RSS
93. zk., 2011ko maiatzaren 18a, asteazkena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Ingurumen eta Lurralde Antolamendu Saila
2691
EBAZPENA, 2008ko apirilaren 9koa, Ingurumeneko sailburuordearena, Kime SA enpresari ingurumeneko baimen bateratua ematen diona, Amurrioko udalerrian (Araba) metalezko altzariak fabrika ditzan.
AURREKARIAK
2006ko abenduaren 29an, Guillermo Gago Rapado jaunak, Kime SA enpresaren izenean eta ordezkaritzan, Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, kutsaduraren prebentzio eta kontrol integratuari buruzko uztailaren 1eko 16/2002 Legeak xedatutakoaren arabera, Amurrioko (Araba) udalerrian metalezko altzariak fabrikatzeko jarduerarako. Ondorengo dokumentu teknikoak erantsi zitzaizkion eskaerari:
- 1. Karpeta: «Hirigintza-bateragarritasunaren txostena», «Laburpen ez-teknikoa» eta «Oinarrizko proiektua» (2006ko abendua).
- 2. Karpeta: «Eranskinak (1,3,4,5,6,7,8)» (2006ko abendua).
- 3. Karpeta: «Eranskinak (1.6)».
- 4. Karpeta: «Eranskinak (2)».
Erreferentzia-baimena eskatzeko orduan, Kime SA enpresak, besteak beste, jarduera martxan jartzeko baimena zuen, 2002ko azaroaren 25ekoa, txapazko altzariak fabrikatzeko jarduerarako. Halaber, enpresa sustatzaileak berariazko isurketa-baimena zuen, uren esparruan indarrean dagoen araudiaren arabera, eta hondakin arriskutsuen ekoizle izateko baimena zuen, 2002ko azaroaren 11koa; modu berean, bi aldaketa zituen, 2004ko otsailaren 13koa eta 2004ko otsailaren 17koa eta industria-hondakin geldoen ekoizleen erregistroan izena emanda dago. 2006ko abenduaren 29an aurkeztutako eskaeraren bitartez, Eranskinak (2), enpresak isurtze-fokuen inskripzioa izapidetu zuen.
2007ko urtarrilaren 30ean, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, ingurumen organoaren bidez proiektua jendaurrean jartzeko izapidetzea adosteari dagokionez (Amurrioko Udalari, Eusko Jaurlaritzako Osasun Sailari eta Iparraldeko Ur-konfederazioari).
2007ko martxoaren 29an eta urriaren 16an, ingurumen organoak agiri osagarriak eskatu zizkion sustatzaileari; espedientea 2007ko azaroaren 7an osatu zen.
Aurkeztutako agiriak nahikoa zirela egiaztatu ondoren, Ingurumen sailburuordeak 2007ko azaroaren 14an emandako ebazpen bidez, jendaurrean jarri ziren 30 egun baliodunen epean, Kime SA enpresak sustatutako proiektua eta proiektu horrek ingurumenean duen eraginaren azterlana, egoki iritzitako alegazioak aurkezteko, eta Euskal Herriko Agintaritzaren Aldizkarian nahiz Arabako Aldizkari Ofizialean argitaratu zen, bietan 2007ko abenduaren 3an. Era berean, Euskal Autonomia Erkidegoko bi egunkaritan argitaratu zen 2007ko abenduaren 2an eta ondoko auzokide bakoitzari jakinarazpena bidali zitzaion.
Jendaurrean jartzeko izapidetze-epea bete ondoren, alegazio-idazkirik aurkeztu ez zela egiaztatu da.
Uztailaren 1eko 16/2002 Legearen 17. eta 18. artikuluetan xedatutakoa betez, 2008ko otasilaren 14an Ingurumenaren Kalitatearen Zuzendaritzak txostenak eskatu zizkien Amurrioko Udalari, Eusko Jaurlaritzako Osasun Sailari eta Ebroko Konfederazio Hidrografikoari, espedientean ageri den emaitza jasoz.
2008ko urtarrilaren 17an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Kime SA enpresaren esku utzi zen, Ingurumen eta Lurralde Antolamendu Sailak egindako ebazpen proposamena gehituz.
ZUZENBIDEKO OINARRIAK
Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.
Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoa betez, baimen honetan sartzen dira ekoizpen-elementu eta lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin zerikusia dutenak.
16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Kime SA enpresaren kasuan (Zabalibar, 8), baimen hauek guztiak behar ditu: hondakin arriskutsu eta ez-arriskutsuak sortzeko baimena, saneamendu-sare orokorrera isurketak egiteko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta zuzentzeari dagozkionak. Gainera, espedientean beste administrazio eta erakunde eskudun batzuek ere parte hartu dute, aginduzko txostenak igorriz.
Uztailaren 1eko 16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak Jarduera Gogaikarri, Osasungaitz, Kaltegarri eta Arriskutsuei buruzko azaroaren 30eko 2414/1961 Dekretuak aurreikusten duen jarduera sailkatuetarako udal-baimenaren prozedura ordezkatzen du; ez du ordezkatzen, ordea, udal agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Kime SA enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak, eta Amurrioko Udalaren eta Eusko Jaurlaritzako Osasun Sailaren txostenak eskatu dira, espedientean agertzen den bezala.
Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan dira teknika erabilgarri egokienen erabilera eta aplika dakiokeen alorreko legerian ezarritako neurriak eta baldintzak. Zehazki, Europako Batzordearen 2006ko abuztuko «Reference Document on Best Available Techniques for the Surface Treatment of Metals and Plastic» BREF txostenaren edukia kontuan hartu da. Gainera, arloko araudiei dagokienez, kasu honetan aplikatzekoa da, bereziki, apirilaren 30eko 782/1998 Errege Dekretua, apirilaren 24ko 11/1997 Legea, ontzi eta ontzi-hondakinei buruzkoa, garatu eta burutzeko Erregelamendua onartzen duena.
Espedienteko txostenak aztertu ondoren, ebazpen proposamena sinatu eta Kime SA enpresak sustatutako proiektuak bete beharreko baldintzak ezarri ziren.
Goian adierazitako izapideak amaitu dira, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da, eta organo hau da ingurumeneko baimen bateratu hau emateko eskuduna, aipatutako araudiaren 13. artikuluan eta Ingurumen eta Lurralde Antolamendu Saileko egitura organikoa ezartzen duen urriaren 25eko 340/2005 Dekretuaren 9. artikuluan ezarritakoaren arabera.
Ondorengo araudia ikusi da: Ingurumen eta Lurralde Antolamendu Sailak 2008ko urtarrilaren 17an emandako ebazpen-proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; azaroaren 26ko 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,
EBATZI DUT:
Lehenengoa.- Helbide soziala Amurrioko (Araba) udalerriko Zabalibar kaleko 8. zenbakian duen eta IFK: A - 01012830 duen Kime SA enpresari Ingurumeneko Baimen Bateratua ematea, metalezko altzarien fabrikazio-jarduerarako, eta Ebazpen honen bigarren atalean zehaztutako baldintzak jarraituz.
Halaber, Ingurumeneko Baimen Bateratu hau eman da, uztailaren 1eko 16/2002 Legearen 19. artikuluaren arabera Arroko Erakundeak landu beharreko txostenaren emaitzei kalterik egin gabe.
Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko 2.6 kategorian sartuta dago, «Metalen eta plastikozko materialen gainazala prozedura elektrolitiko edo kimiko bidez tratatzeko instalazioak, tratamendurako erabilitako kubeten edo lerro osoen bolumena 30 m3-tik gorakoa denean» izenekoan.
Kime SA enpresak ingurumeneko baimen bateratua eskatu du jarraian deskribatu den jarduera garatzeko:
Kime SA enpresaren instalazioak Amurrion daude (Araba), zehazkiago Zabalibar kaleko 8. zenbakian.
Kime SA enpresak altzariak, osagarriak, erakustaltzariak eta irteera-kutxako altzariak egiten ditu, mota orotako dendetarako. Honako lerro hauek ditu:
- Apalen ibilbidea.
- Preziotako profilen (eta lamen) ibilbidea.
- Kremaileren ibilbidea.
- Oinarrien ibilbidea.
- Kartelen ibilbidea (prentsa).
- Atzealdeko panelen ibilbidea.
- Gainerako gaiak urratsez urrats fabrikatzeko ibilbidea.
Fabrikaren ekoizpen-gaitasuna 2.400 unitate/egunean da.
Gas Naturalaren urteko kontsumoa 555.400 Nm3 da.
Energia elektrikoaren kontsumoa 3.139.066 kWh da.
Prozesuaren deskribapena:
Lehengaien biltegia:
Lehengaiak txapazko bobinetan iristen dira -diametro eta txapa-formatu desberdinekoak dira bobinak- eta produktu desberdinak fabrikatzeko kateen hasierarik gertu dagoen lantegi-eremuan biltegiratzen dira. Bobinak mugitzeko zubi-garabiak edo orgatilak erabiltzen dira. Epoxi pintura, lehengai gisa erabiltzen dena, pintatzeko eremuan biltegiratzen da. Bestalde, gai osagarriak biltegiratzen dira (ebaketa-gasak, soldadura eta bainuetako eta araztegiko produktu kimikoak, eta abar).
Neurrira egindako ebaketa:
Fabrikatu nahi den materialaren arabera, bobina edo txapazko formatua abiapuntutzat hartu eta luzera desberdineko zatiak eta zuloak puntzonatzen eta trokelatzen dira, xede horrekin instalatutako makinak erabiliz.
Konformazioa:
Piezak moztu eta zuzendu eta gero, profilatu eta tolestu egiten dira, profilatzeko edo tolesteko makinak erabiliz.
Mihiztatzea eta soldatzea:
Piezak osatu ondoren, mihiztatze-katera eramaten dira. Tresnerian mihiztatu eta soldatu egiten dira, erresistentzia edo erdiekarpen bidez.
Pintatzea:
Fabrikatutako piezak estali egiten dira, epoxi hautsez pintatuz.
Tratatu behar diren piezei hainbat tratamendu ematen zaie jarraian, kate garraiagailu bat erabiliz, eta honako etapa hauek bereizten dira: tratamendu-tunela, lehortzeko berogailua, pintatzeko kabina eta polimerizatzeko labea.
Tratamendu-tunela:
Pintatuko den materiala garbitu eta prestatu egiten da. Honakoa tuneleko prozesu kimikoa: koipegabetzeko eremua, fosfatatzeko eremua eta hotzean garbitzeko eremua, lehortzeko eremura igaro aurretik. Sarreran eta irteeran bi lurrun-erauzgailu zentrifugo daude; gortina bat osatzen dute, lurrunak kanpora irtetea eragozteko.
Lehortzeko berogailua:
Piezak lehortzen dira etapa honetan, fosfatatzeko tunela zeharkatu ondoren eta epoxi hautsa aplikatu aurretik.
Bero-sorgailua osatzen duten elementuak dira: errekuntza-ganbera, gas-erregailua (segurtasun-elementu guztiekin), pizteko sistema, iragazketaren erregulazioa, eta abar.
Pintura-gela:
Epoxi pintura pintatu behar den materialaren gainean proiektatzeko ekipoa da. Kanpo-zikloi bat du, eta tobera-kolektorera lotuta dago mahuka malgu batekin. Zikloiak bastidore bat du euskarri gisa eta zikloiaren gorputza, goiko xurgapen bidezko haizagailua eta hautsa jasotzeko biltegia bereiz daitezke.
Polimerizatzeko labea:
Pintatutako piezen gainean proiektatu den epoxi hauts-erretxina egosten eta polimerizatzen da. Lehortzeko labearen antzekoa da polimerizatzeko labea.
Kontrolatzeko eta erregulatzeko ekipoa:
Armairu elektriko kableatu bat da, zenbakitua eta instalazioa babestu, agindu eta seinaleztatzeko elementuak dauden ekipoetarako irteera-borneak ditu.
Paketatzea eta bidalketa: produktuak amaitu eta gero, paketatu eta bezeroaren biltegira bidaltzen dira (Kider SA).
Atmosferara egiten diren isurtzeak:
Kime SA enpresak atmosfera kutsatzen duten honako isurtze-foku hauek ditu, Atmosfera Babesteko Legeriaren arabera katalogatuta (1976ko urriaren 18ko Ministerioaren Agindua, 833/1975 Dekretua eta 38/1972 Legea). Ondorengo taulan zerrendatu eta identifikatu dira foku horiek:
FE01 1. irteera Intrapim tuneleko lurrun-erauzketa
FE02 2. irteera Intrapim tuneleko lurrun-erauzketa
FE03 3. irteera Intrapim tuneleko lurrun-erauzketa
FE04 Intrapim lehortzeko labearen erregailua
FE05 1. erregailua Intrapim polimerizazioa
FE06 1. erregailua Intrapim polimerizazioa
FE07 Intrapim polimerizazio-erauzgailuaren irteera
FE08 Intrapim polimerizatzeko labearen kanpai-irteera
FE09 351. Galdara
FE10 352. Galdara
FE11 1. irteera Geinsa tuneleko lurrun-erauzgailua
FE12 Geinsa tuneleko 1. erregailua
FE13 Geinsa tuneleko 2. erregailua
FE14 2. irteera Geinsa tuneleko lurrun-erauzgailua
FE15 3. irteera Geinsa tuneleko lurrun-erauzgailua
FE16 Geinsa lehortzeko labeko erauzketa-irteera
FE17 Geinsa lehortzeko labeko ekortze-erauzgailuaren irteera
FE18 Labe gelifikatuko erauzgailuaren irteera
FE19 Geinsa polimerizatzeko labeko erauzgailuaren irteera
FE20 Geinsa polimerizatzeko labeko ekortze-erauzgailuaren irteera
FE21 Geinsa polimerizatzeko labearen kanpai-irteera
Ur isurtzeak:
Pintatzeko prozesutik datozen industriako hondakin-urak substantzia kutsatzaileak dituzten urak dira (detergenteak, fosfatoak, olioak eta koipeak, eta abar dituzte); substantzia kutsatzaile horiek koipegabetzeko, fosfatatzeko eta garbitzeko bainuen ondorioz sortzen dira, nagusiki.
2005ean 5.291,2 m3 isurketa sortu ditu Kime SA enpresak, eta honako isurtze-puntu hauek ditu:
- Industria-uren isurtzea: 2005ean 2.836 m3 industria-ur isuri dira; ur hori ekoizpen-instalazioan erabiltzen da (hozte-instalazioa eta tratamendu-tunela) eta araztegira eramaten da ibaira isuri aurretik.
- Ur sanitarioen isurtzea: 2005ean 2.455,2 m3 ur beltz sortu zen; ibaira isurtzen dira ur beltzak.
Jasotako euri-urei dagokienez, Kime SA enpresaren euri-ur guztiak euri-ur garbiak dira, edozein motako kutsadura eramateko arriskua duten lekuetatik (hauts-substantzien biltegiak, hondakinak, eta abar kanpoaldean kokatzen dira, teilatupean eta kubeten barruan) urrun geratzen diren kanaleta asfaltatuetatik bideratzen baitira. Horrenbestez, mota honetako urek ez dute kutsatzailerik arrastatzen.
Isurtzeak arazteko sistemak:
Hondakin-uren araztegi bat dago, tratamendu-tuneleko prozesuen industria-urak arazteko.
Kime SA enpresaren araztegia ur azido fosfatodunen etengabeko isurtzeak eta koipegabetze fosfatatuko isurtze etenak tratatzeko eta garbiketa-urak husteko diseinatuta dago. Isurtze etenen karga kutsatzaile altua dela eta, ezinezkoa da zuzenean tratatzea, hortaz, 42 m3 inguruko hobi batean biltegiratzen dira.
Urak neutralizatu, hauspeatu, malutatu, eta dekantatu-berritzeko eta lohiak arazteko tratamendu fisiko-kimikoa egiten da. Honako zati hauek ditu sistemak:
- Industria-urak homogeneizatzeko andela.
- Neutralizazioa-malutapena eta prentsa-iragazkia.
Kime SA enpresak aurkeztutako proiektuak teknika onenen erabilera (TOE) izan daitezkeen ondorengo neurriak barneratzen ditu: Gerta daitezkeen jarioak biltegiratzeko edukiera nahikoa duen atxikipen-kubeta bat dago; gasak xurgatzen dira tratamendu-lerroetan; xukatze-denbora nahikoa gordetzen da eta piezak inklinatuta jartzen dira arrasteak murrizteko; prozesuetan erreaktibo kimikoen kontrola egiten da; disoluzioen parametro kritikoak kontrolatzen dira; bainuen bizitza erabilgarria luzatzen da.
Bigarrena.- Kime SA enpresak Amurrioko udalerrian txapazko altzariak fabrikatzeko, ondorengo baldintzak eta eskakizunak ezartzea:
A) Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Kime SA enpresak aldaketa horien berri emango du.
B) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:
B.1.- Instalazioaren funtzionamendurako baldintza orokorrak.
B.1.1.- Airearen kalitatea babesteko baldintzak.
B.1.1.1.- Baldintza orokorrak.
Kime SA enpresaren fabrika -Zabalibar kaleko 8. zk (Amurrio, Araba)- ustiatzean atmosferara egingo diren isurketek ez dituzte Ebazpen honetan ezarritako balioak gaindituko.
Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.
Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edota ekonomikoki bideragarria ez denean, edo ingurunean kalte urria eragiten dutela egiaztatzen denean.
Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala eraiki, ustiatu eta mantenduko dira, efluenteen tenperatura eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.
B.1.1.2.- Fokuak identifikatzea. Katalogazioa.
Kime SA enpresaren instalazioak ondorengo fokuak ditu, atmosfera babestearen arloan indarrean dagoen araudiaren arabera katalogatuta:
Foku zk. Foku-kodea Isurtze-fokuaren izena Garaiera Diametroa Katalogazioa UTM koordenatuak
Taldea Epigrafea X Y
FE01 1002318-01 1. irteera Intrapim tuneleko lurrun-erauzketa 8,2 0,5 C 3.12 500.817 4.767.755
FE02 1002318-02 2. irteera Intrapim tuneleko lurrun-erauzketa 9,7 0,5 C 3.12 500.825 4.767.754
FE03 1002318-03 3. irteera Intrapim tuneleko lurrun-erauzketa 8,2 0,5 C 3.12 500.840 4.767.752
FE04 1002318-04 Intrapim lehortzeko labearen erregailua 8,9 0,25 C 3.1.1 500.848 4.767.761
FE05 1002318-05 1. erregailua Intrapim polimerizazioa 9 0,3 C 3.1.1 500.851 4.767.773
FE06 1002318-06 2. erregailua Intrapim polimerizazioa 8,6 0,3 C 3.1.1 500.853 4.767.785
FE07 1002318-07 Intrapim polimerizazio-erauzgailuaren irteera 8,9 0,25 B 2.12.1 500.851 4.767.779
FE08 1002318-08 Intrapim polimerizazio-labearen kanpai-irteera 8,7 0,63 B 2.12.1 500.851 4.767.791
FE09 1002318-09 351. Galdara 8,1 0,68 C 3.1.1 500.860 4.767.812
FE10 1002318-10 352. Galdara 7,8 0,68 C 3.1.1 500.861 4.767.815
FE11 1002318-11 1. irteera Geinsa tuneleko lurrun-erauzgailua 8,1 0,3 C 3.12 500.824 4.767.815
FE12 1002318-12 Geinsa tuneleko 1. erregailua 8,2 0,2 C 3.1.1. 500.820 4.767.815
FE13 1002318-13 Geinsa tuneleko 2. erregailua 8,2 0,2 C 3.1.1. 500.810 4.767.817
FE14 1002318-14 2. irteera Geinsa tuneleko lurrun-erauzgailua 8,5 0,3 C 3.12 500.806 4.767.817
FE15 1002318-15 3. irteera Geinsa tuneleko lurrun-erauzgailua 8,25 0,3 C 3.12 500.790 4.767.819
FE17 1002318-17 Geinsa lehortzeko labeko erauzgailuaren irteera 8,5 0,15 C 3.1.1 500.780 4.767.818
FE18 1002318-18 Labe gelifikatuko erauzgailuaren irteera 8,5 0,15 B 2.12.1. 500.807 4.767.826
FE20 1002318-20 Geinsa polimerizatzeko labeko erauzgailuaren irteera 8 0,15 B 2.12.1. 500.817 4.767.821
FE21 1002318-21 Geinsa polimerizatzeko labearen kanpai-irteera 8,5 0,6 B 2.12.1. 500.281 4.767.818
Foku zk. Foku-kodea Isurtze-fokuaren izena Garaiera Diametroa Katalogazioa UTM koordenatuak
X Y
FE16-D* 1002318-16-D Geinsa lehortzeko labeko ekortze-erauzketen irteera 8,6 0,3 Foku ez-sistematikoa 500.783 4.767.818
FE19-D* 1002318-19-D Geinsa polimerizatzeko labeko ekortze-erauzgailuaren irteera 8,1 0,3 Foku ez-sistematikoa 500.815 4.767.823
*Foku horretako isuriak instalazioaren funtzionamendu orokorraren % 5 baino gehiagora iristen badira edo urtean 12 aldiz baino gehiagotan gertatzen badira ordubetetik goragoko isuriak, fokua erregulatzeko eskatuko da.
«Kakoak garbitzeko labea» instalazioari dagokionez, xede dugun jarduera garatzen bada, aipatutako instalazioa legeztatzeko eskatuko zaio Ingurumen Sailburuordetzari.
Adierazitakoez gain, partikula solidoen isurtzeak egiten dira pabilioi barruan, soldatzeko, mozteko eta hautsez pintatzeko prozesuen ondorioz:
Isurtzeak gertatzen diren azalera Isurtzeen jatorria Zein prozesuri lotuta Erregimen mota (etengabea/ etena) Isuritako kutsatzaileak Kontrol-sistemen deskribapena
Pabilioi barruan Soldatzeko 2 gela Soldatzea Etengabea Partikula solidoak C041 motako poliesterreko 5 kartutxo, 10 m˛-ko azalera iragazlearekin (soldatzeko makina bakoitzean 4)
Pabilioi barruan Ebaketa-tresneria Moztea Etengabea Partikula solidoak 8 iragazki angeluzuzen, 1.050x776x74 mm, 30 m3-ko azalera iragazlearekin bakoitza. Bidoi batean gordetzen dira isurtzeak.
Pabilioi barruan Kolore bakarreko gelak (2 gela) Hautsez pintatzea Etengabea Partikula solidoak 12 kartutxo iragazle, guztira 192 m˛-ko azalera
Pabilioi barruan Kolore aldakorreko gelak
(3 gela) Hautsez pintatzea Etengabea Partikula solidoak Pikor-tamaina batetik gorako pintura berriro erabiltzeko zikloia eta 12 kartutxo iragazle, guztira 192 m˛-ko azalera
Pabilioi barruan Hauts galdurako kabinak
(3 kabina) Hautsez pintatzea Etengabea Partikula solidoak 5 mahuka-iragazki, guztira 80 m˛-ko azalera iragazlea
B.1.1.3.- Isurtzeko muga-balioak.
Instalazioa ustiatzean atmosferara egingo diren isurtzeek ez dituzte isurtzeko muga-balio hauek gaindituko:
Fokua Substantziak Isurtzeko muga-balioak
FE01 Partikula solidoak 30 mg/Nm3
FE02 Partikula solidoak 30 mg/Nm3
FE03 Partikula solidoak 30 mg/Nm3
FE04 LK 500 p.p.m.
NOx 300 p.p.m.
FE05 LK 500 p.p.m.
NOx 300 p.p.m.
FE06 LK 500 p.p.m.
NOx 300 p.p.m.
FE07 Partikula solidoak 30 mg/Nm3
KOHak KOG gisa neurtuak 100 mg/Nm3
FE08 Partikula solidoak 30 mg/Nm3
KOHak KOG gisa neurtuak 100 mg/Nm3
FE09 LK 500 p.p.m.
NOx 300 p.p.m.
FE10 LK 500 p.p.m.
NOx 300 p.p.m.
FE11 Partikula solidoak 30 mg/Nm3
FE12 LK 500 p.p.m.
NOx 300 p.p.m.
FE13 LK 500 p.p.m.
NOx 300 p.p.m.
FE14 Partikula solidoak 30 mg/Nm3
FE15 Partikula solidoak 30 mg/Nm3
FE17 LK 500 p.p.m.
NOx 300 p.p.m.
FE18 LK 500 p.p.m.
NOx 300 p.p.m.
KOHak, KOG gisa neurtuak 100 mg/Nm3
Partikula solidoak 30 mg/Nm3
FE20 LK 500 p.p.m.
NOx 300 p.p.m.
KOHak, KOG gisa neurtuak 100 mg/Nm3
Partikula solidoak 30 mg/Nm3
FE21 KOHak, KOG gisa neurtuak 100 mg/Nm3
Partikula solidoak 30 mg/Nm3
LK 500 p.p.m.
NOx 300 p.p.m.
Muga-balio horiek baldintza hauek dituzte: 273 K-ko tenperatura, 101,3 kPa-ko presioa eta gas lehorra.
Neurtutako parametroek ez dituzte isurketarako muga-balioak gaindituko, arauz egingo diren aldizkako ikuskaritzetan (ordubeteko hiru neurketa, gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40 gainditzen ez duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25 gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.
KOHei (KOG bezala neurtuta) dagokienez, gehienez onar daitezkeen balioek ez dituzte isurketarako muga-balioak gaindituko, arauz egingo diren aldizkako ikuskaritzetan (ordubeteko hiru neurketa gutxienez), baldin eta neurketa guztien batez bestekoak ez baditu gainditzen isurketarako muga-balioak, eta ordubeteko neurketek ez badituzte gainditzen isurketarako muga-balioak, 1,5 baino gehiagogatik.
B.1.1.4.- Gasak biltzeko eta husteko sistemak.
Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira, Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.
Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein asaldu izan dezakeen gunera bitarteko distantziak (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute. L1 e" 8D eta L2 e" 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.
Isurtze barreiatuak minimizatzeko, «B.1.1.2.- Fokuak identifikatzea. Katalogazioa» atalean deskribatutako kontrol-sistemak edukiko dira.
B.1.2.- Ibilgura isurtzeko baldintzak.
B.1.2.1.- Isurketen sailkapena, jatorria, ingurune hartzailea eta kokapena.
Isurketa sortzen duen jarduera mota nagusia: metalezko altzarien fabrikazioa.
Jarduera-taldea: 36.1. Altzarien fabrikazioa.
Mota-taldea-EJSN: 3-16-28.51 «Metalen tratamendua eta estaldura».
Isurketa-puntua Hondakin-ur mota Isurketaren jatorria Ingurune hartzailea Arro hidrografikoa Ingurune hartzailearen kategoria Isurketa-puntuaren UTM koordenatuak
1 Industriala Ekoizpen-prozesuko ur arazia (hozte-instalazioa eta tratamendu-tunela: fosfatatzea eta pintatzea) Ibilgua Nerbioi ibaia Nerbioi II X: 500.874
Y: 4.767.760
2 Sanitarioa Industriako komunak X: 500.364
Y: 4.765.170
3 Euri-urak Euri-uren bilketa X: 500.367
Y:4.765.172
B.1.2.2.- Gehienez isuri daitezkeen emari eta bolumenak.
a) 1. isurketa: Industria-urak.
Orduko puntako emaria 2,9 m3/h
Eguneko gehienezko bolumena 60 m3/egun
Urteko gehienezko bolumena 13.200 m3/urte
b) 2. isurketa: Ur sanitarioak.
Urteko gehienezko bolumena 2.640 m3
Eguneko gehienezko bolumena 12 m3/egun
B.1.2.3.- Isurketarako muga-balioak.
Ibilgurako isurien ohiko kutsadura-parametroak ondoren zerrendatutakoak izango dira bakarrik, bakoitzerako zehazten diren gehienezko balioekin:
a) 1. isurketa: Industria-urak.
Parametroak Isurtzeko muga-balioak
pH-a 6,5-9,5
Solido esekiak (SE) 30 mg/l
Oxigeno-eskari kimikoa (OEK) 160 mg/l
Amonioa (NH4) <15 mg/l
Olioak eta koipeak (O+K) <20 mg/l
Hidrokarburoak guztira (HCG) 5 mg/l
Fosforoa guztira (PG) <10 mg/l
Burdina guztira (FeG) <2 mg/l
Detergenteak <2 mg/l
Zinka (ZnG) 2,0 mg/l
b) 2. isurketa: Ur sanitarioak.
Parametroak Isurtzeko muga-balioak
pH-a 6,5-9,5
Solido esekiak <80 mg/l
OEK <160 mg/l
Amonioa (NH4) <15 mg/l
Olioak eta koipeak <20 mg/l
Tenperatura. ubidearen tenperatura ezin da 3ş C baino gehiago areagotu.
Ezingo dira diluzio-teknikak erabili isurtzeko muga-balioak lortzeko.
Gainera, ingurune hartzaileari dagozkion arauak eta kalitate-helburuak bete behar dira. Aitzitik, titularrak kasuan kasu tratamendu egokia egin beharko du, isurketaren ondorioz aipatutako kalitate-helburuak urratzen ez direla ziurtatzeko.
Baimen honek ez du baldintza honetan berariaz adierazitakoak ez diren beste substantzien isurketarik onartzen, batez ere maiatzaren 23ko 606/2003 Errege Dekretuaren hirugarren xedapen gehigarrian aipatzen diren substantzia arriskutsuak. Errege Dekretu horren bidez, Urei buruzko abuztuaren 2ko 29/1985 Legearen atariko titulua eta I, IV, V, VI eta VIII. tituluak garatzen dituen jabari publiko hidraulikoari buruzko araudia onartzen duen apirilaren 11ko 849/1986 Errege Dekretua aldatzen da.
Hozte-zirkuituak husteko arau egokien bidez errespetatu eta bermatu behar den protokoloa ondorengoa izango da:
1.- Husteko gutxieneko denbora: 72 ordu.
2.- Hondar-kloro askea erreaktiboak gehituz edo beharrezko denboran pausagune bidez, etab. ezabatzea, eta zuzeneko «in situ» analisi-kontrola, isuri aurretik klororik ez dagoela bermatzeko.
Putzuaren hondoan pilatutako lohiak kendu eta hustea. Lohi horiek ezin dira isuri.
B.1.2.4.- Araztu eta husteko instalazioak.
Jarraian adierazi dira Kime SA enpresak dituen hondakin-urak arazteko instalazioak edo ezarritako neurri zuzentzaileak:
Hondakin-uren araztegia, tratamendu-tuneleko prozesuetako industria-urak arazteko; horrela lortzen da Iparraldeko Ur-konfederazioaren Uren Komisariak ezarritako industria-urak isurtzeko parametroak ziurtatzea, betiere isurketarako baimenean adierazitakoa betez.
Kime SA enpresaren araztegia ur azido fosfatodunen etengabeko isurtzeak eta koipegabetze fosfatatuko isurtze etenak tratatzeko eta garbiketa-urak husteko diseinatuta dago. Isurtze etenen karga kutsatzaile altua dela eta, ezinezkoa da zuzenean tratatzea, hortaz, 42 m3 inguruko hobi batean biltegiratzen dira. Bertatik dosifikatzen dira, 40 l/h kantitatean eta aurreko hobian (7 m3) nahasten dira, 1.000 litro garbiketa-urarekin nahastuz.
Urak neutralizatu, hauspeatu, malutatu, eta dekantatu-berritzeko eta lohiak arazteko tratamendu fisiko-kimikoa egiten da. Honako zati hauek ditu sistemak:
- Industria-urak homogeneizatzeko andela.
- Neutralizazioa-malutapena eta prentsa-iragazkia.
Halaber, Kime SA enpresak araztegiaren prebentziozko mantentzea egiten du, egunero, astero eta hiru hilean behin eta, gainera, mantentze-lanetan lortutako datuak erregistratu egiten dira.
Hondakin-urak hobi septiko batera eramaten dira, Nerbioi ibaira isuri aurretik. Gaur egun lohiak hobi septikoaren hondoan uzten dira eta hiru hilean behin egiten diren analitikek adierazten dute noiz kendu.
Hartutako neurri zuzentzaileak nahikoak ez direla ikusiz gero, Kime SA enpresak behar beste aldaketa egingo ditu arazteko instalazioetan, isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik, eta behar izanez gero, baimena aldatzeko ere eskatuko du.
Aurkeztutako agirien arabera, isuriak kontrolatzeko kutxeta bat jarriko da baimendutako hondakin-ur mota bakoitzerako; kutxeta horiek isurien lagin esanguratsuak lortzeko behar dituen ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.
Kasu honetan, efluenteak kontrolatzeko nahitaezkoa da ondorengo elementuak izatea:
- Emari-neurgailu totalizatzailea industria-uren tratamenduaren irteeran.
B.1.2.5.- Isurien Kontrol Kanona.
Uraren Legearen Testu Bateginaren 113. artikulua eta Jabari Publikoko Urguneen Erregelamenduaren (606/2003 Errege Dekretua) 291. artikulua aplikatuz, honakoa da isurien kontrol-kanona:
(IKK): Isurien Kontrol-kanona= B x Pu.
Pu = Pb x Km.
Km = K2 x K3 x K4.
Honela ulertuta:
B = Isurketa baimenduaren bolumena (m3/urte).
Pu = Isuriaren kontroleko prezio unitarioa.
Pb = Oinarrizko prezioa m3-ko, isuriaren izaeraren arabera ezarrita.
Km = Isurketaren maiorazioko edo minorazioko koefizientea.
K2 = Koefizientea, isuriaren ezaugarrien arabera.
K3 = koefizientea, isuriaren kutsadura-mailaren arabera.
K4 = Koefizientea, ingurune hartzailearen kalitatearen arabera.
1. isurketa: Industria-erabilerako urak:
B: Bolumena:
Pb: Hondakin-ura: Industriala
K2: 3. mota substantzia arriskutsuekin
K3: Tratamendu egokia
K4: Kategoria-eremua: II B = 13.200 m3/urtea
Po = 0,03005 € /m3
K2 = 1,28
K3 = 0,5
K4 = 1,12
Km = 1,28 X 0,5 x 1,12 = 0,7168.
Pu = 0,03005 x 0,7168 = 0,02154 euro/m3.
2. isurketa: Osasun-erabilerako urak:
B: Bolumena:
Pb: Hondakin-ura: Hiri-hondakinak
K2: 1. mota
K3: Tratamendu egokia
K4: Kategoria-eremua: II B = 2.640 m3/urtea
Pb = 0,01202 € /m3
K2 = 1,0
K3 = 0,5
K4 = 1,12
Km = 1,00 X 0,5 x 1,12 = 0,56.
Pu = 0,01202 x 0,56 = 0,006731 euro/m3.
Isurien kontrol-kanona = 13.200 x 0,02154 + 2.640 x 0,006731 = 302,1 euro/urte.
B.1.3.- Instalazioan sortutako hondakinak egoki kudeatzen direla bermatzeko baldintzak.
Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hala badagokio, hondakinak karakterizatu egin beharko dira euren izaera zehaztu eta helburu egokiena erabakitzeko.
Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketak saihesteko.
Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.
Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira lehentasunez, autosufizientzia- eta gertutasun-printzipioei jarraituz.
Zabortegian ezabatzea aurreikusita dagoen hondakinen karakterizazioa, Kontseiluaren 2002ko abenduaren 19ko 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira, eta hala badagokio, erabaki hori garatzeko Euskal Autonomia Erkidegoan onartutako jarraibideak.
Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira ezbeharrean gerta daitezkeen isurketak kanpora irten ez daitezen.
Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.
Hondakinak desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Amurrioko Udalean.
B.1.3.1.- Hondakin arriskutsuak.
Sustatzaileak adierazitako hondakin arriskutsuak honako hauek dira:
● 1. Prozesua: «Mozketa eta konformazioa».
● 2. Prozesua: «Pintatzea».
- 1. hondakina: «Epoxi pintura».
Identifikazioa: A01012830/100004751/2/1.
Hondakinaren kodea: Q8//D9//S12//C18/37//H6/11//A241//B3142.
EHZ: 080111.
Urtean sortutako kantitatea: 28 tona.
Pintatzeko gelako pintatze-eragiketetan sortzen da; pintura-hautsak dira eta pigmentu eta erretxina desberdinak dituzte.
Hondakinarentzat identifikatutako plastikozko poltsa batekin kaxetan gordetzen da, sortzen den postuan edo postuetan bertan; behin bete ondoren, hondakinen biltegira eramaten da.
● 3. Prozesua: «Muntatzea».
● 4. Prozesua: «Gas efluenteak araztea».
● 5. Prozesua: «Hondakin uren tratamendua».
- 1. hondakina: «Araztegiko opila».
Identifikazioa:A01012830/100004751/5/1.
Hondakinaren kodea: Q9//D9//S27//C24//H5//A241//B0006.
EHZ: 190205.
Urtean sortutako kantitatea: 15,1 tona.
Pintatzeko prozesuaren barruan, urak koipegabetu, fosfatatu eta berritzean sortutako uren araztegian sortzen da.
Hondakinarentzat identifikatutako edukiontzian jasotzen da eta bete ondoren, hondakinen biltegira eramaten da.
2. hondakina: «Koipegabetze eta fosfatatzearen ondoriozko lohiak».
Identifikazioa: A01012830/100004751/5/2.
Hondakinaren kodea: Q8//D9//L27//C23//H5//A241//B0006.
EHZ: 110109.
Urtean sortutako kantitatea: 18 tona.
Araztegian tratatu beharreko isurtzeak biltegiratzeko hobien urteko garbiketan sortzen da. Lohi azidoak dira.
Sortzen den puntuan jasotzen da zuzenean, kudeatzaile baimenduari entregatzeko.
● 6. Prozesua: «Zerbitzu orokorrak».
- 1. hondakina: «Olio hidrauliko erabiliak».
Identifikazioa: A01012830/100004751/6/1.
Hondakinaren kodea: Q8//R13//L8//C51//H5/6//A241//B0019.
CER: 130113.
Urtean sortutako kantitatea: 2.880 kilogramo.
Mantentze Orokorreko azpiprozesuan makinetako olioa aldatzean sortzen da; olio hidrauliko erabiliak dira.
Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.
- 2. hondakina: «Berun azidozko bateriak».
Identifikazioa: A01012830/100004751/6/2.
Hondakinaren kodea: Q6//R13//S37//C18/23//H8//A241//B0019.
EHZ: 160601.
Urtean sortutako kantitatea: 2 unitate hiru urtean behin.
Bateriak birjartzeko eragiketetan sortzen da Mantentze-lan Orokorrak azpiprozesuan; beruna eta disoluzio azidoa duten bateria erabiliak dira.
Hondakinarentzat identifikatutako edukiontzian jasotzen da, horretarako berariaz jarritako gunean.
- 3. hondakina: «Lanpara fluoreszenteak».
Identifikazioa: A01012830/100004751/6/3.
Hondakinaren kodea: Q6//R13//S40//C16//H6/14//A241//B0019.
EHZ: 200121.
Urtean sortutako kantitatea: 15 unitate.
Lanparak birjartzeko eragiketetan sortzen da Mantentze-lan Orokorra azpiprozesuan; merkurioa duten lanpara erabiliak dira.
Hondakinarentzat identifikatu den kutxa batean jaso eta berariaz prestatutako leku batean uzten da.
- 4. hondakina: «Pila prismatikoak (metal astunak dituztenak)».
Identifikazioa: A01012830/100004751/6/4.
Hondakinaren kodea: Q6//R13//S37//C7/16/22//H6/14//A241//B0019.
EHZ: 200133.
Urtean sortutako kantitatea: 1 kilogramo.
Pila agortuak birjartzeko eragiketetan sortzen da, eta eraginkorragoa denez, taldeka biltzen dira; merkurioa, zinka eta beste metal-oxido batzuk dituzten pilak dira.
Hondakin horrentzat identifikatutako edukiontzian biltzen dira, horretarako berariaz jarritako gunean.
- 5. hondakina: «Baztertutako ekipamendu elektrikoak eta elektronikoak».
Identifikazioa: A01012830/100004751/6/5.
Hondakinaren kodea: Q14//R13//S40//C6/18//H6/14//A241//B0019.
EHZ: 160213.
Urtean sortutako kantitatea: hondakin puntuala.
Ekipo elektrikoak eta elektronikoak aldatzeko eragiketetan sortzen da; baztertutako ekipo ofimatikoak dira.
Hondakinarentzat identifikatu den zonan jasotzen da, hondakin arriskutsuen biltegian.
- 6. hondakina: «Disolbatzaile organiko ez-halogenatua».
Identifikazioa: A01012830/100004751/6/6.
Hondakinaren kodea: Q7//R13//L5//C41//H3b/5//A241//B0019.
EHZ: 140603.
Urtean sortutako kantitatea: 200 litro.
Ekipoak garbitu eta mantentzeko eragiketetan sortzen da; disolbatzaile erabilia da, olio eta koipeen hondarrekin.
Hondakinarentzat identifikatutako bidoian jasotzen da, sortzen den lekuan bertan; behin bete ondoren, baztertu egiten da, kudeatzaile baimenduari emateko.
● 7. Prozesua: «Hondakinak elkartzea».
- 1. hondakina: «Kutsatzailez bustitako trapuak, iragazkiak eta xurgatzaileak».
Identifikazioa: A01012830/100004751/7/1.
Hondakinaren kodea: Q5//D15//S34/35//C43/51//H5//A241//B9711.
EHZ: 150202.
Urtean sortutako kantitatea: 1000 kilogramo.
Xurgatzaileak eta ehunak bildu eta multzokatzeko azpiprozesuan kodetzen dira; olioz eta/edo pinturaz inpregnatutako paper, zatar, iragazki eta material xurgatzaileak dira.
Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.
- 2. hondakina: «Metalezko ontziak (gai arriskutsuez kutsatuak)».
Identifikazioa: A01012830/100004751/7/2.
Hondakinaren kodea: Q5//R13//S36//C43/51//H5//A241//B9711.
EHZ: 150110.
Urtean ekoitzitako kantitatea: 200 kilogramo.
Ontzi hutsak bildu eta pilatzeko azpiprozesuan sortzen dira; substantzia arriskutsuen hondarrak dituzten metalezko ontziak dira, edo horiez kutsatuak; orokorrean olioak eta pinturak eduki dituzte.
Hondakinarentzat identifikatutako bidoian jasotzen da sortzen den postuetan. Behin bete ondoren, hondakinen biltegira eramaten da.
- 3. hondakina: «Plastikozko ontzi hutsak».
Identifikazioa: A01012830/100004751/7/3.
Hondakinaren kodea: Q5//R13//S36//C43/51//H5//A241//B9711.
EHZ: 150110.
Urtean ekoitzitako kantitatea: 10 unitate.
Ontzi hutsak bildu eta pilatzeko azpiprozesuan sortzen dira; substantzia arriskutsuen hondarrak dituzten edo horiez kutsatuta dauden plastikozko edukiontziak dira.
Hondakinarentzat identifikatu den zonan jasotzen da, hondakin arriskutsuen biltegian.
a) Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.
b) «Koipegabetze eta fosfatatzearen ondoriozko lohiak» hondakinaren kasuan, sortzen den instalazioko biltegitik zuzenean jasoko da, aurretik ontziratu edo biltegiratu gabe, kudeatzaile baimenduari emateko.
c) Hondakin arriskutsuak dituzten ontziek hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.
d) Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.
e) Berariazko hondakin sanitarioak (II. taldea) manipulatu, ontziratu, etiketatu eta gordetzeko baldintzak Euskal Autonomia Erkidegoan hondakin sanitarioak kudeatzeko baldintzak arautzen dituen martxoaren 26ko 76/2002 Dekretuan eta hori garatzeko araudietan ezarritakoak izango dira.
f) Gainerako hondakin arriskutsuak ezin izango dira 6 hilabete baino gehiago gorde.
g) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakinen kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.
h) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Kime SA enpresak artxibategian erregistratu eta gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.
i) Egiaztatu egin beharko da hondakin arriskutsuak kudeatzaile baimenduaren instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.
j) Kime SA enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako olio erabilia.
k) Ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Kime SA enpresak.
l) Ekipo elektriko eta elektronikoen hondakinak, horien artean hodi fluoreszenteak, otsailaren 25eko 208/2005 Errege Dekretuan, tresna elektriko zein elektronikoei eta horien hondakinen kudeaketari buruzkoan ezarritakoaren arabera kudeatuko dira.
m) Kime SA enpresak PKB daukaten gailuak dituenez, nahitaez bete behar ditu horiek behar bezala kudeatzeko abuztuaren 27ko 1378/1999 Errege Dekretua, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, eta errege-dekretu hori aldatzen duen otsailaren 24ko 228/2006 Errege Dekretua.
n) Europako Parlamentuaren eta Kontseiluaren 2000ko ekainaren 29ko 2037/2000 EE Erregelamenduan ozono-geruza agortzen duten substantzia batzuk zehazten eta arautzen dira. Kime SA enpresak era horretako substantzia erabilirik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen-ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparatuak aztertu eta mantentzeko lanen aurretik nahiz desmuntatu edo suntsitu baino lehen.
o) Kime SA enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helmuga eta aldi baterako biltegiratuta dauden hondakinen zerrenda.
p) Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, jasotzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, IKS-L03 Sistemaren erakundeentzako bertsioa erabiliz, Ingurumen Sailburuordetzari kontrolerako erregistro horren kopia bidaliko dio.
q) Hondakin arriskutsuen kudeaketako funtsezko oinarrietako bete dadin, hau da, hondakin horiek ahal den gutxiena sortzeko, Kime SA enpresak neurri zuzentzaileak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.
r) Aurreko g) eta h) (kudeatzaileak EAEn daudenean), o) eta p) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
s) Amiantoa duten hondakinak antzemanez gero, Kime SA enpresak 108/1991 Errege Dekretuan (3. artikulua), amiantoak ingurumenean sortzen duen kutsadura saihestu eta gutxitzekoan, ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egiterakoan segurtasun eta osasun arloan bete behar diren gutxieneko baldintzak.
B.1.3.2.- Hondakin ez-arriskutsuak:
Sustatzaileak adierazitako hondakin ez-arriskutsuak hauek dira:
Hondakinaren izena EHZ kodea Zein prozesuri lotuta Zenbatetsitako ekoizpena
Txatarra 100200 Mozketa eta zuzenketa 748.825 kg/urte
Lohi beltzak 200304 Hobi septikoa 10.000 kg/urte
Papera eta kartoia 150101 Paketatzea 17.214 kg/urte
Zura 150103 Paketatzea 20.830 kg/urte
Tinta-kartutxoa 080313 Inprimatzea 28 unitate/urte
Tonerra 080318 Inprimatzea
Hiriko hondakinekin bateratu daitezkeen hondakinak 150106 Garbiketa-hondarrak (hautsa, harea, zaborra, plastikoa, bulegoko materiala, eta abar) 19.540 kg/urte
a) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu batera.
b) Hondakin ez-arriskutsuak ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.
c) Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Kime SA enpresak artxibategian erregistratu eta gorde beharko ditu onarpen-agiriak, edo horien agiri ofizial baliokideak, aginduzkoak direnean, bost urtean gutxienez.
d) Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.
e) Erregistro bat egingo da, hondakinei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.
f) Aurreko c) eta d) (kudeatzaileak EAEn daudenean), eta e) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
B.1.4.- Lurzoruaren kalitatea babesteko neurri orokorrak.
Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Kime SA enpresak aipatutako txostenean adierazten diren neurri zuzentzaileak ezarri behar ditu (kasu honetan III. arrisku-mailakoak dira guztiak). Horrenbestez, kasu honetan, honako jarduera hauek garatuko dira, justifikazio teknikoa eta/edo ekonomikoa egin eta gero, eta Kime SA enpresak bere balorazioa egin ahal izango du:
- Lurzorua kutsatzeko iturri arriskutsua Kime-01 «Gasolio Tanga» Tanga eta hodien inguruko lurzoruaren kalitatea ikertuko da. Laginak hartu eta aztertuko dira, ihesak eta/edo jarioak gertatzeko arrisku handieneko puntuak kontuan hartuta. Ikerketa horrek kontuan hartuko ditu 2007ko martxoan landutako «Amurrioko (Araba) Kime SA enpresan dagoen lurpeko gasolio-tanga baten inguruko lurzoruaren kalitateari buruzko ikerketaren balorazio-txostenean» barne hartutako gomendioak eta ohar guztiak.
- Halaber, Sailak eskatutakoa betez, erabiltzen ez den tanga inertizatzeko eragiketa abenduaren 1eko 1416/2006 Errege Dekretuak, MI-IP 06 «Petrolio-gai likidoak biltegiratzeko andelak zerbitzutik kanpo uzteko prozedura» Instrukzio Tekniko Osagarria onartzen duenak, ezarritakoaren arabera egingo da.
B.1.5.- Zaratari buruzko baldintzak.
Jarraian adierazitako zarata-mailak ez gainditzeko neurriak instalatuko dira:
a) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB eta 30 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.
b) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 08:00ak bitartean, leiho eta ateak itxita, ezta 45 eta 35 dB (A) ere gehienezko balioetan.
c) Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.
d) Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.
C) Ingurumena Zaintzeko Programa.
Ingurumena zaintzeko programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:
C.1.- Atmosferako isurtzeak kontrolatzea.
a) Kime SA enpresak isuriak kontrolatu beharko ditu, ondorengo informazioaren arabera:
Fokua Foku-kodea Fokuaren izena Neurtu beharreko parametroak Kontrolen maiztasuna
FE01 1002318-01 1. irteera Intrapim tuneleko lurrun-erauzketa Partikula solidoak Bost urtean behin
FE02 1002318-02 2. irteera Intrapim tuneleko lurrun-erauzketa Partikula solidoak Bost urtean behin
FE03 1002318-03 3. irteera Intrapim tuneleko lurrun-erauzketa Partikula solidoak Bost urtean behin
FE04 1002318-04 Intrapim lehortzeko labearen erregailua NOx Bost urtean behin
LK
FE05 1002318-05 1. erregailua Intrapim polimerizazioa NOx Bost urtean behin
LK
FE06 1002318-06 2. erregailua Intrapim polimerizazioa NOx Bost urtean behin
LK
FE07 1002318-07 Intrapim polimerizazio-erauzgailuaren irteera Partikula solidoak Hiru urtean behin
KOHak, KOG gisa neurtuak
FE08 1002318-08 Intrapim polimerizazio-labearen kanpai-irteera Partikula solidoak Hiru urtean behin
KOHak, KOG gisa neurtuak
FE09 1002318-09 351. Galdara NOx Bost urtean behin
LK
FE10 1002318-10 352. Galdara NOx Bost urtean behin
LK
FE11 1002318-11 1. irteera Geinsa tuneleko lurrun-erauzgailua Partikula solidoak Bost urtean behin
FE12 1002318-12 Geinsa tuneleko 1. erregailua NOx Bost urtean behin
LK
FE13 1002318-13 Geinsa tuneleko 2. erregailua NOx Bost urtean behin
LK
FE14 1002318-14 2. irteera Geinsa tuneleko lurrun-erauzgailua Partikula solidoak Bost urtean behin
FE15 1002318-15 3. irteera Geinsa tuneleko lurrun-erauzgailua Partikula solidoak Bost urtean behin
FE17 1002318-17 Geinsa lehortzeko labeko erauzgailuaren irteera NOx Bost urtean behin
LK
FE18 1002318-18 Labe gelifikatuko erauzgailuaren irteera NOx Hiru urtean behin
LK
Partikula solidoak
KOHak, KOG gisa neurtuak
FE20 1002318-20 Geinsa polimerizatzeko labeko erauzgailuaren irteera NOx Hiru urtean behin
LK
Partikula solidoak
KOHak, KOG gisa neurtuak
FE21 1002318-21 Geinsa polimerizatzeko labearen kanpai-irteera NOx
LK
Partikula solidoak Hiru urtean behin
KOHak, KOG gisa neurtuak
b) Goiko atalean adierazitako neurketa guztiak Baimendutako Kontrol Erakunde (BKE) batek egin behar ditu (gutxienez, ordubeteko hiru neurketa, zortzi ordutan barrena neurtutakoak) eta aldizkako neurketa horiei dagozkien txostena, Ingurumen Sailburuordetzaren «BKEren gutxieneko txostenean« ezarritakoari egokitu behar zaio. Nolanahi ere, isurtzeko kontrolek eta baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.
c) Baimendutako kontrol erakundeak adierazitako parametro guztiak neurtu eta horien gainean egiten dituzten txostenak bidali beharko dira. Neurketa berriak egin beharko dira, baldin eta parametroen neurketarik ez badago edo egindako neurketak Ebazpen honetan kontrol-maiztasuna ezarri aurretik egindakoak badira. Atmosferara egiten diren isurtzeen ondorengo kontrolak, egindako azken neurketan adierazitako maiztasunarekin egingo dira.
C.1.1.- Lortutako emaitzak erregistratzea.
Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.
C.2.- Isuritako uraren kalitatea kontrolatzea.
a) Derrigorrezkoa da ur tratatua neurtzeko pH-neurgailu jarraiki bat eta isuritako uren emari-neurgailu bat izatea, neurketaren tokiko adierazlea, beharrezko bi puntutan alarmak, eta datu historikoak gordetzeko eta kudeatzeko sistema informatizatua dutenak. Horiek Administrazioaren esku egon beharko dute gainera.
b) Sustatzaileak aurkeztu dituen agirien arabera, ondorengo analisiak egingo dira:
Isurketa-puntua: Kontrolatu beharreko fluxua Kontrol kutxetako utm koordenatuak Neurtu beharreko parametroak Kontrolen maiztasuna Kontrol mota
1 Industriala araztegiko isurtzea X: 500.874
Y: 4.767.760 Ph-a, solido esekiak, oek, amonioa, olioak eta koipeak, hidrokarburoak guztira, fosforoa guztira, burdina guztira, zinka guztira Hiru hilero Kanpokoa
Ph-a, emaria Etengabea Autokontrola
2 Sanitarioa X: 500.364
Y: 4.765.170 Ph-a, solido esekiak, oek, amonioa, olioak eta koipeak Hiru hilero Kanpokoa
c) Kanpoan egiten den kontrol bakoitza, laginak hartzea zein ondorengo analisia, «Erakunde Laguntzaile» batek (Jabari Publiko Hidraulikoaren Erregelamenduaren 255. artikulua) egin eta egiaztatuko du, eta goian aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.
Isurketen kontrolen emaitzak Ingurumen Sailburuordetzara bidaliko dira lagina hartzen denetik hilabeteko epean.
d) Laginketak kutsatzaile gehien sortzen den aldietan egingo dira.
e) Isurketak baimenean jarritako baldintza guztiak betetzen dituela ulertuko da, B.1.2.3 atalean ageri diren parametro guztiek ezarritako mugak betetzen baditu.
f) Isurketan lehen aipatutako maiatzaren 23ko 606/2003 Errege Dekretuaren hirugarren xedapen gehigarriak aipatzen dituen gai arriskutsuak dauden dioen adierazpen bat igorriko du titularrak urtero. Adierazpen horretan produkzio-prozesuan manipulatu diren substantzia guztiak adierazi behar dira, nahiz eta isurketan ez detektatu.
C.3.- Jardueraren adierazleak kontrolatzea.
Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:
Adierazlea Unitatea
Gas naturalaren kontsumoa m3 gas natural/margotutako pieza kop.
Elektrizitate-kontsumoa Kwh elektrizitate/margotutako pieza kop.
Pintura-kontsumoa Kg pintura-hautsa/margotutako pieza kop.
Pintura-hondakinak Kg pintura-hautsaren hondakin/kg pintura-hauts kontsumitu
Araztegiko opilak Kg araztegiko opil/pieza margotu
C.4.- Zarataren kontrola.
Jarduera garatzen den lursaileko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.
Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako C.6 atalean aipatzen den ingurumena zaintzeko programako testu bateginarekin batera aurkeztuko da.
C.5.- Emaitzak kontrolatu eta bidaltzea.
Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30 baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.
Isuritako uraren kalitatearen kontrolari buruzko emaitzak, gainera, hiru hilean behin bidaliko dira Uraren Euskal Agentziara (Bizkaiko Ordezkaritza).
C.6.- Ingurumena Zaintzeko Programari buruzko agiri bategina.
Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak eta analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du, modu egokian xehatuta.
Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).
D) Ezohiko egoeretan, kutsadurari aurre hartzeko neurriak eta jardunerako baldintzak.
D.1.- Fabrika gelditzeko eta abiarazteko eragiketak eta mantentze-lanetarako programatutako eragiketak.
Programatutako urteko mantentze-lanei dagokienez, botako diren kutsagarriak eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.
D.2.- Jarduera uztea.
Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (36.1 epigrafea, «Altzarien fabrikazioa»), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ez artzen dituen urtarrilaren 14ko 9/2005 Errege Dekretua. Hori dela-eta, Kime SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.
D.3.- Ezohiko jardunean aplikatzeko neurriak eta jarduerak.
Sustatzaileak aurkeztutako agirietan jasotako proposamenean ezohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:
a) Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa-mota), eta lurzoruaren gaineko isuriak biltzeko sistemak.
b) Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.
c) Goian aipatutako prebentziozko mantentze-lanen eskuliburuan, atmosferaren kutsadurari aurrea hartzeko eta zuzentzeko (arazketa, minimizazioa, eta abar) sistemen egoera ona bermatuko duten neurriak gehitu behar dira.
d) Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.
e) Besteak beste, produktu kimikoak, hondakin-uren arazketa-hondakinak eta abarrak maneiatzeak lurzorua eta ura kutsa dezake. Beraz, isuriak, jarioak edo ihesak gertatzeko arriskua izan dezaketen azalera guztiak iragazgaiztuko dira.
f) Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.
g) Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.
h) Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen jarioak ez dira tratamenduko instalaziora eramango.
i) Andel edo putzuen hondoan pilatzen diren solidoak ez dira ibilgura hustuko aldizkako garbitze-lanetan zehar; behar bezala kudeatuko dira edo zabortegi baimendura eramango dira.
j) Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, gordailu iragazgaitzetan eta hondoan hustubiderik ez dutenetan gordeko dira.
k) Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen guneetan.
l) Arazteko instalazioek lohien tratamendua badute, xukatutako ura instalazioaren sarrerara birzirkulatuko da, hori tratatzeko.
m) Hobi septikoaren sistemak eta iragazki biologikoak garbitze- eta mantentze-lan egokia izango dute errendimendu ona ziurtatzeko. Aldizka enpresa espezializatu batek erretiratuko ditu pilatutako solido eta lohiak, eta iragazki biologikoaren ohantzea garbituko du, eta garbiketan arrastatutako solidoak ibilgura hustea saihestuko da.
n) Urtean behin instalazio horien garbiketaren eta mantentze-lanen fakturaren kopia bat bidaliko da.
o) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.
p) Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isurketak prebenitzeko hartu diren segurtasun-neurriak abian izateko. Kasu horretan, honako baldintza hauek azpimarratu behar dira:
Estazioan erroilu erako edo gai pikortatuzko, edo antzeko berariazko gai xurgatzailea egongo da, ustekabeko jario edo ihesetan berehala aplikatu ahal izateko.
Berme-neurri gisa, pH-aren eta redox-aren zunda bikoitza eduki behar da arazte-prozesuko puntu kritikoetan, eta kontsigna-puntuen desbideratzeei dagozkien alarmak jarri.
Hausturen, ustekabeko gainezkaldien eta abarren ondorioz gerta daitezkeen isuriei eusteko, gasolioa biltegiratzeko eta manipulatzeko instalazioak modu egokian isolatuko dira.
Araztegia ustiatzeko enpresa espezializatu batek egindako protokolo edo eskuliburu bat izango da nahitaez, eta ekipo elektromekaniko, zunda, mintz, dosifikatu eta kontrolatzeko tresna eta abarren mantentze-lanak bilduko dira bertan.
Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.
Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko isuri edo ihesak daudenean kutsadura ekiditeko eskuragarri dauden baliabideei dagokienez.
Halaber, prozesuaren funtzionamendu egokiaren ustiapen- eta zaintza-eskuliburua izango da. Aldizka egindako mantentze-lanen eta kontrolen eragiketak, zein antzemandako gorabeherak jasoko dira bertan, eta enpresa espezializaturen bat bertaratzea aholkatzen da.
Era berean, nahitaez kontratu bat sinatzea eskatzen da araztegiaren mantentze-lanetarako, eta prozesuaren, errendimendu eta arazketaren, ekipo elektromekaniko eta sentsoreen funtzionamendu egokia ikuskatzeko.
Enpresa espezializatu batek egindako araztegiaren mantentze-lanen protokolo edo eskuliburu bat eduki behar da derrigorrez, eta bertan, hauek finkatuko dira: ekipo elektromekanikoen mantentze-lanak, arbastuen garbiketa, gehiegizko solido, lohi etab.en purgak, erreaktore biologikoko lohien kontzentrazioaren aldizkako jarraipena barne, horiek behar bezala purgatu eta erretiratzeko.
Hondakin-ura ezingo da «by-pass» bidez isuri arazketa-instalazioetan.
q) Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaeraren baten aurrean (besteak beste, ezbeharrez gertatzen diren isurketak, kontrolik gabeko isurtze atmosferikoak, zaraten inguruko kexak), gorabehera edo ezohiko gertaera horren berri eman beharko zaio berehala Ingurumen Sailburuordetzari.
r) Gertakari edo arazo larriren bat edo atmosferara ustekabeko isuriren bat eginez gero, Ingurumen Sailburuordetzari jakinarazteaz gain, SOS Deiak eta Udalari ere jakinarazi beharko zaie berehala. Ondoren, eta gehienez ere 18 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, honako datu hauek agertuko dira:
- Gertakari mota.
- Gertakaria non, zergatik eta zer ordutan gertatu den.
- Iraupena.
- Ustekabeko isuria bada, emaria eta isuritako gaiak.
- Mugak gaindituz gero, isurtzeei buruzko datuak.
- Eragindako kalteen balioespena.
- Berriro gerta ez dadin aurreikusitako neurriak.
- Prebentzio-neurriak eraginkortasunez aplikatzeko ezarritako epeak.
s) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.
E) Baldin eta arautegi berria indarrean sartzean, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hala egitera bagaramatza, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, baita neurketaren aldizkakotasuna eta aipatutako parametroek hartu behar duten tarteari dagozkion mugen kasuan ere. Era berean, neurri babesle zein zuzentzaileak eta ingurumena zaintzeko programa, jardueraren sustatzaileak hala eskatuta, edo ofizioz, aldaraz daitezke, ingurumena zaintzeko programan lortutako emaitzetan oinarrituta.
F) Urtean behin Kime SA enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko apirilaren 20ko 508/2007 Errege Dekretuaren, E-E-PRTR Araudiko eta ingurumeneko baimen bateratuetako isurketen gaineko informazioa ematea arautzen duenari jarraituz.
Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.
Halaber, Ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.
Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.
G) 2007ko apirilaren 21eko 509/2007 Errege Dekretuaren 4. artikuluko 3. atalari jarraituz, lehendik dauden instalazioen titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian aurreikusitako erregistratu eta ebaluatzeko prozesuan identifikatu direnak, giza osasunerako eta ingurumenerako izan dezaketen arriskua.
H) Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko 2002ko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.
Hirugarrena.- Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio ebazpen honetako Bigarren ataleko puntu hauetan ezarritako baldintzak betetzen direla: B.1.3.1.g) eta B.1.3.2.c) (Hondakin arriskutsuak eta ez-arriskutsuak onartzeko agiriak); B.1.3.1.p) eta B.1.3.2.e) (Hondakin arriskutsuen eta ez-arriskutsuen erregistro-eredua); B.1.4 (Lurzorua babesteko baldintzak); C.1 (Atmosferara egiten diren isurtzeen kontrola); C.1.1 (Atmosferara egiten diren isurtzeen erregistro-eredua); C.2.a) (Segidako kontrol-sistemak); C.6 (Ingurumena zaintzeko programaren agiri bategina); D.1 (Isurtze eta hondakinen balioespena mantentze-lanetan); D.3.a) (Prebentziozko mantentze-lanen eskuliburua); D.3.g) (Larrialdietarako materialen zerrenda); D.3.h) (Kubetak husteko maniobraren protokoloa); D.3.s) (Suteen aurkako babesari buruzko egiaztagiriak).
Halaber, baimen hau indarrean jarri aurretik, ingurumen organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskapen-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.
Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den biharamunetik kontatzen hasita.
Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.
Laugarrena.- Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.
Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.
Bosgarrena.- Edozein modutan ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.
Seigarrena.- Kime SA enpresak Ebazpen honen xede den txapazko altzariak fabrikatzeko jardueran titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, Ingurumen Sailburuordetzak onar dezan.
Zazpigarrena.- Baimen honek balioa galduko du kausa hauek gertatzen direnean:
- Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.
- Kime SA enpresaren nortasun juridikoa bukatzea, indarrean dagoen araudian ezarritako kasuetan.
- Baimena indarrean jartzen dela adierazten duen ebazpenean xedatutakoak.
Zortzigarrena.- Ebazpen honen edukia jakinaraztea Kime SA enpresari, Amurrioko Udalari, ingurumeneko baimen bateratua emateko prozeduran parte hartu duten erakundeei eta gainerako interesdunei.
Bederatzigarrena.- Ebazpen hau Euskal Herriko Agintaritzaren Aldizkarian argitaratzeko agintzea.
Hamargarrena.- Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).
Vitoria-Gasteiz, 2008ko apirilaren 9a.
Ingurumeneko sailburuordea,
IBON GALARRAGA GALLASTEGUI.
