Euskal Herriko Agintaritzaren Aldizkaria

70. zk., 2011ko apirilaren 11, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Ingurumen eta Lurralde Antolamendu Saila

2059

EBAZPENA, 2008ko ekainaren 24koa, Ingurumeneko sailburuordearena, Camelot 97 SL enpresari ingurumeneko baimen bateratua ematen diona, Amorebieta-Etxanoko (Bizkaia) udalerrian aluminio-galdaketa egiteko jarduerarako.

GERTAKARIAK

2006ko abenduaren 27an, Camelot 97 SL enpresak Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua ematea eskatu zion, Kutsaduraren Prebentzio eta Kontrol Integratuari buruzko uztailaren 1eko 16/2002 Legeak xedatutakoaren arabera, Amorebieta-Etxanoko (Bizkaia) udalerrian aluminio-galdaketa egiteko jarduerarako. Ondorengo dokumentu teknikoak erantsi zitzaizkion eskaerari:

- Oinarrizko proiektua eta dokumentazio gehigarria (2006ko abendua).

- Laburpen ez-teknikoa (2006ko abendua).

Erreferentzia-baimena eskatzeko unean, Camelot 97 SL enpresak hondakin geldoen ekoizleen erregistroan izena emanda zuen, 2004ko uztailaren 13an, hondakinen esparruko araudian xedatutakoa betez.

Beranduago, 2006ko azaroaren 30ean, xede dugun proiektuaren eta Amorebieta-Etxanoko hirigintza-plangintzaren arteko bateragarritasunari buruzko udal txostena bidali zen.

2007ko otsailaren 23an, Ingurumenaren Kalitatearen Zuzendaritzak prozeduran esku-hartzea duten hainbat organori txostenak eskatu zizkion, ingurumen organoaren bidez proiektuaren gaineko eraginaren azterlana jendaurrean jartzeko izapidetzea adosteari dagokionez. Zehazki Amorebieta-Etxanoko Udalari, Iparraldeko Ur-konfederazioari eta Osasun Publikoko Zuzendariordetzari kontsultatu zien.

2007ko apirilaren 4an, ingurumen organoak agiri osagarriak eskatu zizkion sustatzaileari; espedientea 2007ko azaroaren 7an osatu zen.

Aurkeztutako agiriak nahikoa zirela egiaztatu ondoren, Ingurumen sailburuordeak 2007ko azaroaren 14an emandako ebazpenaren bidez, jendaurrean jarri zen 30 egun balioduneko epean, Camelot 97 SL enpresak sustatutako proiektua, egoki iritzitako alegazioak aurkezteko. Euskal Herriko Agintaritzaren Aldizkarian nahiz Bizkaiko Aldizkari Ofizialean argitaratu zen, bietan 2007ko abenduaren 3an. Era berean, proiektuak hartuko duen eremuaren ondoko auzokide bakoitzari jakinarazpena bidali zitzaion.

Jendaurrean jartzeko izapidea amaitu ondoren, alegaziorik ez dagoela egiaztatu da.

2008ko urtarrilaren 31n, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Camelot 97 SL enpresaren esku utzi zen, Ingurumen eta Lurralde Antolamendu Sailak egindako ebazpen proposamena gehituz.

2008ko otsailaren 15ean, Ingurumeneko Baimen Integratuaren ebazpen proposamenari lotuta sustatzaileak egindako hainbat gogoeta jaso ziren.

ZUZENBIDEKO OINARRIAK

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes-maila altua helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen dira eta jarduera horrekin zerikusia dute.

16/2002 Legearen 9. artikuluak ezartzen duena betez, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Camelot 97 SL enpresaren kasuan, baimen hauek guztiak behar ditu: hondakin arriskutsuak eta ez-arriskutsuak sortzeko baimena, saneamendu-sare orokorrera isurketak egiteko baimena, eta ingurumen-izaerako beste zehaztapenen artean, atmosferaren kutsadurari dagozkion baimenak eta lurzoruaren kutsadura prebenitu eta zuzentzeari dagozkionak. Gainera, espedientean beste administrazio eta erakunde eskudun batzuek ere parte hartu dute, aginduzko txostenak igorriz.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezkatzen du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten zena; ez du ordezkatzen, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko autonomia erkidego bakoitzean jarduera sailkatuei aplikatzekoak diren gainerako arauak. Transkribatutako aginduak aplikatuz, Camelot 97 SL enpresari dagokion ingurumeneko baimen bateratuaren prozedurak barne hartu ditu Euskal Autonomia Erkidegoko Ingurumena Babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Amorebieta-Etxano Udalaren eta Eusko Jaurlaritzako Osasun Sailaren txostenak.

Azkenik, instalazioak gehienez isur ditzakeen gai kutsagarrien balioak eta ingurumena, oro har, ahalik eta gehien babesteko ustiapenerako ezarriko zaizkion beste baldintza batzuk zehazte aldera, Ebazpen hau egiterakoan kontuan izan dira teknika onenen erabilera eta aplika dakiokeen alorreko legerian ezarritako neurriak eta baldintzak. Zehazki, Europako Batzordearen 2005eko maiatzeko Reference Document on Best Available Techniques in the Smitheries and Foundries Industry BREF agiriaren, 2001eko abenduko Reference Document on the application of Best Available Techniques to Industrial Cooling Systems agiriaren eta 2006ko uztaileko Reference Document on Best Available Techniques for Emissions from Storage agiriaren edukiak hartu dituzte kontuan.

Espedienteko txostenak aztertu ondoren, ebazpen proposamena sinatu eta Camelot 97 SL enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da. Zentzu horretan, kontuan hartu behar da organo honi atxikitako zerbitzu teknikoek sustatzaileak izapidetze honetan egindako oharrak aztertu dituztela, eta guztiak kontuan hartu direla Ebazpen hau lantzeko orduan.

Organo hau da ingurumeneko baimen bateratu hau emateko eskuduna, aipatutako legearen 13. artikuluan eta Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuaren 9. artikuluan ezarritakoari jarraituz.

Ondorengo araudia ikusi da: Ingurumen eta Lurralde Antolamendu Sailak 2008ko urtarrilaren 30ean emandako ebazpen proposamena; otsailaren 27ko 3/1998 Lege Orokorra, Euskal Herriko Ingurumena Babesteari buruzkoa; 16/2002 Legea, uztailaren 1ekoa, Kutsaduraren Prebentzio eta Kontrol Integratuari buruzkoa; Ingurumenaren gaineko Eraginaren Ebaluazioari buruzko ekainaren 28ko 1302/1986 Legegintzako Errege Dekretua, maiatzaren 8ko 6/2001 Legeak aldatu zuena; irailaren 30eko 1131/1988 Errege Dekretua, Legea burutzeko araudia onartzen duena; urriaren 25eko 340/2005 Dekretua, Ingurumen eta Lurralde Antolamendu Sailaren egitura organikoa ezartzen duena; azaroaren 26ko 30/1992 Legea, Herri Administrazioen Araubide Juridikoa eta Administrazio Prozedura Erkideari buruzkoa, eta aplika daitekeen gainerako araudia,

EBATZI DUT:

Lehenengoa.- Helbide soziala Amorebieta-Etxanoko (Bizkaiko lurralde historikoa) Zubieta Industrialdean duen eta IFK: B-48906523 zenbakia duen Camelot 97 SL enpresari Ingurumeneko Baimen Bateratua ematea, Amorebieta-Etxanoko udalerrian aluminio-galdaketa egiteko jarduera garatzeko, eta Ebazpen honen bigarren atalean zehaztutako baldintzak jarraituko ditu.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko 2.5.b kategorian dago, «Metal ez-ferrosoak, aleazioa barne, eta berreskuratzeko produktuak (fintzea, moldea galdaketan) galdatzeko instalazioak, berun eta kadmiorako 4 tona edo gainerako metal guztietarako 20 tona baino gehiagoko urtze-gaitasunarekin, egun bakoitzeko».

Camelot 97 SL enpresa Zubieta Industrialeko UI-II sektoreko P-12 lurzatian dago, Amorebieta-Etxanoko udalerrian. Ibaizabal ibaiaren eskuinaldean geratzen da, 100 metrotik beherako distantzia batera. Ibaia lurzatiaren ekialdera geratzen da, eta gainerakoan industrialdeko bideek eta industria-lurzatiek mugatuta dago.

Enpresaren ekoizpen-gaitasuna, aluminio-galdaketa bidez automozioko osagai mekanizatuak fabrikatzeko jarduerari dagokionez, 12.900 tonakoa da.

Honako jarduera hauek garatzen dira enpresan: aluminio-injekzio bidezko urtzea eta moldeaketa automozioko osagaietarako, automozioko aluminio eta altzairuzko osagaien mekanizazioa serie handitan eta automozioko altzairuzko osagaiak makinen bidez margotzea.

Produkzio-prozesua honako etapa hauek osatzen dute: lehengaien harrera, galdaketa, aluminio-injekzioa, mekanizatua, pintatzea, kalitate-kontrola, biltegiratzea eta bidaltzea.

Laburbilduz, honako prozesu hau betetzen da: aluminiozko lingotearen galdaketa egin behar da eta, horretarako, 3 urtzeko labe erabiltzen dira: bat urtzea egiteko eta beste biak aleazioetarako. Material galdatua injekzio-makinetara eramaten da, aluminioa injektatzeko. Pieza osatu ondoren, moldetik ateratzen da eta granailatu eta mekanizatu egiten da ondoren; jarraian, akabera eman eta egokitu egiten da. Zenbait pieza margotu egiten dira mekanizazioaren ondoren.

Horretarako, jardueran honako atal hauek bereiz daitezke:

- Injekzio-nabean eta labeen eranskinetan bi zona bereizten dira: labeen eremua, aluminio-galdaketa eta aleazio desberdinak egiteko, eta injekzio-lerro bat, aluminioaren galdaketa egin ondoren aluminioaren injekzioa egiteko. Galdatzeko dorre bat erabiltzen da horretarako (1.800 kg/h), eta arragoa bat (400 kg/h) eta 6 injektore erabiltzen dira halaber.

- 3 eremu bereizten dira mekanizazioa egiteko eta margotzeko nabean: mekanizaziorako eremua, altzairua eta aluminioa mekanizatzeko egokia, piezak margotzeko eremu bat eta lehengai, gai osagarri eta produktu amaituak gordetzeko biltegi bat. Nabe horretako ekiporik azpimarragarrienak dira honakoak: tornuak, transferrak, brotxatzeko makinak, mekanizazio-zentroak, artezteko makinak, zulagailuak, prentsak eta pintura-makinak.

Instalazioan honako energiak erabiltzen dira: energia elektrikoa instalazioaren funtzionamendu orokorrerako (makinak elikatzeko eta bulegoetarako), C gasolioa barruko garraioan erabiltzen diren orgatila eta konpresoreetarako, eta gas naturala instalazioetako berokuntzarako eta urtzeko labeetarako.

Honakoak dira atmosferara isurtzeak egiten dituzten instalazioak: mekanizazioa egiteko eremuko zenbait makina (garbigailuak, lehorgailuak, margotzeko gelak), aluminioa urtzeko labea eta aleazioak urtzeko arragoak.

Bestalde, jarduerarekin batera hondakin-ur sanitarioen isurtzeak egiten dira (komun eta aldageletatik), euri-uren isurketez gain. Korronte horiek guztiak udal kolektorera isurtzen dira. Mantentze-lanetatik datozen hondakin-urak daude, halaber, baina hondakin arriskutsuen antzera kudeatzen dira.

Proiektu honek 2005eko maiatzeko Reference Document on Best Available Techniques in the Smitheries and Foundries Industry agirian barne hartutako Teknika Erabilgarri Onenak (TEO) barne hartzen ditu: biltegiratzea sistema iragazgaitzetan egitea eta sistema horiek gutxienez instalazioko biltegiratze-andel handienaren bolumena gordetzeko edukiera eta ihesak jasotzeko diseinu egokia edukitzea; hornikuntza-puntuak instalazioaren barruan egotea, gertatzen diren isuriak jasotzeko; uhal garraiatzaileak eta transferentzia-eroanbideak leku seguru eta irekietan jartzea, lur gainean; txirbilak, tornuko txirbilak eta hainbat material oliotsu biltegiratzea, euriak eraman ez ditzan; lehengaiaren kalitatea eta prozesuaren metodoaren kalitatea ezagutzeko materialak manipulatu eta biltegiratzeko sistemen laginketa eta azterketa egiteko sistemak erabiltzea, manipulazio- eta biltegiratze-sistemen kalitate-estandar altuaren arabera diseinatuta; diseinu eta eraikuntzako jardunbide egokiak jarraitzea eta mantentze egokia egitea; labe baskulagarria aleazioak urtzeko, elkarren artean independenteak diren baina komunikatuta dauden bi ganberek urtzeko bat eta mantentzea egiteko bestea- osatua egongo delarik; azpiproduktuak berreskuratzea, ahalik eta gehien, zepa berreskuratzeko, adibidez; karga-orga itxi bat erabiltzea; hautsa desagerrarazteko ehun-iragazkiak edo iragazki zeramikoak erabiltzea; Ar edo N-rekin nahastutako kloroa erabiltzea, gasgabetzeko edo magnesio-kentzerako erreaktibo gisa, edo aluminio fluoruroa erabiltzea; ingurumena kudeatzeko sistemaren ezarpena.

Hona hemen erabiltzeko beste hainbat agiri: Europako Batzordearen 2001eko abenduko Reference Document on the application of Best Available Techniques to Industrial Cooling Systems agiria eta 2006ko uztaileko Reference Document on Best Available Techniques for Emissions from Storage agiria.

Bigarrena.- Camelot 97 SL enpresak Amorebieta-Etxanoko udalerrian sustatutako aluminioaren mekanizazioa eta galdaketa egiteko jarduera ustiatzeko, ondorengo baldintzak eta eskakizunak ezartzea.

A) Administrazioarekiko harremanez arduratuko den pertsonaren gainean Ingurumen Sailburuordetzari eman dizkion datuetan aldaketarik balego, Camelot 97 SL enpresak aldaketa horien berri emango du.

B) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:

B.1.- Instalazioaren jardunerako baldintza orokorrak.

B.1.1.- Airearen kalitatea babesteko baldintzak.

B.1.1.1.- Baldintza orokorrak.

Aluminioa mekanizatu eta urtzeko instalazioa ustiatzean atmosferara egingo diren isurketek ez dituzte Ebazpen honetan ezarritako balioak gaindituko.

Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, behar denean, gai kutsatzaileen ezaugarrien arabera diseinatutako gasak arazteko sistema batetik igaro ondoren.

Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

Neurriak hartuko dira ustekabean gai kutsatzailerik ez botatzeko, eta botatzen direnak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldakuntzei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

B.1.1.2.- Fokuak identifikatzea. Katalogazioa.

Aluminioa mekanizatu eta urtzeko instalazioak honako foku hauek ditu, atmosferaren gaineko babesaren esparruan indarrean dagoen araudiaren arabera katalogatuta:

Foku zk. Erregistro-liburuan duen izena Isurtze-fokuaren izena Garaiera Barruko diametroa Katalogazioa UTM koordenatuak

Taldea X Y

1 48-006652-01 54-280 lerroa Ikuzketa 9 0,2 C 523668 4783726

2 48-006652-02 54-280 lerroa Margotzea eta lehortzea 9 0,3 C 523662 4783727

3 48-006652-03 12-1 lerroa 4 0,3 C 523705 4783725

4 48-006652-04 Aluminioa urtzeko 1. labea 12 1 B 523718 4783646

Aleazioak urtzeko 1. arragoa

Aleazioak urtzeko 2. arragoa

Era berean, isurtze barreiatuak gerta daitezke margotzeko eta lehortzeko 12-1, 21-1 eta 54-280 lerroetan.

B.1.1.3.- Isurtzeko muga-balioak.

a) Atmosferara isurtzen diren gai poluitzaileek ondorengo balioak ez gainditzeko moduan ustiatuko da instalazioa:

Fokuak Substantziak Isurtzeko muga-balioak

1. 54-280 lerroa. Ikuzketa Konposatu Organiko Hegazkorrak 75 mg/Nm3

2. 54-280 lerroa. Margotzea eta lehortzea Konposatu Organiko Hegazkorrak 50 mg/Nm3

3. 12-1 lerroa Konposatu Organiko Hegazkorrak 50 mg/Nm3

4- Labeak Partikula solidoak (PS) 20 mg/Nm3

Nitrogeno-oxidoak (NOx) 300 ppm

Karbono monoxidoa (CO) 500 ppm

Gainazal-estaldura egiteko lanetarako isurketa barreiatuen muga-balioa (disolbatzaileen sarrera-portzentajea) % 20 da.

Balio horiek baldintza hauek dituzte: 273 ºK-eko tenperatura, 101,3 kPa-ko presioa eta gas lehorra.

b) Neurtutako parametroek ez dituzte isurtzeko muga-balioak gaindituko, arauz egingo diren aldizkako ikuskaritzetan (ordubeteko hiru neurketa, gutxienez) zortzi ordutan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40 gainditzen ez duen zenbatekoa baldin bada. Tolerantzia hori gaindituz gero, neurketa-aldia astebetez luzatuko da, eta aldi honetako tolerantzia global gisa, kasuen % 6an gehienez onar daitezkeen mailak gainditzea onartuko da, % 25 gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko zonaldean ezin izango dira inoiz higienikoki onar daitezkeen balioak gainditu.

F1. 54-280 lerroa_Ikuzketa, F2. 54-280 lerroa_Margotzea eta lehortzea eta F3. 12-1 lerroa_Margotzea eta lehortzea fokuetan neurtzen den Konposatu Organiko Hegazkorren parametroari dagokionez (Karbono Organikoaren Guztizko gisa neurtuta), ezarritako mugak beteko dira, baldin eta neurketa guztien baturak ez baditu gainditzen isurtzeko muga-balioak, eta egiten diren ordubeteko neurketetan (hiru gutxienez) isurtzeko muga-balioak 1,5 baino gehiagogatik gainditzen ez badira.

B.1.1.4.- Gasak biltzeko eta husteko sistemak.

Fokuetako gas-hondarrak kanporatzeko tximiniek ez dute B.1.1.2 atalean jasota dagoen goreneko kota baino baxuagoa izango. Tximinietan behar beste neurri hartuko dira, Industria Ministerioak industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, bere norabidean zehar nahiz aurkakoan, edozein perturbazio izan dezakeen gunera bitarteko distantziek (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.

L1 e" 8D eta L2 e" 2D distantziak betetzen ez diren fokuetarako inoiz ez dira L1 < 2D eta L2 < 0,5D balioak onartuko. Kasu horietan, neurketen txostenean laginketa-planoaren baliotasuna justifikatzea eskatuko da.

Isurtze barreiatuak murrizteko helburuarekin, isurtzeak biltzeko sistemak eta haizagailuen, bilketa-kanpaien eta oro har, hodien mantentze-lanen planak modu egokian mantenduko dira.

B.1.2.- Saneamendu-sarera isurtzeko baldintzak.

B.1.2.1.- Isurketen sailkapena, jatorria, ingurune hartzailea eta kokapena.

Isurketa sortzen duen jarduera mota nagusia: aluminio-galdaketa.

Jarduera-taldea: 2.

Mota-taldea-EJSN: 1-2-2754.

Isurketa-puntua Hondakin-ur mota Isurketaren jatorria Ingurumen hartzailea

1 Sanitarioak Komunak eta aldagelak Amorebieta-Etxanoko udaleko kolektorea

2 Euri-urak Euri-urak Amorebieta-Etxanoko udaleko kolektorea

B.1.2.2.- Gehienez isur daitezkeen emari eta bolumenak.

a) 1. isurketa: erabilera sanitarioko urak.

Eguneko gehienezko bolumena 1.412,64 m3/egun

Urteko gehienezko bolumena 285.353,28 m3/egun

B.1.2.3.- Isurtzeko muga-balioak.

Kolektore orokorrera egiten diren isurtzeek nahitaez bete behar dituzte «Amorebieta-Etxanoko udalerriko saneamendu-sistema orokorrean hondakin-urak isurtzeko eta arazteko araudian» adierazitako mugak eta baldintzak, aipatutako organismoak egin ditzakeen aldaketak edo salbuespenak barne hartuta.

B.1.2.4.- Araztu eta husteko instalazioak.

Enpresak kontrol-estazio bat jarri du bere sare pribatuen amaieran, sareen zati gisa, estolderia publikoko sarearekin konektatu aurretik:

- Erregistro-putzua: sartzeko erraza da, eta ez du interferentziarik estolderia publikoko sarearekin konektatu aurretik.

- Kontrol-elementuak: erregistro-putzu bakoitzean beharrezkoak diren elementuak jar daitezke laginak modu errazean hartzeko, emariak neurtzeko noizean behinkako neurketak egiteko edo etengabeko neurketa totalizatzaileak egiteko- eta lagin-bilgailu automatiko bat edo bestelako kontrol-gailuak jartzeko.

Halaber, hidrokarburo-bereizgailu bat du enpresak, konpresoreen purgatzeetatik datorren ura eta olioa bereizteko.

Hartutako neurri zuzentzaileak nahikoak ez direla ikusiz gero, Camelot 97 SL enpresak behar beste aldaketa egingo ditu arazketako instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

Aurkeztutako agirien arabera, isurketak kontrolatzeko kutxeta bat jarriko da baimendutako hondakin-ur mota bakoitzerako; kutxeta horiek isurketen lagin esanguratsuak lortzeko beharrezkoak diren ezaugarri guztiak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

B.1.3.- Instalazioan sortutako hondakinak egoki kudeatzen direla bermatzeko baldintzak.

Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.

Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketa saihesteko.

Hondakinen kudeaketari buruzko printzipio hierarkikoei jarraituz, hondakin oro baliotu egin behar da eta horretarako balioztagune baimendu batera eraman behar dira. Hondakinak ezabatu ahal izango dira, baldin eta horiek baliotzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira baliotzeko beste modu material edo energetikoren aurretik.

Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia- eta gertutasun-printzipioei jarraituz.

Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki horren bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, horiek biltzeko kubeta edo sistema egokiak jarriko dira, ezbeharrez gerta daitezkeen isurketak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

Hondakinek desagertu, galdu edo ihes egingo balute, berehala jakinaraziko da gertatutakoa Ingurumen Sailburuordetzan eta Zornotzako Udalean.

B.1.3.1.- Hondakin arriskutsuak.

Sustatzaileak adierazitako hondakin arriskutsuak honako hauek dira:

● 1. Prozesua: «Aluminiozko lingotea urtzea».

- 1. hondakina: «Aluminiozko zepa, apar gainak eta bainuontziak».

Identifikazioa: 48906523/4822207/1/1.

Hondakinaren kodea:

EHZ:

Urtean sortutako kantitatea:

● 2. Prozesua: «Aluminio injekzioa».

- 1. hondakina: «Aluminio injekzioaren likidoa».

Identifikazioa: 48906523/4822207/2/1.

Hondakinaren kodea: Q7//D9//L27//C23//H5//A241//B3250.

EHZ: 11 01 06.

Urtean sortutako kantitatea: 945.160 kg.

Aluminio-injekzioaren eta konpresoreen purgatzearen likidoak eta iragazkiak garbitzeko urak dira.

Injekzio-makinen azpian dauden eroanbideetan jaso eta putzu batera eramaten dira. Putzu horretatik 30.000 litroko andel batera ponpatzen da eta bertatik eraman egiten da kudeatzaile baimenduari emateko.

● 3. Prozesua: «Granailatzea».

- 1. hondakina: «Hauts metaliko alkalinoa».

Identifikazioa: 48906523/4822207/3/1.

Hondakinaren kodea: Q8//D15//S25//C24//H5/8//A241//B3258.

EHZ: 11 01 07.

Urtean sortutako kantitatea: 3.966 kg.

Piezak granailatzean sortzen da.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

● 4. Prozesua: «Mekanizazioa».

- 1. hondakina: «Taladrina».

Identifikazioa: A48906523/4822207/4/1.

Hondakinaren kodea: Q7//D9//L9//C51//H5//A241//B3258.

EHZ: 12 01 09.

Urtean sortutako kantitatea: 38.000 kg.

Mekanizazio-eragiketetan taladrina erabiltzerakoan hondakin gisa sortzen da; emultsio oliotsua da.

Hondakinarentzat identifikatutako bidoi batean jasotzen da makinen garbiketa egiten denean eta txirbilak xukatzean sortutako taladrinaren andelak xurgatzean eta, ondoren, hondakin arriskutsuen biltegira eramaten da.

- 2. hondakina: «Pintura duen disolbatzaile erabili ez halogenatua».

Identifikazioa: 48906523/4822207/4/2.

Hondakinaren kodea: Q7//R13//L5//C41//H6/3a//A241//B0019.

EHZ: 07 01 04.

Urtean sortutako kantitatea: noizean behin.

Piezak garbitzeko instalazioetan eta instalazioak eta piezak garbitzean sortzen da.

Hondakin hori identifikatzeko bidoian biltzen da sortzen den lekuan, eta bete ondoren, hondakin-biltegira eramaten da.

- 3. hondakina: «Garbiketa urak».

Identifikazioa: A48906523/4822207/4/3.

Hondakinaren kodea: Q5//D9//L9/19//C24//H5/14//A222//B0005.

EHZ: 12 03 01.

Urtean sortutako kantitatea: 175.000 kg.

Piezak garbitzeko instalazioetan eta zoruak garbitzean sortzen da. Detergenteak, ura eta olio-portzentaje oso baxua dituen nahastea da.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

- 4. hondakina: «Pintura hondakinak».

Identifikazioa: A48906523/4822207/4/4.

Hondakinaren kodea: Q5//R13//LP12//C41/H5/3b//A241//B0019.

EHZ: 08 01 11.

Urtean sortutako kantitatea: 1.500 kg.

Piezak margotzeko instalazioetan sortzen da.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

- 5. hondakina: «Ur azidoak».

Identifikazioa: A48906523/4822207/5/5.

Hondakinaren kodea: Q7//D9//L27//C23/H8//A241//B3127.

EHZ: 060106.

Urtean sortutako kantitatea: 1.700 kg.

Piezak margotzeko instalazioetan sortzen da, eroanbideen garbiketaren ondorioz.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

● 5. Prozesua: «Zerbitzu orokorrak».

- 1. hondakina: «Ontzi metaliko kutsatuak».

Identifikazioa: A48906523/4822207/5/1.

Hondakinaren kodea: Q5//R13//S36//C41/51//H5//A241//B0019.

EHZ: 15 01 10.

Urtean sortutako kantitatea: 2,5 tona.

Ontzi hutsak jaso eta pilatzerakoan sortzen da; olioak, disolbatzaileak eta taladrina eduki dituzten metalezko ontziak dira.

Hondakin horrentzat identifikatutako edukiontzian biltzen da sortzen den lekuetan, eta bete ondoren, hondakinen biltegira eramaten da.

- 2. hondakina: «Ontzi metaliko kutsatuak».

Identifikazioa: A48906523/4822207/5/2.

Hondakinaren kodea: Q5//R13//S36/C41//H5//A241//B0019.

EHZ: 15 01 10.

Urtean sortutako kantitatea: 2,9 tona.

Ontzi hutsak jaso eta pilatzerakoan sortzen da; olioak eduki dituzten plastikozko ontziak dira.

Hondakinarentzat identifikatutako bidoian jasotzen da, sortzen den postuetan. Behin bete ondoren, hondakinen biltegira eramaten da.

- 3. hondakina: «Olio erabilia».

Identifikazioa: A48906523/4822207/5/3.

Hondakinaren kodea: Q7//R9//L8//C51//H5/6//A241//B0019.

EHZ: 13 02 08.

Urtean sortutako kantitatea: 400 kg.

Makinetako olioa birjartzean sortzen da; olio mekanikoak eta hidraulikoak dira. Hidrokarburo-bereizgailuan sortzen da halaber.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

- 4. hondakina: «Botoi pilak».

Identifikazioa: A48906523/4822207/5/4.

Hondakinaren kodea: Q6//R13//S37//C10/16/22//H6/14//A241//B0019.

EHZ: 16 06 03.

Urtean sortutako kantitatea: noizean behin.

Merkurioa duten pila agortuak biltzeko orduan sortzen da.

Hondakinarentzat identifikatutako edukiontzian gordetzen dira berariaz adierazitako zona batean.

- 5. hondakina: «Fluoreszente erabiliak».

Identifikazioa: A48906523/4822207/5/5.

Hondakinaren kodea: Q6//R13//S40//C16//H6/14//A241//B0019.

EHZ: 20 01 21.

Urtean sortutako kantitatea: noizean behin.

Merkurioa duten lanpara erabiliak birjartzeko eragiketetan sortzen da.

Hondakin horrentzat identifikatutako bidoian biltzen da, horretarako berariaz jarritako gunean.

- 6. hondakina: «Ekipo elektriko eta elektronikoak».

Identifikazioa: A48906523/4822207/5/6.

Hondakinaren kodea: Q6//R13//S40//C6/11/18//H6/14//A241//B0019.

EHZ: 16 02 13.

Urtean sortutako kantitatea: noizean behin.

Ekipo elektrikoak eta elektronikoak birjartzeko eragiketetan sortzen da; baztertutako ekipo ofimatikoak dira.

Hondakinarentzat identifikatu den zonan jasotzen da, hondakin arriskutsuen biltegian.

- 8. hondakina: «Laborategiko hondakinak».

Identifikazioa: a48906523/4822207/5/8.

Hondakinaren kodea: Q7//D15//S14/C23/41//H6//A241//B0019.

EHZ: 16 05 06.

Urtean sortutako kantitatea: noizean behin.

Piezen kalitatea kontrolatzeko entseguetan azidoak erabiltzean sortzen da.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

- 10. hondakina: «Hondakin oliotsuekin kutsatutako solidoak».

Identifikazioa: A48906523/4822207/5/10.

Hondakinaren kodea: Q5//D15//S40//C51//H5//A241//B0019.

EHZ: 150202.

Urtean sortutako kantitatea: 15000 kg.

Xurgatzaileak eta ehunak bildu eta multzokatzean sortzen da; olioa duten zatarrak, material xurgatzailea eta iragazkiak dira.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

- 11. hondakina: «Disolbatzaile organiko ez-halogenatua».

Identifikazioa: A48906523/4822207/5/11.

Hondakinaren kodea: Q7//R13//L5//C41//H3b/5//A241//B0019.

EHZ: 140603.

Urtean sortutako kantitatea: 440 kg.

Piezen azaleko garbiketan sortzen da.

Hondakin hori identifikatzeko bidoian biltzen da sortzen den lekuan, eta bete ondoren, hondakin-biltegira eramaten da.

- 12. hondakina: «Fuel-olioa».

Identifikazioa: A48906523/4822207/5/12.

Hondakinaren kodea: Q5//D15//L/P9//C51//H5//A241//B0019.

LER: 160708.

Urtean sortutako kantitatea: 400 kg.

Orgatilako fuel-olioa aldatzean sortzen da.

Hondakin hori identifikatzeko bidoian biltzen da, eta hondakin arriskutsuen biltegira eramaten da.

- 13. hondakina: «Hondakin oliotsuarekin kutsatutako solidoak».

Identifikazioa: A48906523/4822207/5/13.

Hondakinaren kodea: Q5//D15//S40//C51/H5//A241//B0019.

EHZ: 15 02 02.

Urtean sortutako kantitatea: 4.236 kg.

Hidrokarburoak dituzten zatarrak, material xurgatzailea, laneko arropa, eta abar dira.

Hondakin hori identifikatzeko bidoian biltzen da sortzen den lekuan, eta bete ondoren, hondakin-biltegira eramaten da.

- 14. hondakina: «Beirazko ontziak».

Identifikazioa: A48906523/4822207/5/14.

Hondakinaren kodea: Q5//D15//S36//C23/41/H5//A241//B0019.

EHZ: 15 02 02.

Urtean sortutako kantitatea: 1 kg.

Ontzi hutsak bildu eta multzokatzean sortzen da; piezen kalitate-kontroleko entseguetarako erabilitako laborategiko produktuak (azidoak, eta abar) eduki dituzten beirazko ontziak dira.

Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

Camelot 97 SL enpresak 1. hondakina: «Aluminiozko zepa, apar gainak eta bainuontziak» multzoaren barruan sortutako hondakinei buruzko datuak aurkeztu behar ditu.

a) Hondakin arriskutsuak biltzeko sistemak bereiziak izango dira, duten tipologia dela-eta, isuriren bat gertatuz gero, nahasi, arriskutsuago bihurtu edo kudeaketa zaildu dezaketen kasuetan.

b) Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrundu ez daitezen.

c) Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa 1988ko uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da.

d) Gainerako hondakin arriskutsuak ezin izango dira 6 hilabete baino gehiago gorde.

e) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakin-kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela.

f) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Camelot 97 SL enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

g) Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

h) Camelot 97 SL enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du sortutako industria-olio erabiliak.

i) Ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu Camelot 97 SL enpresak.

j) Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

k) Camelot 97 SL enpresak PKB eduki dezaketen gailuak dituenez, nahitaez bete behar ditu poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituen abuztuaren 27ko 1378/1999 Errege Dekretuaren baldintzak, eta errege-dekretu hori aldatzen duen otsailaren 24ko 228/2006 Errege Dekretua.

l) Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Camelot 97 SL enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.

m) Camelot 97 SL enpresak urtero adierazi beharko dio Ingurumen Sailburuordetzari, ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.

n) Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

o) Hondakin arriskutsuen kudeaketako funtsezko oinarriak bete daitezen, hau da, hondakin horiek ahal den gutxiena sortzeko, Camelot 97 SL enpresak neurri babesleak erabiliz hondakin arriskutsuen sorrera gutxitzeko plana aurkeztu beharko du Ingurumen Sailburuordetzan, gutxienez lau urtean behin.

p) Aurreko f) eta g) (kudeatzaileak EAEn daudenean), m) eta n) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

q) Amiantoa duten hondakinak antzemanez gero, Camelot 97 SL enpresak amiantoak ingurumenean sortzen duen kutsadura saihestu eta gutxitzeko 1991ko otsailaren 1eko 108/1991 Errege Dekretuan ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egitean segurtasun eta osasun arloan bete behar diren gutxieneko baldintzak.

B.1.3.2.- Hondakin ez-arriskutsuak.

Sustatzaileak adierazitako hondakin ez-arriskutsuak hauek dira:

Hondakinaren izena Zein prozesuri lotuta Kudeatzeko modua Zenbatetsitako ekoizpena

Aluminio-aparrak Galdaketa Baliotzea -

Grafito erregogorra Mantentze-lanak Baliotzea -

Altzairu-txatarra Mekanizazioa Baliotzea 450.120 kg

Aluminio-txatarra Galdaketa Baliotzea 30.960 kg

Zura Orokorra Baliotzea 84 m3

Papera/kartoia Orokorra Baliotzea 13.590 kg

Plastikoa Orokorra Baliotzea 690 kg

a) Adreilu erregogorren kasuan, hondakin horiek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz ebaluatu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ezartzen bada, Ebazpen honetako B.1.3.1 atalean jasotako xedapenak aplikatuko dira.

b) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztagune baimendu bati.

c) Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua baliotzea denean, 2 urtez gorde ahal izango dira.

d) Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa-modua Ebazpen honetako hondakinen kudeaketari buruzko printzipio hierarkikoei egokitzen zaiela. Camelot 97 SL enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

e) Halaber, hondakin geldo eta geldotuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

f) Erregistro bat egingo da, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

g) Aurreko d) eta e) (kudeatzaileak EAEn daudenean) eta f) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

B.1.4.- Lurzorua babesteko baldintzak.

Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako agindua betez lurzoruaren egoerari buruz aurkeztu duten aurretiazko txostenean jasota dauden gomendioen arabera, Camelot 97 SL enpresak honako informazioa aurkeztu beharko du:

- Kanpoko biltegian eta zoladurarik gabe dagoen alboko eremuan lurzoruaren laginketa-kanpaina bat egitea, lurzoruak egun duen kalitatea ebaluatzeko eta, hala badagokio, eremuaren saneamendua egiteko.

- Produktu edo hondakin arriskutsuak biltegiratzean kubetak jartzea edo euspen-neurriak hartzea, tanta-jarioa edo isuria lurrera iristea saihesteko.

- Teilapeko kanpoko biltegiratze-eremuko zola sakonki garbitzea eta, ahal bada, berriro asfaltatzea.

- Andel berriaren gainean teilape bat jartzea desmoldekatze-urak gordeko dira bertan, euri-urek ez putzurik egiteko- edo kubetaren mantentze egokia egingo da ez putzurik sortzeko. Neurri egoki bat izan daiteke, kudeatzaileak ur oliotsuak eramaten dituen guztietan kubeta hustea. Ur horiek kutsatuta daudelako susmoa badago, kudeatzaile baimenduak egingo du kudeaketa.

- Edozein kasutan, ez da produktu edo hondakin arriskutsurik biltegiratuko asfaltatu gabe dauden eremuetan eta aire libreko eremuetan. Gaur egun material geldoak bakarrik biltegiratzen dira aire librean, hala nola produktuak enbalatzeko edukiontziak.

- 2003an teilapeko kanpoko biltegiratze-eremuaren azterketa egin zen eta lortutako ondorioen arabera, lurzoruaren lehen 40 cm-tan alterazio bat dago. Lurzorua gehiago ez eragiteko eta saneatu ahal izateko hainbat gomendio edo neurri aurkezten dira.

- Gainera, ingurumena babesteko ondorengo jardunbide egokiak proposatzen dira:

a) Instalazioen mantentze-lanak egokiak direla ziurtatzea, ingurumenak izan ditzakeen arriskuak kontrolatu ahal izateko.

b) Lurzoruaren kalitateari buruzko adierazpena abian jartzeko orduan lurzoruaren kutsadura prebenitu eta zuzentzeari buruzko 1/2005 Legearen 17. artikuluak jasotzen dituen inguruabarretako bat gertatuko balitz, enpresak Ingurumen Sailburuordetzari jakinarazi beharko dio eta prozesutik sortutako ekintza guztiak egin beharko ditu.

B.1.5.- Zaratari buruzko baldintzak.

Jarraian adierazitako zarata-mailak ez gainditzeko neurriak hartu eta instalatuko dira:

a) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 40 dB (A) baino handiagoa izan Leq 60 segundo etengabeko balioan neurtuta, 08:00ak eta 22:00ak bitartean, leiho eta ateak itxita, ezta 45 dB (A) ere gehienezko balioetan.

b) Jarduera maila hauei egokitu behar zaie: etxebizitzen barrualdean entzungo den zarata ezin izango da inoiz ere 30 dB (A) baino handiagoa izan Leq 60 segundo etengabeko balioan neurtuta, 22:00ak eta 8:00ak bitartean, leiho eta ateak itxita, ezta 35 dB (A) ere gehienezko balioetan.

c) Era berean, zarata ezin da 60 dB (A) baino handiagoa izan, Leq 60 segundo etengabeko balioan neurtuta, industria-eremuaren kanpoko itxituran.

d) Zamalanetan eta materiala kamioietan garraiatzean egiten den zaratak ez du handituko sentsibilitate akustiko handieneko guneetako zarata-maila.

C) Ingurumena Zaintzeko Programa.

Ingurumena Zaintzeko Programa sustatzaileak aurkeztutako agirietan aurreikusitakoaren eta ondoko atal hauetan ezarritakoaren arabera gauzatu beharko da:

C.1.- Atmosferara botatzen diren poluitzaileak kontrolatzea

a) Camelot 97 SL enpresak isurien kontrola egin beharko du, informazio honi jarraituz:

Fokua Foku-kodea Fokuaren izena Neurtu beharreko parametroak Kontrolen maiztasuna

1 48-006652-01 54-180 lerroa. Ikuzketa Konposatu Organiko Hegazkorrak (KOH) Bost urtean behin

2 48-006652-02 54-180 lerroa. Margotzea eta lehortzea Konposatu Organiko Hegazkorrak (KOH) Bost urtean behin

3 48-006652-03 12-1 lerroa Konposatu Organiko Hegazkorrak (KOH) Bost urtean behin

4 48-006652-04 Labeak Partikula solidoak (PS) Hiru urtean behin

Nitrogeno-oxidoak (NOx) Hiru urtean behin

Karbono monoxidoa (CO) Hiru urtean behin

b) Aurreko atalean aipatutako neurketa guztiak baimendutako kontrol-erakunde (BKE) batek egin beharko ditu (zortzi ordutan hartutako hiru neurri, gutxienez ordubetekoa bakoitza; dioxinak eta furanoak ere neurtzen direnean, 6 edo 8 orduz neurtuko dira), eta aldizkako kontrol horiei buruzko txostenak Ingurumen Sailburuordetza honek prestatutako «Baimendutako kontrol-erakundeen gutxieneko txostenean» ezarritakora egokitu beharko ditu. Edonola ere, botatako gai poluitzaileen kontrolek eta baldintzek Sailburuordetzak ezarritako eskakizun tekniko guztiak bete beharko dituzte.

c) Arestian eskatutako parametro guztien neurketen KEB txostenak bidaliko dira. Neurketa berriak egin beharko dira, baldin eta parametroen neurketarik ez badago edo egindako neurketak Ebazpen honetan kontrol-maiztasuna ezarri aurretik egindakoak badira. Atmosferara egiten diren isurtzeen ondorengo kontrolak, egindako azken neurketan adierazitako maiztasunarekin egingo dira.

d) Camelot 97 SL enpresak urtarrilaren 31ko 117/2003 Errege Dekretuak, jarduera jakin batzuetan disolbatzaileen erabilerak eragindako konposatu organiko hegazkorren emisioak mugatzeko baldintzei buruzkoak ezarritakoa bete behar du. Xede horretarako, Ingurumen Sailburuordetzak eskatzen duen informazioa aurkeztu beharko du.

C.1.1.- Lortutako emaitzen erregistroa.

Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-lanak, garbiketa, aldizkako ikuskatzeak, matxuraren ondorioz gertatutako etenaldiak, egiaztapenak, edozein motako gorabeherak, eta abar. Dokumentazio horrek eguneratuta egon beharko du, eta ingurumen-ikuskatzaileek eskatuko balute, eskuragarri izango dute.

C.2.- Isuritako uraren kalitatea kontrolatzea.

a) Kanpoan egiten den kontrol bakoitza, laginak hartzea nola ondorengo analisia, «Erakunde Laguntzaile» batek egin eta egiaztatuko du, eta goiko puntuetan aipatutako parametroak hartuko dira kontuan. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabeteko epean.

b) Laginketak kutsatzaile gehien sortzen den aldietan egingo dira beti.

c) Isurketak baimenean jarritako baldintza guztiak betetzen dituela ulertuko da, B.1.2.3 atalean ageri diren parametro guztiek ezarritako mugak betetzen baditu.

C.3.- Jardueraren adierazleak kontrolatzea.

Sustatzaileak jardueraren gaineko ondorengo parametro adierazleen jarraipena egingo du urtero, ingurumenean duten eragina aztertzeko:

(Ikus .PDF)

C.4.- Zarataren kontrola.

Jarduera garatzen den lursaileko kanpoko baldintza akustikoak hiru urtean behin kontrolatuko dira, batez ere zarata etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin ala ez.

Sustatzaileak neurketen proposamen zehatz bat landu beharko du eta neurketa-metodo zehatzak adierazi bertan. Proposamen hori Ebazpen honetako C.6 atalean aipatzen den Ingurumena Zaintzeko Programako Testu Bateginarekin batera aurkeztuko da.

C.5.- Emaitzak kontrolatu eta bidaltzea.

Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30a baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri zuzentzaileen funtzionamendua, eta prozesuak eta ingurunearen kalitatea kontrolatzeko sistemak. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

Isuritako uraren kalitatearen kontrolari buruzko emaitzak, gainera, hiru hilean behin bidaliko dira Uraren Euskal Agentziara (Bizkaiko Ordezkaritza).

C.6.- Ingurumena Zaintzeko Programaren agiri bategina.

Sustatzaileak Ingurumena Zaintzeko Programaren agiri bategina landu beharko du, aurkeztu dituen agirietan eta Ebazpen honetan proposatutako betekizunak bilduz. Programa horrek hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barne hartu beharko du.

Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika barruan izan beharko du, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

D) Ezohiko egoeretan kutsadurari aurrea hartzeko neurriak eta jardunerako baldintzak.

D.1.- Fabrika gelditzeko eta abiarazteko eragiketak eta mantentze-lanetarako programatutako eragiketak.

Programatutako urteko mantentze-lanei dagokienez, botako diren kutsagarriak eta sortuko diren hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.

D.2.- Jarduera uztea.

Jarduera lege hauen aplikazio-esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27.54 epigrafea «Hainbat metal ez-ferrosoren galdaketa»), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Camelot 97 SL enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

D.3.- Ezohiko jardunean aplikatzeko neurriak eta jarduerak.

Aurkeztutako dokumentazioan egindako proposamenean ez-ohiko egoeretan aplikatu beharreko prebentziozko neurriak eta jardunerako baldintzak zehazten dira. Horiez gain, ondorengo ataletan aipatzen diren baldintzak bete behar dira:

a) Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo ihesak daudenean kutsadura ekiditeko eskuragarri dauden baliabideei eta ezarritako segurtasun-neurriei dagokienez. Ihesak daudenean lurzorua babesteko hartu beharreko neurriak zehaztuko dira, eta zehatz adieraziko da hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko isuriak biltzeko sistemak.

b) Aurreko paragrafoan adierazitako eskuliburuak ikuskaritza eta kontrolerako programa jaso beharko du, hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurrea hartzeko.

c) Lehenengo aipatu dugun prebentziozko mantentze-lanetarako eskuliburuan atmosferara eta uretara egindako isurketak, eta zaintza- eta kontrol-taldeen isurketak saihesteko eta zuzentzeko sistemak egoera onean daudela bermatzeko neurriak sartuko dira (arazketa, minimizazioa, eta abar).

d) Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

e) Olioak, taladrinak, erregaiak, pinturak, disolbatzaileak, bernizak eta zepak eta, oro har, fabrikan sortutako hondakinak maneiatzeak lurzorua eta ura kutsa dezake. Beraz, isuriak, jarioak edo ihesak gertatzeko arriskua izan dezaketen lurzatien azalera guztiak iragazgaiztuko dira.

f) Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

g) Hauts-produktuak gordetzeko, iragazkiak dituzten silo itxiak egongo dira.

h) Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

i) Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako ingurunea isolatzeko seinaleztapen-elementuak eta babes pertsonalerako ekipamendu bereziak.

j) Ingurumen Sailburuordetzara protokolo edo prozedura dokumentatu bat bidaliko zaio, kubetak husteko lanak kontrolatzeko balioko duena.

k) Hidrokarburoen bereizgailuak aldian-aldian ikuskatuko dira, hondakinak pilatu ez daitezen; dekantagailuetan eta bereizgailuetan metatutako lohiak eta flotatzaileak aldian-aldian kendu behar dira. Hondakin horiek baimendutako kudeatzaile bati emango zaizkio.

l) Bereizgailuan metatutako lohiak, olioak eta gantzak aldian-aldian kendu behar ditu baimendutako kudeatzaile batek. Isuriaren kantitateari eragiteko moduko mailetan metatzea saihestuko du.

m) Hidrokarburo-bereizgailuaren mantentze-lanei dagokienez, ondo garbituko dira eta aldiro bertan metatutako lohiak eta flotagarriak kenduko dira, Baimendutako Kudeatzaileak jasotzeko.

n) Andel edo putzuen hondoan pilatzen diren solidoak ez dira ibilgura hustuko aldizkako garbitze-lanetan zehar; behar bezala kudeatuko dira edo zabortegi baimendura eramango dira.

o) Arazte-prozesuan pilatutako hondakin solidoak eta lohiak aldizka aterako dira instalazioa behar bezala ibil dadin. Behar izanez gero, gordailu iragazgaitzetan eta hondoan hustubiderik ez dutenetan gordeko dira.

p) Inoiz ez dira pilatuko euri-uren jariatzearen ondorioz ibilgu publikoko ura kutsatzeko arriskua egon daitekeen guneetan.

q) Urtean behin instalazio horien garbiketaren eta mantentze-lanen fakturaren kopia bat bidaliko da.

r) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

s) Titularrak behar diren bitartekoak izango ditu arazketa-instalazioak zuzen ustiatzeko eta ustekabeko isuriak prebenitzeko hartu diren segurtasun-neurriak abian izateko. Kasu horretan, honako baldintza hauek azpimarratu behar dira:

- Estazioan erroilu erako edo gai pikortatuzko, edo antzeko berariazko gai xurgatzailea egongo da, ustekabeko jario edo ihesetan berehala aplikatu ahal izateko.

- Ebazpen honetan deskribatutako jarduerez gain, gasolioa biltegiratzeko eta manipulatzeko instalazioak behar den bezala isolatuko dira, ustekabeko hausturak edo jarioak, eta abar, gertatzen direnean horiei eusteko.

t) Ingurunearen edo jardueraren kontrolaren gainean kalteak eragin ditzakeen gorabehera edo ez-ohiko gertaeraren baten aurrean (beste hainbaten artean, ihesak, jarioak, lurzorua edo urak kutsa ditzaketen hondakinak, erregaiak edo substantzien isurketa garrantzitsuak; suteak), gorabehera edo ez-ohiko gertaera horren berri eman beharko dio Ingurumen Sailburuordetzari.

u) Gertakari edo arazo larriren bat edo atmosferara ustekabeko isuriren bat eginez gero, Ingurumen Sailburuordetzari jakinarazteaz gain, SOS Deiak eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara. Txosten horretan, gutxienez, honako datu hauek agertuko dira:

- Gertakari mota.

- Gertakaria non, zergatik eta zein ordutan gertatu den.

- Iraupena.

- Ustekabeko isuria izanez gero, emaria eta isuritako gaiak.

- Mailak gainditu badira, isurtzeei buruzko datuak.

- Eragindako kalteen balioespena.

- Hartutako neurri zuzentzaileak.

- Berriro gerta ez dadin aurreikusitako neurriak.

- Prebentzio-neurriak eraginkortasunez aplikatzeko ezarritako epeak.

v) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

E) Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hori egitea gomendatzen badute, neurri babesle zein zuzentzaileak eta ingurumena zaintzeko programa aldarazi ahal izango dira, bai neurtu behar diren parametroen kasuan, bai neurketaren aldizkakotasuna eta aipatutako parametroek hartu behar duten tarteari dagozkion mugen kasuan. Era berean, neurri babesle zein zuzentzaileak eta ingurumena zaintzeko programa jardueraren sustatzaileak hala eskatuta, edo ofizioz, aldaraz daitezke, ingurumena zaintzeko programan lortutako emaitzetan oinarrituta.

F) Urtean behin Camelot 97 SL enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi, botatako eta eskualdatutako kutsagarrien Europako Inbentarioa landu eta eguneratzeko, apirilaren 20ko 508/2007 Errege Dekretuaren, E-E-PRTR Araudiko eta ingurumeneko baimen bateratuetako isurketen gaineko informazioa ematea arautzen duenari jarraituz.

Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari (IA) dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi.net web orrian eskuragarri): Ingurumen eta Lurralde Antolamendu Saileko Ingurumen-informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistrora (Europako E-PRTR Erregistroa) egiten diren informazio-bidalketen oinarri dena.

Halaber, Ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

G) 2007ko apirilaren 21eko 509/2007 Errege Dekretuaren 4. artikuluko 3. idatz-zatiari jarraituz, instalazioaren titularrek agintaritzari jakinarazi beharko diote instalazio horietan erabiltzen eta ekoizten diren substantziek, 1907/2006 EE araudian erregistratu eta ebaluatzeko aurreikusitako prozesuan identifikatu direnak, giza osasunerako eta ingurumenerako izan dezaketen arriskua.

H) Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

Hirugarrena.- Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honetako bigarren ataleko puntu hauetan ezarritako baldintzak betetzen direla: B.1.1.4 (Isurtzeak antzemateko sistemen mantentze-plana: haizagailuak, isurtzeak biltzeko kanpaiak eta tutueria orokorrean). B.1.1.4 (Tximiniek 1976ko urriaren 18ko Aginduan adierazitako bitartekoak dituztela egiaztatzen duen txostena). B.1.3.1 (Sortutako hondakin arriskutsu guztiak onartzeko agiria. Guztien kasuan «R» kodea jarriko da, edo, hala badagokio, hondakina baliotzeko ezintasunaren azalpenak emango dira (arrazoi teknikoak, ekonomikoak edo ingurumenekoak). 1. hondakina: «Aluminiozko zepa, apar gainak eta bainuontziak» multzoaren barruan sortutako hondakinei buruzko datuak. B.1.3 (Sortutako hondakin ez-arriskutsuak onartzeko agiriak). B.1.3.1.n) eta B.1.3.2.f) (Hondakin arriskutsuak eta ez-arriskutsuak erregistratzeko eredua, hondakin arriskutsuei buruzko datu hauekin: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua). B.1.3.2.a) (Aparrak eta grafito erregogorra hondakinen karakterizazioa, hondakin ez-arriskutsu gisa (HEZ zerrendan ispilu-sarrera dute). B.1.4 (Lurzorua babesteko baldintzak). C.1.c) (BKEk egindako atmosferaren neurketen txostena). C.1.1 (Atmosferara egiten diren isurtzeak erregistratzeko eredua). C.4 (Zarata neurtzeko proposamen zehatza, aipatutako neurketa-metodo guztiak barne hartuko dituena). C.6 (Ingurumena Zaintzeko Programaren agiri bategina). D.1 (Mantentze-eragiketetan sor daitezkeen isurtze eta hondakinen zenbatespena eta horiek kudeatzeko eta tratamendua egiteko proposamen bat, hala badagokio). D.3.a) (Prebentziozko mantentze-lanen eskuliburua, honakoak adieraziz, besteak beste: lurzorua puloi dezaketen egoerak prebenitzeko hartutako neurriak eta atmosferaren kutsadura prebenitzeko eta zuzentzeko sistemak (arazketa, minimizazioa, eta abar) baldintza egokietan daudela ziurtatzeko hartutako neurriak. D.3.d) (Mantentze-eragiketen erregistroa). D.3.h) (APQ martxan dagoela ziurtatzen duten agiriak). D.3.j) (Kubetak husteko prozedura). D.3.k) (Hidrokarburo-bereizgailuaren garbiketa eta mantentzearen fakturaren kopia). D.3.v) (Suteen kontrako babesaren ziurtapenak).

Halaber, baimen hau indarrean jarri aurretik, ingurumen organo honi atxikitako zerbitzu teknikoen ikuskaritza-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskaritza-bisitaren aurretik, sustatzaileak Ingurumen Sailburuordetza honetan aurkeztu beharko du baldintza horiek betetzen direla egiaztatzen duen agiria, teknikari aditu batek eginda.

Goiko baldintza horiek guztiak betetzeko 6 hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den egunetik kontatzen hasita.

Adierazitako baldintzak betetzen direla ziurtatzean, ebazpena emango da eta, horren bitartez, ingurumeneko baimen bateratua eraginkortzat aitortuko da.

Laugarrena.- Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

Bostgarrena.- Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

Seigarrena.- Camelot 97 SL enpresak Ebazpen honen xede den aluminio-galdaketa eta mekanizazioa egiteko jardueran titulartasun-aldaketarik eginez gero, aldaketa hori Ingurumen Sailburuordetzan jakinarazi beharko du, hark onar dezan.

Zazpigarrena.- Baimen honek balioa galduko du kausa hauek gertatzen direnean:

- Epearen barruan ez egiaztatzea Ebazpen honetako hirugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

- Camelot 97 SL enpresaren nortasun juridikoa bukatzea, indarrean dagoen araudian ezarritako kasuetan.

- Baimena indarrean jartzen dela adierazten duen ebazpenean xedatutakoak.

Zortzigarrena.- Ebazpen honen edukia jakinaraztea Camelot 97 SL enpresari, Amorebieta-Etxanoko Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

Bederatzigarrena.- Ebazpen hau Euskal Herriko Agintaritzaren Aldizkarian argitaratzeko agintzea.

Hamargarrena.- Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, Ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

Vitoria-Gasteiz, 2008ko ekainaren 24a.

Ingurumeneko sailburuordea,

IBON GALARRAGA GALLASTEGUI.

Azterketa dokumentala