Euskal Herriko Agintaritzaren Aldizkaria

32. zk., 2011ko otsailaren 16a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Barakaldoko Lehen Auzialdiko 5 Zenbakiko Epaitegia

818

EDIKTUA, neurri pertsonalak eta mantenu-neurriak erregulatzeari buruzko 710/10 prozeduraren ondoriozkoa.

JAKINARAZPEN-ZEDULA

Barakaldoko (Bizkaia) Lehen Auzialdiko 5 zenbakiko Epaitegian, ezkontzaz kanpoko seme-alabei buruzko neurrien gaineko 710/10 prozedura bideratu da N. C. G. delakoak eskatuta, Miguel Castaños Arribasen aurka (gaia: neurri pertsonalak eta elikadura-neurriak erregulatzea). Prozedura horretan epaia eman da; hona hemen idazpurua eta epaitza:

20/11 EPAIA

Barakaldo, bi mila eta hamaikako urtarrilaren hemezortzia.

Nik, M.ª Jesús Gómez Soriak, Barakaldoko (Bizkaia) Lehen Auzialdiko 5 zenbakiko Epaitegiko epaile magistratua naizen aldetik (Familia), ikusi ditut guraso eta seme-alaben arteko neurrietarako 710/09 autoak. Auto horiek Hernández prokuradoreak -N. C. G. andrearen izenean eta ordez, eta Llanos letratuak lagunduta- Miguel Castaño Arribas auzi-iheslariaren aurka aurkeztutako demanda dela-eta bideratu dira. Fiskaltzak ere parte hartu du.

EPAITZA

Partez baietsi dut N. C. G. andrearen ordezkaritzak aurkeztutako demanda, Miguel Castaño Arribasen aurkakoa. Horregatik, semearen aldeko mantenu-pentsioa -hilean 250 euro- ezartzea erabaki dut; pentsio hori aitaren kargura izango da, aurreratutako hilekoetan ordaindu beharko da, hilabete bakoitzeko lehen bost egunen barruan eta amak izendatutako kontuan, eta, bestalde, urtero eguneratu beharko da, betiere Estatistikako Institutu Nazionalak edo horren ordezko erakundeak argitaratzen duen KPIaren arabera.

Ez da kosturik ezarri.

Jakinaraz bekie epai hau alderdiei, aditzera emanez ez dela irmoa eta apelazio-errekurtsoa aurkez dezaketela epaitegi honetan bost eguneko epean. Probintzia auzitegia arduratuko da errekurtsoaz.

Errekurtsoa jarri ahal izateko, 50 euroko gordailua aurkeztu beharko da, eta baldintza hori bete ezean ez da hura izapidetzea onartuko. Gordailua eratzeko, epaitegi honek Banesto (Banco Español de Crédito) taldean duen Gordailuan eta Zainpean uzteko kontuan utzi beharko da diru hori. Errekurtsoa prestatzerakoan kontsignazioa egiaztatu beharko da (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Jakinaraz bekie ebazpen hau alderdiei.

Ebazpen honen ziurtagiria egin eta jarduketei erants bekie, eta sar bedi jatorrizkoa Epaien Liburuan.

Hala erabaki, agindu eta sinatu dut.

Miguel Castaños Arribas demandatuari behar bezala jakinarazteko balio dezan egin eta sinatzen dut hau, Barakaldon (Bizkaia), bi mila eta hamaikako urtarrilaren hemezortzian.

IDAZKARIA.