139. zk., 2011ko uztailaren 21a, osteguna
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
JUSTIZIA ADMINISTRAZIOA
Donostia-San Sebastiángo Lehen Auzialdiko 1 Zenbakiko Epaitegia
3680
EDIKTUA, 1336/10 hitzezko judizioaren ondoriozkoa.
Donostiako Lehen Auzialdiko 1 zenbakiko Epaitegia.
Judizioa: 1336/10 hitzezko judizioa.
Demandatzailea: Gipuzkoa eta Donostiako Aurrezki Kutxa.
Abokatua: Iñigo Lareki Arcos.
Prokuradorea: Tames.
Demandatua: Carlos Alberto Cabanillas Bringas.
Gaia: hitzezko judiziorako demanda.
Judizio horretan, 2011-05-4n epaia eman zen, eta honakoa da bere epaitza:
EPAITZA
Onetsi egiten dut erabat Tamés prokuradore jaunak, Donostiako Aurrezki Kutxaren izenean eta ordez, Carlos Alberto Cabanillas Bringas jaunaren aurka aurkeztutako demanda. Beraz, kondenatu egiten dut demandatua auzi-jartzaileari honako hauek ordaitzera: alde batetik, tronkoaren 2.996,76 euroko diru-kopurua; bestetik, % 17,25ean itundutako tipoaren ondoriozko 414,60 euro, zehazki, kreditu-kontua itxi eta hurrengo egunetik -2010-02-9tik- harakoa; kontu horretan zorrean den saldoa -demanda hau aurkeztu artekoa- erreklamatzen da; horretaz gain, % 17,25eko tipoko interesak, demanda aurkeztu zenetik ordainketa guztiz egin artekoak, ere erreklamatzen dira; kostuak ere, alderdi demandatuari ezartzen zaizkio.
Carlos Alberto Cabanillas Bringas demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bat argitaratuaz jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).
Ebazpen horren aurka apelazio-errekurtsoa aurkez dezake auzi-ihesean den demandatuak.
Jakinarazten den ebazpenaren testu osoa interesdunaren eskura dago, epaitegi honetako bulego judizialean.
Donostia-San Sebastián, 2011ko maiatzaren 5a.
IDAZKARI JUDIZIALA.