Euskal Herriko Agintaritzaren Aldizkaria

199. zk., 2011ko urriaren 19a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

Bilboko Lehen Auzialdiko 6 Zenbakiko Epaitegia

5034

EDIKTUA, gurasoen eta seme-alaben arteko neurriei buruzko 331/10 prozedura arruntaren ondoriozkoa.

Bilboko (Bizkaia) Lehen Auzialdiko 6 zenbakiko Epaitegia.

Judizioa: 331/10 prozedura arrunta.

Alderdi demandatzailea: Bizkaiko Foru Aldundia.

Alderdi demandatua: Ruben Martinez Pascual eta Georgeta Harsanyi Pirou.

Gaia: guraso eta seme-alabentzako neurriak.

Aipatutako judizioan, ebazpena eman da. Hona hemen, hitzez hitz, ebazpen horren testua:

369 EPAIA

Epailea: José Tomás Rodriguez Rodríguez.

Lekua: Bilbao (Bizkaia).

Eguna: bi mila eta hamaikako irailaren bata.

Alderdi demandatzailea: Bizkaiko Foru Aldundia.

Abokatua: Joaquín Gaston Fernandez de Arcaya.

Prokuradorea: Montserrat Colina Martinez.

Alderdi demandatua: Ruben Martinez Pascual eta Georgeta Harsanyi Pirou.

EPAITZA

Epaitegietako prokuradore den Montserrat Colina Martínez andreak ordezkaturik, Bizkaiko Foru Aldundiak aurkeztutako demanda baiesten dut; demanda horretan honakoak ere parte izan dira: Ruben Martinez Pascual eta Georgeta Harsanyi Pirou, alderdi demandatu gisa; eta Euskal Autonomia Erkidegoko Auzitegi Nagusiko Fiskaltza. Eta hala erabaki behar eta honakoa erabaki dut: demandatuei erabat kentzea XXXXXX XXXXXXXX XXXXXXXX seme adingabekoaren gaineko guraso-ahala, eta bisita-erregimena ezeztatzea; kostuak ezarri barik baina.

Inpugnatzeko modua: apelazio-errekurtsoa, Bizkaiko Probintzia Auzitegiari zuzendua (PZLb, 455. artikulua).

Errekurtsoa prestatzeko, idazkia aurkeztu behar da epaitegi honetan, ebazpen hau jakinarazi eta biharamunetik aurrera bost egun balioduneko epean. Idazki horretan, bestalde, hauek adieraziko dira: apelatutako ebazpena, errekurritzeko nahia eta zein erabakiren aurka egiten den (PZLb, 457.2 artikulua).

Errekurtsoa aurkeztu ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori zainpean jarri beharko da epaitegi honek Banesto taldean (Banco Español de Crédito) duen Gordailuan eta Zainpean jartzeko Kontuan. Kontuaren zenbakia hau da: 4710. Ordainagiriaren kontzeptua idazteko hutsunean, «Errekurtsoa» dela adierazi beharko da (kodea: 02-Apelazioa). Errekurtsoa prestatzerakoan, diru-zenbateko hori zainpean jarri izana egiaztatu beharko da (BJLO, 15. xedapen gehigarria).

Errekurtsoa jartzeko gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitarapena.- Epaiari dagokion egunean, jendaurreko entzunaldia egiten ari zelarik, epaia eman zuen epaile magistratu berberak eman, irakurri eta argitaratu zuen. Eta nik, idazkari naizenez, guzti horren fede ematen dut Bilbon, 2011ko irailaren batean.

Alderdi demandatuaren gaur egungo egoitza edo bizilekua ezezaguna denez, Prozedura Zibilaren 1/2000 Legeko 156.4 eta 164. artikuluetan xedatutakoarekin bat etorriz, ediktu hau Epaitegiko iragarki-oholean eta Euskal Herriko Agintaritzaren Aldizkarian ediktu hau argitaratzea erabaki da, epaiaren jakinarazpen-eginbidea burutzeko.

Bilbao (Bizkaia), 2011ko irailaren 1a.

IDAZKARI JUDIZIALA.