Euskal Herriko Agintaritzaren Aldizkaria

199. zk., 2011ko urriaren 19a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

BESTELAKO XEDAPENAK

Hezkuntza, Unibertsitate eta Ikerketa Saila

5029

AGINDUA, 2011ko irailaren 26koa, Hezkuntza, Unibertsitate eta Ikerketako sailburuarena, 2011-2012 ikasturteari dagokion ikastetxeei buruzko informazioa eredu bateratuaren bidez biltzeko dena.

Hezkuntza-plangintza eta kudeaketa arloetako beharrei erantzun ahal izateko eta estatistika ondorioetarako, unibertsitatez besteko irakaskuntzak ematen dituzten Euskal Autonomia Erkidegoko ikastetxe guztietan 2011-2012 ikasturteari buruzko bateratutako informazioa bilduko da. Horretarako, Administrazio eta Zerbitzuen Sailburuordetzaren eta Hezkuntza Sailburuordetzaren proposamenez, hauxe

XEDATU DUT:

Lehenengoa.- Euskal Autonomia Erkidegoan beren egoitzak dituzten unibertsitatez besteko ikastetxe guztiek, Hezkuntza, Unibertsitate eta Ikerketa Sailaren aplikazioak erabiliz, Eskola Jarduera eta Ordutegiak izenpean antolatu diren galdera zerrendei erantzun beharko diete eta bete zehaztasunez eta egiatasunez.

Bigarrena.- Ikastetxeko zuzendariak gainbegiratu beharko du ereduak nola bete diren, izan ere, honek abalatzen baitu bere izenpeaz, ematen den informazioaren egiazkotasuna. Galdesortak bete ondoren Administrazio eta Zerbitzuen Sailburuordetzak, Hezkuntza Sailburuordetzak, edo Lurralde Ordezkaritzek, ezarritako prozedurak eta epeak errespetatuz, aurkeztu behar dira, ondoren, behar denean, Estatistika Atalek erantzunen azterketa eta elaborazioari ekingo diote.

AZKEN XEDAPENAK

Lehenengoa.- Administrazio eta Zerbitzuen sailburuordeari, Hezkuntza Sailburuordeari eta Hezkuntzako Lurralde Ordezkariei esku ematen zaie, agindu honetan ezartzen dena garatzeko eta aplikatzeko beharrezkoak diren neurriak har ditzan.

Bigarrena.- Agindu honek eragina izango du Euskal Herriko Agintaritzaren Aldizkarian argitaratu ondoren.

Vitoria-Gasteiz, 2011ko irailaren 26a.

Hezkuntza, Unibertsitate eta Ikerketako sailburua,

MARÍA ISABEL CELAÁ DIÉGUEZ.