Euskal Herriko Agintaritzaren Aldizkaria

61. zk., 2011ko martxoaren 29a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Barakaldoko Lehen Auzialdiko 5 Zenbakiko Epaitegia

1793

EDIKTUA, ezkontzaz kanpoko seme-alabentzako adostasunik gabeko neurriei buruzko 721/10 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Bizkaia).

Judizioa: 721/10, ezkontzaz kanpoko seme-alabentzako adostasunik gabeko neurriei buruzkoa prozedura.

Demandatzailea: Zahra Jamal Eddine.

Abokatua: Miguel Ruiz de Alegria Puig.

Procurador: María Carmen Ulibarrena Bellido.

Demandatua: Mohammed Amer Abas-Ben-Abdel Khaleq.

Gaia: neurri pertsonalak eta mantenu-neurriak arautzea.

Aipatu judizioaren gainean epaia eman da, zeinaren xedapenak honako hauek baitira:

EPAITZA

Mohammed Amer Abas-ben-Abdel Khalet-en aurka, Zahra Jamal Eddine-ren ordezkariak aurkeztutako demanda partez baiesten dudanez gero, L. alaba komunari doakionez ondoko erabakiak hartu ditut:

- Amari izendatu zaizkio alaba komunaren zaintza eta jagoletza. Guraso-ahala, berriz, aitak eta amak edukiko dute. Ez da bidezkoa aitarentzako bisita-erregimenik ezartzea.

- Alaba komunaren aldeko mantenu-pentsio bat finkatzen da, aitak aurreratutako hilekoetan ordaindu beharrekoa, hileko diru-sarrera garbien % 25ekoa. Hilabete bakoitzeko lehen bost egunen barruan amak izendatzen duen kontuan ordaindu beharko da.

Eskatutako gainerakoa ez da onartu.

Ez da kosturik ezarri.

Jakinaraz bekie epai hau alderdiei, eta aditzera eman ez dela irmoa eta apelazio-errekurtsoa aurkez dezaketela epaitegi honetan bost eguneko epean. Probintzia Auzitegia arduratuko da errekurtsoaz.

Errekurtsoa jarri ahal izateko, 50 euroko gordailua aurkeztu beharko da, eta baldintza hori bete ezean ez da hura izapidetzea onartuko. Gordailua eratzeko, epaitegi honek Banesto (Banco Español de Crédito) taldean duen kontuan -gordailu eta kontsignazioetarakoan- utzi beharko da zenbateko hori. Errekurtsoa prestatzerakoan kontsignazioa egiaztatu beharko da (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Jakinaraz bekie ebazpen hau alderdiei.

Ebazpen honen ziurtagiria egin eta jarduketei erants bekie, eta sar bedi jatorrizkoa Epaien Liburuan.

Hala erabaki, agindu eta sinatu dut.

Mohammed Amer Abas-Ben-Abdel Khaleq demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera (PZLb).

Jakinarazten den ebazpenaren testu osoa interesdunaren esku dago, epaitegi honetako Bulego Judizialean.

Barakaldo (Bizkaia), 2011ko otsailaren 23a.

IDAZKARI JUDIZIALA.