Euskal Herriko Agintaritzaren Aldizkaria

218. zk., 2009ko azaroaren 12a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Industria, Berrikuntza, Merkataritza eta Turismo Saila

6054

EBAZPENA, 2009ko urriaren 29koa, Berrikuntza eta Teknologiako sailburuordearena, 2009ko ekitaldiari dagokionez, «Etorgai Programa» delakoaren barruan industria-ikerketako eta garapen esperimental estrategikoko proiektu integratuak Euskal Auto­nomia Erkidegoan burutzeko, Industria, Berrikuntza, Merkataritza eta Turismo Sailaren laguntzak ematera bideratutako balia­bideak gehitu direla argitara emateko dena.

Industria ikerketako eta garapen esperimentaleko proiektu integratuak -izaera estrategikokoak- EAEn burutzeko laguntza-programa arautzen du Industria, Merkataritza eta Turismo sailburuaren 2008ko abuztuaren 6ko Aginduak.

Agindu horretako 9. artikuluan ezarritakoarekin bat etorriaz, Teknologiako eta Industria Garapeneko sailburuordeak 2009ko martxoaren 5eko ebazpena eman zuen (deialdia 2009ko martxoaren 20ko EHAAn argitaratua), zeinaren helburua hauxe baita: 2009ko ekitaldiari dagokionez, «Etorgai Programa» delakoaren barruan industria-ikerketako eta garapen esperimental estrategikoko proiektu integratuak Euskal Autonomia Erkidegoan burutzea, Industria, Merkataritza eta Turismo Sailaren laguntzak ematea.

Kontuan hartuta Etorgai programaren barruan aurkeztu diren laguntza-eskabideak eta, Industria, Berrikuntza Merkataritza eta Turismo Sailak aurre­kontuetan erabilgarri dituen baliabideak, egoki iritzi zaio 2009 ekitaldirako programan ezarritako funtsak gehitzeari.

Horregatik, deialdia egin zuen ebazpenaren 1. artikuluan ezarritako ahalmenaz baliatuta eta Industria, Berrikuntza, Merkataritza eta Turismo Saila­ren egitura organikoa eta funtzionala ezarri zuen irailaren 22ko 514/2009 Dekretuan xedatutakoaren arabera, hau

EBATZI DUT:

Lehenengoa.- Etorgai Programaren markoaren barruan, laguntza-deialdiko 2009ko martxoaren 5eko Ebaz­pe­nean (deialdia otsailaren 20ko EHAAn argitaratua)aurrei­kusitako baliabide ekonomikoak 23.000.000 eurotara handitzea, ondoren adierazi moduan banatuak: 5.000.000 euro 2009. ekitaldirako, 9.000.000 euro 2010. ekitaldirako eta 9.000.000 euro 2011. ekitaldirako, aurrekontuan erabilgarri dauden kopuruak agortzen ez diren neurrian.

Bigarrena.- Ebazpen honen aurka gora jotzeko errekurtsoa aurkeztu ahal izango da Eusko Jaurla­ritzako Industria, Berrikuntza, Merkataritza eta Turismo sailburuari zuzenduta, hilabeteko epean, ebaz­pena Euskal Herriko Agintaritzaren Aldizkarian argitaratu eta hurrengo egunetik hasita.

Vitoria-Gasteiz, 2009ko urriaren 29a.

Berrikuntza eta Teknologiako sailburuordea,

PEDRO HERNÁNDEZ GONZÁLEZ.