Euskal Herriko Agintaritzaren Aldizkaria

43. zk., 2010eko martxoaren 4a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Ingurumen, Lurralde Plangintza, Nekazaritza eta Arrantza Saila

1200

EBAZPENA, 2009ko maiatzaren 22koa, Ingurumeneko sailburuordearena, ingurumenaren gaineko eraginaren adierazpena egin eta ingurumeneko baimen bateratua ematen duena burdina galdatzeko instalazio berriaren proiekturako, Fundiciones Wind Energy Casting II SA enpresak Aguraingo udalerrian sustatua.

GERTAKARIAK

2008ko apirilaren 24an, Fundiciones Wind Energy Casting II SA enpresak Eusko Jaurlaritzako Ingurumen eta Lurralde Antolamendu Sailari ingurumeneko baimen bateratua emateko eskatu zion, kutsaduraren prebentzio eta kontrol integratuari buruzko uztailaren 1eko 16/2002 Legeak xedatutakoaren arabera, Aguraingo (Araba) udalerrian burdina galdatzeko jarduerarako. Eskaerarekin batera, Aguraingo Udalak emandako aldeko hirigintza-txostena eta honako agiri tekniko hauek aurkeztu zituen:

Ingurumeneko baimen bateratua eskatzeko oinarrizko proiektua eta Ingurumenaren gaineko eraginari buruzko azterlana. Fundiciones Wind Energy Casting II SA.

2008ko ekainaren 30ean, Eusko Jaurlaritzaren Ingurumenaren Plangintza, Ebaluazio eta Kontrolerako Zuzendaritzak zenbait erakunderi txostena emateko eskatu zien, ingurumenaren gaineko eraginari buruzko azterlanaren zabaltasuna eta xehetasun-maila zehazteko. Zehazkiago, honako hauei egin zien kontsulta: Aguraingo Udalari, Arabako Foru Aldundiaren Kultura eta Kirol Zuzendaritzari, Eusko Jaurlaritzaren Ingurumen Kalitatearen Zuzendaritzari, Eusko Jaurlaritzaren Biodibertsitaterako eta Ingurumen Partaidetzarako Zuzendaritzari, Eusko Jaurlaritzaren Energia eta Meategien Zuzendaritzari, Eusko Jaurlaritzaren Kultura Ondarearen Zuzendaritzari, Eusko Jaurlaritzaren Osasun Sailari eta Uraren Euskal Agentziari.

Ingurumen Organoak agiri osagarriak eskatu zizkion sustatzaileari 2008ko azaroaren 5ean; espedientea 2008ko azaroaren 21ean osatu zen.

Aurkeztutako agiriak nahikoak zirela egiaztatu ondoren, Ingurumen sailburuordeak 2009ko urtarrilaren 13an emandako Ebazpen bidez, jendaurrean jarri ziren, 30 egun baliodunen epean, Fundiciones Wind Energy Casting II SA enpresak sustatutako proiektua eta proiektu horrek ingurumenean duen eraginari buruzko azterlana, egoki iritzitako alegazioak aurkezteko, eta Euskal Herriko Agintaritzaren Aldizkarian argitaratu zen, 2009ko urtarrilaren 30ean. Era berean, Euskal Autonomia Erkidegoko bi egunkaritan argitaratu zen 2009ko otsailaren 15ean, eta proiektuak hartuko duen eremuaren ondoko auzokide bakoitzari jakinarazpena bidali zitzaien.

Jendaurrean jartzeko izapidea amaitu ondoren, alegaziorik ez dagoela egiaztatu da.

Kutsaduraren prebentzio eta kontrol integratuari buruzko uztailaren 1eko 16/2002 Legearen 17. eta 18. artikuluetan ezarritakoa betez, Eusko Jaurlaritzaren Ingurumen Kalitatearen Zuzendaritzak, 2009ko martxoaren 12an, txosten bana eskatu zien Aguraingo Udalari, Arabako Foru Aldundiaren Kultura eta Kirol Zuzendaritzari, Arabako Foru Aldundiaren Ingurumen Zuzendaritzari, Eusko Jaurlaritzaren Biodibertsitaterako eta Ingurumen Partaidetzarako Zuzendaritzari, Eusko Jaurlaritzaren Energia eta Meategien Zuzendaritzari, Eusko Jaurlaritzaren Kultura Ondarearen Zuzendaritzari, Eusko Jaurlaritzaren Osasun Sailari eta Uraren Euskal Agentziari, eta txosten horien emaitzak espedientean jaso dira.

2009ko maiatzaren 8an, sustatzaileak zenbait argibide osagarri aurkeztu zituen, Ingurumen Organoak aldez aurretik egindako eskaerari erantzunez, honako proposamen hau lantzeko.

2009ko maiatzaren 12an, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan xedatutakoa betez, espediente osoa Fundiciones Wind Energy Casting II SA enpresaren esku utzi zen, Ingurumen, Lurralde Plangintza, Nekazaritza eta Arrantza Sailak egindako Ebazpen Proposamena gehituz.

2009ko maiatzaren 21ean, Fundiciones Wind Energy Casting II SAk idazki bat bidali zuen, Ingurumen Kalitatearen Zuzendaritzak merkataritza-enpresa horri bidalitako ebazpen-proposamenaren edukia esanbidez onartzeko.

ZUZENBIDEKO OINARRIAK

Uztailaren 1eko 16/2002 Legearen 1. artikuluan xedatutakoaren arabera, lege horren xedea da atmosferaren, uraren eta lurzoruaren kutsadura saihestea edo, hori ezinezkoa denean, kutsadura hori gutxitu eta kontrolatzea; eta hori lortzeko, ingurumen osoaren babes maila handia helburutzat harturik, kutsadura prebenitu eta kontrolatzeko sistema integratu bat ezartzea.

Kutsaduraren prebentzio eta kontrol integratuari buruzko uztailaren 1eko 16/2002 Legea garatu eta betearazteko Erregelamendua onartzen duen apirilaren 20ko 509/2007 Errege Dekretuaren 3. artikuluan xedatutakoarekin bat eginez, baimen honetan sartzen dira ekoizpen-elementu eta -lerro guztiak, hain zuzen ere, 16/2002 Legearen 1. eranskinean aipatzen ez diren arren, lege hori aplikatu beharreko eremuko jardueren instalazioetan garatzen direnak eta jarduera horrekin zerikusia dutenak.

16/2002 Legearen 9. artikuluak ezartzen duena betez, ingurumeneko baimen bateratua behar da 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua aplika daitekeen instalazio guztietan araua betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko administrazio-kargak gutxitzearren. Era berean, indarrean dagoen araudiaren araberako ingurumeneko administrazio-baimen guztiak egintza administratibo bakar batean bildu nahi dira. Fundiciones Wind Energy Casting II SA enpresaren kasuan, baimen hauek guztiak behar ditu: saneamendu-sistema integralera isurtzea, hondakinak sortzeko baimena, atmosferara isurtzeko baimena, eta, ingurumen-izaerako beste zehaztapenen artean, lurzoruaren kutsadura prebenitu eta zuzentzeari dagozkion baimenak. Gainera, espedientean beste administrazio eta erakunde eskudun batzuek ere parte hartu dute, aginduzko txostenak igorriz.

16/2002 Legearen 29. artikuluan xedatutakoaren arabera, ingurumeneko baimen bateratua emateko prozedurak jarduera sailkatuetarako udal-lizentziaren prozedura ordezten du, jarduera gogaikarri, osasungaitz, kaltegarri eta arriskutsuei buruzko azaroaren 30eko 2414/1961 Dekretuan aurreikusten dena; ez du ordezten, ordea, udal-agintaritzak emango duen behin betiko ebazpena. Ondorio horietarako, ingurumeneko baimen bateratua udal-agintarientzat loteslea izango da, hala badagokio, baldin eta lizentzia ukatzeko bada edota neurri zuzentzaileak ezartzeko bada; baita aipatu arauaren 22. artikuluan jasotako ingurumen-alderdiei dagokienez ere. 29. artikulu horretan aipatzen denez, goiko guztiak ez ditu kaltetuko autonomia-erkidego bakoitzean jarduera sailkatuei aplikatzekoak diren gainerako arauak. Goian aipatutako aginduak betez, Fundiciones Wind Energy Casting II SA enpresari dagokion ingurumeneko baimen bateratuaren barnean hartu dira Euskadiko ingurumena babesteko otsailaren 27ko 3/1998 Lege orokorrean horretarako aurreikusitako izapide guztiak, baita Aguraingo Udalak, Arabako Foru Aldundiaren Kultura eta Kirol Zuzendaritzak, Arabako Foru Aldundiaren Ingurumen Zuzendaritzak, Eusko Jaurlaritzaren Biodibertsitaterako eta Ingurumen Partaidetzarako Zuzendaritzak, Eusko Jaurlaritzaren Energia eta Meategien Zuzendaritzak, Eusko Jaurlaritzaren Kultura Ondarearen Zuzendaritzak, Eusko Jaurlaritzaren Osasun Sailak eta Uraren Euskal Agentziak emandako txostenak ere. Espedientean jaso da txosten horien guztien emaitza.

Bestalde, Euskadiko ingurumena babesteko otsailaren 27ko 3/1998 Lege orokorraren 41. artikuluan xedatutakoaren arabera, ingurumenaren gaineko eraginaren ebaluazioa behar dute nahitaez Legearen 1. eranskinean jasota egonik Euskal Autonomia Erkidegoan burutu nahi diren plan eta proiektu publiko zein pribatuek. Prozedura hori ingurumenaren gaineko eraginaren adierazpenarekin amaitzen da, direlako proiektuak gauzatzeko edo, behar denean, baimentzeko, emango den administrazio-ebazpenaren aurretik egingo dena.

Era berean, uztailaren 1eko 16/2002 Legearen 11.4 artikulua aplikatuz, autonomia erkidegoek ahaleginak egingo dituzte ingurumeneko baimen bateratua emateko prozeduran, ingurumenaren gaineko eragina ebaluatzeko erkidegoko araudian ageri diren jarduerak edota beste figura batzuk sartzeko, betiere horrelakorik eska badaiteke, eta horretarako eskumena autonomia erkidegoari badagokio.

Uztailaren 1eko 16/2002 Legearen aurreikuspenak betez, Ingurumen Organoak neurriak hartu ditu ingurumenaren gaineko eraginaren ebaluazio-arloko jardunak ingurumeneko baimen bateratuko prozeduraren barruan txertatzeko. Alde horretatik, prozedura horren izapideetan proiektuak izan ditzakeen ondorio guztiak batera aztertu dira, proiektuaren bideragarritasuna zehazteko, ingurumenaren gaineko eraginaren ebaluazioaren arauen ikuspegitik eta uztailaren 1eko 16/2002 Legean jasotako ingurumen-aginduen ikuspegitik. Integrazio hori garbi islatzen da ingurumeneko baimen bateratua emateko ebazpen-proposamenaren aurretik proiektuaren gainean egiten den balioespen orokorrean. Proposamenean bezala, ebazpen honetan sartuta dago aipatutako ingurumenaren gaineko eraginaren ebaluazioaren prozesua. Horretarako, proiektuaren ingurumenaren gaineko eraginaren aldeko adierazpena egiten du bere lehenengo atalean, eta, ingurumen-ondorioetarako soilik, aukeratutako kokapenean proiektua bideragarria dela aipatzen du; proiektua zein baldintzatan gauzatu behar den ere ezartzen du, uztailaren 1eko 16/2002 Legea aplikatuz ezarriko zaizkion neurri zuzentzaileekin bat etorriz.

Azkenik, instalazioak gehienez isur ditzakeen gai kutsagarrien balioak zehazteko, eta, ingurumena oro har ahalik eta gehien babesteko, ustiapenerako ezarriko zaizkion beste baldintza batzuk zehazteko, Ebazpen hau egiterakoan kontuan izan dira teknika onenen erabilera eta aplika dakiokeen arloko legerian ezarritako neurriak eta baldintzak. Bereziki Europako Batzordearen BREF agiri hauen edukia hartu da kontuan: Reference Document on Best Available Techniques in the Smitheries and Foundries Industry, 2005eko maiatzekoa, Reference Document on the application of Best Available Techniques to Industrial Cooling Systems, 2001eko abendukoa; eta Reference Document on Best Available Techniques for Emissions from Storage, 2006ko uztailekoa.

Espedienteko txostenak aztertu ondoren, ebazpen-proposamena sinatu eta Fundiciones Wind Energy Casting II SA enpresak sustatutako proiektuak bete beharreko baldintzak ezarri ziren.

Goian adierazitako izapideak amaitu dira, eta Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan jasotzen den entzunaldi-izapidea bete da.

Kontuan hartu da organo hau eskumenekoa dela ingurumenaren gaineko eraginaren adierazpena egiteko eta ingurumeneko baimen bateratua emateko, Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretuan ezarritakoa betez.

Honako arau hauek aztertu dira: Ingurumen, Lurralde Plangintza, Nekazaritza eta Arrantza Sailak 2009ko maiatzaren 12an emandako ebazpen-proposamena; Euskadiko Ingurumena Babesteari buruzko otsailaren 27ko 3/1998 Lege Orokorra; Kutsaduraren Prebentzio eta Kontrol Integratuari buruzko uztailaren 1eko 16/2002 Legea; proiektuen Ingurumenaren gaineko Eraginaren Ebaluazioaren Legearen testu bategina onartzen duen urtarrilaren 11ko 1/2008 Legegintzako Errege Dekretua; Ingurumenaren gaineko Eraginaren Ebaluaziorako Erregelamendua onartzen duen irailaren 30eko 1131/1988 Errege Dekretua; Ingurumen eta Lurralde Antolamendu Sailaren egitura organikoa ezartzen duen urriaren 25eko 340/2005 Dekretua; Herri Administrazioen Araubide Juridikoa eta Administrazio Prozedura Erkideari buruzko azaroaren 26ko 30/1992 Legea, eta aplika daitekeen gainerako araudia,

EBATZI DUT:

Lehenengoa.- Fundiciones Wind Energy Casting II SA enpresak Aguraingo udalerrian sustatutako burdina galdatzeko instalazio berriaren proiekturako, ingurumenaren gaineko eraginari buruzko aldeko adierazpena egitea, Ebazpen honetako Hirugarren atalean ezarritako baldintzei jarraiki.

Bigarrena.- Fundiciones Wind Energy Casting II SA enpresari (helbide soziala: Itziar-Debako industrialdea 38., N-I lurzatia, 1. IFK: A-20964987) ingurumeneko baimen bateratua ematea, Aguraingo udalerrian burdina galdatzeko instalazio berria ezartzeko, Ebazpen honen Hirugarren atalean ezarritako baldintzak bete behar dituela aintzat hartuta.

Jarduera Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. eranskineko 2.4 kategorian («Egunean 20 tona baino gehiago ekoizteko ahalmena duten metal ferrosoen galdategiak») sartuta dago.

Fundiciones Wind Energy Casting II SA Galzar SAUI 4 industrialdean kokatuko da, S2 eta S3 lurzatietan, Aguraingo udalerrian.

Fundiciones Wind Energy Casting II SAk tamaina handiko (8-30 Tn-ko pisua) osagai eolikoak galdatzen ditu, burdinurtu esferoidala erabiliz. Moldekatzea kimikoa izango da, aminarik eta katalizatzaile sulfonaturik gabeko erretxina furanikoak erabiliz. Urtean batez beste 16.500 Tn ekoitziko direla aurreikusten da.

Ekoizpenean honako azpiprozesu hauek bereizten dira: argintza, moldekatzea, muntaketa, galdaketa, desmoldekatzea eta harea berreskuratzea, granailaketa, mazarota kentzea eta bizar-kentzea. Hona hemen atal bakoitzaren deskribapena.

Argintza: lerroan zenbait nahasgailu ezarriko dira, harea-nahasketa batez elikatzen direnak (harea zuri berria eta berreskuratutako harea), erretxina furanikoak eta azido sulfonikoan oinarritutako katalizatzailea erantsita. Nahastutako harea ar-kaxetan banatuko da. Fraguatze kimikoaren ostean kaxak desmuntatzen dira, pintatzen dira (oinarrian ura duten pinturak erabiliz) eta arrak prestatzen dira, muntaketara biltzeko.

Moldekatzea: Moldekatze-kaxa metalikoetan egingo da eragiketa hau. Kaxak ereduen gainean jartzen dira, eta hareak, erretxinek eta katalizatzaileek osatutako nahasketa batez elikatzen dira, erresistentzia mekanikoa eta sendotasuna emateko. Harearekin, erretxinarekin eta katalizatzaileekin egindako nahasketa fraguatu ondoren, ereduaren moldea erauzi eta negatiboa lortzen da. Moldeak, arrak bezalaxe, oinarrian ura duten pintura erregogorrez pintatzen dira.

Pintatutako moldeak eta arrak lehortze-labe batean lehortuko dira.

Muntaketa: muntaketa gauzatzeko, arrak moldekatze-kaxetan sartu eta ixten dira, piezaren barneko konfigurazioa lortzeko. Ondoren, kaxak itxi egiten dira, galda sartzeko ahoak utzita.

Galdaketa: instalazioak maiztasun ertaineko bi indukzio-labe izango ditu, nukleorik gabekoak, 10.000 KW-ko potentzia eta edukiera bateratuko 25 tona izango dituztenak, zirkuitu itxian urarekin hoztuak. Labeek txandaka jardungo dute, gaueko ordutegian. Labeetatik aurrez prestatutako zalietan iraultzen da isurketa, eta zubi-garabien bidez muntatutako ereduak dauden zuloetara eramaten dira. Zaliak aurreberotu eta bero mantentzen dira, gas naturaleko erregailuen bitartez.

Desmoldekatzea eta harea berreskuratzea: Piezak galdatu eta hoztu ondoren, desmoldekatu egiten dira, parrilla dardarkari baten bitartez. Moldeak haustean sortzen den harea xehatu egiten da, eta harea berreskuratzeko instalaziora eramaten da. Desmoldekatzeko gailuaren azpitik deskargatzeko tobera jartzen da, altzairuzko xaflazkoa eta kargatzeko 100 Tn-ko edukiera duena, molde batetik deskargatutako hasierako harea-astindua ahalbidetzeko. Desmoldekatzeko eremuan kokatutako instalazio batean berreskuratzen da harea, eta, bereizle magnetiko batetik igaro ondoren, silotan biltegiratzen da. Jarraian, garraio pneumatikoaren bidez, arrak eta moldeak biltegiratzeko siloetara eramaten da.

Granailatzea: Desmoldekatu ostean, harea ezabatzen da granailaketaren bitartez, eta horrela galdatutako piezetako ertzak eta ertz zorrotzak ezabatzen dira.

Mazarota- eta bizar-kentzea: Mazarota kentzeko, kanoi pneumatiko batez kolpekatzen da arbastatu aurretik. Mazarotak galdategiko karga-eremura itzuliko dira, eta berriz ere erabiliko dira ekoizpen-prozesuan. Piezen bizar-kentzerako, elementu osagarriak zizelkatu eta harriz lantzen dira, eta molde eta arren arteko lotuneei akabera ematen zaie, lotune horien ingurua eskatutako moldera eta neurrietara egoki dadin. Instalazioak pieza txikietarako 5 kabina eta pieza handietarako 3 kabina izango ditu.

Atmosferara egindako isurketa gehienak honako instalazio hauetan sortzen dira: galdaketa-labeak, arren nahasgailua, desmoldekatzeko makina, moldekatzeko nahasgailua, granailatzeko makina, harea berreskuratzeko makina, bizar-kentzeko kabinak eta moldeak eta arrak lehortzeko labea. Isurtzeko foku guztiek, molde eta arrak lehortzeko labeari lotutako fokuak izan ezik, arazketa-sistemak dituzte (mahuka-iragazkia).

Bestetik, jardueraren ondorioz hondakin-ur industrialak sortzen dira, hozte-sistemetatik eta konpresoreetatik eratorriak, baita hondakin-ur sanitarioak ere, komunetatik eta aldageletatik eratortzen direnak. Korronte horiek udalaren saneamendu-sarera isurtzen dira.

Besteak beste, proiektuak honako neurri hauek biltzen ditu, teknika onenen erabileratzat jo daitezkeenak: txatarra-parkea iragazgaiztea; lehengaiak gune konfinatu batean biltegiratzea; txatarra garbiak maiztasun ertaineko indukzio-labeetan kargatzea; galdaketan, desmoldekatzean eta harea-eragiketetan isuritakoa xurgatu eta araztea; aglomeratzaile- eta erretxina-kontsumoa minimizatzeko neurriak; harearen % 95 berritzea; harea mekanikoki berritzea; granailatzeko instalazioa xurgatu eta araztea; isurketa difusoak murrizteko neurriak; zarata murrizteko neurriak; eta hondakin-urak bereizteko sareak; besteak beste.

Hirugarrena.- Fundiciones Wind Energy Casting II SA enpresak Aguraingo udalerrian burdina galdatzeko instalazio berria ezartzeko sustatutako proiektua gauzatzeko, honako baldintza eta betekizun hauek agintzea:

A) Administrazioarekiko harremanez arduratuko den pertsonaren datuetan aldaketarik balego, Fundiciones Wind Energy Casting II SA enpresak aldaketa horien berri emango dio Ingurumen Sailburuordetzari.

B) Euskal Autonomia Erkidegoko ingurumena babesteko otsailaren 27ko 3/1998 Legearen 47.8 artikuluak aipatzen duen epea bi urtekoa izango da, Ebazpen hau jakinarazten denetik kontatzen hasita. Ondorio horietarako, sustatzaileak proiektua gauzatzen hasteko aurreikusitako data jakinarazi beharko dio Ingurumen Sailburuordetzari, gutxienez hilabete lehenago.

C) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta honako atal hauetan ezarritakoari jarraituz:

Proiektua burutzeko aurreikusitako aurrekontua eta baldintza-agiria ebazpen honetan ezarritako neurri babesle eta zuzentzaileak eta ingurumena zaintzeko programa burutzeko obra-unitateekin eta prezioekin osatu beharko dira.

c.1.- Instalazioa eraikitzeko baldintza orokorrak.

c.1.1.- Jardun-eremua mugatzea.

a) Instalazioa eraikitzearekin lotutako jardun guztiak, hala nola makina-parkea eta obra-hondakinak aldi baterako metatu eta biltegiratzeko guneak, proiektuaren lurzatiaren barruan kokatuko dira.

b) Eremu horretatik kanpo ustekabeko eraginak sortuz gero, zuzentzeko eta leheneratzeko neurri egokiak aplikatuko dira, aurrez ebazpen honen c.1.9 atalean adierazitako ingurumen-aholkularitzaren txostena eginda.

c) Makina-parkea eta obra-hondakinak aldi baterako metatu eta biltegiratzeko gunea kontratistak egokitu beharko ditu, garatu nahi diren jarduerek ingurumenean sor ditzaketen eraginak gutxitzearren.

d) Gune horien mugak eta ezaugarriak obra-zuzendaritzak onartu beharko ditu, aurrez ebazpen honen c.1.9 atalean adierazitako ingurumen-aholkularitzaren txostena eginda.

c.1.2.- Ura eta lurzorua babesteko neurriak.

a) Eraikuntza-fasea, drainatze-sarera isuritako ale xeheak minimizatuz egin beharko da. Horretarako, ura bideratzeko gailuak eta solido esekiei eusteko sistemak proiektatu eta egikarituko dira, horietan obren ondoriozko ur kutsatuak biltzeko.

b) Obraren makina-parkera bideratutako azalera eta haren mantentze-gunea drainatze naturaleko saretik isolatuko dira. Zola iragazgaitza eta efluenteak biltzeko sistema izango dituzte, lurzorua eta ura olio eta erregaien bidez kutsa daitezen saihesteko. Erregaien zamalanak, olio-aldaketak eta tailerreko jarduerak ez dira baimenduko adierazitako guneetatik kanpo.

c.1.3.- Hauts-isuriak gutxitzeko neurriak.

a) Obrak dirauen artean, bideak eta ibilgailuak igarotzeko gainerako guneak garbitzeko kontrol zorrotza burutuko da, bai obrek eragindako ingurunean, bai horietarako sarbideetan. Pistak eta aldi baterako soil egongo diren eremuak ureztatzeko sistema bat egongo da.

b) Obraguneetako irteeran ibilgailuak garbitzeko gailuak ezarriko dira. Gailu horien ezaugarriak, kokaleku zehatza eta bildutako uren kudeaketa, ebazpen honen c.1.10 puntuak aipatzen dituen agirietan jaso beharko dira.

c.1.4.- Zaratak, dardarak eta horien eraginak gutxitzeko neurriak.

a) Eraikitze-fasean, ingurumenaren gaineko eraginari buruzko agirietan deskribatutako jarraibide egokiak aplikatuko dira, obra-makinen mantentze-lanei eta zarata jatorrian murrizteari dagokienez.

b) Zaratari buruzko azaroaren 17ko 37/2003 Legea garatzen duen urriaren 19ko 1367/2007 Errege Dekretuko 22. artikuluan aurreikusitakoaren arabera, zonifikazio akustiko, kalitate-helburu eta igorpen akustikoei dagokienez, obrak egitean erabiliko diren makinak egokitu egin beharko dira kanpoan erabiltzeko makinen soinu-igorpenei buruz indarrean dagoen araudian ezarritako aginduetara, eta, bereziki, eta hala badagokie, kanpoan erabiltzeko makinek ingurumenean sortzen dituzten soinu-igorpenak arautzen dituen otsailaren 22ko 212/2002 Errege Dekretuan eta arau osagarrietan ezarritakora.

c.1.5.- Hondakinak kudeatzeko neurriak.

a) Obretan sortutako hondakinak, eta obra-lekuak, enbalajeak, erreuseko lehengaiak eta garbiketa-kanpaina prestatzeko eragiketetan sortutako hondakinak, hondakinen apirilaren 21eko 10/1998 Legean eta aplikatzekoak diren berariazko araudietan aurreikusitakoaren arabera kudeatuko dira.

b) Obran sortutako hondakin guztiak, horien balioztatzea teknikoki eta ekonomikoki bideragarria bada, hondakin-balioztatzaile baimendu bati igorri beharko zaizkio. Teknikoki, ekonomikoki edo ingurumen-ikuspegitik balioztatzea bideraezina dela behar bezala ziurtatu ondoren soilik ezabatu ahal izango dira hondakinak.

c) Eraikuntzako eta eraispeneko hondakinak kudeatzeko, eraikuntzako eta eraispeneko hondakinak sortzea eta kudeatzea arautzen duen otsailaren 1eko Errege Dekretuan ezarritakoa hartuko da aintzat. Horren haritik, eraikuntzako eta eraispeneko hondakinak kudeatzeko azterlan bat bildu beharko da eraikuntza-proiektura, otsailaren 1eko 105/2008 Errege Dekretu horren 4.1.a) artikuluan ezarritako edukiarekin.

d) Zabortegira eramateko hondakinak, hondakinak zabortegian uztea arautzen duen abenduaren 27ko 1481/2001 Errege Dekretuaren arabera eta 2002ko abenduaren 19ko Kontseiluaren 2003/33/EE Erabakiaren arabera kudeatuko dira. Erabaki honen bidez, hondakinak zabortegian hartzeko irizpideak eta prozedurak ezartzen dira, 1999/31/EEE Zuzentarauaren 16. artikuluarekin eta II. eranskinarekin bat etorriz.

e) Betelanetarako erabiliko diren hondakinak otsailaren 24ko 49/2009 Dekretuaren (hondakinak zabortegian biltegiratuta ezabatzeari eta betelanak egiteari buruzkoa) arabera kudeatuko dira.

f) Lurzorua ez kutsatzeko eta kutsatutakoa garbitzeko otsailaren 4ko 1/2005 Legearen I. eranskinean adierazitako EBA-A Ebaluazioko Balio Adierazleak baino kutsatzaile kopuru txikiagoa duten materialekin soilik egin ahal izango dira lurrak betetzeko lanak.

g) Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko Erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrun ez daitezen.

Aurreko paragrafoan aipatzen diren ontziak etiketatuta egon beharko dute, eta etiketak argia, irakurtzeko modukoa eta ezabaezina izan beharko du; etiketa aipatutako uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.

h) Sortutako olio erabilia industrian erabilitako olioaren kudeaketa arautzen duen ekainaren 2ko 679/2006 Errege Dekretuari jarraituz kudeatu beharko da.

Ekainaren 2ko 679/2006 Errege Dekretuan aurreikusitako baimendutako kudeaketa bateraturako sistema bat ezartzen ez den bitartean, Euskal Autonomia Erkidegoan erabilitako olioaren kudeaketa arautzen duen irailaren 29ko 259/1998 Dekretuan biltzen diren aurreikuspenak bete beharko ditu Fundiciones Wind Energy Casting II SA enpresak.

Kudeatzaile baimenduak jaso arte erabilitako olioak aldi baterako biltegiratzeko, estalpeko guneak erabiliko dira, eta etiketa egokia daramaten ontzi estankoetan biltegiratuko dira olio erabiliak, zola iragazgaitzaren gainean eta gerta litezkeen jario edo ihesei eusteko moduko kubeta edo sistemen barnean.

i) Hondakinak kudeatzeko araudia betetzea errazteko, lan guztietan sortutako hondakinak kudeatzeko sistemak jarri beharko dira. Sistema horiek lan horien arduradunek kudeatuko dituzte, horiek izango baitira langileek sistemak zuzen erabiltzeko arduradunak. Bereziki, erregai eta produktuak biltegiratzearen, makinen mantentze-lanak egitearen edo hondakinak erretzearen ondorioz ez dira inolaz ere efluente kontrolatugabeak sortuko.

Aurrekoaren haritik, berariazko gune bat egokituko da hondakin arriskutsuak (olio-latak, iragazkiak, olioak, pinturak eta abar) biltegiratzeko instalazio estaliak jartzeko, eta horietatik bereiz, hondakin ez-arriskutsu eta geldoetarako berariazko edukiontziak jarriko dira. Edukiontzi horiek itxita egongo dira kudeatzaileari entregatu arte, lurrunketagatiko edo isurtzeagatiko eduki-galerak saihesteko. Era berean, obran barrena, sortutako hondakinak biltzeko gailu estankoak (bidoiak, eta abar) ezarriko dira, eta horiek izaeraren arabera bereiziko dira, aipatutako puntu garbi horretan aldi baterako biltegiratu aurretik.

j) Obretan sortutako hondakinen ingurumeneko jarraipenaren txosten ulergarria egin beharko da, eta txosten horrek, indarrean dagoen legeriak jasotzen dituen hondakinen kontrolerako, jarraipenerako eta onarpenerako agiriak jaso beharko ditu.

c.1.6.- Mailegu-materialak erabiltzeko baldintzak.

Urbanizazioa egikaritzeko behar diren materialei dagokienez, honako mailegu-material hauek baino ezin izango dira erabili:

Obra honetan edota inguruan industutako materialak, betiere gai kutsatzaileen edukia EB-A ebaluazioko balio adierazleak baino txikiagoa bada, otsailaren 4ko 1/2005 Legearen I. Eranskinean jasotakoaren arabera.

Eraikuntza eta eraispeneko hondakinen balioztatzetik eratorritako bigarren mailako agregakinak.

Zepa beltzak, arku elektrikoko labeetan altzairua ekoizten sortu eta balioztatzeko prozesutik igaro ondoren, otsailaren 18ko 34/2003 Dekretuan ezarritako moduan. Dekretu horretan dago araututa Euskal Autonomia Erkidegoan altzairua arku elektrikoko labean ekoiztean sortzen diren zepak balioztatu eta gerora erabiltzea. Zepa horiek ez dira metatuko beti urpean dauden guneetan; oro har lur-betelanetarako erabiliko dira, beste material naturalen edo obrako material geldoen estradosean.

Agregakin naturalak.

c.1.7.- Paisaia-integrazioa.

Instalazioa berria eraikitzeko proiektuak beharrezko aurreikuspenak izan beharko ditu instalazioari lotutako lursail eta instalazioetako paisaia egokitzeko, instalazioa eremuan integratzea errazagoa izan dadin.

c.1.8.- Garbiketa eta obra-akabera.

Obrak bukatu ondoren, eremua ondo garbitu beharko da, proiektuaren eragin-eremutik obra-hondakin guztiak kenduz.

c.1.9.- Ingurumenari buruzko aholkularitza.

Obra amaitu arte eta obraren bermealdian zehar, obra-zuzendaritzak ingurumenaren -eta oro har neurri babesle eta zuzentzaileen- inguruan kualifikatutako aholkularitza izan beharko du. Gai horiei buruz baldintza-agiriak obra-zuzendaritzari esleitzen dizkion funtzioekin lotutako ebazpenak, aholkularitza hori egiten duten adituek txostena egin ondoren eman beharko dira.

c.1.10.- Lan-programa diseinatzea.

Kontratistak jardun-proposamen xehatu batzuk egin beharko ditu jarraian zerrendatzen diren azpiataletan adierazitako alderdiei buruz. Proposamen horiek, Ebazpen honetan kasu bakoitzerako ezartzen diren irizpideen arabera diseinatuko dira, eta obra-zuzendaritzak esanbidez onetsi beharko ditu, aurreko atalean aipatutako ingurumen-aholkularitzak aurrez txostena eginda, eta lanak burutzeko programan txertatuko dira. Aipatutako alderdiak honako hauek dira:

a) Kokapenari buruzko xehetasunak, eta kontratistaren instalazioen eremuetako ezaugarriak eta hondakinak aldi baterako biltegiratzekoak, ebazpen honen c.1.1 eta c.1.5 ataletan aurreikusitakoaren arabera.

b) Urak bideratzeko sareei buruzko xehetasunak, eta Ebazpen honen c.1.2.a atalean aurreikusitako solido esekiei eusteko gailuen kokapena.

c) Ebazpen honen c.1.3.b atalean aurreikusitako ibilgailuak garbitzeko gailuen xehetasunak eta kokapena, eta horietan jasotako ura kudeatzeko proposamena.

d) Obran sortutako eraikuntzako eta eraispeneko hondakinak kudeatzeko plana, eraikuntzako eta eraispeneko hondakinak sortzea eta kudeatzea arautzen duen otsailaren 1eko 105/2008 Errege Dekretuaren 5.1 artikuluan aurreikusitakoari jarraiki.

c.1.11.- Jardunbide egokien kontrola obren garapenean zehar.

Obrak garatu bitartean jardunbide egokien kontrol bat egingo da, arreta berezia emanez eragindako azalerari eta ingurune urtarraren babesari, hondakinen kudeaketari (hondeaketako soberakinak barne), solido esekiei eusteko gailuen funtzionamenduari, hautsa eta zarata egiteari, eta Ebazpen honetan adierazitako beste alderdi batzuei.

c.1.12.- Obra-amaierako txostena.

Sustatzaileak obra-amaierako txosten bat igorri beharko dio Ingurumen Sailburuordetzari. Obretan zehar sortutako gorabeheren berri eman beharko du bertan, eta ebazpen honen ingurumenaren gaineko eraginaren azterlanean eta Ebazpen honetan jasotako neurri babesle eta zuzentzaileen betetze-mailaren, eta ingurumen organoak hondeaketako materialak zuzen kudeatzeko eskatutako neurrien berri.

Txosten horretan proiektua burutzean sartutako aldaketa zehatzak zehazki dokumentatu beharko dira, aldaketarik izan bada, aldaketa horiek ingurumen-eraginaren aldetik justifikatuz. Eraikitzeko fasean zehar garatutako ingurumena zaintzeko programaren emaitzak eta hondeaketako materialen helburu zehatza ere jasoko dira, horien kuantifikazioari eta karakterizazioari buruzko datuak barne.

c.2.- Instalazioaren funtzionamendurako baldintza orokorrak.

c.2.1.- Airearen kalitatea babesteko baldintzak.

c.2.1.1.- Baldintza orokorrak.

Burdina galdatzeko instalazioa ustiatzean, atmosferara egingo diren isurketek ez dituzte ebazpen honetan ezarritako muga-balioak gaindituko.

Prozesuan zehar atmosferara isurtzen den gai kutsatzaile oro bildu eta ihesbide egokienean zehar kanpora bideratuko da, isurketa horien ezaugarrien arabera diseinatutako gasak arazteko sistema batetik igaro ondoren, hala badagokio.

Arau orokor hori bete beharrik ez dute izango gai kutsatzaileak mugarik gabe isuri eta horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen denean.

Ustekabean gai kutsatzailerik ez isurtzeko neurriak hartuko dira, eta efluenteak giza osasunerako nahiz gizartearen segurtasunerako arriskutsuak izan ez daitezen. Gas-efluenteak tratatzeko instalazioak behar bezala ustiatu eta mantenduko dira, efluenteen tenperatura- eta konposizio-aldaketei modu eraginkorrean aurre egiteko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.

c.2.1.2.- Fokuak identifikatzea. Katalogazioa.

Burdina galdatzeko instalazioak honako foku hauek ditu, atmosfera babestearen arloan indarrean dagoen araudiaren arabera katalogatuta:

Foku zk. Fokuaren izena Altuera (m) Barne-diametroa (m) Katalogazioa UTM koordernatuak

Multzoa Epigrafea X Y

1 Indukzio-labeak 17,1 1,35 B 2.3.1 547.964 4.744.511

2 Arren nahasgailua 12 0,95 B 2.6.14 548.009 4.744.519

3 Desmoldekatzea 15,6 1,20 C 3.3.2 548.146 4.744.460

4 Moldekatze-nahasgailua 12 0,95 C 3.3.2 548.090 4.744.499

5 Granailaketa 17,1 1,35 C 3.12 548.135 4.744.417

6 Harea berreskuratzea 12 0,95 C 3.3.2 548.152 4.744.476

7 Bizar-kentzea 15,6 1,20 C 3.12 548.141 4.744.426

8 Moldeak eta arrak lehortzeko labea 18 0,80 B 2.12.1 548.043 4.744.506

Gainera, isurketa difusoak sortzen dira, arrak pintura erregogorrez estaltzetik, moldekatze-eremuko airea hustetik eta nabeko gainerako eremuak oro har hustetik eratorritakoak.

c.2.1.3.- Isurtzeko muga-balioak.

Instalazioa ustiatzean atmosferara egingo diren isurketek ez dituzte isurtzeko honako muga-balio hauek gaindituko:

Fokuak Gaiak Isurtzeko muga-balioak

1. Indukzio-labeak Partikulak guztira 20 mg/Nm3

2. Arren nahasgailua Partikulak guztira 20 mg/Nm3

3. Desmoldekatzea Partikulak guztira 20 mg/Nm3

4. Moldekatze-nahasgailua Partikulak guztira 20 mg/Nm3

5. Granailaketa Partikulak guztira 20 mg/Nm3

6. Harea berreskuratzea Partikulak guztira 20 mg/Nm3

7. Bizar-kentzea Partikulak guztira 20 mg/Nm3

8. Moldeak eta arrak lehortzeko labea CO 500 ppm

NOx 300 ppm

Balio horiek baldintza hauek dituzte: 273 K-eko tenperatura, 101,3 kPa-ko presioa eta gas lehorra.

Neurtutako parametroek ez dituzte isurtzeko muga-balioak gaindituko arauz egingo diren aldizkako ikuskapenetan (ordubeteko hiru neurketa gutxienez), zortzi orduan zehar neurtuta. Neurketa-tolerantzia gisa, kasu guztien % 25ean gainditu ahal izango da muga-balioa, % 40a gainditzen ez duen zenbatekoa baldin bada. Tolerantzia hori gaindituz gero, neurketaldia astebetez luzatuko da, eta aldi horretako tolerantzia global gisa, kasuen % 6an, gehienez onar daitezkeen mailak gainditzea onartuko da, % 25 gainditzen ez duen zenbatekoa denean. Tolerantzia horiek izanda ere, gai kutsatzaileak isurtzen dituen fokuaren eraginpeko eremuan ezin izango dira inoiz higienikoki onar daitezkeen balioak gainditu.

c.2.1.4.- Gasak biltzeko eta husteko sistemak.

Fokuetako gas-hondarrak kanporatzeko tximiniek ez dute Ebazpen honen c.2.1.2 atalean jasota dagoen goreneko kota baino baxuagoa izango. Tximinietan behar beste neurri ezarriko dira, industriak atmosferan eragiten duen kutsadurari aurrea hartu eta hori zuzentzeari buruz 1976ko urriaren 18an Industria Ministerioak emandako Agindua bete dezaten; besteak beste, laginak hartzeko puntuetara iristeko sarbide seguru eta errazak izango dituzte.

Zehazki, laginak hartzeko aurreikusitako zuloen kokapenari eta ezaugarriei dagokienez, gas-fluxuak laginketa-puntutik neurketa-puntura bitartean, fluxuaren norabidean zehar nahiz aurkakoan (L1 eta L2 parametroak), edozein asaldu izan dezakeen gunera bitarteko distantziek 1976ko urriaren 18ko Aginduaren III. eranskinean xedatutakoa beteko dute, 1. (indukzio-labea), 3. (desmoldekatzea), 5. (granailaketa) eta 7. (bizar-kentzea) fokuei dagokienez. 2. (arren nahasgailua), 4. (moldekatze-nahasgailua), 6. (harea berreskuratzea) eta 8. (lehorketa-labea) fokuetan, baldintza hori betetzen ez bada ere, L1 eta L2 parametroak L1 > 2D eta L2 > 0,5D balio-mailan daudenez, salbuespen hori onartuko da, baldin eta neurketa-txostenean justifikatzen bada laginketa-planoaren balioa.

Isurketa barreiatuak murrizteko, isurketak biltzeko, husteko eta arazteko sistema guztien mantentze-lan zuzenak egingo dira. Gainera, aldian-aldian, instalazioak garbituko dira, kanpoko ateak itxiko dira, eta nabe orokorra itxiko da. Ebazpen honetako e.3.c atalean jasotako prebentzioko mantentze-lanen eskuliburuaren barne sartuko dira jardun horiek. Gainera, trafiko-bideak behar bezala zolatu eta garbituko dira.

c.2.2.- Saneamendu-sarera isurtzeko baldintzak.

c.2.2.1.- Isurketen sailkapena, jatorria, ingurune hartzailea eta kokapena.

Isurketa sortzen duen jarduera mota nagusia: Burdina galdatzea.

Jarduera multzoa: 2.

Mota-taldea-EJSN: 1-2-27.51.

Isurketa-puntua Hondakin-ur mota Isurketaren jatorria Ingurune hartzailea Isurketa-puntuaren UTM koordenatuak

1 Hondar-ur sanitarioak Komunak eta aldagelak Industrialdeko saneamendu-kolektorea X: 547.952

Y: 4.744.424

Hozte-dorreen purgatzeak eta husteak Hozte-sistemak

Konpresoreen purgatzeak Aire konprimatuzko instalazioa

c.2.2.2.- Gehienez isur daitezkeen emari eta bolumenak.

Erabilera sanitarioko urak:

Eguneko gehienezko bolumena 9,3 m3 egunean

Urteko gehienezko bolumena 2.100 m3 urtean

Ur industrialak (hozte-dorreen purgatze eta husteak, eta konpresoreen purgatzeak):

Orduko puntako emaria 2 m3/h

Eguneko gehienezko bolumena 16,7 m3 egunean

Urteko gehienezko bolumena 3.750 m3 urtean

c.2.2.3.- Isurtzeko muga-balioak.

Aguraingo Udalaren «Etxekoak ez diren isurketak arautzeko udal-ordenantzan» bildutako muga eta baldintzak bete beharko ditu azken isurketak, jarraian zerrendatzen direnak:

Parametroak Isurtzeko muga-balioak

Tenperatura 50 şC

Solido esekiak 700 mg/l

Solido jalkigarriak 5 mg/l

PH-a 6 pH 10

OEB5 600 mg/l

OEK 1000 mg/l

Fenolak 5 mg/l

Detergente anionikoak 12 mg/l

Aldehidoak 4 mg/l

Pestizidak 0,2 mg/l

Kloruroak 2000 mg/l

Sulfatoak 2000 mg/l

Sulfitoak 10 mg/l

Fluoruroak 10 mg/l

Zianuroak 1 mg/l

Amoniakoa 30 mg/l

Nitratoak 20 mg/l

Kjeldahl nitrogenoa guztira 50 mg/l

Fosfatoak 60 mg/l

Aluminioa 10 mg/l

Artsenikoa 1 mg/l

Barioa 20 mg/l

Boroa 2 mg/l

Kadmioa 0,2 mg/l

Kobaltoa 0,2 mg/l

Kobrea 0,5 mg/l

Kromoa guztira 6 mg/l

Kromo hexabalentea 0,5 mg/l

Burdina 10 mg/l

Manganesoa 2 mg/l

Merkurioa 0,05 mg/l

Molibdenoa 0,02 mg/l

Nikela 2 mg/l

Beruna 0,7 mg/l

Selenioa 0,5 mg/l

Eztainua 10 mg/l

Zinka 5 mg/l

Sulfuroak 10 mg/l

Olioak eta koipeak 75 mg/l

Ezin dira diluzio-teknikak erabili isurtzeko muga-balioak lortzeko.

c.2.2.4.- Araztu eta husteko instalazioak.

Arazketa-instalazioek edo hondakin-urak zuzentzeko neurriek honako jardun hauek bilduko dituzte funtsean:

- Zerbitzuko aire-konpresoreetako hidrokarburoen bereizlea.

- Harea kentzeko gailuak euri-uren sarean.

Hartutako neurri zuzentzaileak nahikoak ez direla ikusiz gero, Fundiciones Wind Energy Casting II SA enpresak behar beste aldaketa egingo ditu arazketa-instalazioetan isurketak baimenean ezarritako baldintzak bete ditzan. Aldaketak Administrazioari jakinaraziko dizkio lehenik; behar izanez gero, baimena aldatzeko ere eskatuko du.

Kontrolerako kutxeta bat jarriko da baimendutako hondakin-ur mota bakoitzarentzako; kutxeta horiek isurien lagin esanguratsuak lortzeko beharrezko ezaugarriak izango dituzte. Kutxetak ikuskatu ahal izateko sarbide zuzena ahalbidetzen duten lekuan kokatuko dira, hala badagokio.

c.2.3.- Instalazioan sortutako hondakinak egoki kudeatzen direla bermatzeko baldintzak.

Instalazioetan sortzen diren hondakin guztiak hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hala badagokio, hondakinak karakterizatu egin beharko dira euren izaera zehaztu eta helburu egokiena erabakitzeko.

Esanbidez debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta hondakinak bildu eta biltegiratzeko bide egokiak jarriko dira, nahasketa saihesteko.

Hondakinen kudeaketari buruzko printzipio hierarkikoei jarraituz, hondakin oro balioztatu behar da, eta horretarako balioztatzaile baimendu baten esku utzi behar da. Hondakinak ezabatu ahal izango dira, baldin eta horiek balioztatzea teknika, ekonomia edota ingurumen aldetik bideragarria ez dela behar bezala egiaztatzen bada. Birsortzea eta berrerabiltzea lehenetsiko dira, balioztatzeko beste modu material edo energetikoen aurretik.

Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira lehentasunez, autosufizientzia- eta gertutasun-printzipioei jarraituz.

Baimendutako zabortegian ezabatzea aurreikusita dagoen hondakinen karakterizazioa, 2002ko abenduaren 19ko Kontseiluaren 2003/33/EE Erabakiarekin bat etorriz gauzatuko da. Erabaki honen bidez, hondakinak zabortegian hartzeko irizpideak eta prozedurak ezartzen dira. Bestela, erabaki hori garatzeko Euskal Autonomia Erkidegoan onartutako jarraibideekin bat etorriz gauzatuko da.

Hondakinak biltegiratzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita daudelako isurketak edo lixibiatuak sor ditzaketen hondakinen kasuan, hondakinak biltzeko kubeta edo sistema egokiak jarriko dira, ezbeharrez gerta daitezkeen jarioak kanpora isuri ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.

Hondakinek desagertu, galdu edo ihes egingo balute, Ingurumen Sailburuordetzari eta Berantevillako Udalari berehala emango zaie gertatutakoaren berri.

Sustatzaileak adierazitako hondakinak honako atal hauetan jaso dira.

c.2.3.1.- Hondakin arriskutsuak.

1. prozesua: «gas efluenteak araztea».

1. hondakina: «galdaketaren ale xeheak».

Identifikazioa: A20799987 /20022224/1/1.

Hondakinaren kodea: Q09//D09//S25//C24//H5/14//A230/B3109.

HEZ: 100909.

Urtean sortutako kantitatea: 16 Tn.

Galdaketa-labeetan sortzen diren gasak iragaztearen ondorioz sortzen da; konposizioan antimonioa duten hautsak (galdaketaren ale xeheak) dira. Hondakina big-bagetan biltegiratzen da iragazketa-instalazioaren ondoan, kudeatzaile baimenduaren esku utzi arte.

2. hondakina: «desmoldekatzearen ale xeheak».

Identifikazioa: A20799987 /20022224/1/2.

Hondakinaren kodea: Q09//D09//S25//C24//H5/14//A230/B3109.

HEZ: 100909.

Urtean sortutako kantitatea: 300 Tn.

Urtzeko labeetan sortzen diren gasak iragaztearen ondorioz sortzen da; konposizioan antimonioa duten hautsak (desmoldekatzearen ale xeheak) dira. Hondakina big-bagetan biltegiratzen da iragazketa-instalazioaren ondoan, kudeatzaile baimenduaren esku utzi arte.

2. prozesua: «zerbitzu orokorrak».

1. hondakina: «kutsatutako ontzi metalikoak».

Identifikazioa: A20799987 /20022224/2/1.

Hondakinaren kodea: Q05//R13//S36//C41//H05//A231/B9711.

HEZ: 150110.

Urtean sortutako kantitatea: 7 Tn.

Ontzi hutsak biltzean sortzen da; olioak, pinturak, disolbatzaileak edo beste kutsatzaile batzuk eduki dituzten ontzi metalikoak dira. Hondakin horrentzat identifikatutako eremuan biltzen da, hondakinen biltegian.

2. hondakina: «kutsatutako plastikozko ontziak».

Identifikazioa: A20799987 /20022224/2/2.

Hondakinaren kodea: Q05//R13//S36//C41//H05//A231/B9711.

HEZ: 150110.

Urtean sortutako kantitatea: 0,3 Tn.

Ontzi hutsak biltzean sortzen da; olioak, pinturak, disolbatzaileak edo bestelako kutsatzaileak eduki dituzten plastikozko ontziak dira. Hondakin horrentzat identifikatutako eremuan biltzen da, hondakinen biltegian.

3. hondakina: «aerosolak».

Identifikazioa: A20799987 /20022224/2/3.

Hondakinaren kodea: Q03//R13//S36//C41//H15//A231/B0019.

HEZ: 160504.

Urtean sortutako kantitatea: puntuala.

Ontzi hutsak biltzean sortzen da; olioak, pinturak, pintura-gehigarriak, disolbatzaileak, itsasgarriak, taladrina eta tinta eduki dituzten aerosolak dira. Hondakin horrentzat identifikatutako bidoian biltzen da sortzen den postuetan. Behin bete ondoren, hondakinen biltegira eramaten da.

4. hondakina: «olio erabiliak».

Identifikazioa: A20799987/20022224/2/4.

Hondakinaren kodea: Q07//R13//L08//C51//H05/06//A231/B0019.

HEZ: 130205.

Urtean sortutako kantitatea: 0,6 Tn.

Makinetan olioa birjartzean sortzen da; olio hidraulikoak eta koipeztatzeko olio erabiliak dira. Hondakinarentzat identifikatutako bidoian jasotzen da sortzen den postuan edo postuetan. Behin bete ondoren, hondakinen biltegira eramaten da.

5. hondakina: «merkuriozko pilak».

Identifikazioa: A20799987/20022224/2/5.

Hondakinaren kodea: Q06//R13//S37//C16//H14 //A231/B0019.

HEZ: 160603.

Urtean sortutako kantitatea: puntuala.

Pila agortuak birjartzeko eragiketetan sortzen da, eta eraginkorragoa denez, pilak taldeka biltzen dira; zinka eta beste metal-oxido batzuk dituzten pilak dira. Hondakin horrentzat identifikatutako edukiontzian biltzen dira berariaz adierazitako eremu batean.

6. hondakina: «berunezko bateriak».

Identifikazioa: A20799987 /20022224/2/6.

Hondakinaren kodea: Q06//R13//S37//C18/23//H05/08//A231/B0019.

HEZ: 160601.

Urtean sortutako kantitatea: puntuala.

Beruna eta soluzio azidoa duten bateria erabiliak birjartzeko eragiketetan sortzen da. Hondakin horrentzat identifikatutako edukiontzian biltzen dira, horretarako berariaz jarritako eremuan.

7. hondakina: «fluoreszenteak eta lanparak».

Identifikazioa: A20799987/20022224/2/7.

Hondakinaren kodea: Q06//R13//S40//C16//H6//A231/B0019.

HEZ: 200121.

Urtean sortutako kantitatea: puntuala.

Merkurioa duten lanpara erabiliak aldatzeko eragiketetan sortzen da. Hondakin horrentzat identifikatutako kaxan biltzen da, horretarako berariaz jarritako eremuan.

8. hondakina: «kutsatutako xurgatzaileak».

Identifikazioa: A20799987/20022224/2/8.

Hondakinaren kodea: Q05//D13//S31/40//C41/51//H05//A231/B0019.

HEZ: 150202.

Urtean sortutako kantitatea: 11 kg.

Xurgatzaileak eta ehunak biltzean sortzen dira; olioz, pinturaz, edo bestelako kutsatzaileez bustitako trapuak, xurgatzaileak eta bestelako materialak dira. Hondakin horrentzat identifikatutako bidoian biltzen da sortzen den postuan edo postuetan. Bete ondoren, hondakin-biltegira eramaten da.

9. hondakina: «pintura lohiak».

Identifikazioa: A20799987/20022224/2/9.

Hondakinaren kodea: Q05//R13//S05/12//C41//H14//A231/B0019.

HEZ: 080113.

Urtean sortutako kantitatea: 25 kg.

Pintatzeko azpiprozesuan hondakin gisa sortzen da; moldeak eta arrak pintatzean sortzen diren pintura-hondar oretsuak dira. Hondakin horrentzat identifikatutako bidoian biltzen da sortzen den postuan edo postuetan. Bete ondoren, hondakin-biltegira eramaten da.

10. hondakina: «laborategiko hondakinak».

Identifikazioa: A20799987/20022224/2/10.

Hondakinaren kodea 07//D13//L05/21//C23/41//H8/3B//A231/B0019.

HEZ: 160506.

Urtean sortutako kantitatea: puntuala.

Piezen kalitatea kontrolatzeko entseguetan produktu kimikoak erabiltzean sortzen da. Hondakin horrentzat identifikatutako bidoian biltzen da sortzen den postuan edo postuetan. Behin bete ondoren, hondakinen biltegira eramaten da.

11. hondakina: «hondakin sanitarioak».

Identifikazioa: A20799987/20022224/2/11.

Hondakinaren kodea: Q16//D15//S01//C35//H09//A861/B0019.

HEZ: 180103.

Urtean sortutako kantitatea: puntuala.

Zerbitzu Medikoaren azpiprozesuan sortzen da; hondakin ebakitzaile eta zorrotzak dira. Edukiontzi hermetiko batean biltzen da, botikinean; edukiontzi horretatik atera eta zuzenean ematen zaio baimendutako kudeatzaileari.

12. hondakina: «bereizleen flotatzaileak».

Identifikazioa: A20799987/20022224/2/12.

Hondakinaren kodea: Q9//R13//L8//C51//H5//A231/B0019.

LER: 130507.

Urtean sortutako kantitatea: puntuala.

Konpresoreetako uren hidrokarburoen bereizlean sortzen da. Bereizlea mantentzeko eragiketetan biltzen da, eta jarraian baimendutako kudeatzaile baten esku uzten da.

a) Hondakin arriskutsuak biltzeko sistemak bereiziak izango dira, duten tipologia dela-eta, jarioren baten ondorioz nahasketa gertatuz gero, arriskutsuago bihurtu edo kudeaketa zail dezaketen kasuetan.

b) Hondakin arriskutsuak jasotzen dituzten ontziek, hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko Erregelamendua onartzen duen uztailaren 20ko 833/1988 Errege Dekretuak 13. artikuluan ezarritako segurtasun-arauak kontuan izan beharko dituzte, eta itxita egongo dira kudeatzaileak jaso arte, isuri edo lurrun ez daitezen.

c) Aurreko atalean aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan beharko du; uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa izango da etiketa hori.

d) Berariazko hondakin sanitarioak (II. multzoa) manipulatu, ontziratu, etiketatu eta biltegiratzeko baldintzak Euskal Autonomia Erkidegoan hondakin sanitarioak kudeatzeko baldintzak arautzen dituen martxoaren 26ko 76/2002 Dekretuan eta hori garatzeko araudietan ezarritakoak izango dira.

e) Gainerako hondakin arriskutsuak gehienez sei hilabetez biltegiratu ahal izango dira.

f) Hondakinak kudeatzaile baimenduaren instalazioetara eraman aurretik, nahitaezko baldintza izango da agiri baten bidez egiaztatzea kudeatzaile baimendu horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Agiri hori Ingurumen Sailburuordetzara bidaliko da hondakina lehenengoz erretiratu aurretik eta, behar izanez gero, hondakinen kudeatzaile berri batengana eraman aurretik. Beharrezkoa izanez gero, karakterizazio xehatua egingo da, proposatutako tratamenduaren egokitasuna egiaztatzeko. Hala badagokio, arrazoitu egin beharko da proposatutako kudeaketa-bidea Ebazpen honetako hondakinen kudeaketari buruzko printzipio hierarkikoei egokitzen zaiela.

g) Hondakin arriskutsuak eraman aurretik eta, hala badagokio, araudian ezarritako aurretiazko jakinarazpena egin ondoren, kontrolerako eta jarraipenerako agiria bete beharko da. Agiri horren zati bat garraiolariari emango zaio, zamarekin batera jatorritik helmugaraino eraman dezan. Fundiciones Wind Energy Casting II SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.

h) Egiaztatu egin beharko da hondakin arriskutsuak kudeatzaile baimenduaren instalazioetara eramateko erabiliko den garraiobideak horrelako gaiak garraiatzeko indarrean dagoen legerian ezarritako baldintzak betetzen dituela.

i) Fundiciones Wind Energy Casting II SA enpresak, industrian erabilitako olioaren kudeaketa arautzen duen ekainaren 2ko 679/2006 Errege Dekretuari jarraituz kudeatu beharko du sortutako olio erabilia.

j) Ekainaren 2ko 679/2006 Errege Dekretuan aurreikusitako baimendutako kudeaketa-sistema bateratu bat ezartzen ez den bitartean, Euskal Autonomia Erkidegoan erabilitako olioaren kudeaketa arautzen duen irailaren 29ko 259/1998 Dekretuan begiesten diren aurreikuspenak bete beharko ditu Fundiciones Wind Energy Casting II SA enpresak.

k) Ekipamendu elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.

l) Fundiciones Wind Energy Casting II SA enpresak PKB daukaten gailuak dituenez, nahitaez bete behar ditu horiek behar bezala kudeatzeko abuztuaren 27ko 1378/1999 Errege Dekretua, poliklorobifeniloak, polikloroterfeniloak eta horiek dituzten gailuak ezabatu eta kudeatzeko neurriak ezartzen dituena, eta Errege Dekretu hori aldatzen duen otsailaren 24ko 228/2006 Errege Dekretua.

m) Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten gai batzuk zehazten eta arautzen dira. Fundiciones Wind Energy Casting II SA enpresak horrelako gairik badu, gai horiek bildu eta suntsitu egingo dira aldeek erabakitako bide teknikoak erabiliz edota ingurumen-ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparatuak aztertu eta mantentzeko lanen aurretik nahiz desmuntatu eta suntsitu baino lehen.

n) Fundiciones Wind Energy Casting II SA enpresak urtero adierazi beharko dio Ingurumen Sailburuordetzari ekitaldi bakoitzean sortu dituen hondakin arriskutsu guztien jatorria, kopurua, helmuga eta aldi baterako biltegiratuta dauden hondakinen zerrenda.

o) Erregistro bat edukiko du, hondakin arriskutsuei buruzko honako datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Sei hilean behin, Ingurumen Sailburuordetzari kontrolerako erregistro horren kopia bidaliko dio.

p) Hondakin arriskutsuen kudeaketako funtsezko oinarriak bete daitezen, hau da, hondakin horietatik ahal den gutxiena sortzeko, Fundiciones Wind Energy Casting II SA enpresak neurri babesleak erabiliz hondakin arriskutsuen sorrera gutxitzeko plana egin eta aurkeztu beharko du Ingurumen Sailburuordetza honetan, gutxienez lau urtean behin.

q) Aurreko f) eta g) (kudeatzaileak EAEn daudenean), n) eta o) ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

r) Amiantoa duten hondakinak antzemanez gero, Fundiciones Wind Energy Casting II SA enpresak, amiantoak ingurumenean sortzen duen kutsadura saihestu eta gutxitzeko 1991ko otsailaren 1eko 108/1991 Errege Dekretuan ezarritako eskakizunak bete beharko ditu. Era berean, amiantoa duten hondakinak kudeatzeko egingo diren manipulazioak martxoaren 31ko 396/2006 Errege Dekretuan ezarritako aginduen arabera burutuko dira; dekretu horren bidez ezarri ziren amiantoarekin lan egitean segurtasun- eta osasun-arloan bete behar diren gutxieneko baldintzak.

c.2.3.2.- Hondakin ez-arriskutsuak.

Hondakinaren izena HEZ kodea Prozesu elkartua Urtean aurreikusitako ekoizpena

Zepak 100903 Galdaketa 1596 Tn

Hareak 100906 Moldekatzea eta desmoldekatzea 800 Tn

Berreskuratzearen ondoriozko ale xeheak 100910 Berreskuratzea 1170 Tn

Xurgatzearen, bizar-kentzearen eta granailaketaren ondoriozko ale xeheak 120117 Bizar-kentzea eta granailaketa 230 Tn

Papera eta kartoia 150101 Zerbitzu orokorrak 8 Tn

Plastikoa 150102 Zerbitzu orokorrak 36 m3

Poliestirenoa 150102 Zerbitzu orokorrak 75 m3

Zura 150103 Zerbitzu orokorrak 215 m3

Txatarra 160117 Zerbitzu orokorrak 31 Tn

Harea kentzearen ondoriozko hondakinak 190802 Harea kentzeko gailuak puntuala

a) «Hareak», «xurgatzearen, bizar-kentzearen eta granailaketaren ondoriozko ale xeheak» eta «berreskuratzearen ondoriozko ale xeheak» hondakinen kasuan, hondakin horiek ispilu-sarrera dute gaur egun indarrean dagoen hondakinen Europako zerrendan. Bada, horiek hondakin ez-arriskutsutzat hartuko dira, baldin eta hondakin horiek lehenengo aldiz ebaluatu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia ote den egiaztatzeko. Baldin eta hondakin hori arriskutsua dela ebazten bada, ebazpen honetako c.2.3.1 atalean jasotako xedapenak aplikatuko dira.

b) Erabilitako ontziak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari), erabilitako ontzien kasuan berriro erabili ahal izateko; ontzi-hondakinak, berriz, berreskuratzaile, birziklatzaile edo balioztatzaile baimendu baten esku utziko dira.

c) Hondakin horiek ezabatzeko direnean ezin dira urtebete baino gehiagoz biltegiratuta eduki. Hondakinen azken helburua balioztatzea denean, 2 urtez biltegiratu ahal izango dira.

d) Oro har, hondakinak hustu aurretik, kudeatzaile baimendu batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko da Ingurumen Sailburuordetzara, proposatutako kudeaketa egokia dela eta Ebazpen honetan ezarritako oinarrizko printzipioak betetzen direla egiaztatzeko. Hala badagokio, arrazoitu egin beharko da proposatutako kudeaketa modua Ebazpen honetako hondakinen kudeaketari buruzko printzipio hierarkikoei egokitzen zaiela. Fundiciones Wind Energy Casting II SA enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, nahitaezkoak direnean, bost urtean gutxienez.

e) Halaber, hondakinak zabortegietan biltegiratuta eta betelanak eginda ezabatzea arautzen duen otsailaren 24ko 49/2009 Dekretuarekin bat etorriz, hondakin ez-arriskutsuak zabortegi baimendu batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.

f) Erregistro bat egingo da, hondakin arriskutsuei buruzko honako datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera- eta lagapen-datak, biltzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.

g) Aurreko d eta e (kudeatzaileak EAEn daudenean) eta f ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.

c.2.4.- Lurzorua babesteko baldintzak.

Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako betebeharrak betez aurkeztutako lurzoruaren egoerari buruzko aldez aurreko txostenarekin bat etorriz, Fundiciones Wind Energy Casting II SA enpresak Ebazpen honen e.3 atalean bildutako neurriak hartuko ditu, prebentzioari eta ezohiko funtzionamenduan jarduteari dagokienez, baita Ebazpen honen c.2.3 atalean hondakinak biltegiratzeari dagokionez bildutako neurriak ere.

c.2.5.- Zaratari buruzko baldintzak.

Udal-arauetan zaratari dagokionez ezarritakoa bazter utzi gabe, instalazioak kanpoaldera 1367/2007 Errege Dekretuaren (zarataren azaroaren 17ko 37/2003 Legea garatzen du, zonifikazio akustikoari, kalitate-helburuei eta ateratako zaratari dagokienez) III. eranskineko B1 taulan muga-balio gisa ezarritakoen gaineko balioak ez ateratzeko beharrezko neurriak hartuko ditu Fundiciones Wind Energy Casting II SA enpresak, arau horren IV. eranskinaren prozeduren arabera ebaluatuta. Instalazioa lurzoru industriala nagusi den eremu akustikoan dagoela kontuan hartuta, aipatu muga-balioak honako hauek dira:

Zarata-adierazleak

Lk,d (eguna) Lk,e (arratsaldea) Lk,n (gaua)

65 65 55

Egoitza mugakideak egonez gero, egoitza horien erabileraren arabera, instalazioak ezin izango du III. eranskineko B2 taulan ezarritako muga-balioak (aipatutako urriaren 19ko 1367/2007 Errege Dekretuaren IV. eranskineko prozeduren arabera ebaluatutakoak) baino zarata-maila handiagoa transmititu.

Ezarritako zarataren immisioko muga-balioak errespetatzen direla kontuan hartuko da, aipatu IV. eranskinean ezarritako prozeduren arabera ebaluatutako adierazle akustikoen balioek, urtebeteko epean, honako hau betetzen dutenean:

- Urteko batez bestekoek ez dituzte gainditzen aipatutako III. eranskineko B1 edo B2 taulek ezarritako balioak.

- Eguneroko balioek ez dituzte 3 dB-tan gainditzen aipatutako III. eranskineko B1 edo B2 taulek ezarritako balioak.

- Lkeq, Ti adierazlean neurtutako balioek ez dituzte 5 dB-tan gainditzen aipatutako III. eranskineko B1 edo B2 taulek ezarritako balioak.

Zamalanetan eta materiala kamioietan garraiatzean egiten den zaratak ez du nabarmen handituko sentsibilitate akustiko handieneko guneetako zarata-maila.

d) Ingurumena zaintzeko programa.

Ingurumena zaintzeko programa sustatzaileak aurkeztutako agirietan aurreikusitakoaren eta honako atal hauetan ezarritakoaren arabera gauzatu beharko da:

d.1.- Atmosferarako isurketak kontrolatzea.

a) Fundiciones Wind Energy Casting II SA enpresak isurketak kontrolatuko ditu honako informazio honen arabera:

Fokua Fokuaren izena Neurtu beharreko parametroak (*) Kontrolen maiztasuna

1 Indukzio-labea Partikulak guztira Urteko neurketa

Dioxinak eta furanoak Neurketa lehen urtean

2 Arren nahasgailua Partikulak guztira Neurketa hiru urtean behin

Konposatu organiko hegazkorrak (KOG gisa neurtuta)

3 Desmoldekatzea Partikulak guztira Neurketa hiru urtean behin

Konposatu organiko hegazkorrak (KOG gisa neurtuta)

4 Moldekatze-nahasgailua Partikulak guztira Neurketa hiru urtean behin

Konposatu organiko hegazkorrak (KOG gisa neurtuta)

5 Granailaketa Partikulak guztira Neurketa bost urtean behin

6 Harea berreskuratzea Partikulak guztira Neurketa hiru urtean behin

7 Bizar-kentzea Partikulak guztira Neurketa bost urtean behin

8 Moldeak eta arrak lehortzeko labea CO Neurketa hiru urtean behin

NOx

Konposatu organiko hegazkorrak (KOG gisa neurtuta)

(*) Hala adieraziko den fokuetan, Ebazpen honen c.2.1.3 atalean isurtzeko muga-balioak ezarri zaizkion kutsatzaileak ez ezik, beste kutsatzaile batzuk ere neurtuko dira, horien isurketa erreferentziazko balio-tartearen barruan dagoela egiaztatzeko. Hala, lehen fokuan egiaztatuko dira lehen jardun-urtean isuritako dioxina eta furanoak, eta gainerako fokuetan, berriz, instalazioaren bizitza baliagarri osoan isuritako KOGak, Ebazpen honen seigarren atalean ezarritakoa bazter utzi gabe.

b) Aurreko atalean aipatutako neurketa guztiak baimendutako kontrol erakunde (BKE) batek egin beharko ditu (zortzi orduan hartutako hiru neurketa, gutxienez ordubetekoa bakoitza), eta aldizkako neurketa horiei buruzko txostenak Ingurumen Sailburuordetza honek prestatutako «BKEen gutxieneko txostenean» ezarritakora egokitu beharko dira. Nolanahi ere, isurtzeko kontrolek eta baldintzek Ingurumen Sailburuordetzaren jarraibide teknikoetan eskatutako baldintza guztiak bete beharko dituzte.

c) Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak atmosferan sortzen duen kutsadura saihestu eta zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan adieraziko dira egindako neurketen emaitzak, mantentze-eragiketak, garbiketak, aldizkako ikuskapenak, matxuraren ondorioz gertatutako etenaldiak, egiaztapenak, edozein motatako gorabeherak, eta abar. Dokumentazio hori eguneratuta egongo da, eta ingurumen-ikuskatzaileek eskuragarri izango dute.

d.2.- Isuritako uraren kalitatea kontrolatze.

a) Sustatzaileak aurkeztu dituen agirien arabera, honako analisi hauek egingo dira:

Isurketa-puntua Hondakin-ur mota Neurtu beharreko parametroak Kontrolen maiztasuna

1 Hozte-dorreen purgatzeak OEK

pH

Solido esekiak Urtekoa

Sanitarioak OEK

pH

Solido esekiak Urtekoa

- Euri-urak, harea kentzeko gailuetatik eratorriak OEK

pH

Solido esekiak

Eroankortasuna Hiruhilekoa lehen urtean, eta urtekoa ondorenean

b) Akreditatutako erakunde batek egin eta egiaztatuko du kanpo-kontrol bakoitza, goian aipatutako parametroak kontuan hartuta. Sustatzaileak isurketa-puntu bakoitzeko lagin hartu berri baten analisia aurkeztu beharko du gutxienez; lagina 24 orduko ur-emariarekiko proportzionala izango da, edo bestela, lagin puntual esanguratsua.

Isurketen kontrolen emaitzak Ingurumen Sailburuordetzara bidaliko dira laginak hartzen direnetik hilabete bateko epean.

c) Laginketak kutsatzaile gehien sortzen den aldietan egingo dira beti.

d) Isurketak baimenean jarritako baldintza guztiak betetzen dituela ulertuko da, c.2.2.3 ataleko parametro guztientzat ezarritako mugak betetzen baditu.

d.3.- Jardueraren adierazleak kontrolatzea.

Sustatzaileak jardueraren gaineko honako parametro adierazle hauen jarraipena egingo du urtero, ingurumenean duten eragina aztertzeko:

Ingurumenaren gaia Adierazlea Unitat.

Ekoizpena Metal likidoa t

Lehengai eta osagarrien kontsumoa Lehengaien kontsumoa guztira:

txatarrak

lingoteak t

Berreskuratutako harea/ekoiztutako metal likidoa t/t

Energia kontsumoa Elektrizitate-kontsumoa / ekoiztutako metal likidoa Kwh/t

Gas naturalaren kontsumoa / ekoiztutako metal likidoa Kwh/t

Gasolio-kontsumoa / ekoiztutako metal likidoa Kwh/t

Energia-kontsumoa / ekoiztutako metal likidoa Kwh/t

Ur kontsumoa Ur-kontsumoa m3

Ur-kontsumoa / ekoiztutako metal likidoa m3/ t

Uretara egindako isurketak Kolektorera egindako isurketaren bolumena guztira m3

Atmosferara egindako isurketak Isuritako partikulak guztira Kg

Isuritako partikulak guztira / ekoiztutako metal likidoa Kg/t

Hondakinak

Arazketa-sistemetan bildutako ale xeheak / ekoiztutako metal likidoa t/t

Sortutako hondakin arriskutsuak guztira t

Sortutako hondakin arriskutsuak guztira /ekoiztutako metal likidoa t/t

Balioztatutako hondakin arriskutsuak / sortutako hondakin arriskutsuak t/t

Sortutako hondakin ez-arriskutsuak guztira t

Sortutako hondakin ez-arriskutsuak guztira /ekoiztutako metal likidoa t/t

Balioztatutako hondakin ez-arriskutsuak / sortutako hondakin ez-arriskutsuak t/t

Sortutako hondakin ez-arriskutsuak guztira / sortutako hondakinak guztira t/t

Lurzoruaren kutsadura Ustekabeko isurketekin lotutako gorabehera kopurua unitateak

IKS Ekoscan/ urtea

eta/edo

ISO14001/ urtea

eta/edo

EMAS/ urtea bai/ez

Zein/ urtea

d.4.- Zarataren kontrola.

Jarduera abian jarri aurretik, zarata-maila neurtuko da, inguru-zarataren mailaren berri izateko

Jardun-garaian, jarduera garatzen den lurzatiaren kanpoko baldintza akustikoak hiru hilabetean behin kontrolatuko dira, batez ere kanpoalderako zarataren transmisioaren ikuspuntutik kaltegarriena den eremuan, eta hala badagokio, etxe barruetara sartzeko arriskurik handiena dagoen aldeetan. Kontroleko lehen urtean izandako emaitzen arabera erabakiko da aurrerantzean neurketak urtero egin edo ez.

Sustatzaileak neurketen proposamen zehatza egin beharko du, eta proposamen horren barruan neurketa-metodoak modu xehatuan adierazi beharko ditu, Zaratari buruzko azaroaren 17ko 37/2003 Legea garatzen duen urriaren 19ko 1367/2007 Errege Dekretuaren IV. Eranskinean ezarritako prozedurei jarraituz, zonifikazio akustikoari, kalitate-helburuei eta ateratako zaratari dagokienez. Proposamena ebazpen honen d.6 atalak aipatzen duen ingurumena zaintzeko programaren agiri bateginari gehituko zaio.

d.5.- Emaitzak kontrolatu eta bidaltzea.

Ingurumena zaintzeko programa osatzen duten analisi eta txostenen emaitzak behar bezala erregistratuko dira, eta Ingurumen Sailburuordetzara bidaliko dira. Ingurumena zaintzeko programaren emaitzak urtean behin bidaliko dira, beti martxoaren 30a baino lehen, ingurumenean aditua den erakunde aske batek egindako txostenarekin batera. Txosten horretan adieraziko dira neurri babesle eta zuzentzaileen jarduna, baita prozesuak eta ingurunearen kalitatea kontrolatzeko sistemak ere. Emaitzen analisia ere adieraziko da, eta bereziki aipatuko dira aldi horretan gertatu diren gorabehera garrantzitsuenak, horien ustezko arrazoiak eta konponbideak, eta baita laginketen xehetasunak ere, aurretik zehaztu ez baldin badira.

d.6.- Ingurumena zaintzeko programaren agiri bategina.

Sustatzaileak ingurumena zaintzeko programaren agiri bategina landu beharko du, aurkeztu dituen agirietan eta ebazpen honetan proposatutako betekizunak bilduz. Programa horrek honako hauek zehaztu beharko ditu: kontrolatu beharreko parametroak, parametro bakoitzerako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua bildu beharko du.

Era berean, ingurumena zaintzeko programak jardueraren adierazleak zehaztu eta adierazle horiek aztertzeko sistematika hartu beharko du aintzat, horien arabera enpresan bertan ingurumen-hobekuntza ziurtatzearren ezarritako neurri eta mekanismoen eraginkortasuna egiaztatu ahal izateko (ingurumen-adierazleak).

E) Ezohiko egoeretarako prebentzio-neurriak eta jardunerako baldintzak.

e.1.- Instalazioa gelditzeko eta abiarazteko eragiketak eta mantentze-lanetarako programatutako eragiketak.

Programatutako urteko mantentze-eragiketei dagokienez, botako diren kutsagarrien eta sor daitezkeen hondakinen balioespena egin beharko du enpresak, eta dagokionean, horiek kudeatzeko eta tratatzeko proposamena ere.

e.2.- Jarduera uztea.

Jarduera honako lege hauen aplikazio-eremukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea, eta lurzorua kutsa dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela-eta, Fundiciones Wind Energy Casting II SA enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.

e.3.- Ezohiko jardunean aplikatzeko neurriak eta jardunak.

Sustatzaileak aurkeztutako agirietan bildutako proposamenean, ezohiko egoeretan aplikatu beharreko prebentzio-neurriak eta jardunerako baldintzak zehazten dira. Horiez gain, honako atal hauetan aipatzen diren baldintzak bete behar dira:

a) Besteak beste, azidoak, gehigarriak, erretxinak eta hondakinak maneiatzeak lurzorua eta ura kutsa dezakeenez, isurketak, jarioak edo ihesak gertatzeko arriskua izan dezaketen azalera guztiak iragazgaiztuko dira.

b) Biltegiratzea.

Prozesurako behar diren lehengaiak, erregaiak eta produktuak ingurunean ez sakabanatzeko moduan biltegiratuko dira.

Hauts-produktuak biltegiratzeko, iragazkiak dituzten silo itxiak egongo dira.

Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

c) Instalazioen prebentzioko mantentze-lanak.

Prebentzioko mantentze-lanen eskuliburua eduki beharko da instalazioen egoera ona bermatzeko, batez ere ustekabeko jario edo ihesak daudenean kutsadura saihesteko; halaber, ezarritako neurrien jardun egokia bermatu beharko da. Isuri-ihesak daudenean lurzorua (eta dagokionean, ura) babesteko hartu beharreko neurriak zehaztuko dira, eta zehatz adieraziko da honako hauei dagokien guztia: eraikuntzako materialak (iragazgaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa mota), eta lurzoruaren gaineko jarioak biltzeko sistemak.

Aurreko paragrafoan adierazitako eskuliburuak ikuskapen eta kontrolerako programa jaso beharko du, honako hauek bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen ikuskapenak (hormak eta estaldurak) eta kubetetako detekzio-sistemen aldizkako kontrol sistematikoa, lurzorua (eta dagokionean, ura) kutsa dezakeen edozein egoerari aurrea hartzeko.

Era berean, atmosferaren eta ingurune urtarraren kutsadurari aurrea hartzeko eta zuzentzeko sistemen (arazketa, minimizazioa, eta abar) eta zaintza eta kontrolerako sistemen egoera ona bermatzeko neurriak gehituko dira.

Hidrokarburoak bereizteko eta harea kentzeko gailuak aldian behin ikuskatuko dira, olioak, koipeak eta solidoak pila daitezen saihesteko. Flotatzaileak eta lohiak ere behar beste aldiz kenduko dira, pila ez daitezen, eta, horrela, aipatutako ekipamenduen eraginkortasuna bermatzeko. Kendutako materialak hondakin gisa kudeatuko dira, eta inondik inora ez dira utziko euri-uren isurketaren ondorioz bide publikoaren ura kutsa lezaketen eremuetan. Halaber, ekipamendu horiek garbitu aurretik, flotatzaileak eta lohiak hustuko dira, ur garbiekin inondik inora nahastu gabe.

d) Era berean, erregistro bat eduki behar da, eta bertan, aldizka egindako mantentze-lanen berri eman behar da, baita antzemandako gorabeherena ere.

e) Ingurumen Sailburuordetzara bidaliko da kubetak husteko eragiketak kontrolatzeko protokolo edo agiri bidezko prozedura; bertan, ingurumenean eragin negatiboa izan dezaketen produktuen jarioak sakabanatzea saihestu beharko da.

f) Gorabeheraren bat gertatuz gero, honela jardun behar da:

- Jardun protokolo bat eduki behar da eskura, ingurunean eragin negatibo esanguratsuak eragin ditzaketen gorabeheren edo ezohiko jardunen aurrean erabiltzekoa. Protokoloak, gutxienez, honako gai hauek argi eta garbi zehaztu behar ditu gerta daitekeen ustezko gorabehera edo ezohiko jardun bakoitzarentzat:

- Jarraitu beharreko jardunak, hurrengo atalean zehazten den jakinarazpena agintariei egitea barne.

Jardunen segida.

- Jardun bakoitzaren arduraduna(k).

- Istripuz gertatutako isurketaren kasuan, isurketa berehala geldiaraziko da.

Larrialdi-egoera sortzen denean, berehala eta eraginkortasunez jarduteko behar beste material eduki behar da: berriro ontziratzeko erreserbako edukiontziak, beharrezkoa izanez gero; gerta daitezkeen jarioei eusteko produktu xurgatzaile selektiboak; segurtasuneko edukiontziak; hesiak eta kaltetutako eremuak isolatzeko seinaleztapen-elementuak; eta babes pertsonalerako ekipamendu bereziak.

g) Gorabehera gertatuz gero, agintariei jakinaraztea.

Ingurunearen edo jardueraren kontrolaren gainean kalteak eragin ditzakeen gorabehera edo ezohiko gertaera baten aurrean, sustatzaileak, berehala, gorabehera edo ezohiko gertaera horren berri eman beharko dio Ingurumen Sailburuordetzari (betiere, zuzentzeko edo eusteko neurri egokiak hartu ondoren). Jakinarazpena, gutxienez, honako alderdi hauek adieraziz egin beharko da:

- Gorabehera mota.

- Jatorriak eta arrazoiak (unean-unean zehatz daitezkeenak).

- Zuzentzeko edo eusteko neurriak, berehala aplikatzekoak.

- Sortutako ondorioak.

- Hala badagokio, epe laburrera aurreikusitako jardunak.

Gertakari edo arazo larriren bat edo ustekabeko isuriren bat egonez gero, SOS Deiak-i eta Udalari ere jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko da Ingurumen Sailburuordetzara, eta bertan, datu hauek agertuko dira gutxienez:

Gorabehera mota.

Gorabehera non, zergatik eta zer egunetan eta ordutan gertatu den.

Iraupena.

Ustekabeko isurketa izanez gero, emaria, isuritako gaiak eta ingurune hartzailean antzeman daitekeen eragina jaso beharko dira, eraginaren analisia barne.

Mugak gaindituz gero, isurketei buruzko datuak.

Eragindako kalteen balioespena.

Hartutako neurri zuzentzaileak.

Ezbeharra konpontzeko prebentzio-neurriak.

Prebentzio-neurriak eraginkortasunez aplikatzeko ezarritako epeak.

Era berean, instalazioaren etengabeko prozesu batean aurrez programatuta egingo diren geldialdiak jakinaraziko dizkio sustatzaileak Ingurumen Sailburuordetzari, aurreikusitako mantentze-lanak barne, gutxienez 15 egun lehenago.

h) Larrialdi-egoeretan, babes zibileko legeriari helduko zaio, eta bertan ezarritako betekizun guzti-guztiak bete beharko dira.

i) Instalazioek suteen aurkako babesari buruz indarrean dagoen araudian ezarritako betekizunak betetzen dituztela egiaztatu beharko da. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.

F) Urtean behin, Fundiciones Wind Energy Casting II SA enpresak Ingurumen Sailburuordetzari jakinaraziko dizkio atmosferara botatako kutsagarriei, uretara egindako isurketei eta sortu dituen hondakinei buruzko datuak, E-PRTR-Euskadi isuritako eta eskualdatutako kutsagarrien Europako Inbentarioa landu eta eguneratzeko, E-E-PRTR Araudiko eta ingurumeneko baimen bateratuetako isurketen gaineko informazioa ematea arautzen duen apirilaren 20ko 508/2007 Errege Dekretuari jarraituz.

Informazio hori ekitaldi horren hurrengo martxoaren 31 baino lehen bidali beharko da. Informazioa Ingurumenari buruzko Adierazpenaren bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Informazio-trukaketa horren funtsa Ingurumenari buruzko Adierazpenari dagozkion ingurumeneko datu teknikoak eta prozedurakoak sartzean datza, IKS-L03 Sistemako erakundeentzako bertsioaren bidez (www.eper-euskadi-net web-orrian eskuragarri): Ingurumen eta Lurralde Antolamendu Saileko Ingurumen Informazioa Kudeatzeko Sistema. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen Agentziaren Erregistroetara (Europako E-PRTR Erregistroa) egiten diren informazio-bidalketen oinarri dena.

Halaber, Ebazpen honetan aurreikusitako gainerako informazio-trukeak aipatutako Ingurumenari buruzko Adierazpenaren bidez gauzatuko dira, ahal izanez gero.

Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez, informazioa eskuragarri izateko, herritarren partaidetzarako eta ingurumen-gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, une oro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa betetzen dela.

G) Ingurumeneko baimen bateratu honen eraginpeko instalazioan egindako aldaketek bat etorri beharko dute kutsaduraren prebentzio eta kontrol integratuari buruzko 2002ko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat beharko da aldaketak funtsezkoak direnean.

Halaber, proiektua aldatu edo zabaldu nahi izanez gero, Ingurumenaren gaineko Eraginaren Ebaluazioaren Legearen Testu Bateginari buruzko urtarrilaren 11ko 1/2008 Legegintzako Errege Dekretuaren 3.2 artikuluan xedatutakoa aplikatu behar da, arau horren II. eranskineko 9.k epigrafearekin bat.

Laugarrena.- Ebazpen hau eraginkorra izan dadin, aurretik Ingurumen Sailburuordetzari agiri bidez egiaztatu beharko zaio Ebazpen honen hirugarren ataleko honako puntu hauetan ezarritako baldintzak betetzen direla:

- C.1.12 Obra-amaierako txostena.

- C.2.3.1.f eta C.2.3.2.d Hondakin arriskutsuak eta ez-arriskutsuak onartzeko agiriak.

- C.2.3.1.o eta C.2.3.2.f Hondakin arriskutsuak eta ez-arriskutsuak erregistratzeko eredua.

- D.1.c Atmosferara egindako isurketak erregistratzeko eredua.

- D.4 Zarata neurtzeko proposamen zehatza.

- D.6 Ingurumena zaintzeko programaren agiri bategina.

- E.1 Mantentze-eragiketetan eta kudeaketa-proposamenean sortutako isurketa eta hondakinen aurreikuspena.

- E.3.b Produktu kimikoak biltegiratzeko araudia betetzen dela egiaztatzea.

- E.3.c Prebentzioko mantentze lanei buruzko eskuliburua.

- E.3.d Mantentze-eragiketak erregistratzeko eredua.

- E.3.e Kubetak husteko protokoloa.

- E.3.f Gertakarien aurrean jarduteko protokoloa.

- E.3.i Suteen aurkako babes-araudia betetzen dela egiaztatzea.

Halaber, baimen hau indarrean jarri aurretik, ingurumen-organo honi atxikitako zerbitzu teknikoen ikuskapen-bisitan egiaztatu beharko da instalazioak aurkeztutako proiektuaren arabera eta Ebazpen honetan ezarritakoarekin bat etorrita eraiki eta hornitu direla. Horretarako, aipatutako ikuskapen-bisitaren aurretik, sustatzaileak Ingurumen Sailburuordetza honetan aurkeztu beharko ditu «as built» proiektua eta baldintza horiek betetzen direla egiaztatzen duen agiria, teknikari aditu batek eginda.

Goiko baldintza horiek guztiak betetzeko sei hilabeteko epea ezarri da, ingurumeneko baimen bateratua eraginkorra dela adierazteko Ingurumen Sailburuordetzak emandako Ebazpen hau jakinarazten den egunaren biharamunetik kontatzen hasita. Epe hori luza daiteke justifikatutako arrazoiak direla medio eta horretarako sustatzaileak aldez aurretik eskaera eginez gero.

Bosgarrena.- Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Epe hori igarota, baimena berritu egin beharko da eta, hala badagokio, jarraian datozen aldietarako eguneratu.

Ingurumeneko baimen bateratua amaitu baino hamar hilabete lehenago, titularrak baimena berritzeko eskaera egin beharko du, uztailaren 1eko 16/2002 Legearen 25. artikuluan xedatutakoa betez.

Seigarrena.- Edonola ere, ingurumeneko baimen bateratua ofizioz aldatu ahal izango da uztailaren 1eko 16/2002 Legearen 26. artikuluan ezarritako kasuak aintzat hartuta.

Artikulu hori betetzeaz gain, Ebazpen honen baldintzak, ingurumena zaintzeko programan jasotakoak barne, aldatu ahal izango dira, jardueraren sustatzaileak hala eskatuz gero eta betiere behar bezala justifikatzen baldin badira. Halaber, ofizioz aldatu ahal izango dira, honako egoera hauetan:

- Araudi berria indarrean hasten bada.

- Ingurunearen egitura eta funtzionamenduari buruzko ezagutza esanguratsu berrietara egokitzeko beharra ikusten bada, bereziki inplikatutako sistemen hauskortasuna areagotzen dela antzematen bada.

- Ingurumena zaintzeko programan jasotako emaitzen edo bestelako oharren arabera, sor daitezkeen ingurumenaren gaineko eraginei lotuta ezarritako neurri babesle, zuzentzaile edo konpentsatzaileak akastunak direla egiaztatzen bada.

Zazpigarrena.- Ebazpen honen xede den instalazioan titulartasun-aldaketarik izanez gero, Fundiciones Wind Energy Casting II SA enpresak aldaketa hori Ingurumen Sailburuordetzan jakinarazi beharko du, hark onar dezan.

Zortzigarrena.- Baimen honek balioa galduko du kausa hauek gertatzen direnean:

- Epearen barruan ez egiaztatzea ebazpen honetako laugarren atalean ingurumeneko baimen bateratuak ondorioak izan ditzan ezarritako baldintzak betetzen direla, interesdunak behar bezala justifikatuz epea luzatzeko eskatzen ez badu.

- Fundiciones Wind Energy Casting II SA enpresaren nortasun juridikoa iraungitzea, indarrean dagoen araudian ezarritako kasuetan.

- Baimena indarrean jartzen dela adierazten duen Ebazpenean xedatutakoak.

Bederatzigarrena.- Ebazpen honen edukia jakinaraztea Fundiciones Wind Energy Casting II SA enpresari, Aguraingo Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.

Hamargarrena.- Ebazpen hau Euskal Herriko Agintaritzaren Aldizkarian argitaratzeko agintzea.

Hamaikagarrena.- Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen, Lurralde Plangintza, Nekazaritza eta Arrantzako sailburuari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).

Vitoria-Gasteiz, 2009ko maiatzaren 22a.

Ingurumeneko sailburuordea,

NIEVES TERÁN VERGARA.

Azterketa dokumentala