeneko sailburuordearen 2011ko maiatzaren 31ko Ebazpenaren bidez erabaki zen jendaurrean jartzea, 30 egun balioduneko aldian, Bial Industrial Farmacéutica SAk sustatutako proiektua, ingurumen-inpaktuari buruzko azterlanarekin batera, egoki iritzitako alegazioak aurkez zitezen. Euskal Herriko Agintaritzaren Aldizkarian eta Bizkaiko Aldizkari Ofizialean argitaratu ziren biak 2011ko ekainaren 24an. Era berean, Euskal Autonomia Erkidegoko bi egunkaritan iragarkia jarri zen 2011ko uztailaren 10ean, eta proiektuak hartuko duen eremuaren ondoko auzokideei jakinarazpena bidali zitzaien. Halaber, formatu elektronikoan zegoen espedientearen oinarrizko dokumentazioa herritarren esku jarri zen, Eusko Jaurlaritzako Ingurumen, Lurralde Plangintza, Nekazaritza eta Arrantza Sailaren web orrian.

Jendaurreko informazioaren izapidea bete ondoren, alegaziorik ez zela aurkeztu egiaztatu zen.

Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 17. eta 18. artikuluetan xedatutakoa aplikatuz, 2011ko abuztuaren 4an, Eusko Jaurlaritzako Ingurumenaren Kalitatearen Zuzendaritzak txostena eskatu zien honako erakunde hauei: Zamudioko Udalari, Bilbao Bizkaia Ur Partzuergoari, Bizkaiko Foru Aldundiko Kulturako Zuzendaritza Nagusiari eta Ingurumen Zuzendaritza Nagusiari, Kultura Ondarearen Zuzendaritzari, Biodibertsitate eta Ingurumen Partaidetzaren Zuzendaritzari, Ingurumen Plangintzako Zuzendaritzari, Uraren Euskal Agentziari eta Eusko Jaurlaritzako Osasun eta Kontsumo Sailari. Eskaera horren emaitza espedientean ageri da.

2011ko urriaren 20an, Kutsaduraren Prebentzio eta Kontrol Integratuari buruzko uztailaren 1eko 16/2001 Legearen 20. artikuluan xedatutakoa betez, espediente osoa Bial Industrial Farmacéutica SAren esku utzi zen, Ingurumen, Lurralde Plangintza, Nekazaritza eta Arrantza Sailak egindako ebazpen-proposamenaren zirriborroa erantsita.

2011ko urriaren 26an, Bial Industrial Farmacéutica SAk idatzi bat bidali zuen, ebazpen-proposamenaren zirriborroan adierazitako baldintzak onartzen zituela adierazteko.

ZUZENBIDE-OINARRIAK

Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitzea eta kontrolatzea, kutsadura prebenitzeko eta kontrolatzeko sistema integratu bat ezarriz; helburua da ingurumen guztia ongi babestea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea gauzatzeko eta garatzeko, Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoaren arabera, baimen honetan sartzen dira, 16/2002 Legearen 1. eranskinean aipatu ez arren, lege horren aplikazio-eremukoak diren jardueren instalazioetan gauzatzen diren eta jarduera horrekin zerikusi teknikoa duten ekoizpen-elementu eta -lerro guztiak.

16/2002 Legearen 9. artikuluak ezartzen duena betez, ingurumen-baimen bateratua behar dute 1. eranskineko jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen horren oinarrizko helburua baldintzak ezartzea da, araua aplika daitekeen instalazio guztietan arau hori betetzen dela bermatzeko; horretarako, baimena emateko parte hartuko duten herri-administrazio guztien artean koordinatuta izango den prozedura bat erabili nahi da, izapideak erraztearren eta partikularrek ordaindu beharreko kargak gutxitzearren. Era berean, indarrean dagoen arautegiaren araberako ingurumeneko administrazio-baimen guztiak egintza administratibo bakar batean bildu nahi dira. Bial Industrial Farmacéutica SAren kasuan, baimen hauek guztiak behar ditu: hondakinak sortzeko baimena, saneamendu-sare nagusira isurtzekoa, atmosferara isurtzekoa eta, ingurumen-arloko beste zehaztapen batzuen artean, lurzoruaren kutsadura prebenitzeari eta zuzentzeari dagozkion baimenak. Gainera, espedientean beste administrazio eta erakunde eskudun batzuek ere parte hartu dute, aginduzko txostenak eginez.

Uztailaren 1eko 16/2002 Legearen 29. artikuluan xedatutakoarekin bat, ingurumen-baimen integratua emateko prozedurak jarduera sailkatuen udal-baimena emateko prozedura ordeztuko du, udal-agintarien behin betiko ebazpenean izan ezik. Ondorio horietarako, ingurumen-baimen integratua, hala badagokio, loteslea izango da udal-agintarientzat, lizentziak ukatzea edo neurri zuzentzaileak ezartzea baldin badakar, bai eta 16/2002 Legearen 22. artikuluan jasotako ingurumen-alderdietarako ere. Aipatutako 29. artikuluan adierazten da aurrez xedatutakoak ez diela kalterik egiten jarduera sailkatuei buruzko arau autonomiko aplikagarriei, eta, Euskal Autonomia Erkidegoaren kasuan, jarduera sailkatuen araubidea Euskal Autonomia Erkidegoko Ingurumena Babesteko otsailaren 27ko 3/1998 Legean araututa dago. Transkribaturiko aginduak aplikatuz, Bial Industrial Farmacéutica SAri dagokion ingurumen-baimen integratuaren prozedurak barne hartu ditu Euskal Autonomia Erkidegoko Ingurumenari buruzko otsailaren 27ko 3/1998 Lege Orokorrean ezarritako izapideak; horrez gain, honako erakunde hauen txostenak erantsi dira (espedientean ageri da txosten horien emaitza): Zamudioko Udalarena; Bizkaiko Ur Partzuergoarena; Bizkaiko Foru Aldundiko Kultura Zuzendaritzarena eta Ingurumen Zuzendaritzarena eta Kultura Ondarearen Zuzendaritzarena; eta Eusko Jaurlaritzako Biodibertsitaterako eta Ingurumen Partaidetzarako Zuzendaritzarena, Ingurumenaren Plangintzaren Zuzendaritzarena, Uraren Euskal Agentziarena eta Osasun eta Kontsumo Sailarena.

Bestalde, Euskal Autonomia Erkidegoko Ingurumena Babesteko otsailaren 27ko 3/1998 Lege Orokorraren 41. artikuluan xedatutakoaren arabera, ingurumen-inpaktuari buruzko ebaluazioaren prozedura bete behar dute nahitaez, Legearen 1. eranskinean jasota egonik, Euskal Autonomia Erkidegoan egin nahi diren plan eta proiektu publiko zein pribatuek. Prozedura hori ingurumen-inpaktuari buruzko adierazpenarekin amaitzen da, eta adierazpen hori beharrezkoa da aipatutako proiektuak gauzatzeko edo baimentzeko administrazio-ebazpena eman ahal izateko.

Era berean, uztailaren 1eko 16/2002 Legearen 11.4 artikuluan xedatutakoa betez, autonomia-erkidegoek beharrezkoa dena xedatuko dute, ingurumen-inpaktuaren ebaluaziorako jarduerak eta araudi autonomikoan ingurumen-inpaktua ebaluatzeko ezarritako beste figura batzuk ingurumen-baimen integratua emateko prozeduran sartu ahal izateko, hala eska badaiteke eta autonomia-erkidegoak badu horretarako eskumena.

Uztailaren 1eko 16/2002 Legeko aginduak betez, ingurumen-organoak neurriak hartu ditu ingurumen-inpaktua ebaluatzeko jarduerak ingurumen-baimen integratuaren prozeduran txertatzeko. Alde horretatik, aipaturiko prozedura horren izapideetan, batera hartu dira kontuan proiektuak izan ditzakeen eraginak, ingurumen-inpaktuaren ebaluazioari buruzko araudiaren ikuspegitik eta uztailaren 1eko 16/2002 Legean jasotako gainerako ingurumen-manuen ikuspegitik zehaztearren proiektuaren bideragarritasuna. Bateratze hori ikus daiteke, halaber, ingurumen-baimen integratua emateko ebazpen-proposamenaren aurreko proiektuaren balorazio orokorrean. Proposamenean bezala, ebazpen honetan ere sartuta dago ingurumen-inpaktua ebaluatzeko aipatutako prozesuaren emaitza. Horretarako, proiektuaren ingurumen-inpaktuaren adierazpena egiten du lehenengo idatz-zatian, aldeko irizpenarekin, eta aukeratutako kokapenean proiektua bideragarria dela aipatzen du, ingurumen-ondorioetarako soilik; proiektua zer baldintzatan gauzatu behar den ere ezartzen du, eta baldintza horiek koherenteak dira uztailaren 1eko 16/2002 Legea aplikatuz proiektuari ezarriko zaizkion neurri zuzentzaileekin.

Azkenik, instalazioak gehienez isuri ditzakeen substantzia kutsagarrien emisioko muga-balioak ezartzeko, eta, ingurumena ahalik eta gehien babeste aldera, instalazioa ustiatzeko beste baldintza batzuk ezartzeko, ebazpen hau egiterakoan kontuan izan dira eskura diren teknika onenak nahiz sektoreko legeria aplikagarriak ezarritako neurriak eta baldintzak. Bereziki aintzat hartu da Europako Batzordearen 2006ko abuztuko Reference Document on Best Available Techniques for the Surface Treatment of Metals and Plastics BREF agiriaren edukia.

Honaino azaldutakoaren ondorioz, behin espedientean eragina duten txostenak aztertu ondoren, ebazpen-proposamena sinatu zen, eta horri Bial Industrias Seur SAk sustaturiko proiektuari aplikagarri zaizkion baldintzak gehitu zitzaizkion.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da.

Ingurumen, Lurralde Plangintza, Nekazaritza eta Arrantza Sailaren egitura organikoa eta funtzionala ezartzen duen abenduaren 22ko 629/2009 Dekretuaren arabera, organo honek eskumena du ingurumen-inpaktuari buruzko adierazpena egiteko eta ingurumen-baimen integratua emateko.

Agiri hauek guztiak aztertu dira: 2011ko urriaren 20ko Ebazpena, Ingurumen, Lurralde Plangintza, Nekazaritza eta Arrantza Sailarena; otsailaren 27ko 3/1998 Legea, Euskal Herriko Ingurugiroa Babesteko Lege Orokorra; uztailaren 1eko 16/2002 Legea, Kutsaduraren Prebentzio eta Kontrol Integratuari buruzkoa; urtarrilaren 11ko 1/2008 Errege Lege Dekretua, proiektuen ingurumen-inpaktua ebaluatzeko Legearen testu bategina onesten duena; irailaren 30eko 1131/1988 Errege Dekretua, ingurumen-inpaktua ebaluatzeko araudia onesten duena; abenduaren 22ko 629/2009 Dekretua, Ingurumen, Lurralde Plangintza, Nekazaritza eta Arrantza Sailaren egitura organikoa eta funtzionala ezartzen duena; eta azaroaren 26ko 30/1992 Legea, Herri Administrazioen Araubide Juridikoarena eta Administrazio Prozedura Erkidearena. Horrez gain, aplikatu beharreko gainerako araudiak ere aintzat hartu dira, eta, horrenbestez, honako hau

EBAZTEN DUT:

Lehenengoa.- Bial Industrial Farmacéutica SAk, botika-produktuak fabrikatzeko, Zamudioko udal-mugartean sustatutako instalazioaren ingurumen-inpaktuaren adierazpena egitea, ebazpen honen hirugarren idatz-zatian ezarritako baldintzekin.

Bigarrena.- Bial Industrial Farmacéutica SAri (egoitza soziala: Urquijo zumardia 27, Apattaerreka industrialdea, Bilbao; IFZ: A-48956445) ingurumen-baimen integratua ematea, Zamudioko udal-mugartean farmazia-produktuak fabrikatzeko instalazio baterako, ebazpen honen hirugarren idatz-zatian ezarritako baldintzekin.

Jarduera Kutsaduraren Prebentzio eta Kontrol Integratuari buruzko Legearen 1. eranskineko ondorengo kategoria honetan sartzen da: 4.5 «oinarrizko medikamentuak fabrikatzeko prozedura kimikoa edo biologikoa erabiltzen duten instalazio kimikoak».

Bial Industrial Farmacéutica SAren jarduera nagusia da txertoak ekoiztea, eta hiru lerro hartzen ditu barne: txerto alergenikoena, aktibatu gabeko txertoena eta fermentazio bakterianoaren bidez birkonbinatzen diren txertoak. Hiru lerro horietan proteinak ekoiztuko dira eta, ondoren, dosifikazio aseptikoko arloan ontziratuko.

Hona txerto-mota bakoitzaren kopuruak:

Txerto alergenikoak 1.700.000 unitate.

Aktibatu gabeko txertoak 100.000 unitate.

Txerto birkonbinatzaileak 200.000 unitate.

Instalazioek 10.384,70 m2-ko lursaila hartzen dute; horietatik, 2.857,55 m2 eraikiak daude eta gainerakoak, espaloiak, zolaketak eta lorategiak dira.

Era askotako produktu-sorta batetik (landare eta arbolen polenak, akaroak, inguruneko onddoak, jakiak, irinak, eta abar) estraktu alergenikoak ateraraztean eta garbitzean datza txerto alergenikoak fabrikatzeko prozesua.

Produktu jakin batzuk koipegabetzen dira, lehenengo eta behin, disolbatzaile organikoak erabilita (eter dietilikoa edo azetona). Lurrun organiko lurrunkorretarako filtro berezia duen gas-kanpai baten pean egiten da deskoipetze-prozesua, deflagrazioen kontrako areto batean.

Produkzio-prozesuaren gainerako etapetan zenbait ur-erazketa eta garbiketa egiten dira elkarren segidan, estraktu alergeniko liofilizatua lortu arte. Estraktu liofilizatua dagokion diluitzaileen disolbatuta prestatzen da azken produktua.

Aktibatu gabeko txertoak produzitzeko lerroa pazienteei ateratako laginetik lortutako mikroorganismoekin egiten da (autotxertoetarako) edo esekidura autoklabatuaren bidez azken esterilizazioko prozesu baten pean jartzen diren bilduma-anduiekin. Bigarren 2 taldeko eragile biologikoak, bizirik daudenak, manipulatuko dira, depresioko kontrolpeko zona batean, euste-mekanismo gisa erabilita, IIA. motako segurtasun biologikoko kabina baten pean.

Azkenik, txerto birkonbinatzaileen hirugarren produkzio-lerroa ere badago eta bakterio-kulturatik datozen proteinak produzitzean eta garbitzean datza. Lortzen diren proteinak garbitu egiten dira, etapa kromatografikoen, ultrafiltraziokoen eta zentrifugaziokoen bidez. Garbiketa maila handiko proteinak printzipio aktibo gisa erabiltzen dira, ondoren in vivo diagnostikoak egiteko erabiliko direnak. Arazteko teknikak dira ultrafiltrazio tangentziala eta metodo kromatografiko estandarrak, hala nola, afinitateko kromatografiak, truke ionikoa, interakzio hidrofobikoa eta molekula-bahetzea.

Hauek dira fabrikan erabiltzen diren lehengai nagusiak: txerto alergenikoak lortzeko erabiltzen diren produktu organikoak (arraina, frutak, onddoak eta bestelako produktu begetalak), eszipienteak (gatz-disoluzioak, fenola, glizerola, baselina eta parazetamola), laboratorioko erraktiboak (metanola, azetona, azido borikoa eta akrilamida) eta azken produktua kapsuletan sartzeko eta egokitzeko erabiltzen diren gaiak (aluminiozko kapsulak, beirazko flaskoak, tantaz tantako dosifikagailuak eta xiringak).

Instalazioa energiaz hornitzen duten iturriak honako hauek dira: gas naturala, lurrina produzitzeko galdaretarako; energia elektrikoa (urterako aurreikusitako kontsumoa: 2.888.000 kWh) eta gasolioa, fabrikako multzo elektrogenetarako.

Zamudioko Parke Teknologikoko saretik dator zuzenean Bial Industrial Farmacéutica SAko instalazioetan kontsumitzen den ura, eta erabilpen hauek ditu: sanitarioetarako, garbiketetarako, hozte- eta berotze-sistemetarako eta botiken produkzio orokorrerako. Urtean, 3.446 m3 sareko ur kontsumitzen da.

Hiru hondakin-ur mota produzitzen dira: sanitarioak, garbiketakoak eta galdaren purgetakoak. Ur horiek denak batera jasotzen eta tratatzen dira homogeneizatze-tanga batean, zeinak phko doiketa baitauka, Zamudioko Parke Teknologikoko gorotz-sarera bota aurretik. Parke Teknologikoak gorotz-urak eta euri-urak banantzeko sare bat dauka; eta azken sare horretara botatzen da instalazioan jasotzen den euri-ura, kontaminatzailerik gabea.

Bestalde, garbiketa-urak, mikroorganismoekin kontaktuan egon daitezkeenak, kill-tank izeneko sistemaren bidez deskontaminatzen dira eta ondoren kanpora eramaten dira hondakin gisa. Kill-tank sistema 200 litro orduko tratatzeko gauza da.

Bial Industrial Farmacéutica SAk emisioko foku sistematiko bat dauka, lurrin-galdarari lotua. Era berean, lau foku ez sistematikoak ditu, denboraren ehuneko 5ean baino gutxiagotan dabilen multzo elektrogenoari eta laborategiko hiru kanpaiei dagozkienak.

Laborategiko hondakinak, espezifikaziotik gabeko botiken hondakinak eta produktu kimikoen ontziak dira fabrikan sortzen diren hondakin arriskutsu nagusiak; arriskutsuak ez diren hondakin nagusiak, berriz, ura arazterakoan zein ontziratze-prozesuen eta bulegoko lanen hondakinak dira.

Jarduerak, besteak beste, eskuragarri dauden teknika onentzat (MTDs) har daitezkeen neurri hauek hartzen ditu barne: produkzio-zonak isolatzea eta euren aireztatze mekanikoa egitea; hondakin-uren, berotze- eta hozte-sistemen uren eta hozketako uren fluxuak segregatzea, eta kontsumoa gutxitzea hondar-beroaren fluxuak berriz erabiliz.

Hirugarrena.- Ondorengo baldintzak eta betekizunak ezartzea Bial Industrial Farmacéutica SAk Zamudioko udal-mugartean sustatutako farmazia-produktuen fabrika instalatzeko.

A) Administrazioarekiko harremanekin arduratzen den goi tituludunaz emandako datuen edozein aldaketaren berri emango dio Bial Industrial Farmacéutica SA enpresak Ingurumen Sailburuordetzari.

B) Euskal Autonomia Erkidegoko Ingurumena Babesteko otsailaren 27ko 3/1998 Lege Orokorraren 47.8 artikuluak ezartzen duen epea bi urtekoa da, ebazpen hau jakinarazten denetik kontatzen hasita. Horretarako, sustatzaileak Ingurumen Sailburuordetzari jakinarazi beharko dio, gutxienez hilabete lehenago, noizko aurreikusten den proiektua gauzatzen hastea.

C) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita dagoen bezala gauzatuko dira, indarrean dagoen araudia eta ondorengo idatz-zatietan ezarritakoa betez.

C.1.- Instalazioak eraikitzeko baldintza orokorrak.

C.1.1.- Jarduera-eremua mugatzea.

a) Obrak eta lurzorua okupatzea dakarten eragiketa osagarriak proiektuaren mugen barruan burutuko dira. Aipatutako mugetatik kanpo, ahalik eta gehien murriztuko da obretako makinen eta ibilgailuen zirkulazioa.

b) Aipatutako eremu horretatik kanpo halabeharrezko eraginak izanez gero, eragina zuzentzeko eta lehengoratzeko neurri egokiak aplikatuko dira.

c) Obrarako sarbideak, makinak edukitzeko guneak, obra-materialak aldi batean biltegiratzeko tokiak nahiz hondeaketa-lurrak eta hondakinak aldi baterako metatzeko tokiak ingurumenean ahalik eta gutxien eragiteko irizpideen arabera pentsatuko dira. Obrak hasi aurretik, alderdi horiek behar bezala zehaztuko dira xehetasunezko kartografian.

C.1.2.- Ura eta lurzorua babesteko neurriak.

a) Eraikuntza-lanak egin bitartean, ahalik eta material xehe gutxien bota behar da drainatze naturaleko sarera. Horretarako, urak bideratzeko gailuak eta solido esekiei eusteko sistemak proiektatu eta egingo dira, obren ondorioz kutsatutako urak bertan biltzeko.

Gailu horien neurriak ezartzean, beharrezko kalkulu hidraulikoak egingo dira, honako hauek bermatzeko: solidoen atxikipen ezin hobea, eta, nolanahi ere, lokalizatutako isurketa, indarrean dagoen araudiaren araberakoa, uraren parametro fisiko-kimikoei dagokienez. Dekantatutako sedimentuak aldizka jasoko dira eta euren ezaugarrien arabera kudeatuko dira.

Sistema horien kokalekua eta neurri zehatzak ebazpen honetako C.1.10 idatz-zatian aipatzen den lan-programan jasoko dira.

b) Obrako makinak edukitzeko eta horien mantentze-lanak egiteko tokia drainatze naturaleko saretik bereiziko da. Zola iragazgaitza eta efluenteak biltzeko sistema izango ditu, lurzorua eta ura olio eta erregaien eraginaren ondorioz kutsa ez daitezen. Gune horretatik kanpo ezin izango da erregairik kargatu edo deskargatu, olio-aldaketarik egin edo tailerreko berezko jarduerarik egin.

C.1.3.- Hauts-emisioak murrizteko neurriak.

a) Obrek irauten duten bitartean, zorrotz kontrolatuko dira ibilgailuak pasatzeko bideen eta bestelako eremuen garbiketa-lanak, bai obren eraginpean dagoen eremuan, bai obrara sartzeko bideetan. Pistak eta aldi baterako soil egongo diren eremuak ureztatzeko sistema bat jarriko da.

b) Obra-guneko irteeran ibilgailuak garbitzeko gailuak jarriko dituzte, solidoak biltzeko sistema bati kateatuta. Gailu horien ezaugarriak eta horien lokalizazio zehatza jaso beharko dira ebazpen honen C.1.10 puntuan aipaturiko agirietan.

C.1.4.- Zaratak, dardarak eta haien eraginak gutxitzeko neurriak.

Zaratari buruzko azaroaren 17ko 37/2003 Legea garatzen duen urriaren 19ko 1367/2007 Errege Dekretuaren 22. artikuluan ezarritakoaren arabera, zonakatze akustiko, kalitate-helburu eta emisio akustikoei dagokienez, obrak egitean erabiliko diren makinak egokitu egin beharko dira kanpoan erabiltzeko makinen soinu-emisioei buruz indarrean dagoen araudian ezarritako aginduetara, eta, bereziki, eta hala badagokie, kanpoan erabiltzeko makinek ingurumenean sortzen dituzten soinu-emisioak arautzen dituen otsailaren 22ko 212/2002 Errege Dekretuan eta arau osagarrietan ezarritakora.

C.1.5.- Hondakinak kudeatzeko neurriak.

a) Obrek iraun bitartean sortutako hondakinak, hau da, obra-lekuak prestatzeko lanetatik sortzen direnak, bilgarriak, baztertzen diren lehengaiak eta garbiketa-lanetako soberakinak, Hondakinei buruzko uztailaren 28ko 22/2011 Legean eta aplikagarri diren araudi zehatzetan ezarritakoaren arabera kudeatuko dira.

b) Obran sortutako hondakin guztiak, horien balorizazioa teknikoki eta ekonomikoki bideragarria bada, hondakinen balio-emaile baimendu bati igorri beharko zaizkio zuzenean edo zeharka. Teknikoki, ekonomikoki edo ingurumen-ikuspegitik balioztatzea bideraezina dela behar bezala ziurtatu ondoren soilik deuseztatu ahal izango dira hondakinak.

c) Eraikuntzako eta eraispeneko hondakinak kudeatzeko, eraikuntzako eta eraispeneko hondakinak sortzea eta kudeatzea arautzen duen otsailaren 1eko 105/2008 Errege Dekretuan ezarritakoa hartuko da aintzat. Horren haritik, eraikuntzako eta eraispeneko hondakinak kudeatzeko azterlan bat erantsi beharko zaio eraikuntza-proiektuari, otsailaren 1eko 105/2008 Errege Dekretu horren 4.1.a) artikuluan ezarritako edukiarekin.

d) Zabortegira bidali beharreko hondakinak, hondakinak zabortegietan utzita deuseztatzea arautzen duen abenduaren 27ko 1481/2001 Errege Dekretuaren eta hondakinak hondakindegietan biltegiratuta eta betelanak eginda ezabatzea arautzen duen otsailaren 24ko 49/2009 Dekretuaren arabera kudeatuko dira. Hondakin horiek karakterizatu egin beharko dira 2002ko abendfuaren 19ko Kontseiluak hartutako 2003/33/EE Erabakiaren arabera; erabaki horrek hondakinak zabortegietan onartzeko irizpide eta prozedurak ezartzen ditu, 1999/31/EEE Zuzentarauaren 16. artikuluari eta II. eranskinari jarraituz.

e) Jarduerako material-soberakinak betelanak egiteko erabiltzen badira, otsailaren 24ko 49/2009 Dekretuan ezarritako baldintzak bete beharko dira.

f) Lur-beteketetan kutsatzaile-edukia A ebaluazioko balio adierazleetan (EBA-A) ezarritako baloreen azpitik duten materialak bakarrik baimenduko dira. Adierazle horiek lurzorua ez kutsatzeko eta kutsatutakoa garbitzeko otsailaren 4ko 1/2005 Legearen I. eranskinean daude jasota.

g) Hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko Erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak bete beharko dituzte hondakin arriskutsuak dituzten ontziek, eta itxita egon beharko dute kudeatzaileri eman arte, isurita edo lurrunduta gal ez daitezen.

Aurreko paragrafoan aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa aipatutako uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

h) Bial Industrial Farmacéutica SAk sortzen duen olio erabilia kudeatu beharko du, industriako olio erabiliaren kudeaketa arautzen duen ekainaren 2ko 679/2006 Errege Dekretuarekin eta Euskal Autonomia Erkidegoan erabilitako olioen kudeaketari buruzko irailaren 29ko 259/1998 Dekretuarekin bat etorrita.

i) Hondakinak kudeatzeko araudia bete dadin errazteko, lan guztietan sortutako hondakinak kudeatzeko sistemak jarri beharko dira. Lan horien arduradunek kudeatuko dituzte sistemak, langileek sistemak zuzen erabiltzen dituztela ziurtatzeko ardura izango baitute. Zehazki, ezin izango dira erregaiak eta produktuak biltegiratzetik nahiz makinen mantentze-lanetatik sortzen diren efluenteak kontrolik gabe isuri, eta ezin izango dira hondakinak erre.

Aurrekoaren ildotik, gune espezifiko bat prestatuko da, eta bertan jarriko dira hondakin arriskutsuak (olio-latak, iragazkiak, olioak, pinturak eta abar) aldi baterako gordeko dituzten instalazio estaliak. Gainera, arriskutsuak ez diren hondakinak eta hondakin inerteak biltzeko edukiontzi espezifikoak jarriko dira beste leku batean, aurrekoetatik bereizirik. Edukiontzi horiek itxita egongo dira kudeatzaileari eman arte, edukirik gal ez dadin isurita edo lurrunduta. Era berean, sortutako hondakinak biltzeko gailu estankoak (bidoiak eta abar) jarriko dira obran zehar, eta hondakin horiek izaeraren arabera bereiziko dira, aipatutako puntu garbian aldi baterako biltegiratu aurretik.

j) Obretan sortutako hondakinen ingurumen-jarraipenari buruzko txosten osoa egin beharko da, eta indarrean dagoen legeriak hondakinen kontrolerako, jarraipenerako eta onarpenerako jasotzen dituen agiriak erantsi beharko dira txosten horretan.

C.1.6.- Betegarriak erabiltzeko baldintzak.

Obrak gauzatzeko betegarriak behar izanez gero, hurrengo hauek baino ez dira erabiliko:

1.- Obra honetan hondeatutako materialak, betiere, gai kutsatzaileen edukia lurzorua ez kutsatzeko eta kutsatutakoa garbitzeko otsailaren 4ko 1/2005 Legearen I. eranskinean jasota dauden EBA-A ebaluazioko adierazleen balioa baino baxuagoa badute.

2.- Bigarren mailako agregakina, eraikuntzako eta eraispeneko hondakinen balorizaziotik eratorritakoa.

3.- Zepa beltzak, arku elektrikoko labeetan altzairua ekoizten sortu eta balioztatze-prozesutik igaro ondoren, otsailaren 18ko 34/2003 Dekretuan ezarritako moduan. Dekretu horretan dago araututa Euskal Autonomia Erkidegoan altzairua arku elektrikoko labean ekoiztean sortzen diren zepak balioztatu eta gerora erabiltzea. Zepa horiek ez dira metatuko beti urpean dauden guneetan; oro har lur-beteketak egiteko erabiliko da, beste material naturalen edo obrako material geldoen estradosean.

4.- Agregakin naturalak.

C.1.7.- Kultur ondarea babesteko neurriak.

Euskal Kultura Ondareari buruzko uztailaren 3ko 7/1990 Legean xedatutakoa kaltetu gabe, obran zehar aztarna arkeologikoren bat dakarren aurkikuntzarik eginez gero, Bizkaiko Foru Aldundiko Kultura Sailari horren berri emango zaio berehala, eta hark adieraziko du zein neurri hartu behar den.

C.1.8.- Paisaian integratzea.

Instalazioa eraikitzeko proiektuak instalazioari lotutako lurrak eta instalazioak paisaiara egokitzeko beharrezko aurreikuspenak barneratuko ditu, horiei eremuan integratzen laguntzeko.

Obrek eragiten duten espazioetan egin beharreko lehengoratze-jarduerak proiektuaren 8.2.3 idatz-zatian eta promotoreak aurkeztutako ingurune-inpaktuko ikerketaren arabera (2010eko azaroa) egingo dira.

Aurrekoari kalterik egin gabe, babesteko eta zuzentzeko neurri gehigarri hauek hartuko dira:

a) Lanek erasandako alde guztiak lehengoratuko dira; baita ingurumenaren gaineko eraginaren azterlanean agertzen ez zirenak baina azkenean proiektuaren ondorioz kaltetu direnak ere. Lehengoratze horrek esan nahi du, urbanizatu gabeko aldeetan, landarez estali daitezkeen eremu guztiak landarez berrituko direla, eta herri barruko aldeetan, berriz, lorategietako elementuak berriro jarriko direla.

b) Lur-mugimenduak egitean, lur begetala baztertu, metatu eta era bereizian zabalduko da, eraginpeko eremuaren lehengoratzea eta landare-berritzea errazteko. Landare berriak landatzean kenduko den landaretza-lurra modu egokian biltegiratuko da, lurra ez trinkotzeko, modu desegokian ez pilatzeko eta euria egiten duen egunetan gaizki ez manipulatzeko.

c) Robinia pseudoacacia, Budleia davidii, Cortaderia selloana edo beste landare inbaditzaileak ez zabaltzeko ekintzak burutuko dira. Alde horretatik, landare-estalkia lehengoratzeko erabilitako lurren jatorria kontrolatu beharko da, espezie horiekin kutsatutako lurrak ez erabiltzeko.

d) Ingurua lehengoratu ondorengo bi urtean, mantentze-lanak egingo dira: lurra aitzurtu, ongarritu, ureztatu eta hutsarteak landareberritu.

C.1.9.- Garbitzea eta obra amaitzea.

Obra amaitu ondoren, garbiketa-lan zorrotza egingo da, eta proiektuaren eragina izan duen eremuan obra-soberakin guztiak kenduko dira, erabat garbi utzi arte. Eraispenetatik, enkofratuak kentzetik, eta oro har, garbitze-lanetan sortutako hondakinak lanen eremutik kendu eta ebazpen honetako C.1.5 idatz-zatian xedatutakoaren arabera kudeatuko dira.

C.1.10.- Lan-programa diseinatzea.

Obrak hasi aurretik, kontratistak jarduera-proposamen zehaztu batzuk egin beharko ditu ondorengo azpiataletan adierazitako alderdiei buruz. Proposamen horiek ebazpen honetan kasu bakoitzerako ezartzen diren irizpideen arabera diseinatuko dira; obraren zuzendariak espresuki onartu beharko ditu eta, horren ondoren, lanak egiteko programan txertatuko dira:

a) Kontratistaren instalazioeremuen lokalizazioari eta ezaugarriei eta hondakinak aldi baterako biltegiratzeari buruzko xehetasunak, ebazpen honen C.1.1 eta C.1.5 ataletan aurreikusitakoarekin bat etorriz.

b) Ura eramateko sareen xehetasunak eta solido esekiak atxikitzeko gailuen lokalizazioa, ebazpen honen C.1.2 idatzi-zatian aurreikusitakoak.

c) Ibilgailuak garbitzeko gailuen lokalizazioa eta xehetasunak, ebazpen honen C.1.3 idatzi-zatiann aurreikusitakoak.

d) Obran sortutako eraikuntzako eta eraispeneko hondakinak kudeatzeko plana, eraikuntzako eta eraispeneko hondakinak sortzea eta kudeatzea arautzen duen otsailaren 1eko 105/2008 Errege Dekretuaren 5.1 artikuluan aurreikusitakoari jarraiki.

C.1.11.- Jardunbide egokiak kontrolatzea obren garapenean zehar.

Obrak egiten diren bitartean, jardun onaren kontrola egingo da, eta bereziki kontuan hartuko dira honako alderdi hauek: eraginpeko azalera eta ur-baliabideen babesa, hondakinen kudeaketa, hondeaketahondakinak, solido esekiak atxikitzeko gailuen funtzionamendua, hauts eta zarata eta ebazpen honetan adierazitako bestelako alderdiak.

C.1.12.- Obraren amaierako txostena.

Sustatzaileak obraren amaierako txostena bidali beharko du Ingurumen Sailburuordetza honetara. Txosten horretan, obrak egin ahala sortutako gorabeheren berri emango da eta ingurumen-inpaktuaren azterlanean eta ebazpen honetan jasotako babes-neurriak eta neurri zuzentzaileak noraino bete diren adieraziko da.

Horrekin batera, eta hala badagokio, proiektua gauzatu bitartean sartutako aldaketak xehetasunez dokumentatu beharko dira, ingurumenean duten eragina kontuan hartuta. Halaber, eraikuntza-fasean zehar ingurumena zaintzeko eginiko programaren emaitzak eta hondeaketa-materialen helmuga zehatza dokumentatu behar dira, material horien zenbaketari eta ezaugarriei buruzko datuak gehituta.

C.2.- Instalazioak funtzionatzeko baldintza orokorrak.

C.2.1.- Airearen kalitatea babesteko baldintzak.

C.2.1.1.- Baldintza orokorrak.

Bial Industrial Farmacéutica SAren instalazioa atmosferarako emisioei dagokienez ebazpen honetan ezarrita dauden emisioko muga-balioak ez gainditzeko moduan diseinatu, ekipatu, eraiki eta ustiatuko da.

Prozesuan zehar atmosferara isurtzen den kutsatzaile oro bildu eta ihesbide egokienean zehar kanporatuko da, emisio horien ezaugarrien arabera diseinatutako gasak arazteko sistema batetik igaro ondoren, hala badagokio. Arau orokor hori bete beharrik ez dute izango konfinatuak ez diren emisioak biltzea teknikoki edo ekonomikoki bideragarria ez bada, edota ingurunean kalte urria eragiten dutela egiaztatzen bada.

Neurri egokiak hartuko dira ustekabeko isurtzerik ez egiteko, eta haien efluenteek giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatuko eta mantenduko dira, efluenteen tenperatura- eta konposizio-aldaketei modu eraginkorrean aurre egiteko moduan. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

C.2.1.2.- Fokuak identifikatzea. Katalogazioa.

Bial Industrial Farmacéutica SA enpresaren instalazioak ondorengo foku hauek dauzka, atmosferaren babesaren alorrean indarrean dagoen arautegiaren arabera katalogatutakoak:

(Ikus .PDF)

C.2.1.3.- Isurpeneko muga-balioak.

Instalazioa ustiatzean atmosferara egingo diren isurpenek ez dituzte muga-balio hauek gaindituko:

(Ikus .PDF)

Emisioko muga-balioak honako baldintza hauei dagozkie: 273 K-ko tenperatura, 101,3 kPa-ko presioa eta gas lehorra.

Neurtutako parametroek ez dituzte emisioko muga-balioak gainditu behar arauzko aldizkako ikuskapenetan (hiru neurketa, bakoitza ordubetekoa gutxienez). Zortzi orduz neurtu beharko da. eta neurketa-tolerantzia gisa, kasu guztien % 25ean gainditu ahal izango da muga-balioa, zenbatekoak ez badu muga-balioa % 40tik gora gainditzen. Tolerantzia hori gaindituz gero, neurketa-aldia astebetez luzatuko da, eta aldi horretako tolerantzia global gisa, kasuen % 6an, muga-balioa gehienez % 25 gainditzea onartuko da. Tolerantzia horiek gorabehera, gai kutsatzaileak isurtzen dituen fokuaren eragin-eremuko immisio-mailek ezin izango dituzte inoiz higiene aldetik onargarriak diren balioak gainditu.

C.2.1.4.- Gasak biltzeko eta husteko sistemak.

Fokuetako hondakin-gasak kanporatzeko tximiniek ez dute ebazpen honen C.2.1.2 idatz-zatian jasota dagoen gorengo kota baino baxuagoa izango. Tximinietan behar beste neurri ezarriko dira, industriak atmosferan eragiten duen kutsadurari aurre hartzeari eta zuzentzeari buruz 1976ko urriaren 18an Industria Ministerioak emandako Agindua betetzearren; besteak beste, laginak hartzeko puntuetara iristeko sarbide seguru eta errazak izango dituzte.

Zehazki, laginak hartzeko aurrez ikusten diren zuloen kokapena eta ezaugarriei dagokienez, laginak hartzeko gunetik fluxuaren noranzkoaren eta kontrako noranzkoaren (L1 eta L2 parametroak) arabera neurketagunea baino lehenago dagoen fluxu gaseosoko edozein perturbaziora arteko tarteek 1976ko urriaren 18ko Aginduaren III. eranskinean ezartzen denera egokitu beharko dute.

C.2.2.- Saneamendu-sare integralerako isurketarako baldintzak.

C.2.2.1.- Isurketen sailkapena, jatorria, gune hartzailea eta kokapena.

(Ikus .PDF)

C.2.2.2.- Gehienezko isurketa-emariak eta -bolumenak.

1. Isurketa. Ur sanitarioak eta prozesukoak.

(Ikus .PDF)

C.2.2.3.- Isurpeneko muga-balioak.

Azken isurketak Bilbao Bizkaia Ur Partzuergoaren kolektorera doazen isurketei buruzko Erregelamenduan ageri diren mugak eta baldintzak bete beharko ditu, erakunde horrek aintzat har ditzakeen zehaztapen, aldaketa eta salbuespenekin.

C.2.2.4.- Arazketa- eta ebakuazio-instalazioak.

Hondar-ura arazteko instalazioak promotoreak ingurumeneko baimen integratua eskatzean adierazitakoaren araberakoak izango dira, eta ondoren deskribatzen diren oinarrizko elementuak izango dituzte.

Ur sanitarioak eta prozesukoak lurperatutako 60 m3-ko edukierako homogeneizatze-baltsa batera eramango dira, eta hantxe neutralizatuko dira azido klorhidrikoa, pH kontrola eta guzti, botaz. Era berean, urak mikroorganismoak eraman ditzaketela susmatzen denean, Kill-Tank sistemaren bidez tratatu beharko dira, eta, behin tratatu ondoren, fabrikatik kanpo ebakuatuko dira hondakin gisa.

Hartutako neurri zuzentzaileak nahikoak ez direla egiaztatuz gero, Bial Industrial Farmacéutica SAk beharrezkoak diren aldaketak egin behar izango ditu arazteko instalazioetan, isurketak baimendutako ezaugarrietara egokitzeko, Administrazioari jakinarazi ondoren, eta, hala badagokio, baimena aldatzeko eskatuko du.

Aurkeztutako dokumentazioarekin bat etorriz, kontrol-kutxa jarriko da baimendutako industria-ura isurtzeko. Kontrol-kutxak isurien lagin adierazgarriak lortu ahal izateko beharrezko diren ezaugarriak izan beharko ditu. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

C.2.3.- Lantegian sortutako hondakinak egoki kudeatzen direla bermatzeko baldintzak:

a) Instalazioetan sortutako hondakin guztiak Hondakinei buruzko apirilaren 21eko 22/2011 Legean eta aplikatzen diren arautegi espezifikoetan ezarritakoaren arabera kudeatuko dira eta kasuan kasu, karakterizatu egin beharko dira beren izaera eta helbururik egokietan zehazteko.

b) Espresuki debekatuta dago sortutako hondakin tipologia desberdinak elkarren artean edo beste hondakin edo efluente batzuekin nahastea, haiek beren jatorritik sakabanatuz eta nahasketa horiek ekiditeko biltze eta biltegiratzeko baliabideak eskuragarri daudenean.

c) Hondakinen kudeaketari buruzko printzipio hierarkikoei jarraituz, hondakin oro balioztatu egin behar da eta horretarako kudeaketagune baimendu batera eraman behar dira. Kasu honetan soilik ezabatu ahal izango dira hondakinak: behar bezala egiaztatzen bada ez dela bideragarria horiek balioztatzea teknika, ekonomia edota ingurumen aldetik. Birsortzea eta berrerabiltzea lehenetsiko dira, balioztatzeko beste modu material edo energetikoen aurretik.

d) Era berean, hondakinak tratatzeko instalazio baimenduak baldin badaude Euskal Autonomia Erkidegoan, instalazio horietara bidaliko dira lehentasunez, autosufizientzia- eta gertutasun-printzipioei jarraituz.

e) Hondakinen azken erabilera zabortegi baimenduan ezabatzea dela aurreikusten baldin bada, orduan hondakinen ezaugarriak zehazteko Kontseiluaren 2002ko abenduaren 19ko 2003/33/EE Erabakian xedatutakoarekin (hondakinak zabortegian hartzeko irizpideak eta prozedurak ezartzen dituena) eta otsailaren 24ko 49/2009 Dekretuan ezarritako jarraibideekin (hondakinak zabortegian bilduz ezabatzea eta betegarriak egikaritzea arautzen duena) bat etorrita.

f) Instalazioan sortutako hondakinen kopurua, ebazpen honetan jasotakoa, orientagarria da soilik, eta jardueraren ekoizpen-aldeak eta hondakin-ekoizpenaren eta hondakin-sortzearen arteko erlazioa kontuan hartuta kalkulatu da (jardueraren adierazlean adierazita daude). 16/2002 Legearen 10. artikuluan (2.d paragrafoan) ezarritakoari kalterik egin gabe, instalazioko aldaketen sailkapenerako, sortutako hondakinen kopurua handitzeak aurretik ezarritako biltegiratze- eta ontziratze-baldintzak aldatzea dakarrenean soilik eskatu beharko da baimena egokitzea.

g) Hondakinak biltzeko guneak edo guneek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isuriak edo lixibatuak sor ditzaketen hondakinetarako, hondakinak biltzeko tanga edo sistema egokiak jarriko dira, ezbeharrez gerta daitezkeen jarioak kanpora irten ez daitezen. Hauts itxurako hondakinen kasuan, hondakinak euri-urarekin kontaktuan egotea edo haizeak herrestatzea ekidingo da, eta, beharrezkoa izanez gero, estali egingo dira.

h) Hondakinak desagertu, galdu edo isurtzen baldin badira, jazoera hori berehala jakinarazi beharko zaie bai Ingurumen Sailburuordetzari bai Zamudioko Udalari.

i) Erregistro bat egingo da, hondakin arriskutsuei buruzko datu hauek agerrarazteko: kantitatea, izaera, identifikazio-kodea, jatorria, tratatzeko metodo eta tokiak, hondakin guztien sorrera- eta lagatze-datak, biltzeko maiztasuna eta garraiatzeko modua.

Ingurumen-organoari artxibo horren kopia bidali beharko zaio urtean behin arriskutsuak ez diren hondakinen kasuan eta sei hilean behin hondakin arriskutsuen kasuan.

C.2.3.1.- Hondakin arriskutsuak.

a) Sustatzaileak aitortutako hondakin arriskutsuak.

● 1. Prozesua: Zerbitzu Orokorrak.

○ 1. motako hondakina: Produktu kimikoen ontziak.

- Identifikazioa: A48004360/NIMA/1/ 1.

- Hondakinaren kodea: Q5//R5//S36//C5//H8//A651// B0003.

- EHZ: 150110.

- Urtean sortutako kantitatea: 2.000 kg.

Lehengaiak jasotzerakoan sortzen dira; beirazko eta plastikozko ontziak dira. Beirazkoak 100 litroko metalezko edukiontzietan sartuko dira eta plastikozkoak, berriz, paletetan, hornitzaileei bueltatzeko. Hondakin horretarako identifikatutako gunean jasotzen dira, hondakin arriskutsuen biltegian.

● 2. Prozesua: Txertoak Produzitzea.

○ 1. motako hondakina: Laborategiko hondakinak.

- Identifikazioa: A48004360/NIMA/2/ 1.

- Hondakinaren kodea: Q7//D9//L5//C51//H8//A651//B5701.

- EHZ: 160506.

- Urtean sortutako kantitatea: 5.000 kg.

Laborategiko analisietan zenbait produktu kimiko erabiltzearen ondorioz sortzen da.

25 litroko plastikozko bidoian jasotzen dira, eta hondakin-mota horretarako identifikatzen.

○ 2. motako hondakina: DQO handia duen prozesuko hondakin likidoa.

- Identifikazioa: A48004360/NIMA/2/ 2.

- Hondakinaren kodea: Q7//D9//L34//C33//H14//A651// B5716.

- EHZ: 070501.

- Urtean sortutako kantitatea: 2.000 kg.

Fabrikaren produkzio-prozesuan eta hura garbitzean sortzen dira; gutxi gorabehera 1.000 litro duen depositu bat dago, edukiera bereko pertz bat daukana hondakinok biltegiratzeko.

○ 3. motako hondakina: Konpresoretik datozen purgak.

- Identifikazioa: A48004360/NIMA/2/ 3.

- Hondakinaren kodea: Q7//R9//L8//C51//H5//A651// B0001.

- EHZ: 130105.

- Urtean sortutako kantitatea: 1.000 kg.

Konpresorea purgatzean sortzen dira; erretiluetan jasotzen dira eta 50 litroko plastikozko bidoietan biltegiratzen dira.

○ 4. motako hondakina: Erabilitako olioak.

- Identifikazioa: A48004360/NIMA/2/ 4.

- Hondakinaren kodea: Q7//D9//L8//C51//H5//A651//B0001.

- EHZ: 130111.

- Urtean sortutako kantitatea: 200 kg.

Mantentze-lanetan sortzen dira, zehazkiago olioa berriz botatzean. Hondakin horretarako identifikatutako bidoietan jasotzen dira; 200 litro ingurukoak dira bidoiak.

○ 5. motako hondakina: Espefizikazioetatik kanpoko botikak.

- Identifikazioa: A48004360/NIMA/2/ 5.

- Hondakinaren kodea: Q5//R5//S36//C5//H8//A651// B0003.

- EHZ: 070513.

- Urtean sortutako kantitatea: 100 kg.

- Destinoa: Kudeatzaile baimendua.

Kalitate-kontrolean baztertutako produktuak, itzulitakoak eta iraungitakoak.

○ 6. motako hondakina: Disolbatzaileak eta disolbatzaileen hondarrak.

- Identifikazioa: A48004360/NIMA/2/ 6.

- Hondakinaren kodea: Q7//R2//L5//C41//H3-B//A651// B5703.

- EHZ: 070504.

- Urtean sortutako kantitatea: 450 kg.

Txerto alergenikoak produzitzerakoan egiten den deskoipetze-fasean sortzen dira; etapa horretan disolbatzaile organikoak erabilita erauzketa bat egiten baita. Kalitate-kontrolean ere sor daitezke.

○ 7. motako hondakina: Laboratoriok kanpanen filtroak.

- Identifikazioa: A48004360/NIMA/2/ 7.

- Hondakinaren kodea: Q9//D10//S28//C21-41//H6//A651// B5703.

- EHZ: 150202.

- Urtean sortutako kantitatea: 450 kg.

Laborategiko gasak ateratzeko kanpaien filtroak aldatzean sortzen dira. Filtro horiek disolbatzaile organikoak eta zianuroa atxikitzeko erabili direnez disolbatzaile horien hondarrak eta zianuro-aztarnak dituzte.

Hondakin arriskutsu bakoitzari dagokion izendapena eta kodifikazioa hondakin bakoitzaren egoera eta ezaugarriak kontuan hartuta ezartzen da, eta horiei buruzko informazioa baimena izapidetzerakoan jasotzen da. Kode batzuek aldaketaren bat izan badezakete ere, beste batzuk, oinarrizkoak direlako, aldatu gabe utzi behar dira ekoizpen-jardueran. Hondakina zein motatakoa den eta zein osagai arriskutsu dituen (ekainaren 20ko 952/1997 Errege Dekretuaren I. eranskinean xehetasunez jasoa) definitzen dute, bai eta hondakina zein jarduera eta zein prozesuk sortzen duten ere (uztailaren 20ko 833/1988 Errege Dekretuaren I. eranskinean xehetasunez jasoa).Kudeaketa-bideetan hierarkizazioa zuzena dela eta bai Hondakinak Kudeatzeko Erkidegoko Estrategian bai Euskal Autonomia Erkidegoko Ingurumeneko II. Esparru Programan (2011-2014) ezarritakoa betetzen dela bermatzeko, hondakin bakoitzaren onarpen-agirietan jasotako informazioa organo honek onartu beharko du, eta, aurrez, dagokion kudeatzaile baimenduak horretarako eskaria egin.

Egiaztatzeak garrantzi berezia izango du, baldin eta ordura arte berreskurapena edo balioztatzea kudeatzeko eragiketa-kodearen arabera kudeatu diren hondakinen onartze-agirietan lagatze- edo ezabatze-kodeak balidatzeko eskatzen bada.

b) Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

c) Hondakin arriskutsuen ontziraketarako, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko Erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak bete beharko dira. Hondakin arriskutsuak dauzkaten ontzi eta ontzikiek itxita egon beharko dute kudeatzaileri eman arte, isurita edo lurrunduta gal ez daitezen.

d) Aurreko idatz-zatian aipatutako ontzi edo ontzikiek etiketatuta egon behar dute; argi, erraz irakurtzeko moduan, ez ezabatzeko moduan, eta uztailaren 20ko 833/1988 Errege Dekretuaren 14.artikuluan horretarako adierazitako jarraibideetan oinarrituta.

e) Hondakin arriskutsuak gehienez 6 hilabetez eduki behar dira biltegiratuta. Ingurumen-organoak epe hori aldatu ahalko du, behar bezala justifikatutako arrazoiak direla-medio eta betiere gizakion osasuna eta ingurumena babestuko dela bermatzen bada.

f) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik, eta, behar izanez gero, hondakinen kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua ongi egokitzen zaiela ebazpen honetako printzipio hierarkikoei.

g) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Bial Industrial Farmacéutica SAk onarpen- eta kontrol- eta segimendu-agiriak edo horren parekideak diren agiri ofizialak erregistratu beharko ditu eta artxibo batean agiri horiek gorde.

h) Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

i) Bial Industrial Farmacéutica SAk sortzen duen olio erabilia kudeatu beharko du, industriako olio erabiliaren kudeaketa arautzen duen ekainaren 2ko 679/2006 Errege Dekretuarekin eta Euskal Autonomia Erkidegoan erabilitako olioen kudeaketari buruzko irailaren 29ko 259/1998 Dekretuarekin bat etorrita.

j) Tresna elektriko eta elektronikoen hondakinak, haien artean hodi fluoreszenteak, tresna elektriko zein elektronikoei eta haien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira. Horrez gain, pilen eta metagailuen hondakinek otsailaren 1eko 106/2008 Errege Dekretuan, pila eta metagailuei eta haien hondakinen ingurumen-kudeaketari buruzkoan, ezarritakoa bete beharko dute.

Baimendutako kudeatzailearen onarpen-agiria izateko, eraman aurretiko jakinarazpena egiteko eta kontrol- eta jarraipen-agiria betetzeko betebeharretik salbu egongo dira kudeaketa-sistema integratuko kudeaketa-azpiegituretara eramaten diren hondakinak, bai eta toki-erakundeei ematen zaizkienak ere, gaika bildutako udal-hondakinekin eta haien parekoak direnekin batera kudea ditzaten, baldin eta dagokion toki-erakundeak eman izana egiaztatzen badu.

Edonola ere, ebazpen honen C.2.3 atalaren i. idatz-zatian definitutako artxiboan sartuko dira sortutako ekipo elektriko eta elektronikoen hondakinen kopuruak, baita toki-erakundeei emandakoen egiaztagiriak ere.

k) Bial Industrial Farmacéutica SA enpresak poliklorobifeniloak (PCB) dituzten edo izan ditzaketen aparatuak dauzkan bitartean, horiek behar bezala kudeatzeko abuztuaren 27ko 1378/1999 Errege Dekretuan, polikrorobifeniloak, polikloroterfeniloak eta horiek dituzten aparatuak ezabatzeko eta kudeatzeko neurriak ezartzen dituen horretan, eta hori aldatu zuen otsailaren 24ko 228/2006 Errege Dekretuan adierazitako baldintzak bete behar izango ditu.

l) Bial Industrial Farmacéutica SAk Europako Parlamentuaren eta Kontseiluaren 2000ko ekainaren 29ko 2037/2000(EE) Araudian zehazturiko gai erabiliak bere egiten dituen heinean, berreskuratu egingo dira aldeek onetsitako bitarteko teknikoen bidez deuseztatzeko, edo ingurumenaren ikuspegitik onargarria den beste edozein deuseztatze-bide tekniko erabiliz, edota birziklatzeko edo birsortzeko xedez, aparatuak berrikusi edo mantentzeko eragiketetan nahiz desmuntatu edo deuseztatu aurretik.

m) Amiantoa daukaten hondakinak hautemanez gero, Bial Industrial Farmacéutica SAk amiantoak ingurumenean eragitea prebenitzeko eta eragin hori murrizteko otsailaren 1eko 108/1991 Errege Dekretuan (3. artikulua) ezarritako betekizunak bete beharko ditu. 3). Halaber, amiantoa daukaten hondakinak kudeatzeko manipulazio-eragiketak amiantoaren eraginpean jartzeko arriskua dakarten lanei aplikagarri zaizkien gutxieneko segurtasun- eta osasun-xedapenak ezartzen dituen martxoaren 31ko 396/2006 Errege Dekretuan ezarritako betekizunen arabera egingo dira.

n) Bial Industrial Farmacéutica SAk urtero adierazi behar izango dio Ingurumen Sailburuordetzari sortutako hondakin arriskutsuen jatorria zein den, zein kopuru sortu den, zein erabilera emango zaion eta adierazpenaren xede den ekitaldiaren amaieran zeintzuk dauden aldi baterako biltegiratuta.

o) Atal honetako f) eta g) epigrafeetan (kudeatzaileak EAEn badaude), eta n) epigrafean, baita ebazpen honetako C.2.3 ataleko i epigrafean ere, aipaturiko agiriak Ingurumen Sailburuordetzara bidali behar dira, ahal dela, transakzio elektroniko bidez, IKS-eeM sistemako entitateen bertsioaren bidez.

C.2.3.2.- Arriskurik gabeko hondakinak.

a) Sustatzaileak adierazitako hondakin ez-arriskutsuak hauek dira:

(Ikus .PDF)

b) Ebazpen honen C.2.3 idatzi-zatian hondakinak bereizteaz eta hondakinak kudeatzeko hierarkia-printzipioaz ezarritakoa betez, «selektiboki jaso ez diren hondakinek» ezin dute baliogarriak diren hondakin-zatirik eduki. Horren haritik, Euskal Autonomia Erkidegoan zati baliogarritzat jotzen dira hauek: papera eta kartoia, jaki-hondakinak, plastikoak, metal ferrikoak, metal ez-ferrikoak, eta abar.

c) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztatzaile baimendu bati.

d) Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua balioztatzea denean, 2 urtez gorde ahal izango dira.

e) Oro har, hondakinak hustu aurretik, baimendutako kudeatzaile batek onartzen dituela dioen agiria izan beharko dute, onarpen horretarako baldintzak zehaztuta dituela. Agiri horren kopia bidali behar da Ingurumen Sailburuordetzara, proposatutako kudeaketa egokia dela eta ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua ongi egokitzen zaiela ebazpen honetako printzipio hierarkikoei. Bial Industrial Farmacéutica SAk erregistratu eta artxiboan gorde beharko ditu onarpen-agiriak edo horren baliokidea den agiri ofiziala, agiriok nahitaezkoak direnean.

f) Horrez gain, hondakinak hondakindegietan biltegiratuta eta betelanak eginda ezabatzea arautzen duen otsailaren 24ko 49/2009 Dekretuan ezarritakoa betez, baimendutako hondakindegian biltzeko hondakin ez-arriskutsuak lekualdatu aurretik, dagokion jarraipen- eta kontrol-agiria bete beharko da. Agiri horiek artxibategi batean gorde beharko dira.

g) Atal honetako e) eta f) (kudeatzaileak EAEn badaude) epigrafeetan, baita ebazpen honetako C.2.3 ataleko i) epigrafean ere, aipaturiko agiriak Ingurumen Sailburuordetzara bidali behar dira, ahal dela, IKS-eeM sistemaren bidez.

C.2.4.- Lurzorua babesteko baldintzak.

Lurzoruaren egoeraren aurretiazko txostena aurkeztu beharko da, urtarrilaren 14ko 9/2005 Errege Dekretuan (kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituenean) eta otsailaren 4ko 1/2005 Legean (lurzorua ez kutsatzeko eta kutsatutakoa garbitzekoan) ezarritakoa betetzeko, eta txosten horretan adierazitako gomendioak betez, Bial Industrial Farmacéutica SAk ebazpen honen E.3 idatz-zatian bildutako neurriak hartuko ditu (prebentzioari eta ezohiko funtzionamendu kasuetan izan beharreko jarduketari buruzkoak dira), bai eta C.2.3 idatz-zatian bildutakoak ere (hondakinak biltegiratzeari buruzkoak dira).

Gainera, instalazioa abian jarri ondoren, edozein arrazoirengatik lurzoruak hondeatzea dakarten obrak aurreikusten denean, hondeatu behar diren materialen ezaugarriak zehaztu behar dira, kutsadurarik egonez gero sor litezkeen eraginak prebenitzeko, batetik, eta material horiek behar bezala kudeatzeko bideak zehazteko, bestetik. Karakterizazioaren emaitzak eta aurreikusitako helmuga zehatza Ingurumen Sailburuordetza honetara igorri behar dira material horiek atera aurretik, lanak onartu ahal izateko. Azterketa eta onarpena, hala badagokio, ebazpen honetako G idatz-zatian jasotako aldaketa-araubidearen esparruan egingo dira.

C.2.5.- Zaratari buruzko baldintzak.

Bial Industrial Farmacéutica SAk beharrezko neurriak hartuko ditu instalazioak kanpoko ingurumenera urriaren 19ko 1367/2007 Errege Dekretuaren III. eranskineko B1 taulan muga-balio gisa ezarritako zarata-mailak baino handiagoak ez transmititzeko. Errege Dekretu horren bidez, azaroaren 17ko 37/2003 Legea, zaratari buruzkoa, arau horren IV. eranskineko prozeduren arabera ebaluatutako zonakatze akustikoari, kalitate-helburuei eta isuri akustikoei dagokienez garatzen da. Muga-balio horiek ondorengoak dira:

(Ikus .PDF)

Lokal mugakideak egonez gero, lokal horien erabilera kontuan hartuta, instalazioak ezingo du III. eranskineko B2 taulan ezarritako muga-balioak (aipatutako urriaren 19ko 1367/2007 Errege Dekretuaren IV. eranskineko prozeduren arabera ebaluatutakoak) baino zarata-maila handiagoa transmititu haietara.

Ezarritako zarata-immisioaren muga-balioak errespetatzen direla joko da, aipatutako IV. eranskinean ezarritako prozeduren arabera ebaluatutako adierazle akustikoen balioek, urtebeteko epean, honako hau betetzen badute:

- Urteko batez bestekoek ez dituzte gainditzen aipatutako III. eranskineko B1 edo B2 taulek ezarritako balioak.

- Eguneroko balioek ez dituzte 3 dB-tan gainditzen aipatutako III. eranskineko B1 edo B2 taulek ezarritako balioak.

- Lkeq, Ti adierazlean neurtutako balioek ez dituzte 5 dB-tan gainditzen aipatutako III. eranskineko B1 edo B2 taulek ezarritako balioak.

Zamalanetan eta materiala kamioietan garraiatzean egiten den zaratak ez du nabarmen handituko sentsibilitate akustiko handieneko guneetako zarata-maila.

D) Ingurumena zaintzeko programa.

Sustatzaileak aurkeztutako agirietan aurreikusitakoaren eta honako idatz-zati hauetan ezarritakoaren arabera gauzatu beharko da ingurumena zaintzeko programa:

D.1.- Atmosferarako emisioak kontrolatzea.

a) Bial Industrial Farmacéutica SAk emisioak kontrolatu behar izango ditu informazio honen arabera:

(Ikus .PDF)

b) Aurreko idatz-zatian adierazitako neurketa guztiak kontrol-organo baimendu batek (OCA) egingo ditu (hiru neurketa, bakoitza ordubetekoa gutxienez, zortzi orduz neurtuta). Neurketa horiek zein aldizkako kontrol horiei buruzko txostenak Ingurumen Sailburuordetzaren jarraibide teknikoetan ezarritakora egokitu beharko dira.

c) Arestian eskatutako parametro guztien neurketen BKE txostenak bidaliko dira.

d) Dokumentazio eguneratuaren bidez, euskarri informatikoko -edo, horrelakorik ezean, paper euskarriko- erregistro bat egingo da, 100/2011 Errege Dekretuaren 8. artikuluan ezartzen den edukia jasotzeko (urtarrilaren 28ko 100/2011 ED, atmosfera kutsa dezaketen jardueren katalogoa eguneratzen eta katalogo hori aplikatzeko oinarrizko xedapenak ezartzen dituena). Erregistro horretan, Ingurumen Sailburuordetzak emandako «IPPC instalazioek Atmosfera Kutsa dezaketen isurien Erregistro-liburua lortzeko instrukzio teknikoa» agirian ezarritako prozedura, edukiak eta formatuak betez egiten diren neurketa, gorabehera, kontrol eta ikuskapenen emaitzak jasoko dira. Dokumentazio horrek eguneratuta egon beharko du, eta ingurumen-ikuskatzaileek eskatzen badute, eskuragarri izango dute gutxienez 10 urtez.

D.2.- Zarataren controla.

a) Jarduera egiten den lursailaren kanpoaldean neurketak eginez, Lkeq, Ti indize akustikoaren ebaluazioa egingo da hiru urtean behin, zarata kanpoaldera transmititzeko arriskurik handiena dagoen aldean.

b) Neurketa bidezko ebaluazio guztiak entsegu-laborategiek egin beharko dituzte, ENAC erakundeak espazio- eta denbora-laginketarako egiaztatutako akustikaren esparruko laborategiek, hain zuzen ere. Dena den, ingurumen-organoak zaindu beharko du ebaluazioak egiten dituzten erakundeek gaitasun tekniko egokia dutela.

c) Ebaluazio-metodoak eta -prozedurak eta ebaluazio horiei buruzko txostenak Ingurumen Sailburuordetza honek landutako jarraibide teknikoetan ezarritakora egokituko dira.

d) Sustatzaileak neurketen proposamen zehatza egin beharko du, eta proposamen horren barruan ebaluazio-metodoak modu xehatuan adierazi beharko ditu, Zaratari buruzko azaroaren 17ko 37/2003 Legea garatzen duen urriaren 19ko 1367/2007 Errege Dekretuaren IV. eranskinean ezarritako prozedurei jarraituz (zonakatze akustikoari, kalitate-helburuei eta isuri akustikoei dagokienez garatzen du legea). Proposamena ebazpen honen D.5 idatz-zatiak aipatzen duen ingurumena zaintzeko programaren agiri bateginari gehituko zaio.

D.3.- Jardueraren adierazleak.

Sustatzaileak jardueraren gaineko adierazle hauen jarraipena egingo du urtero, ingurumenean duten eragina aztertzeko:

(Ikus .PDF)

D.4.- Emaitzak kontrolatzea eta bidaltzea.

Ingurumena zaintzeko programa osatzen duten analisien eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ebazpen honen zenbait idatz-zatitan ezarritakoaren kalterik gabe, bidalketa hori urtero egingo da, martxoaren 30a baino lehen beti, eta ingurumena zaintzeko programako emaitzekin batera, txosten bat aurkeztuko da. Txostena erakunde independente batek, inguru-gaietan espezializatuak, egin beharko du, eta bertan adieraziko dira neurri babesle eta zuzentzaileen funtzionamendua, baita prozesuak kontrolatzeko sistemak ere. Ingurunearen kalitatea eta emaitzen analisia ere adieraziko dira, bereziki aipatuz aldi horretan gertatu diren gorabehera garrantzitsuenak, haien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

D.5.- Ingurumena zaintzeko programaren agiri bategina.

Sustatzaileak ingurumena zaintzeko programaren agiri bateratua egin beharko du. Bertan, aurkeztutako dokumentazioan proposatutako betebeharrak eta ebazpen honetan jasotakoak bilduko dira. Programa horrek hauek zehaztu beharko ditu: kontrolatu beharreko parametroak, parametro bakoitzaren erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Era berean, dagokion aurrekontua bildu beharko du.

E) Prebentzio-neurriak eta ohiz kanpoko egoeretan funtzionatzeko baldintzak.

E.1.- Fabrika gelditzeko eta abiarazteko eragiketak eta mantentze-lanetarako programatutako eragiketak.

Programatutako urteko mantentze-lanei eta martxan jartzeko eta geldiarazteko eragiketei dagokienez, botako diren kutsagarriak eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere bai.

Geldialdi, abiarazte eta garbiketetan isurketa ahalik txikiena izateko neurriak hartuko dira.

E.2.- Jarduera uztea.

Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea, eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Bial Industrial Farmacéutica SAk hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

E.3.- Ezohiko funtzionamendua denean aplikatzeko neurriak eta jardunak.

Sustatzaileak aurkeztutako agirietan egindako proposamenean ezohiko egoeretan aplikatu beharreko prebentzioko neurriak eta funtzionamenduko baldintzak zehazten dira. Horiez gain, ondorengo idatz-zatian aipatzen diren baldintzak bete behar dira:

a) Besteak beste, olioak, hondakin arriskutsuak eta produktu kimikoak maneiatzeak lurzorua eta ura kutsa ditzake. Beraz, isuriak, jarioak edo ihesak gertatzeko arrisku handia izan dezaketen azalera guztiak iragazgaiztuta edukiko dira. Zolak diseinatzean, kontuan hartuko dira drainatzeko eta efluenteak biltzeko gailuak, ingurunean kutsatzaileak sakabanatzeko bideak saihesteko.

b) Biltegiratzeko tokia.

Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

Segurtasun-tarteei eta babes-neurriei dagokienez, egiaztatu beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetzari aurkeztuko zaizkio eskumena duten erakundeek emandako egiaztagiriak.

c) Instalazioen prebentzioko mantentze-lanak.

Prebentzioko mantentze-lanen eskuliburua eduki beharko da instalazioen egoera ona bermatzeko, batez ere ustekabeko jario edo ihesak daudenean kutsadura saihesteko; era berean, ezarritako neurrien jardun egokia bermatu beharko da. Isuri-ihesak daudenean lurzorua (eta dagokionean, ura) babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazkaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainezkatzerako alarma-sistemak, lantegiko kolektore-sarea zaintzeko eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

Aurreko paragrafoan adierazitako eskuliburuak, zaintzeko eta kontrolatzeko programa bat eduki beharko du, hauek bilduko dituena: estankotasun-probak, mailen eta adierazleen egoera, balbulen egoera, presioa arintzeko sistemaren egoera, hormen egoera eta lodieren neurketa, andelen barnealdearen begi-bidezko ikuskatzeak (hormena eta estaldurena) eta kubetetako detekzio-sistemen aldizkako kontrol sistematikoa, lurzorua (eta dagokionean, ura) kutsa dezakeen edozein egoerari aurrea hartzeko.

Era berean, atmosferaren eta ingurune urtarraren kutsadurari aurrea hartzeko eta zuzentzeko sistemen (arazketa, minimizazioa, eta abar) eta zaintza eta kontrolerako sistemen egoera ona bermatzeko neurriak gehituko dira.

d) Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

e) Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura, husteko prozesuan ingurumenean eragin negatiboa izan dezaketen produktuen jarioak sakabanatu ez daitezen.

f) Gorabeheraren bat gertatuz gero jarduteko modua:

Jardun-protokolo bat eduki behar da eskura, ingurunean eragin negatibo garrantzitsuak eragin ditzaketen gorabeheren edo ezohiko jardunen aurrean erabiltzekoa. Protokoloak, gutxienez, honako gai hauek argi eta garbi zehaztu behar ditu gerta daitekeen ustezko gorabehera edo ezohiko jardun bakoitzarentzat:

- Jarraitu beharreko jardunak, hurrengo idatz-zatian zehazten den jakinarazpena agintariei egitea barne.

- Jardunen segida.

- Jardun bakoitzaren arduraduna(k).

Istripuz isurketarik gertatuko balitz, isurketa berehala geldiaraziko da.

Larrialdi-egoera sortzen denean berehala eta eraginkortasunez jarduteko behar beste material eduki behar da: berriro ontziratzeko erreserba-ontziak, isuriei eusteko xurgatzaile selektiboak, segurtasuneko edukiontziak, hesiak eta kaltetutako inguruneak isolatzeko seinaleztapen-elementuak eta babes pertsonalerako ekipamendu bereziak.

g) Gorabehera gertatuz gero agintariei jakinaraztea.

Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaera baten aurrean, sustatzaileak, berehala, gorabehera edo ezohiko gertaera horren berri eman beharko dio Ingurumen Sailburuordetzari (betiere, zuzentzeko edo eusteko neurri egokiak hartu ondoren). Jakinarazpenean, gutxienez, honako alderdi hauek adierazi beharko dira:

- Gertakari mota.

- Jatorriak eta arrazoiak (unean-unean zehatz daitezkeenak).

- Zuzentzeko edo eusteko neurriak, berehala aplikatu direnak.

- Sortutako ondorioak.

- Hala badagokio, epe laburrera aurreikusitako jardunak.

Gertakari edo arazo larriren bat edo ustekabeko isuriren bat egonez gero, SOS DEIAKi eta udalari jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, datu hauek agertuko dira:

- Gertakari mota.

- Gertakaria non, zergatik eta zer ordutan gertatu den.

- Iraupena.

- Ustekabeko isurketa izanez gero, emaria, isuritako gaiak eta ingurune hartzailean antzeman daitekeen eragina jaso beharko dira, eraginaren analisia barne.

- Mugak gaindituz gero, emisioei buruzko datuak.

- Eragindako kalteen kalkulua.

- Hartutako neurri zuzentzaileak.

- Arazoa berriro ez gertatzeko prebentzio-neurriak.

- Prebentzio-neurriak eraginkortasunez aplikatzeko ezarritako epeak.

Horrez gain, instalazioaren etengabeko prozesu batean aurrez programatuta egingo diren geldialdiak, aurreikusitako mantentze-lanak barne, gutxienez 15 egun lehenago jakinaraziko dizkio Ingurumen Sailburuordetzari sustatzaileak.

h) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

i) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetzari aurkeztuko zaizkio eskumena duten erakundeek emandako egiaztagiriak.

F) Bial Industrial Farmacéutica SAk atmosferara eta uretara isuritako emisioei eta sortutako hondakin-mota guztiei buruzko datuak jakinaraziko dizkio urtero Ingurumen Sailburuordetzari, E-PRTR-Euskadi Poluitzaileen Emisio eta Transferentzia Inbentarioa egin eta eguneratuta edukitzeko, E-PRTR Inbentarioko emisioei eta ingurumeneko baimen bateratuei buruzko informazio-hornikuntza arautzen duen apirilaren 20ko 508/2007 Errege Dekretuarekin bat etorriz.

Informazio hori osatzen duten datuak ekitaldi horren hurrengo martxoaren 31 baino lehen bidali beharko dira, Ingurumenari buruzko Adierazpenaren (IA) bidez. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-eeM Sistemako erakundeentzako bertsioaren bitartez (www.eper-euskadi.net web orrian eskuragarri): Ingurumen-Informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistroetara (Europako E-PRTR Erregistroa) egiten diren informazio-bidalketen oinarri dena.

Era berean, ebazpen honetan aurreikusitako gainerako informazio-trukaketak Ingurumen Adierazpen horren bidez gauzatuko dira, ahal izanez gero.

Informazio hori publikoa izango da, eta uztailaren 18ko 27/2006 Legearen xedapenak beteko ditu. Lege horren bidez, informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horretaz gainera, une oro bete beharko da datu pertsonalak babesteko abenduaren 13ko 15/1999 Lege Organikoan ezarritakoa.

G) Aldaketak instalazioan.

Ingurumen-baimen integratu honen mendeko instalazioan egindako aldaketek bat etorri beharko dute Kutsaduraren Prebentzio eta Kontrol Integratuari buruzko uztailaren 1eko 16/2002 Legeak 10.3 artikuluan ezarritako komunikazio-araubidearekin. Hori horrela, beste ingurumen-baimen integratu bat beharko da aldaketak funtsezkoak direnean.

Era berean, proiektua aldatu edo zabaldu nahi izanez gero, Ingurumen-inpaktuari buruzko Ebaluazioaren Testu Bategina onartzen duen urtarrilaren 11ko 1/2008 Legegintzako Errege Dekretuaren 3.2 artikuluan xedatutakoa aplikatu behar da, II. eranskineko 9.k) epigrafearekin bat.

Laugarrena.- Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako hirugarren idatz-zatiko honako puntu hauetan ezarritako baldintzak betetzen direla:

C.1.12. Obraren amaierako txostena.

C.2.3.i. Instalazioan sortutako hondakin arriskutsuei eta arriskutsuak ez diren hondakinei buruzko artxibo-eredua.

C.2.3.1.f y C.2.3.2.e. Instalazioan sortutako hondakin arriskutsuei eta arriskutsuak ez diren hondakinei buruzko artxibo-eredua.

D.1.d. Atmosferara egindako isurketak erregistratzeko eredua.

D.2.d. Zarata kontrolatzeko proposamena.

D.5. Ingurumena zaintzeko programaren agiri bategina.

E.1. Martxan jartzeko eta geldiarazteko eragiketetako emisio eta hondakinen zenbatespena, eta kudeaketako eta tratamenduko proposamena.

E.3.b. Biltegiratzeko instalazioen egiaztapena.

E.3.c. Mantentze-lan prebentiboaren programa.

E.3.d. Mantentze-eragiketak eta gertakariak erregistratzeko eredua.

E.3.e. Kubetak husteko protokoloa.

E.3.f. Gertakarien aurrean jarduteko protokoloa.

E.3.i. Suteen aurkako babes-araudia betetzen dela egiaztatzea.

Era berean, baimen hau indarrean jarri aurretik, ingurumen-organo honi atxikitako zerbitzu teknikoen ikuskapen-bisitan egiaztatu beharko da instalazioak aurkeztutako proiektuaren arabera eta ebazpen honetan ezarritakoarekin bat etorrita eraiki eta hornitu direla. Horretarako, aurrez aipaturiko ikuskapenaren aurretik, sustatzaileak «as built» proiektua eta teknikari eskudunak alderdi horiek bete direla adieraziz emandako ziurtagiria aurkeztu beharko dizkio Ingurumen Sailburuordetzari.

Goiko baldintza horiek guztiak betetzeko 30 hilabeteko epea ezarri da, Ingurumen Sailburuordetzak ingurumen-baimen bateratua eraginkorra dela adierazteko emandako ebazpen hau jakinarazten den biharamunetik kontatzen hasita. Epe hori luzatu egin ahal izango da, behar bezala arrazoituz gero eta sustatzaileari aldez aurretik jakinaraziz gero.

Instalazioa ezingo da abiarazi ingurumen-baimen integratua eraginkorra dela adierazi arte. Nolanahi ere, abiarazteko probaldi bat eman ahal izango da, gehienez ere bost hilabeterako, eta, bertan, neurri zuzentzaileak eraginkorrak direla egiaztatu ahal izango da, besteak beste. Aldi horretan, ebazpen honetako D.1 idatz-zatian ezarritako neurketak egingo dira, bai eta potentzia akustikoak neurtzeko kanpaina bat ere. Aurreko neurketa horien emaitzak Ingurumen Sailburuordetzari igorriko zaizkio, lehen aipatutako ikuskapen-bisita horren aurretik. Orobat espero diren immisioen modelizazio bat ere igorriko da (honako maila akustiko hauen ebaluazioa: Lk,d, Lk,e eta Lk,), potentzia akustikoen neurketa-kanpainetan lortzen diren zarata-foku bakoitzeko emisioen datu errealetatik abiatuta egingo dena.

Bosgarrena.- Ingurumen-baimen integratu hau 8 urteko epean egongo da indarrean, aurreko idatz-zatian ezarritakoaren arabera ondorioak dauzkan egunetik kontatzen hasita. Epe hori igarotzean baimena berritu behar da eta, hala badagokio, jarraian datozen aldietarako eguneratu.

Ingurumen-baimen integratua amaitu baino hamar hilabete lehenago, titularrak baimena berritzeko eskaera egin behar du, uztailaren 1eko 16/2002 Legearen 25. artikuluan xedatutakoa betez.

Seigarrena.- Edonola ere, Administrazioak bere kabuz aldatu ahal izango du ingurumen-baimen integratua uztailaren 1eko 16/2002 Legearen 26. artikuluan ezarritako kasuak aintzat hartuta.

Artikulu horiek betetzeaz gain, ebazpen honen baldintzak, ingurumena zaintzeko programan jasotakoak barne, aldatu ahal izango dira, jardueraren sustatzaileak hala eskatuz gero eta betiere behar bezala justifikatzen baldin badira. Ofizioz aldatu ahal izango dira honako egoera hauetan ere:

- Araudi berria indarrean sartzea.

- Ingurunearen egitura eta funtzionamenduari buruzko ezagutza esanguratsu berrietara egokitzeko beharra ikusten bada, bereziki inplikatutako sistemen hauskortasuna areagotzen dela antzematen bada.

- Ingurumena zaintzeko programan jasotako emaitzen edo bestelako oharren arabera, ingurumen-inpakturako ezarritako neurri babesle, zuzentzaile edo konpentsatzaileak akastunak direla egiaztatzen bada.

Zazpigarrena.- Bial Industrial Farmacéutica SAk, ebazpen honen xede den instalazioan titulartasun-eskualdatzerik eginez gero, eskualdatze hori Ingurumen Sailburuordetzari jakinarazi beharko dio, onar dezan.

Zortzigarrena.- Baimen honek balioa galduko du kasu hauetan:

- Ez egiaztatzea, epe barruan, ebazpen honetako laugarren idatz-zatian ezarritako baldintzak betetzen direla, ingurumen-baimen integratuak ondorioak izateko ezarritakoak, alegia, non eta interesdunak ez duen eskatzen epea luzatzeko, behar bezala justifikatuta.

- Ecoenergia Reydesa, SLren nortasun juridikoa iraungitzea, indarreko arauek aurreikusitako kasuetan.

- Baimena eraginkorra dela adierazten duen ebazpenean xedatutakoak.

Bederatzigarrena.- Ebazpen honen edukiaren berri ematea Bial Industrial Farmacéutica SAri, Zamudioko Udalari, ingurumeneko baimen bateratua emateko prozeduran parte hartu duten erakundeei eta gainerako interesdunei.

Hamargarrena.- Ebazpen hau Euskal Herriko Agintaritzaren Aldizkarian argitaratzeko agintzea.

Hamaikagarrena.- Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen, Lurralde Plangintza, Nekazaritza eta Arrantzako sailburuari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

Vitoria-Gasteiz, 2011ko urriaren 26a.

Ingurumeneko sailburuordea,

M.ª ARANZAZU LETURIONDO ARANZAMENDI.

Azterketa dokumentala