Euskal Herriko Agintaritzaren Aldizkaria

12. zk., 2011ko urtarrilaren 19a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Mondragón Unibertsitatea

242

EBAZPENA, 2010eko uztailaren 29koa, Mondragon Unibertsitatearena, Ingeniaritzako Doktoretzaren ikasketa-plana argitaratzeko dena.

Behin Unibertsitate Kontseiluak ikasketa-plana egiaztatuta, Kalitatea Ebaluatzeko eta Egiaztatzeko Agentzia Nazionalaren aldeko txostena eta Euskal Autonomia Erkidegoaren baimena jaso ondoren, eta 2010eko ekainaren 4ko Ministro Kontseiluaren Erabakiz tituluaren ofizialtasuna aitortuta (2010eko ekainaren 26ko BOE), Errektoretza honek, Unibertsitateei buruzko 6/2001 Lege Organikoaren 35. artikuluan ezarritakoa betez (4/2007 Lege Organikoak emandako idazkeran), Ingeniaritzako Doktoretza titulua lortzera bideratutako ikasketa-plana argitaratzea ebatzi du.

Arrasate, 2010eko uztailaren 29a.

Errektorea,

IOSU ZABALA.

DOKTORETZA PROGRAMA

Izena: Ingeniaritzako Doktoretza Programa Ofiziala

Programaren egitura:

- Prestakuntza aldia: 120 ECTS (2 urte)

- Ikerketa aldia: Doktorego Tesia

Egitura:

Ingeniaritzako Doktoretza Programa Ofiziala Prestakuntza M1.- Portaera Mekanikoa Eta Materialak Unibertsitateko Masterra (ikerketara bideratua)

Ikasgai mota Kredituak

Nahitaezkoak 22

Hautazkoak 68

Master amaierako lana 30

ECTSak

Guztira

120

(2 urte)

M².- Informazioaren Eta Komunikazioaren Teknologiak Unibertsitateko Masterra (ikerketara bideratua)

Ikasgai mota Kredituak

Nahitaezkoak 30

Hautazkoak 60

Master amaierako lana 30

ECTSak

Guztira

120

(2 urte)

Ikerketa Doktoretza

(Ikerketa)

I.- Doktoretza programarako sarrera.

Ingeniaritzako doktoretza programarako sarbidea ikasleek sartu nahi duten programaren atalak definituko du:

A.- Masterrerako sarrera (prestakuntza aldia).

1.- Portaera mekanikoa eta materialak unibertsitateko masterra.

a) Master horretan sartu ahal izango dira -aldez aurreko prestakuntza osagarririk gabe- aldez aurretik ikasketa hauek egin dituzten eta Espainiako hauetako unibertsitate tituluren bat duten ikasleak:

- Industria ingeniaria.

- Industria antolaketako ingeniaria.

- Kimika ingeniaria.

- Materialetako ingeniaria.

- Graduatua ingeniaritza mekanikoan, industria antolaketan, industria diseinuan, produktuen garapenean eta, oro har, ingeniaritzako eta arkitekturako adarrei atxikitako industria, mekanika eta materialen alorreko titulu guztiak.

b) Master honetan sartu ahal izango dira ondoren zerrendatutako tituluak dituzten ikasleak, ikasgai hauen artean -lehendik egin ezean- 10 ECTS egiten dituztenean, betiere: «Materialen zientzien oinarriak», «Fabrikazioko teknologiak», «Diseinu mekanikoa», «Materialen elastikotasuna eta erresistentzia», «Kalitatearen ingeniaritza» eta «Industria antolaketako metodo kuantitatiboak».

- Zientzia esperimentalen adarrari dagozkion titulazioetan lizentziatuak edo graduatuak (fisika, matematika eta kimika).

- Aeronautika ingeniaria.

- Meatze ingeniaria.

c) Master honetan sartu ahal izango dira ondoren zerrendatutako tituluak dituzten ikasleak, ikasgai hauen artean -lehendik egin ezean- 30 ECTS egiten dituztenean, betiere: «Materialen zientzien oinarriak», «Fabrikazioko teknologiak», «Diseinu mekanikoa», «Materialen elastikotasuna eta erresistentzia», «Kalitatearen ingeniaritza», «Industria antolaketako metodo kuantitatiboak», «Egituren teoria eta industria eraikuntzak», «Makinen diseinua», «Beroaren transferentzia» eta «Pertsonen kudeaketa».

- Industria ingeniari teknikoak (espezialitate guztiak, elektrizitatea eta elektronika industriala salbu), aeronautikako ingeniari teknikoak eta meatzeetako ingeriari teknikoak.

d) Masterrean sartu ahal izango dira master ikasketetarako tituluak ematen dituzten herrialdeetako Europako Goi Mailako Hezkuntza Eremuko goi mailako hezkuntza erakundeek emandako atzerriko goi mailako titulua duten ikasleak. Kasu horretan, masterrean zuzenean sartzea edo aldez aurreko prestakuntza osagarriarekin sartzea ahalbidetuko da, atzerriko tituluak aurreko a), b) eta c) ataletan aipatutakoekin duen baliokidetasunaren arabera.

e) Europako Goi Mailako Hezkuntza Eremutik kanpoko hezkuntza sistemetan titulatutakoak tituluaren homologazio beharrik gabe sartu ahal izango dira, Espainiako unibertsitate titulu ofizialei dagokienaren prestakuntza maila baliokidea dutela eta titulua ematen duen herrialdean graduondoko ikasketetarako sarbidea ahalbidetzen zaiela unibertsitateak aldez aurretik egiaztatuta. Kasu horretan, masterrean zuzenean sartzea edo aldez aurreko prestakuntza osagarriarekin sartzea ahalbidetuko da, atzerriko tituluak aurreko a), b) eta c) ataletan aipatutakoekin duen baliokidetasunaren arabera.

2.- Informazioaren eta komunikazioaren teknologiak unibertsitateko masterra.

a) Master horretan sartu ahal izango dira -aldez aurreko prestakuntza osagarririk gabe- aldez aurretik ikasketa hauek egin dituzten eta Espainiako hauetako unibertsitate tituluren bat duten ikasleak:

- Elektronika, automatika, industria elektronika, informatika eta telekomunikazioetako ingeniariak.

- Ingeniaritzan, industria elektronikan, informatikan, telekomunikazioetan eta, oro har, ingeniaritza eta arkitekturaren adarrera atxikitako elektrizitatea-elektronika, informatika eta telekomunikazioen alorretan titulatutako guztiak.

b) Masterrean sartu ahal izango dira ondoren aipatutako tituluak dituzten ikasleak, ikasgai hauetan -aldez aurretik egin ezean- 10 ECTS egiten dituztenak: «Banatutako sistemak eta sareak» eta «Programaketa eta konpilazioa».

- Informatikan lizentziatuak.

- Zientzia esperimentalen adarrari dagozkion titulazioetan lizentziatuak edo graduatuak (fisika).

c) Masterrean sartu ahal izango dira ondoren aipatutako tituluak dituzten ikasleak, ikasgai hauetan -aldez aurretik egin ezean- 30 ECTS egiten dituztenak: «Banatutako sistemak eta sareak», Programaketa eta konpilazioa», «Informazio sistemak», «Softwarearen ingeniaritza», «Seinalearen tratamendu digitala», «Horman sartutako sistemak» eta «Kontrol sistemak».

- Elektrizitateko industria ingeniari teknikoak, industria elektronikako ingeniari teknikoak, telekomunikazioetako ingeniari teknikoak (espezialitate guztiak) eta sistema informatikako ingeniari teknikoak eta kudeaketa informatikako ingeniari teknikoak.

d) Masterrean sartu ahal izango dira master ikasketetarako tituluak ematen dituzten herrialdeetako Europako Goi Mailako Hezkuntza Eremuko goi mailako hezkuntza erakundeek emandako atzerriko goi mailako titulua duten ikasleak. Kasu horretan, masterrean zuzenean sartzea edo aldez aurreko prestakuntza osagarriarekin sartzea ahalbidetuko da, atzerriko tituluak aurreko a), b) eta c) ataletan aipatutakoekin duen baliokidetasunaren arabera.

e) Europako Goi Mailako Hezkuntza Eremutik kanpoko hezkuntza sistemetan titulatutakoak tituluaren homologazio beharrik gabe sartu ahal izango dira, Espainiako unibertsitate titulu ofizialei dagokienaren prestakuntza maila baliokidea dutela eta titulua ematen duen herrialdean graduondoko ikasketetarako sarbidea ahalbidetzen zaiela unibertsitateak aldez aurretik egiaztatuta. Kasu horretan, masterrean zuzenean sartzea edo aldez aurreko prestakuntza osagarriarekin sartzea ahalbidetuko da, atzerriko tituluak aurreko a), b) eta c) ataletan aipatutakoekin duen baliokidetasunaren arabera.

B.- Doktoretzarako sarrera (ikerketa aldia).

Doktoretzara sartuko dira,

a) Aldez aurretik ingeniaritzaren alorreko ikerketara bideratutako masterra egin eta gainditu duten ikasleak.

b) Era berean, doktoretzan sartu ahal izango dira ingeniaritzaren alorreko masterrean(tan) prestakuntza dutela ziurtatzen duten ikasleak, aldez aurretik programako masterrean jasotako prestakuntza biltzen duten 60 ECTS egiten dituztenean, beti ere:

- Doktorego tesia egiteko metodologia.

- Ikerketa proiektuen kudeaketa.

- 30 ECTSko master amaierako lana, ikaslearen ikerketarako gaitasuna ziurtatuko duena.

c) Europako Goi Mailako Hezkuntza Eremuko goi mailako ikasketetako erakundeak emandako unibertsitate titulua duten ikasleak sartu ahal izango dira, jasotako prestakuntza masterreko maila akademikoaren baliokidea denean, beti ere. Hori egiaztatu ondoren, ikasleak doktoretza egin ahal izango du, epigrafeko a. edo b. baldintza betetzen duenean, beti ere.

d) Europako Goi Mailako Hezkuntza Eremutik kanpoko hezkuntza sistemei jarraiki emandako tituluak dituzten ikasleak masterrean sartu ahal izango dira, tituluak homologatu beharrik gabe, masterreko maila akademikoaren prestakuntza maila baliokidea dutela unibertsitateak aldez aurretik egiaztatuta. Hori egiaztatu ondoren, ikasleak doktoretza egin ahal izango du, epigrafeko a. edo b. baldintza betetzen duenean, beti ere. Hori egiaztatu ondoren, ikasleak doktoretza egin ahal izango du, epigrafeko a. edo b. baldintza betetzen duenean, beti ere.

II.- Onarpena doktoretza programan.

A.- Onarpena masterrean (prestakuntza aldia).

Doktoretza (ikerketa aldia) egin nahi duten ikasleen onarpena irizpide hauen arabera egingo da:

- Ikaslearen ikasketa espedientearen batez besteko nota.

- Ingelesaren ezagutza maila.

B.- Onarpena doktoretzan (ikerketa aldia).

Doktoretza (ikerketa aldia) egin nahi duten ikasleen onarpena irizpide hauen arabera egingo da:

" Ikaslearen ikasketa espedientearen batez besteko nota.

" Hautagaiak sail jakinean garatzea proposatutako tesi proiektuari doktoretza azpibatzordeak emandako balorazioa.

" Ingelesaren ezagutza maila.

- Idazlanak edo motibatutako argumentuak behar bezala eta nolabaiteko originaltasunarekin lantzen ditu; planak, laneko proiektuak edo artikulu zientifikoak idazten ditu edo arrazoitutako hipotesiak formulatzen ditu.

- Irizpideen, kanpoko arauen edo hausnarketa pertsonalen arabera ematen du iritzia.

- Publikoki aurkezten ditu ideiak, prozedurak edo ikerketa txostenak; emozioak transmititzen ditu edo pertsonei eta erakundeei aholkularitza ematen die.

- Autogidatuta edo modu autonomoan ikasten jarraitzea ahalbidetzen dioten ikaskuntza gaitasunak garatzen ditu.

III.- Ikasleek doktoretzan lortuko dituzten gaitasunak (ikerketa).

Doktoretza egiten duten ikasleak hauetarako gai izango dira ikasketak amaitzean:

- Ikasketa alorraren ulermen sistematikoa erakustea eta alor horrekin lotutako gaitasunak eta ikerketa metodoak menderatzea.

- Seriotasun akademikoarekin oinarrizko ikerketa prozesua sortzea, diseinatzea, praktikan jartzea eta hartzea.

- Ikerketa originalaren bidez ekarpenak egitea eta ezagutzaren mugak zabaltzea oinarrizko corpusa garatuta eta horren nazio edo nazioarte mailako erreferentziazko argitalpena egiteak merezi izatea.

- Analisi kritikoa eta ideia berri eta konplexuen ebaluazioa eta sintesia egitea.

- Ezagutza alorrei dagokienez, kideekin, komunitate akademikoarekin eta gizartearekin, oro har, komunikatzea.

- Testuinguru akademiko eta profesionaletan, aurrerapen teknologikoa, soziala edo kulturala bultzatzea, ezagutzan oinarritutako gizartea.

Azterketa dokumentala