Euskal Herriko Agintaritzaren Aldizkaria

70. zk., 2011ko apirilaren 11, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Iragarkiak

Kultura Saila

2077

IRAGARKIA, zeinen bidez Instituto para el Tratamiento de la Nicotina Dependencia SL-ari jakinarazten baitzaio Hizkuntza Politikarako sailburuordearen 2011ko otsailaren 8ko Ebazpena. Ebazpen horren bidez baliogabetu egiten da 2007ko ekainaren 26ko Ebazpenaren bidez Instituto para el Tratamiento de la Nicotina Dependencia SL-ari esleitutako diru-laguntza.

Instituto para el Tratamiento de la Nicotina Dependencia SL-ari (Bilbao) aipatutako ebazpena jakinarazten saiatu ostean, horretarako modurik egon ez denez, ondoren argitaratzen da oso-osorik:

«Ebazpena, 2011ko otsailaren 8koa, Hizkuntza Politikarako sailburuordearena, 2007ko urtarrilaren 24ko Aginduaren babesean, Instituto para el Tratamiento de la Nicotina Dependencia SL-ari, espediente-zenbakia PRI-200700/0141, lehen erabilera-plana diseinatzeko, 2007ko ekainaren 26ko Ebazpenaren bidez, esleitutako diru-laguntza baliogabetzen duena.

AURREKARIAK

1.- Diru-laguntzen deialdia arautzen duen Kulturako sailburuaren 2007ko urtarrilaren 24ko Agindua 2007ko martxoaren 5ean argitaratu zen EHAAn. Agindu horrek arautu egiten ditu entitate pribatuek eta zuzenbide publikoko korporazioek Euskal Autonomia Erkidegoan dituzten lantokietan euskararen erabilera-planak egiteko edota 2007an garatzeko diru-laguntzak.

2.- 2007ko urtarrilaren 24ko Aginduaren babesean bildutako dirulaguntza-eskabideez hartutako erabakia jakinarazten duen Ebazpena eman zuen Hizkuntza Politikarako sailburuordeak 2007ko ekainaren 26an. Horren bitartez, Instituto para el Tratamiento de la Nicotina Dependencia SL-ari bi mila (2.000) euroko diru-laguntza egokitu zitzaion lehen erabilera-planaren diseinurako. Aurkeztutako gastu osoa sei mila (6.000) eurokoa izan zen.

3.- Bigarren puntuan adierazitako diru-laguntzaren ordainketari dagokionez, lehen puntuan aipatutako Aginduaren 17. artikuluan esandakoari jarraituz jokatu zen. Ondorioz, esleitutako diru-laguntzaren % 50 (1.000) euro diru-laguntzari uko egiteko epea pasatu ondoren ordaindu zen, onuradunak uko egin ez baitzion. Gainerako % 50a (1.000) euro diru-laguntza justifikatzeko agiriak jaso eta egiaztatu ondoren ontzat eman arte utzi zen.

4.- Diru-laguntza justifikatzeko agiriak aurkezteko epea 2008ko urtarrilaren 31n amaitu zen.

5.- 2008ko uztailaren 17ko datarekin errekerimendu gutuna bidali zitzaien, posta zertifikatuz, aipatutako agiriak jaso ez zirelako.

6.- Errekerimendu-gutuna jaso ondoren ere, entitate onuradunak ez du jasotako diru-laguntza justifikatu. Beraz, Kulturako sailburuaren 2007ko urtarrilaren 24ko Aginduak ezarritako betebehar bat ez du bete.

Horiek horrela izanda, honako hau

ERABAKI DUT:

Lehenengoa.- Diruz lagundutako proiektuaren justifikaziorik aurkeztu ez denez, abenduaren 17ko 698/1991 Dekretuak ezarritakoari jarraituz, Instituto para el Tratamiento de la Nicotina Dependencia SL-ari, espediente zenbakia PRI-200700/0141, lehen erabilera-planaren diseinua proiekturako esleitutako diru-laguntza baliogabetzea.

Bigarrena.- Instituto para el Tratamiento de la Nicotina Dependencia SL-ari hirugarren aurrekarian aipatutako kopurua itzultzeko eta dagozkion legezko interesak ordaintzeko eskatzea, hau da, eskuratutako lehen zatia (1.000) euro eta dagozkion legezko interesak (155,31) euro.

Hirugarrena.- Ebazpen honen berri ematea interesatutako entitateari eta, bide batez, jakinaraztea administrazio-bidea ixten ez duen ebazpen honen aurka gora jotzeko errekurtsoa aurkez dakiokeela Kulturako sailburuari, ebazpen honen jakinarazpena hartzen den egunaren biharamunetik hasi eta hilabeteko epean».

Hori guztia, Euskal Herriko Agintaritzaren Aldizkarian argitaratuz jakinarazten da, urtarrilaren 13ko 4/1999 Legearen 59.4 artikuluan aurreikusitako ondorioak izan ditzan. Lege horren bidez, Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legea aldatu zen.

Vitoria-Gasteiz, 2011ko martxoaren 21a.

Koordinazioko zuzendaria,

IVÁN IGARTUA UGARTE.