Euskal Herriko Agintaritzaren Aldizkaria

179. zk., 2011ko irailaren 20a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

JUSTIZIA ADMINISTRAZIOA

Barakaldoko Lehen Auzialdiko 2 Zenbakiko Epaitegia

4598

EDIKTUA, 664/11 prozedura arruntaren ondoriozkoa.

Barakaldoko Lehen Auzialdiko 2 zenbakiko Epaitegia.

Judizioa: 664/11 prozedura arrunta.

Alderdi demandatzailea: Honorina Seco Toribio.

Alderdi demandatua: Zoilo Retuerto Salazarren jaraunsleak.

Gaia.

Aipatutako judizioan, hitzez hitz honako hau dioen ebazpena eman da:

DEKRETUA

Eman duen idazkari judiziala: María Teresa Ciordia Pascual.

Lekua: Barakaldo (Bizkaia).

Data: bi mila eta hamaikako uztailaren hamabosta.

XEDAPENAK

1.- Izapidetzeko onartzen da Martinez Rivero prokuradoreak, Honorina Seco Toribio jaunaren izenean eta ordezkaritzan aurkeztutako demanda, Zoilo Retuerto Salazar jaunaren jaraunsleen aurka aurkeztutakoa. Prozesua judizio arrunteko izapideen arabera bideratuko da. Demandaren gaia: judizio arrunta.

2.- Helaraz bekio demanda alderdi demandatuari, entrega bekizkio demandaren kopia eta demandarekin batera aurkeztutako dokumentuena, eta epa bedi, zedula emanez, epatu eta hurrengo hogei egun baliodunen barruan demandari erantzun diezaion.

Ohartaraz bekio alderdi demandatuari, zehaztutako epean agertzen ez bada, auzi-iheslaritzat joko dela prozesuan (PZLbko 496.1 artikulua). Ohartaraz bekio, halaber, prokuradoreak ordezkatuta eta abokatuak lagunduta agertu behar duela judizioan (PZLbko 23. eta 31. artikuluak) eta, baliabide ekonomikorik ez badu, doako laguntza juridikoa izateko eskubidea aitor dakiola eskatu ahal izango duela. Era berean, aditzera emango zaio, abokatua edo prokuradorea edo biak izenda dakizkiola eskatu nahiko balu, epatu eta hurrengo hiru egunen barruan egin beharko duela.

3.- Epa bedi demandatua alderdi auzi-jartzaileak izendatutako egoitzan, ediktu bidez.

Itzul bitez aurkeztutako ahalordeak, autoetan lekukotza jaso ondoren.

Epaileari ebazpen honen berri eman diot.

Aurkaratzeko modua: Idazkari judizialaren aurrean berraztertze-errekurtsoa jarriz. Idazkia bost egun balioduneko epean aurkeztu beharko da bulego judizialean, jakinarazpenaren biharamunetik kontatzen hasita, eta errekurtsogilearen iritziz izandako arau-haustea zehaztu beharko da. Betekizun horiek betetzen ez badira, ez da aurkaratzea onartuko (PZLb-ko 451. eta 452. artikuluak).

Errekurtsoa jarri arren, errekurritutako ebazpenaren ondoreak ez dira etengo (PZLb-ko 451.3 artikulua).

Dekretua egin eta sinatzen dut.

Alderdi demandatuaren egungo bizilekua edo egoitza zein den ez dakigunez, Prozedura Zibilaren 1/2000 Legeko 156.4 eta 164. artikuluetan ezarritakoari jarraiki, erabaki da ediktu hau bulego judizial honetako iragarki-taulan argitaratzea, epatze-zedula gauzatu ahal izateko.

Barakaldo (Bizkaia), 2011ko uztailaren 18a.

IDAZKARI JUDIZIALA.