Euskal Herriko Agintaritzaren Aldizkaria

70. zk., 2011ko apirilaren 11, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Irungo Lehen Auzialdiko eta Instrukzioko 3 Zenbakiko Zuzeneko Laguntza Emateko Unitate Prozesala

2071

EDIKTUA, diru-zenbatekoa erreklamatzeko bideratutako 115/10 prozedura arruntaren ondoriozkoa.

Irungo Lehen Auzialdiko eta Instrukzioko 3 zenbakiko Epaitegia, Zuzeneko Laguntza Emateko Unitate Prozesala.

Judizioa: 115/10 prozedura arrunta.

Demandatzailea: Gipuzkoa eta Donostiako Aurrezki Kutxa.

Abokatua: Iñigo Larequi Arcos.

Prokuradorea: Alcain.

Demandatua: Jose Florente Fernandez Formoso eta Patricia Moscoso Gonzalez.

Gaia: diru-zenbateko bat erreklamatzea.

Judizio horretan epaia eman da. Hona hemen:

Osorik baietsi dut Caja de Ahorros y Montes de Piedad de Gipuzkoa y San Sebastián-Gipuzkoa eta Donostiako Aurrezki Kutxa erakundeak Jose Florente Fernández Formoso eta Patricia Moscoso Gonzalez jaun-andreen aurka jarritako demanda. Horrenbestez,

1.- Demandatuak kondenatzen ditut entitate auzi-jartzaileari printzipal gisa 16.317,21 euro ordaintzera solidarioki.

2.- Demandatuak kondenatzen ditut entitate auzi-jartzaileari solidarioki ordaintzera 1.578,73 euroren berandutza-interesak, 2009ko abuztuaren 27tik 2010eko martxoaren 10era arte.

3.- Auzi-jartzaileari interes hauek ordaintzera kondenatzen dut demandatua: kondenaren xede den printzipalari (16.317,21 euro) % 17,25eko urteko interes-tasa hitzartua 2010eko martxoaren 10etik hasi eta zenbatekoa ordaintzen den eguna bitartean aplikatuta ateratzen diren interesak.

Alderdi demandatuari ezartzen dizkiot beren-beregi prozesuan sortutako kostuak.

Aurkaratzeko modua: apelazio-errekurtsoa aurkeztuz, Gipuzkoako Probintzia Auzitegian (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan, ediktu hau jakinarazi eta biharamunetik bost egun balioduneko epean. Idazki horretan, bestalde, hauek adieraziko dira: apelatutako ebazpena, errekurritzeko nahia eta zein erabakiren aurka egiten den (PZLb, 457.2 artikulua).

Errekurtsoa jarri ahal izateko, 50 euroko gordailua jarri beharko da, eta baldintza hori bete ezean ez da hura izapidetzea onartuko. Gordailua eratzeko, zenbateko hori zainpean utzi beharko da epaitegi honen Gordailuan eta Zainpean uzteko Kontuan. Kontu hori Banesto (Banco Español de Crédito) taldekoa da, eta 1890 0000 00 0115 10 zenbakia du. Diru-sarrera egin izanaren agirian, kontzeptua idazteko eremuan, «Errekurtsoa» dela adierazi beharko da (kodea: 02-Apelazioa). Errekurtsoa prestatzerakoan, diru-zenbateko hori zainpean jarri izana egiaztatu beharko da (BJLO, 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Jose Florente Fernandez Formoso demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian argitaratutako ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka auzi-ihesean den demandatuak apelazio-errekurtsoa aurkez dezake.

Jakinarazten den ebazpenaren testu osoa interesatuaren eskura dago, epaitegi honetako bulego judizialean.

Irun (Gipuzkoa), 2011ko martxoaren 2a.

IDAZKARI JUDIZIALA.