Euskal Herriko Agintaritzaren Aldizkaria

247. zk., 2010eko abenduaren 27a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Bilboko Lehen Auzialdiko 6 Zenbakiko Epaitegia

6410

EDIKTUA, bisita-erregimena aldatzeari buruz bideratutako 241/09 hitzezko judizioaren ondoriozkoa.

Bilboko (Bizkaia) Lehen Auzialdiko 6 zenbakiko Epaitegia.

Judizioa: 241/09 hitzezko judizioa.

Demandatzailea: Bizkaiko Foru Aldundia.

Abokatua: Santiago Aranzadi Martínez de Insausti.

Prokuradorea: Montserrat Colina Martínez.

Demandatua: Jessica Castillo Pajares.

Gaia: bisita-erregimena aldatzea.

2010eko irailaren 17an aipatu judizioan epaia eman da, zeinaren idazpurua eta epaitza ondokoak baitira:

441/10 EPAIA

Epailea: Francisco Benito Alonso jauna.

Lekua: Bilbao (Bizkaia).

Eguna: 2010eko irailaren 17a.

Alderdi demandatzailea: Bizkaiko Foru Aldundia.

Abokatua: Santiago Aranzadi Martínez de Insausti.

Prokuradorea: Montserrat Colina Martínez.

Alderdi demandatua: Jessica Castillo Pajares.

Judizioaren gaia: bisita-erregimena aldatzea.

EPAITZA

Baietsi egin dut Colina prokuradoreak Carlota Bizkaiko Foru Aldundiaren izenean eta ordezkaritzan aurkeztu duen demanda, Jessica Castillo Pajaresen aurkakoa. Ondorioz, demandatuak bere alaba Paularekiko izango duen bisita-erregimena onartzen dut, betiere ekainaren 3ko 34678/2009 Foru Aginduan ezarritako baldintza zehatzetan.

Kosturik ez da ezarriko.

Inpugnatzeko modua: apelazio-errekurtsoa, Bizkaiko Probintzia Auzitegian (PZLb, 455. artikulua).

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau jakinarazi eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta zein erabaki inpugnatzen diren (PZLb, 457.2 artikulua).

Errekurtsoa jarri ahal izateko, 50 euroko gordailua eratu beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu eta Kontsignazioen kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa prestatzerakoan egiaztatu beharko da kontsignazioa (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Jessica Castillo Pajares demandatuaren egungo bizilekua ezezaguna denez, aipatutako ebazpena Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibilaren 1/2000 Legearen 497.2 artikuluan xedatutakoaren arabera.

Ebazpen horren aurka, demandatu auzi-iheslariak apelazio-errekurtsoa aurkez dezake.

Jakinarazten den ebazpenaren testu osoa interesdunaren esku dago, epaitegi honetako bulego judizialean.

Bilbao (Bizkaia), 2010eko irailaren 23a.

IDAZKARI JUDIZIALA.