Euskal Herriko Agintaritzaren Aldizkaria

132. zk., 2010eko uztailaren 12a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Donostia-San Sebastiángo Instrukzioko 4 Zenbakiko Epaitegia

3384

EDIKTUA, 49/09 berehalako falta-judizioaren ondoriozkoa.

Eduardo Muiño Feijoo, Donostia-San Sebastiángo Instrukzioko 4 zenbakiko Epaitegiko idazkari naizen honek,

Fede eta testigantza ematen dut:

49/09 falta-judizioan epai eman da, zeinaren epaitza eta idazpurua honakoak baitira, hitzez hitz:

317/2009 EPAIA

Donostia-San Sebastiánen, bi mila eta bederatziko abuztuaren hamarrean.

Nik, María José Aguirre Zuazok, Donostia-San Sebastiángo Instrukzioko 4 zenbakiko Epaitegiko magistratu-epaile naizen aldetik, ikusi ditut 49/09 berehalako falta-judizioaren autoak, agintaritzako agenteenganako begirune- eta errespetu-falta dela-eta bideratutakoak. Hona hemen alderdiak: demandatzaileak: Donostiako 1602 eta 1613 zenbakidun udaltzainak; demandatua: Mario Roberto Flores Vasquez jauna. Ministerio Fiskalak eragin du egintza publikoa. Eta ondoko epaia ematen dut:

EPAITZA

Mario Roberto Flores Vasquez jauna kondenatzen dut, bi falta hauek egin dituelakoan: agenteei kasurik ez egitea eta agintaritzaren agenteenganako begirune-eta errespetu-falta egitea. Bi faltok Zigor Kodearen 634. artikuluan jasota daude, eta horiengatik 30 eguneko isunera kondenatzen dut falta bakoitzarengatik, egunean 3 euro ordainduz (180 euro). Isuna ordaintzen ez badu, eta premiamendu-bidez ordainarazpena adierazi ondoren, erantzukizun pertsonal subsidiarioa ezarriko zaio. Erantzukizun hori eguneko bi kuota ez ordaintzeagatik askatasuna egun batez galtzea da, eta etengabeko lokalizazio-erregimenean bete daiteke.

Jakinaraz bekie epaia alderdiei, eta aditzera eman epaia ez dela irmoa eta horren aurka apelazio-errekurtsoa aurkez dezaketela epaitegi honetan eta Gipuzkoako Probintzia Auzitegian, bost eguneko epean.

Epaiaren lekukotasuna emango da kausari atxikitzeko, eta jatorrizkoa epaitegi honetako Epaien Liburuan jasoko da.

Eta epai honen bidez erabaki, agindu eta sinatzen dut.

Epaia jasota geratu eta Mario Roberto Flores Vasquezi epaia jakinarazteko -ez baitakigu gaur egun non dagoen-, eta Euskal Herriko Agintaritzaren Aldizkarian argitaratzeko egin dut ediktu hau, Donostian (Gipuzkoa), bi mila eta hamarreko apirilaren hogeita hiruan.

IDAZKARI JUDIZIALA.