Euskal Herriko Agintaritzaren Aldizkaria

239. zk., 2010eko abenduaren 15a, asteazkena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Bilboko Lehen Auzialdiko 6 Zenbakiko Epaitegia

6141

EDIKTUA, guraso eta seme-alaben arteko neurriei buruzko 179/10 prozeduraren ondoriozkoa.

Bilboko (Bizkaia) Lehen Auzialdiko 6 zenbakiko Epaitegia.

Judizioa: ezkontzaz kanpoko seme-alabentzako neurriak 179/10.

Alderdi demandatzailea: Ainhoa Santamaría Encinas.

Alderdi demandatua: Omar Vergara Madrid.

Gaia: guraso eta seme-alaben arteko harremanei buruzko neurriak.

Aipatutako epaiketan ebazpena eman da; hona ebazpen horren testua:

529 ZENBAKIKO EPAIA

Epailea: Francisco Benito Alonso.

Lekua: Bilbao (Bizkaia).

Eguna: 2010eko azaroaren 9a.

Alderdi demandatzailea: Ainhoa Santamaría Encinas.

Abokatua: María Ángeles Gutiérrez Zornoza andrea.

Prokuradorea: Maria Elena Manuel Martín.

Alderdi demandatua: Omar Vergara Madrid.

Judizioaren gaia: guraso eta seme-alaben arteko harremanei buruzko neurriak.

EPAITZA

Baietsi egiten dut, aurrerago adieraziko den eran, María Elena Manuel Martín prokuradoreak, Ainhoa Santamaría Encinasen izenean eta haren ordezkari gisa aurkeztutako demanda, Omar Vergara Madriden aurkakoa. Hori dela-eta, behin betiko neurri hauek hartu behar ditut, aurretik erabakitakoak ordezkatuko dituztenak:

Lehenengoa.- Izkar Judasen (2009ko azaroaren 1ean jaioa) zaintza eta babesa Ainhoa Santamaria Encinasi ematen zaio. Dena den, aitak eta amak, biek, edukiko dute adingabearekiko guraso-ahala.

Bigarrena.- Aitak komunikazio, bisita eta egonaldi erregimen hau edukiko du semearekiko: A) adingabeak bost urte bete arte: astelehen eta ostegun guztietan 16:00etatik edo, hala dagokionean, eskolatik ateratzen denetik (hara joan beharko du bila) 19:00etara. Ordu horretan amaren etxean utzi beharko du. Ordutegi hori urte osoan zehar aplikatuko da; B) Izkarrek bost urte betetzen dituenetik aurrera: a) bi asteburutik behin, ostiralean eskolatik ateratzen denetik igandeko 18:00etara, adingabea jasotzeko eta uzteko garaian arestian aipatutako erregimen bera aplikatuz; b) Gabonetako eta Aste Santuko oporraldien erdia; urte bikoitietan aitari dagokio zer aldi nahi duen aukeratzea; c) udako oporrak hamabost egun jarraituko epeetan zatituko dira; urte bikoitietan aitari egokitu zaio lehen aldia, eta gainerako aldiak amarekin txandakatu beharko ditu; d) telefono edo bide elektroniko bidezko komunikazioak edozein unetan egin ahalko dira, betiere, adingabearen atseden-uneei edo etxeko lanei eragiten ez badiete.

Hirugarrena.- Omar Vergara Madrid jaunak, ebazpen hau ematen den egunetik aurrera, lan-sari, soldata, jornal, ordain-sari, pentsio edo jarduera profesional eta merkataritza-jarduera autonomoetatik etorritako bestelako diru-sarreren % 20 ordaindu beharko du, 2009ko azaroaren 1ean jaiotako Izkar Judas semearentzako elikadura-pentsio gisa; edozein kasutan, ehun (100) euro ordaindu beharko du gutxienez. Kopuru hori urtero eguneratuko da, ebazpen honen data erreferentziatzat hartuta, INEk edo haren ordezko erakundeak argitaratutako KPIaren arabera.

Laugarrena.- Adingabekoak izan ditzakeen ezohiko gastuak bi gurasoek erdi bana ordainduko dituzte.

Auzialdi honetan sortutako kostuak ez zaizkio berariaz inori ezarri.

Inpugnatzeko modua: Bizkaiko Probintzia Auzitegian aurkeztutako apelazio-errekurtsoaren bitartez (PZLb, 455. artikulua).

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau jakinarazi eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta zein erabaki inpugnatzen diren (PZLb, 457.2 artikulua).

Errekurtsoa jarri ahal izateko, 50 euroko gordailua eratu beharko da, eta baldintza hori bete ezean ez da hura izapidetzea onartuko. Gordailua egiteko, zenbateko hori kontsignatu beharko da epaitegi honek Banesto taldean (Banco Español de Crédito) duen Gordailu kontuan. Kontuaren zenbakia hauxe da: 4710. Ordainagiriaren kontzeptua idazteko hutsunean, «errekurtsoa» dela adierazi beharko da (kodea: 02-Apelazioa). Errekurtsoa prestatzerakoan kontsignazioa egiaztatu beharko da (BJLOko 15. xedapen gehigarria).

Errekurtsoa jartzeko, gordailua eratzetik salbuetsita daude aipatutako xedapenaren 5. paragrafoan aipatzen direnak eta doako laguntza juridikorako eskubidea aitortua dutenak.

Eta epai honen bidez erabaki, agindu eta sinatzen dut.

Argitalpena.- Epaiari dagokion egunean entzunaldi publikoa egiten ari zelarik, eman zuen epaile berberak irakurri eta argitaratu zuen. Epaiari dagokion egunean, jendaurreko entzunaldia egiten ari zelarik, epaia eman zuen epaile magistratu berberak eman zuen. Eta nik, idazkari naizenez, guzti horren fede ematen dut Bilbon, 2010ko azaroaren 9an.

Alderdi demandatuaren gaur egungo helbidea edo bizilekua ezezaguna denez, Prozedura Zibilaren 1/2000 Legearen 156.4 eta 164. artikuluetan xedatutakoarekin bat etorriz, epaileak, Epaitegiko iragarki-oholean ediktu hau argitaratzea ebatzi du, epaiaren jakinarazpen-eginbidea burutzeko.

Bilbao (Bizkaia), 2010eko azaroaren 11.

IDAZKARI JUDIZIALA.