RSS
128. zk., 2009ko uztailaren 7a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizia Administrazioa
Barakaldoko Lehen Auzialdiko 3 Zenbakiko Epaitegia
3889
EDIKTUA, zenbatekoa erreklamatzeko bideratutako 569/08 prozedura arruntaren ondoriozkoa.
Barakaldoko Lehen Auzialdiko 3 zenbakiko Epaitegia (Bizkaia).
Judizioa: L2 569/08 Prozedura Arrunta
Alderdi demandatzailea: Portugaleteko Santo Hospital Asilo San Juan Bautista.
Alderdi demandatua: Gestión Inmobiliaria Galazabal SL.
Gaia: diru-zenbatekoa erreklamatzea.
Aipatutako judizioan ebazpena eman da. Hona ebazpen horren testua:
18/09 Epaia
Epailea: Begoña Merino Juez andrea.
Lekua: Barakaldoko (Bizkaia) Lehen Auzialdiko 3 zenbakiko Epaitegia.
Eguna: bi mila eta bederatziko otsailaren hogeia.
IZO: 48.02.2-08/006172 569/08.
Prozedura: L2 prozedura arrunta.
Alderdi demandatzailea: Portugaleteko Santo Hospital Asilo San Juan Bautista.
Abokatua: Enrique Olaran Bartolomé.
Prokuradorea: Rosa Alday Mendizabal.
Alderdi demandatua: Gestión Inmobiliaria Galazabal SL.
Abokatua:
Prokuradorea:
Judizioaren gaia: diru-zenbatekoa erreklamatzea.
EPAITZA
Baietsi egin dut Rosa Alday Mendizabal prokuradore andreak, Portugaleteko Santo Hospital Asilo San Juan Bautista ospitalaren ordezkari izanik, Gestión Inmobiliaria Galazabal SL sozietatearen aurka jarritako demanda. Horrenbestez, kondenatu egiten dut Gestión Inmobiliaria Galazabal SL demandatua auzi-jartzaileari 2.639,70 euro eta zenbateko horri dagozkion interesak ordaintzera, Kode Zibilaren 1109. artikuluan eta PZL-ko 576. artikuluan agindutakoari jarraituz, zuzenbideko 4. oinarriarekin bat, eta kostuetarako kondena berariaz ezarrita, zuzenbideko 5. oinarriarekin bat.
Jakinaraz bekie ebazpen hau alderdiei eta aditzera eman bekie berorren aurka apelazio-errekurtsoa jar daitekeela. Errekurtsoa epaitegi honetan prestatu beharko da, ebazpen hau jakinarazi eta biharamunetik hasita bost eguneko epean.
Alderdi demandatuaren egungo egoitza edo bizilekua zein den jakiterik ez dagoenez, epaileak, 2009-05-14an emandako probidentziaren bidez, ediktu hau epaitegiko iragarki-oholean argitaratzea erabaki du, jakinarazpen-eginbidea gauzatu ahal izateko. Hala agintzen da Prozedura Zibilaren 1/2000 Legeko 156.4 eta 164. artikuluetan.
Barakaldo (Bizkaia), 2009ko maiatzaren 14a.
IDAZKARI JUDIZIALA.
Nik, idazkari judizial naizen honek, egiten dut, jasota gera dadin ediktu hau gaur iragarki-oholean jarri dela.
Fede ematen dut.
