Euskal Herriko Agintaritzaren Aldizkaria

12. zk., 2011ko urtarrilaren 19a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Vitoria-Gasteizko Lehen Auzialdiko 1 Zenbakiko Epaitegia

246

EDIKTUA, kontratuei buruz, oro har, abiarazitako 586/10 prozedura arruntaren ondoriozkoa.

JAKINARAZPEN-ZEDULA

Javier Constenla Cortesen aurka, Celeris Servicios financieros SA EFC-k eskaturik, Vitoria-Gasteizko Lehen Auzialdiko 1 zenbakiko Epaitegian kontratuei buruz, oro har, bideratutako 586/10 judizio arruntean epaia eman da, zeinen epaitza hauxe baita hitzez hitz:

260/10 EPAIA

Epailea: Yolanda Varona Alfambra.

Lekua: Vitoria-Gasteiz.

Eguna: 2010eko abenduaren 17a.

Alderdi demandatzailea: Celeris Servicios Financieros SA. EFC.

Abokatua.

Prokuradorea: Luís Pérez Ávila Pinedo.

Alderdi demandatua: Javier Constenla Cortes.

Abokatua.

Prokuradorea.

Judizioaren gaia: kontratuak, oro har.

EPAITZA

Oso-osorik baietsi dut Luís Pérez Ávila prokuradoreak, Celeris Servicios Financieros SA EFC-ren izenean, Javier Constenla Cortesen aurka aurkeztutako demanda. Demandatuak ondokoak ordaindu beharko dizkio demandatzaileari: 33.365,32 euro, PZLko 576. artikuluan ezarritako legezko interesak demanda jarri denetik eta ebazpen hau eman denetik ordainketa guztiz egin arte, eta prozedura honetan sortutako kostuak.

Inpugnatzeko modua: apelazio-errekurtsoa, Arabako Probintzia Auzitegian (PZLb, 455. artikulua). Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau jakinarazi eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta zein erabaki inpugnatzen den (PZLb, 457.2 artikulua).

Errekurtsoa jarri ahal izateko, 50 euroko gordailua aurkeztu beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu kontuan. Kontuaren zenbakia hauxe da: 0009 0000 04 0586 10. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa prestatzerakoan egiaztatu beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitarapena.- Epaiari dagokion egunean, jendaurreko entzunaldia egiten ari zelarik, epaia eman zuen magistratu berberak eman, irakurri eta argitaratu zuen. Eta nik, idazkari naizenez, guzti horren fede ematen dut, Vitoria-Gasteizen, 2010eko abenduaren 17an.

Javier Constenla Cortes demandatuari behar bezala jakinarazteko balio dezan egin eta sinatzen dut hau, Vitoria-Gasteizen, bi mila eta hamarreko abenduaren hogeita batean.

IDAZKARIA.