Euskal Herriko Agintaritzaren Aldizkaria

219. zk., 2010eko azaroaren 15a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Donostia-San Sebastiángo Udala

5376

ERABAKIA, Udaleko Tokiko Gobernu Batzarrarena, zenbait lanpostu (A2 Azpitaldea, Administrazio Bereziko Eskala, Azpieskala Teknikoa eta Erdi Mailako Teknikarien Klasea) lehiaketa espezifiko bidez betetzeko deialdiarena.

Gobernu Batzarrak, 2010eko irailaren 17an, honako erabaki hauek hartu zituen:

ERABAKIAK

Lehenengoa.- Irizpen honekin batera doazen lanpostuen (A2 Azpitaldea, Administrazio Bereziko Eskala, Azpieskala Teknikoa eta Erdi Mailako Teknikarien Klaseko langileek betetzekoak direnen) lehiaketa espezifikoa arautzen duten oinarri orokor eta espezifikoak onartzea.

Bigarrena.- Aipatutako lanpostu horiek betetzeko lehiaketa espezifikorako deialdia egitea:

921 - Gizarte Ongizateko erdi mailako teknikaria: 3 dotazio. (921040001, 921010002, 921010003).

816 - Gizarte Zerbitzuen guneko arduraduna: 7 dotazio (816030004, 816030003, 816010001, 816030005, 816030002, 816020001, 816030001).

926 - Gizarte Larrialdietarako Arreta-arduraduna: dotazio 1 (926010001).

927 - Hezkuntza Atalaren burua: dotazio 1 (927010001).

121 - Gazteria, Hezkuntza, Lankidetza, Berdintasun eta Giza Eskubideetako erdi mailako teknikaria (Gazteria): dotazio 1 (121040004).

871 - Gazteria, Hezkuntza, Lankidetza, Berdintasun eta Giza Eskubideetako erdi mailako teknikaria (Lankidetza bulegoa): dotazio 1 (871030002).

870 - Auzoetako eta Herritarren Partaidetzako erdi mailako teknikaria: dotazio 1 (870020002).

Deialdi honetako iragarkia, oinarri orokorrak, oinarri partikularrak eta II. eranskina 2010eko irailaren 27ko Gipuzkoako Aldizkari Ofizialean argitaratu ziren, 185. zenbakian.

Eskabideak aurkezteko epea hamabost lanegunekoa da, iragarki hau Estatuko Aldizkari Ofizialean argitaratu eta biharamunetik hasita.

Donostia-San Sebastián, 2010eko irailaren 27a.

Giza Baliabideen ordezkaria,

ALICIA GONZÁLEZ ÁLVAREZ.