Euskal Herriko Agintaritzaren Aldizkaria

Egoitza elektronikoa

Kontsulta

Kontsulta erraza

Zerbitzuak

Azken aldizkaria RSS

Euskal Herriko Agintaritzaren Aldizkaria

84. zk., 2009ko maiatzaren 7a, osteguna

Laburpenara joan

PDF
Testu elebiduna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Agintariak eta Langileria

Kultura Saila

2411

EBAZPENA, 2009ko apirilaren 30ekoa, Etxepare Euskal Institutuko zuzendariarena, institutu horretan lan-kontratuko langile gisa jardungo duten bederatzi langilerentzako lanpostuak betetzeko hautaproben deialdia egiten duena.

Apirilaren 20ko 3/2007 Legeak Etxepare Euskal Institutua zuzenbide pribatuko erakunde publiko gisa sortu eta arautu zuen, euskara eta euskal kultura Euskal Autonomia Erkidegotik kanpora sustatu, hedatu eta ezagutarazteko, erkidegoan ofizialak diren hizkuntza ofizialetan, edozein dela adierazpidea, euskarria edo baliabidea.

Etxepare Euskal Institutuko antolaketa eta funtzionamenduari buruzko erregelamendua onartu zuen maiatzaren 13ko 88/2008 Dekretuak 6. artikuluaren 4. paragrafoan xedatzen duenez, Etxepare Institutuko zuzendariaren eginkizuna izango da lanpostuak lortzeko erregimena zein izango den zehaztea, hautaproben baldintzak eta ezaugarriak zehaztea, eta lanpostuak betetzeko eta sustapen profesionala izateko prozeduren deialdi, kudeaketa eta ebazpenaz arduratzea, betiere meritu, gaitasun, berdintasun eta publizitatearen printzipioak beteta.

2009ko martxoaren 26an Euskal Herriko Agintaritzaren Aldizkarian argitaratu zen Etxepare Euskal Institutuko lan-kontratuko langileentzat gordeko den lanpostuen zerrenda, kasuan kasuko hautapen-prozesuen bidez bete beharko dena.

Eskumena duten organoek derrigorrezko txostenak idatzi dituzte.

Hartarako, Euskal Funtzio Publikoaren uztailaren 6ko 6/1989 Legeko 23. artikuluan eta II. tituluko IV. kapituluan langileak hautatzeko ezarritakoarekin bat etorriz, Euskal Autonomia Erkidegoko Administrazio Orokorreko lan-kontratuko langileen hitzarmen kolektiboa kontuan harturik, eta aipaturiko legeko 6.1.i) artikuluan aitorturiko eskumenak erabilita, hauxe

EBATZI DUT:

Lehenengo artikulua.- Etxepare Euskal Institutuan lan-kontratuko langile gisa jardungo duten bederatzi langilerentzako lanpostuak betetzeko hautaproben deialdia egitea, 2009ko martxoaren 25eko Ebazpena oinarri hartuta.

Bigarren artikulua.- Ebazpen honen xede diren hautapen-prozesuen oinarri orokorrak onestea. Oinarriok ebazpen honen I. eranskinean bildu dira.

Hirugarren artikulua.- Deialdiko lanpostuetarako berariazko oinarriak onartzea. II., III., IV., V., VI., VII., VIII., IX. eta X. eranskinean datoz jasota.

AZKEN XEDAPENAK

Lehenengoa.- Ebazpen honek amaitu egiten du administrazio-bidea. Bere aurka berraztertzeko errekurtsoa aurkeztu ahal diote interesdunek Etxepare Euskal Institutuko zuzendariari, hilabeteko epean, ebazpena Euskal Herriko Agintaritzaren Aldizkarian argitaratu eta biharamunetik hasita; bestela, administrazioarekiko auzi-errekurtsoa aurkez daiteke zuzenean Euskal Autonomia Erkidegoko Auzitegi Nagusiaren Administrazioarekiko Auzietarako Salan, bi hilabeteko epean, ebazpena EHAAn argitaratzen den egunaren biharamunetik hasita.

Bigarrena.- Ebazpen honek Euskal Herriko Agintaritzaren Aldizkarian argitaratu eta biharamunetik aurrera sortuko ditu ondorioak.

Vitoria-Gasteiz, 2009ko apirilaren 30a.

Zuzendaria,

MIREN AZKARATE VILLAR.

I. ERANSKINA

ETXEPARE INSTITUTUAN LAN-KONTRATUKO LANGILE GISA JARDUNGO DUTEN 9 LANGILERENTZAKO LANPOSTUAK BETETZEKO HAUTAPROBEN DEIALDIA EGITEN DUTEN PROZESUEN OINARRI OROKORRAK

1.- Xedea.

Oinarri hauen helburua da Euskal Autonomia Erkidegoko Administrazio Orokorreko lan-kontratuko ondoko plaza hauek oposizio-lehiaketa bidez betetzeko arauak ezartzea:

- Komunikazio eta prentsa arduradunaren lanpostu bat.

- Euskara sustatzeko eta zabaltzeko arloaren arduradun bat.

- Euskara sustatzeko eta zabaltzeko teknikari bat.

- Euskal Kultura sustatzeko eta zabaltzeko arloaren arduradun bat.

- Euskal Kultura sustatzeko eta zabaltzeko teknikari bat.

- Administrazio eta zerbitzuen arduradun bat.

- Aholkulari juridiko bat.

- Administrazioa kudeatzeko teknikari bat.

- Administrari orokor bat.

2.- Kontratatzeko baldintza orokorrak.

2.1.- Hautatutako pertsonek lan-kontratu finkoa sinatuko dute Etxepare Euskal Institutuarekin, eta arlo horretan indarrean dauden xedapenek ezarritako eskubide eta betebehar guztiak edukiko dituzte.

2.2.- Lanpostuaz jabetzen diren egunean alta emango zaie Gizarte Segurantzaren Erregimen Orokorrean, eta bertan afiliatuko, lehenagotik ez bazeuden.

2.3.- Baldintzaren bat ezarrita duten lanpostuak betetzeko, izangaiek nahitaez bete beharko dute baldintza hori.

2.4.- Epaimahaiak ezingo ditu hautatu deitutako lanpostuak baino izangai gehiago. Muga hori gainditzen duten proposamenak erabat deusez izango dira.

Dena den, hautaketa-organoek eskaintzen ziren lanpostuak adina hautagai kontratatzea proposatu badute, eta lanpostuak beteko direla ziurtatzeko hautatutakoren batek uko egiten dion kasuetarako, deialdia egin duen organoak hautaketaz arduratzen den organoari beste hautagai osagarri batzuen zerrenda ere eskatu ahal izango die, beharrezkoa balitz lan-kontratu finkodun moduan kontratatu ahal izateko.

3.- Izangaien baldintzak.

3.1.- Izangaiek eskabideak aurkezteko epea amaitu baino lehenago bete beharko dituzte hurrengo puntuan zehaztutako baldintzak, eta baldintzok betetzen jarraitu beharko dute lan-kontratua formalizatu arte.

3.2.- Hona hemen oposizio-lehiaketa honetako hautaprobetarako onartzeko baldintzak:

a) Europar Batasuneko estatu bateko naziotasuna edukitzea, edo Europar Batasunak izenpetu eta Espainiako estatuak berretsitako nazioarteko itunen arabera langileen joan-etorri askea aplikatzen zaion estatu batekoa.

Halaber, Europar Batasuneko estatuetako herritartasuna dutenen ezkontideek ere parte hartu ahal izango dute, baldin eta Zuzenbidearen arabera banatuta ez badaude, bai eta haien ondorengoek eta ezkontideen ondorengoek ere, baldin eta Zuzenbidearen arabera banatuta ez badaude eta ondorengoak hogeita bat (21) urtetik beherakoak badira edo, adin horretatik gorakoak izanda ere, menpekoak badira.

Gainera, aurreko paragrafoetan aipatu gabeko atzerritarrek ere har dezakete parte, Espainiako estatuan bizi badira. Plaza baterako hautatuek kontratuaren xede den jarduera egiteko administrazio-baimena eduki beharko dute, kontratua formalizatu baino lehen.

b) Lanpostuaren eginkizunak betetzeko gaitasun funtzionala izatea.

c) Hamasei (16) urte beteta izatea eta nahitaezko erretiro-adina ez izatea.

d) Eskatzen den titulazioa edukitzea, edo hura jasotzeko eskubideak ordainduta edukitzea. Atzerriko titulazioen kasuan, homologazioaren egiaztagiria eduki beharko da.

e) Funtzio publikoak betetzeko erabat edo bereziki ezgaituta ez egotea, eta edozein administrazio publikotako zerbitzutik diziplina-espediente bidez bereizita ez egotea. Beste estatu bateko herritartasuna izanez gero, ezgaituta edo antzeko egoeran ez egotea eta bere estatuan funtzio publikoan sartzea eragozten duen diziplinazko zigorrik edo baliokiderik ez jaso izana.

f) Indarrean dagoen araubidearen arabera, desgaikuntza edo bateraezintasuneko legezko auziren batean sarturik ez izatea; bateraezintasunen kasuan, hala ere, ez da eragozpen izango interesdunak aukera egin dezan.

g) Ordainduta izatea lehiatu nahi den plazari dagokion eskabidea jaso eta aztertzeagatiko tasa. Tasa horren zenbatekoa 4.3 oinarrian zehazten da.

h) Lanpostuari dagozkion eginkizunak normal betetzea eragozten duen gaixotasunik edo ezintasun fisikorik edo psikikorik ez izatea. Gaitasun fisikoa eta psikikoa hautapen-prozesua gainditutakoan egiaztatu beharko dira. Horretarako, medikuaren ziurtagiri edota azterketa-agiria ekarri beharko da, betiere 9.1.1.e) oinarrian xedatutakoaren arabera. Baldintza hau betetzea ezinbestekoa izango da lanpostuaz jabetu ahal izateko.

i) Oinarri espezifikoetan eskatzen den beste edozein baldintza.

4.- Eskabideak aurkeztea.

4.1.- Eskabideak aurkezteko epea eta modua:

Deialdian parte hartzeko eskabideak hogei (20) egun naturaleko epean aurkeztu behar dira, deialdia Euskal Herriko Agintaritzaren Aldizkarian argitaratu eta hurrengo egunean hasita.

Eskaerak eredu ofizial eta normalizatuan aurkeztu beharko dira, jarraian aipatzen diren egoitzetan banatuko den inprimakia beteta:

Vitoria-Gasteizen:

- Kultura Saila; Donostia kalea 1 (Lakua); PK: 01010 (Ezgaitasunak dituzten pertsonentzako sarbidea egokituta).

Bilbon:

- Kulturaren lurraldeko unitatea; Gran Vía kalea, 85, PK: 48011 (Ezgaitasunak dituzten pertsonentzako sarbidea egokituta).

Donostia-San Sebastiánen:

- Kulturaren lurraldeko unitatea; Andia kalea, 13, PK: 20008 (Ezgaitasunak dituzten pertsonentzako sarbidea egokituta).

Eskabideak leku horietan aurkeztu ahal izango dira 09:00etatik 13:00etara eta 15:00etatik 16:30era, astelehenetik ostegunera, eta 09:00etatik 13:00etara ostiraletan.

Azaroaren 26ko 30/1992 Legeak, Herri Administrazioen Araubide Juridikoaren eta Administrazio Prozedura Erkidearen Legeak, 38.4 artikuluan zehaztutako edozein lekutan ere aurkez daitezke eskabideak.

Posta-bulegoen bidez aurkezten diren eskabideak, ziurtatu aurretik, irekita eman behar zaizkio postako funtzionarioari, hark eguna jarri eta zigilua jar diezaien.

4.2.- Eskabidearen edukia eta ondorioak.

4.2.1.- Lehiaketara onartzeko eta, behar denean, hautaprobetan parte hartu ahal izateko, izangaiek eskabideko atal guztiak bete behar dituzte eta tasak ordaindu. Eskatzen diren baldintza guztiak esandako epearen amaiera-egunerako betetzen dituztela adierazi behar dute, salbuespen honekin: euskararen ezaguera dela eta 7.3 eta 7.6 oinarrietan ezarritakoa aplikatuko da.

Tasak eskabideak aurkezteko epearen barruan ordaintzen ez badira, izangaia prozesutik kanpo geratuko da, hain zuzen ere, oinarri hauetako 3.2.g) paragrafoan ezarritako baldintza ez betetzeagatik.

Aurrekoa gorabehera, ordaindutako zenbatekoan akatsen bat egonez gero, izangaiari errekerimendua bidaliko zaio akatsa hamar egun baliodun igaro baino lehen zuzentzeko.

Izangaiek, beraz, onartuak izateko, honakoak adierazi beharko dituzte eskabidean, dagokion atalean:

a) Prozesua zuzen kudeatzeko norberari buruz eskatzen diren datuak.

b) Zein plazatarako lehiatu nahi duen.

c) Oposizio-aldiko ariketak egiteko hautatu den hizkuntza ofiziala, hau da, euskara ala gaztelania.

d) Ezgaitasunak dituzten pertsonek beren ezaugarriaren berri eman beharko dute eskabidean; eta han adierazi beharko dute, hala dagokionean, zein egokitzapen tekniko behar dituzten hautaketa-prozesuak egin ahal izateko.

e) Adierazitako titulazioa.

4.2.2.- Izangaiek eskabidean emandako informazio guztia fitxategi batean sartuko da, eta fitxategi hori hautapen-prozesua kudeatzeko eta behin-behineko langileak kontratatzeko sortuko diren lan-poltsak kudeatzeko baino ez da erabiliko. Abenduaren 13ko 15/1999 Lege Organikoan, Datu Pertsonalak Babesteari buruzkoan, eta otsailaren 25eko 2/2004 Legean, Datu Pertsonalak Babesteko eta Datuak Babesteko Euskal Bulegoaren sorrerarakoan esaten dena beteko dute fitxategi horiek erabiltzeko orduan.

4,3.- Eskabideak aurkezteagatiko tasak ordaintzea:

Deialdiko 3.2.g) oinarrian ezarritako baldintza betetzeko, tasa eskabideak aurkezteko epearen barruan ordaindu behar da erakunde hauetako bulegoetan: Gipuzkoa Donostia Kutxa (kontu zenbakia 2101 0381 07 0012357539), eta Euskadiko Kutxa (kontu zenbakia 3035 0060 45 0600133201).

Tasa ordaintzeko, eskabide-orria aurkeztu behar da banku-bulegoan.

Hona tasen zenbatekoa:

Lanpostua Euroak

Komunikazio eta prentsa arduraduna 20,34

Euskara sustatzeko eta zabaltzeko arloaren arduraduna 20,34

Euskara sustatzeko eta zabaltzeko teknikaria 20,34

Euskal Kultura sustatzeko eta zabaltzeko arloaren arduraduna 20,34

Euskal kultura sustatzeko eta zabaltzeko teknikaria 20,34

Administrazio eta zerbitzuen arduraduna 20,34

Aholkulari juridikoa 20,34

Administrazioa kudeatzeko teknikaria 16,96

Administrari orokorra 13,55

Tasa ordaintzen ez bada, edo okerreko zenbatekoa ordaintzen bada, oinarri hauetako 4.2 paragrafoan zehaztutako ondorioak sortuko dira. Nolanahi ere, tasa ordaintzea eta ordainagiria aurkeztea ez da nahikoa izango prozesuan parte hartzeko; izan ere, eskabidea oso-osorik eta behar den epearen barruan (4.1 oinarria) aurkeztu behar da.

5.- Epaimahaia.

5.1.- Kideak:

Lanpostu bakoitzaren eranskinean ageri dira epaimahaiko kideak. Idazkariak hitz egin ahal izango du, baina botoa eman ez.

Epaimahaiaren osaeran, gaikuntza, gaitasun eta prestakuntza egokia duten emakume eta gizonen presentzia orekatua sustatuko da. Lau kide baino gehiago duen epaimahaian, sexu bakoitza gutxienez % 40 ordezkatzen denean ordezkaritza orekatua dela esaten da.

5.2.- Prozesuan parte ez hartzea eta errefusatzea:

Epaimahaiko kideren bat Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legeko 28. artikuluan bildutako kasuetako batean gertatzen bada, ezin izango du prozesuan parte hartu eta deialdia egin duen agintaritzari jakinarazi beharko dio. Gauza bera gertatuko zaie deialdia argitaratu aurreko bost urteetan hautaprobetan parte hartuko duen izangairen bat prestatzen jardun dutenei.

Aurreko kasuetako bat gertatzen denean ere, interesdunek epaimahaikideak errefusatu ahal izango dituzte, betiere, aipatutako legearen 29. artikuluan ezarritakoarekin bat.

5.3.- Jarduteko arauak:

Azaroaren 26ko 30/1992 Legearen 22. artikulutik 27.era bitartean zehaztutako arauetara egokitu beharko da epaimahaiaren jarduna. Epaimahaiburuak aginduta eta idazkariak deialdia eginda, epaimahaiak bilera egingo du hautaprobak hasi baino nahikoa denbora lehenago. Epaimahaia legez eratzeko ezinbestekoa da ondokoak bertaratzea: epaimahaiburua eta idazkaria (edo haien ordezkoak) eta kideen erdiak, gutxienez.

Bertaratutakoen botoen gehiengoz hartuko dira erabakiak. Hainbanaketarik gertatuz gero, epaimahaiburuaren kalitatezko botoak erabakiko du.

Epaimahaiburuaren edo beraren ordezkoaren kargua hutsik badago, bertaratu ez bada, gaixorik badago edo bestelako legezko kausaren bat gertatzen bada, epaimahaikide batek jardungo du haren ordez, hurrenkera honetan: hierarkian gorengo maila duenak, antzinatasun handiena duenak eta adinez zaharrenak.

Idazkari titularraren edo beraren ordezkoaren kargua hutsik badago, bertaratu ez bada, gaixorik badago edo titularrari zein ordezkoari eragiten dien legezko kausaren bat gertatzen bada, epaimahaikide batek jardungo du haren ordez, hain zuzen ere gehiengoaren erabakiaren bidez hautatzen dutenak.

5.4.- Ahalmenak:

Epaimahaiak erabateko autonomia funtzionala izango du, eta bere ardura izango da prozedura legezkotasunez egin dadin zaintzea.

Halaber, ordenamendu juridikoarekin bat, batetik, oinarri hauek aplikatzean sortzen diren zalantza guztiak ebatziko ditu; bestetik, deialdia behar bezala garatzeko beharrezko diren erabakiak hartuko ditu; eta, azkenik, oinarrietan aurreikusten ez diren kasuetarako, behar diren irizpideak ezarriko ditu.

Epaimahaiburutzak behar diren neurriak hartuko ditu oposizio-faseko ariketen edukiaren isilpekotasuna bermatzeko, eta gauza bera egingo du azterketak zuzentzean azterketa bakoitza norena den ez jakiteko.

5.5.- Egoitza:

Jakinarazpenetarako eta gainerako gorabeheretarako, epaimahaiak Kultura Sailaren egoitzan izango du helbidea: Donostia kalea 1 (Lakua); PK: 01010.

5.6.- Zerbitzuagatiko kalte-ordainak:

Epaimahaikideek kalte-ordainak jasoko dituzte beren zerbitzuagatik, bai eta bertaratzeagatik ere, arlo horretako indarrean den arautegiarekin bat etorriz.

Halaber, probetan zaintze- eta kontrol-lanak egiten dituzten langileek bidezko kalte-ordainak jasoko dituzte, indarrean den arautegiarekin bat etorriz.

6.- Izangaiak onartzea eta prozesua hastea.

Eratu ondoren, epaimahaiak izangaiek deialdian parte hartzeko baldintzak betetzen dituztela egiaztatzeko aurkeztutako agiriak aztertuko ditu, eta onartuen eta baztertuen zerrenda prestatu.

Gero, Etxepare Institutuko zuzendariak onartuen eta baztertuen behin-behineko zerrenda argitaratzeko aginduko du. Baztertuen kasuan, baztertzeko zein arrazoi izan diren agertuko da. Ebazpen hau oinarrietako 4.1 atalean adierazitako dependentzietako iragarki-tauletan jarriko da denen agerian.

Prozesutik kanpo geratzen direnek erreklamazioak aurkezteko aukera izango dute, bai eta egindako hutsak zuzentzeko ere, behin-behineko zerrenda argitaratzen denetik hamar egun balioduneko epearen barruan.

Erreklamazioak aurkezteko epea igarota eta erreklamaziook ebatzita, Etxepare Institutuko zuzendariak onartutakoen eta baztertutakoen behin betiko zerrenda Euskal Herriko Agintaritzaren Aldizkarian argitaratzeko aginduko du.

Ebazpen horiek, aldi berean, oinarrietako 4.1 atalean adierazitako dependentzietako iragarki-tauletan jarriko dira agerian.

Hautaprobak egiteko aukera prozesurako onartutako izangaiek izango dute, bai eta baztertuta egon arren egintzan gora jotzeko errekurtsoa jarri dutela eta hura ebatzi gabe dagoela frogatzen dutenek ere.

Onartutakoen eta baztertutakoen behin betiko zerrenda onesten duen ebazpenean, halaber, lehenengo ariketa non, noiz eta zein ordutan izango den zehaztuko da.

Oposizio-faseko ariketa bakoitzean deialdi bat bakarrik egingo zaie kategoria bakoitzean lehiatzen diren izangaiei. Izangai bakoitzak, nork bere burua identifikatzeko, nortasun-agiria, pasaportea edo gidabaimena eraman beharko du probetara.

Epaimahaiek ariketen iraupena eta haiek egiteko baliabideak egokituko dizkiete egokitzapenak behar eta eskabidean hala eskatu duten izangai urrituei, gainerako parte-hartzaileek adinako aukera izan dezaten. Nolanahi ere, egokitzapenak inolaz ere ezin du desitxuratu probaren edukia, ez eta eskatzen den gaitasun-maila murriztu ere.

7.- Hautapen-prozesua.

7.1.- Hautapen-prozesua oposizio-lehiaketa izango da, berariazko oinarrietan ezartzen denaren arabera.

7.2.- Oposizio-fasea:

Bi proba izango ditu oposizio-faseak, oinarri zehatzetan adieraziko diren horiexek. Edonola ere, gutxienez bi proba egin beharko dira, bata teorikoa eta praktikoa bestea, bete nahi diren lanpostuetarako beharrezko jakintza eta gaitasuna baloratzeko. Probak derrigorrezkoak izango dira, eta baztertzaileak.

7.3.- Euskara:

Euskarako proba hizkuntza gaitasuna ziurtatzeko izango da, eta hautaketa-prozesuan edozein unetan egiteko modua izango da, betiere, merituak baloratu aurretik.

7.4.- Lehiaketa-fasea:

7.4.1.- Lehiaketa-fasea izangaiek adierazitako eta ziurtatutako merituak aztertu eta balioetsita ebatziko da. Merituak berak eta merituak baloratzeko baremoa, deialdi bakoitzaren oinarri espezifikoetan izango dira zehaztuta.

7.4.2.- Oposizio-aldia gainditua dutenen merezimenduak besterik ez dira baloratuko. Aurkezteko epearen barruan behar bezala alegatu eta frogatzen ez diren merezimenduak ez dira inolaz ere baloratuko.

Lehiaketa-fasean ez da inor baztertuko, eta bertan lortzen diren puntuazioak ez dira kontuan hartuko oposizio-faseko probak gainditzeko.

7.5.- Merezimenduak eta betekizunak egiaztatzea.

7.5.1.- Oposizio-faseko behin betiko emaitzak argitaratu ondoren, izangaiek 15 egun balioduneko epealdia edukiko dute merezimenduak alegatzeko eta frogatzeko.

7.5.2.- Eskabideak aurkezteko epea amaitzen den eguna izango dute aurkezturiko merezimenduak lortzeko azken eguna.

7.5.3.- Gainerako herri administrazioetan lanean egindako denbora, berriz, administrazio bakoitzak berariaz prestatutako ereduan adierazi behar da. Nolanahi ere, lan-denboraldiak bereizita adierazi behar dira, eta ondoko datuak zehaztu: lanpostuaren kidegoa, eskala, azpieskala eta mota edo kategoria, eta bertan izandako eginkizunak eta lanaldia (datu hau zehazten ez bada, lanaldi osoaren % 50 zenbatuko da).

7.5.4.- Herri administrazioetatik kanpoko lanbide-esperientzia frogatzeko dokumentazio hau aurkeztu behar da:

a) Gizarte Segurantzaren kotizazioaren ziurtagiria; ziurtagiri honetan berariaz zehaztu behar da alegatutako lanbide-kategoria.

b) Enpresaren ziurtagiria edo lan-kontratuaren kopia, eginkizunak zehazten dituena.

7.5.5.- Titulu ofizialak egiaztatzeko, tituluaren fotokopia konpultsatua edo titulua eskuratzeko ordaindu beharrekoa ordaindu izanaren agiria aurkeztu beharko da.

7.6.- Euskara gaitasunaren agiria.

7.6.1.- IVAPeko hizkuntz eskakizunaren erregistroan titular agertzen diren izangaiek ez dute hizkuntz eskakizuna alegatu ez egiaztatu beharrik.

7.6.2.- IVAP ez den beste erakunderen baten euskara gaitasunaren ziurtagiri edo tituluak dituztenek, deialdi honetako gaitasun-probak saihestu nahi badituzte, ziurtagiri horietakoren bat eduki badutela adierazi beharko dute hautaprobetan parte hartzeko eskarian eta berariaz baimena eman IVAPi erregistro horietan sartzeko, alegatutakoa benetan egiaztatu ahal izateko.

Baldin eta parte-hartzeko eskarian ez bazaio baimen hori IVAPi espresuki ematen, izangaiak berak egiaztatu beharko du dena delako ziurtagiria edo titulua badaukala, lanpostuari dagokion hizkuntza-eskakizunaren idatzizko proba egin aurretik.

7.6.3.- Euskararen gaitasunari buruzko tituluak eta egiaztagiriak baliozkotzea egokituko balitz, apirilaren 8ko 64/2008 dekretua aplikatuko litzateke (euskararen ezagutza egiaztatzen duten titulu eta ziurtagirien arteko baliokidetzak finkatu eta Hizkuntzen Europako Erreferentzi Marko Bateratura egokitzekoa) bai eta otsailaren 24ko 48/2009 Dekretua ere (aurreko dekretua aldatzeko ateratakoa).

7.6.4.- Egiaztagiri horiek, deialdiko oinarri zehatzetan euskara egiaztatzeko proba idatzia egiteko jarritako eguna baino lehenago lortutakoak izan behar dute.

7.7.- Hizkuntzak egiaztatzea.

7.7.1.- Hizkuntzen tituluak egiaztatzeko, tituluaren fotokopia konpultsatua bera edo titulua eskuratzeko ordaindu beharrekoa ordaindu izanaren agiria aurkeztu beharko da.

7.7.2.- Adierazten diren merezimenduak izateko erreferentzia-data eskaerak aurkezteko epearen amaiera-data izango da.

7.7.3.- Ez da egingo probarik titulu horiek egiaztatzeko.

7.7.4.- Egiaztagiri bat baino gehiago aurkezten bada, maila altuena daukana balioetsiko da, ez besterik.

7.7.5.- Deialdi honetarako, honako egiaztagiriak baliokide izango dira:

7.7.5.1.- Honako titulu hauek Goi Mailaren (B2) baliokide izango dira:

Ingelesa:

- First Certificate in English (FCE)

- BEC 2

- BULATS 3

- ISE II

- GESE 7, 8 eta 9

Frantsesa:

- Diplôme d`Etudes en Langue Française (DELF B2)

7.7.5.2.- Beste titulu hauek Gaitasun Maila Operatibo Eraginkorraren (C1) baliokide izango dira:

Ingelesa:

- Certificate in Advanced English (CAE)

- BEC 3

- BULATS 3

- ISE III

- GESE 10 eta 11

Frantsesa:

- Diplôme Approfondi de Langue Française (DALF C1)

Alemana:

- Zentrale Mittelstufenprüfung (ZMP)

7.7.5.3.- Honako titulu hauek Goi Mailaren (C2) baliokide izango dira:

Ingelesa

- Certificate of Proficiency in English (CPE)

- BULATS 5

- ISE IV

- GESE 12

Frantsesa:

- Diplôme Approfondi de Langue Langue Française (DALF C2)

Alemana:

- Zentrale Oberstufenprüfung (ZOP)

- Kleines Deutsches Sprachdiplom (KDS)

7.8.- Azken kalifikazioa.

7.8.1.- Izangaien azken kalifikazioa kalkulatzeko, lehiaketa-fasean eta oposizio-fasean lortutako puntuak batuko dira.

7.8.2.- Lehiaketa-oposizioko emaitza eta kalifikazio guztiak oinarrietako 4.1 atalean adierazitako dependentzietako iragarki-tauletan jarriko dira agerian.

7.8.3.- Emakume eta Gizonen Berdintasunerako otsailaren 18ko 4/2005 Legearen 20.4.a artikulua aplikatuta, hautagaien gaitasun bera dagoela esango dugu hautaketa-prozesuaren amaieran puntuaketa berdinketa gertatzen bada. Alegia, proba guztiak egin eta baloratu ondoren eta, hala badagokio, dagozkion merezimenduak gehitu ondoren.

Hainbanaketarik gertatuz gero, ondoko irizpide hauek erabiliz ezarriko da hurrenkera:

1) Emakumeei lehentasuna emango zaie emakumeen kopurua % 40 baino gutxiagokoa den kidego/eskala/aukeretan nahiz ordainsari-mailetan. Nolanahi ere, neurri hori ez da aplikatuko, horrela egiteko motiboak (sexuagatiko diskriminatzaileak ez badira) badaude, esaterako, beste izangaia enplegatzeko zailtasun handiak dituzten beste kolektibo bateko kidea izatea.

2) Oposizio-aldian puntuaziorik handiena lortu duena.

3) Bigarren proban puntuaziorik handiena lortu duenaren alde.

4) Lehiaketa-aldiko atal bakoitzean puntu gehien lortu duena, oinarri berezietan adierazitako hurrenkeraren arabera.

8.- Onartutako eta hautatutako langileak. Lanpostuen adjudikazioa.

8.1.- Prozesuko azken kalifikazioak jarrita daudenean, Epaimahaiak, Etxepare Institutuko zuzendariaren ebazpenaren bidez, kalifikazioaren behin-behineko zerrenda argitaratuko du oinarrietako 4.1 atalean adierazitako dependentzietako iragarki-tauletan.

Behin-behineko zerrendak argitaratu eta hurrengo egunetik aurrera interesdunek hamar (10) egun balioduneko epea edukiko dute bidezkotzat jotzen dituzten erreklamazioak aurkezteko.

8.2.- Erreklamazioak aurkezteko epea amaitzen denean, aurkeztutakoez ebatzi ostean, baten bat aurkeztu bada, Etxepare Euskal Institutuko zuzendariak onartu eta hautatutakoen behin betiko zerrenda argitaratuko du Euskadiko Aldizkari Ofizialean.

9.- Dokumentazioa aurkeztea.

Etxepare Euskal Institutuko zuzendariaren ebazpen baten bidez hautatutako izangaien behin betiko zerrenda argitaratuko da, eta bertan egutegiko hogei (20) eguneko epea emango zaie izangaiei ondoren adieraziko diren dokumentuak aurkezteko.

9.1.- Eskatutako dokumentuak.

9.1.1.- Hautatutakoen behin betiko zerrendan proposatzen diren izangaiek ondoko dokumentu hauek ekarri beharko dituzte deialdian eskatutako gaitasun-baldintzak eta gainerako betekizunak betetzen dituztela frogatzeko:

a) NANaren fotokopia.

b) Atzerriko izangaiek Administrazioaren jakinarazpen bat jasoko dute eta bertan adieraziko zaie zein dokumentu ekarri behar dituzten nahitaez, beren egoera kontuan hartuta.

c) Deialdian parte hartzeko eskatzen diren tituluen eta betekizunak betetzen direla frogatzen duten agirien fotokopia konpultsatuak. Titulu eta frogagiri horiek oinarri zehatzetan jasotakoak dira.

d) Zinpeko adierazpena edo agintza ondorengoari buruz: ez dagoela inhabilitatuta eginkizun publikoetan aritzeko, ez dutela inoiz diziplina-espediente bidez bereizi ez iraitzi herri administrazio baten zerbitzutik, eta ez dagoela herri administrazioetan jarduten duten langileen bateraezintasunei buruzko abenduaren 26ko 53/1984 Legean aurreikusitako ezgaitasun eta bateraezintasunen legezko inolako kausatan sartuta.

Espainiako naziotasuna ez duten izangaiek, bestalde, zinpeko aitorpena edo agintza egin beharko dute esanez ez dutela jaso beren estatuan funtzio publikoan jardutea galarazten duen diziplina-zehapenik edo kondena penalik.

e) Medikuaren ziurtagiria, ondokoa frogatzen duena: oinarri hauek eta deialdiaren oinarri espezifikoek zehazten duten bezala, interesdunak ez daukala lanpostuaren eginkizunetan aritzea eragozten duen gaixotasunik ez urritasun fisikorik.

f) Merezimenduak. Lehiaketa-aldian adierazi diren merezimenduen jatorrizko agiriak edo horien fotokopia konpultsatuak.

g) Ezintasunaren legezko aitortzaren agiria.

9.1.2.- Oinarri honetako aurreko puntuen arabera aurkezten diren dokumentuak jatorrizkoak edo kopia konpultsatuak izan behar dira. Kopia konpultsatuak baliozkoak izango badira, datu hauek agertu behar dira: data eta konpultsa egin duenaren izen-abizenak, NANa eta izenpe irakurgarria.

9.1.3.- Izangai batek aurreko dokumentu guztiak aurkeztu ezin baditu (ezintasuna behar bezala frogatu behar du), Zuzenbidean onartzen den edozein frogabide erabili ahal izango du deialdian ezarritako baldintza guztiak betetzen dituela frogatzeko.

9.2.- Dokumentuak non eta noiz aurkeztu.

Dokumentu horiek hogei (20) eguneko epean aurkeztu behar dira, hautatutako izangaien behin betiko zerrenda Euskal Herriko Agintaritzaren Aldizkarian argitaratu eta hurrengo egunetik aurrera, Kultura Sailaren egoitzan, Eusko Jaurlaritzak Vitoria-Gasteizen duen egoitzan (Donostia kalea 1, PK: 01010).

9.3.- Dokumenturen bat falta.

Adierazitako epearen barruan dokumentuak aurkezten ez dituztenak, ezinbesteko kasua gertatu ezean, ezin izango dira kontratatu, eta gauza bera gertatuko zaie aurkeztutako dokumentuen arabera hirugarren oinarrian ezarritako baldintzetako bat betetzen ez dutenei eta lanpostuaren eginkizunetan aritzeko eskatzen den gaitasun fisikoa edo psikikoa ez dutenei ere. Kasu hauetako bat gertatuz gero, egindako jarduketa guztiak deuseztatuko dira, eta gainera baliteke izangaiak erantzukizuna izatea eskabidea faltsutzeagatik.

Horrelakoetan, epaimahaiak hurrengo izangaia kontratatzeko proposamena egingo du, hau da, hautapen-prozesua gainditu dutenen behin betiko zerrendako puntuazio-hurrenkeran hurrengoa dena. Horretarako, aurreko paragrafoko inguruabarren eraginez bete gabe geratu diren plaza beste izangai hautatuko ditu epaimahaiak.

10.- Kontratazioa.

Behin dokumentuak aurkezteko epea amaitu ondoren, Euskal Herriko Agintaritzaren Aldizkarian argitaratuko da aurreko oinarrietan ezarritakoa bete duten izangai hautatuen zerrenda Kultura Sailera bidaltzeko Etxepare Euskal Institutuko zuzendariak emandako ebazpena, Etxepare Euskal Institutuko zerbitzurako lan-kontratuak formalizatzeko.

Hautatutako izangaiek 15 eguneko epea izango dute lan-kontratua sinatzeko, izendapen-agindua Euskal Herriko Agintaritzaren Aldizkarian argitaratu eta hurrengo egunetik aurrera.

Ezarritako epearen barruan lanpostuaz jabetzen ez direnek, non eta ez den halabeharragatik, galdu egingo dituzte Etxepare Euskal Institutuko lan-legepeko langile finko izateko eskubide guztiak, deialdiaren ondoriozkoak. Horrelakoetan, epaimahaiak hurrengo izangaia kontratatzeko proposamena egingo du, hau da, hautapen-prozesua gainditu dutenen behin betiko zerrendako puntuazio-hurrenkeran hurrengoa dena. Horretarako, bete gabe geratu diren plaza beste izangai hautatuko ditu epaimahaiak.

11.- Probaldia.

Lan-kontratuetan sei (6) hilabeteko probaldia jarriko da lanpostu guztietan administrariaren kasuan izan ezik; administrariaren lanposturako probaldia bi (bi) hilabetekoa izango da. Epaimahai kalifikatzaileak baloratzeko hautaproba izango da hori ere.

Probaldian kontratatuen gaitasun edo alderdi hauek ebaluatuko dira: produktibitatea, kalitatea, eraginkortasuna (ahaleginak), harremanetarako gaitasuna, eta lidergoa.

Ebaluazioak fase hauek edukiko ditu:

a) Izangaiei ebaluazio-neurriak eta aplikatuko diren metodoa eta irizpideak jakinaraziko zaizkie.

b) Etxepare Euskal Institutuko zuzendariak kontratatutako izangaiari buruzko txostena idatziko du.

c) Epaimahaiak txosten hori baloratuko du. Epaimahaiko kide bakoitzak 0 - 10 bitarteko puntuazioa emango dio txostenari, eta batez beste 5 puntu edo gehiago lortzen dituztenak lanposturako gai izango dira.

d) Gutxieneko puntuazioa lortzen ez dutenek ez dute gaindituko probaldia.

Hautatuetako batek probaldia gainditzen ez badu, epaimahaiak hautapen-prozesua gainditu dutenen behin betiko zerrendako puntuazio-hurrenkeran hurrengoa den izangaia kontratatzeko proposamena egingo du. Horretarako, bete gabe geratu diren plaza beste izangai hautatuko ditu epaimahaiak.

Probaldia gainditu ondoren izangaia lan-kontratuko langile finko bihurtuko da Etxepare Euskal Institutuan.

12.- Lan-poltsa osatzea.

Hautaketa-prozesu bakoitza amaitzen denean, eta Etxepare Euskal Institutuak aldi batean zerbitzuak emateko langileak hautatzeari buruzko erregulazio propioa ez duen bitartean, deitutako lanpostu bakoitzeko lan-poltsa osatu eta argitaratuko da, hain zuzen, Gobernu Kontseiluaren 2006ko maiatzaren 30eko Erabakian zehaztuta dagoen moduan (Euskal Autonomia Erkidegoko Administrazio Orokorrean eta bere erakunde autonomoetan aldi baterako zerbitzuak emateko langileak hautatzeari buruzko erabakian).

13.- Deialdiaren aurka egitea.

Interesdunek deialdiaren, oinarrien eta hauen zein epaimahaien jardunaren ondoriozko administrazio-egintza guztien aurka egin dezakete. Aurka egiteko kasuak eta horretarako bideak Herri Administrazioen Araubide Juridikoari eta Administrazio Prozedura Erkideari buruzko azaroaren 26ko 30/1992 Legean zehaztu dira.

II. ERANSKINA

Plaza bat: Komunikazio- eta prentsa-arduraduna.

1.- Plazaren ezaugarriak:

- Lanpostua: Komunikazio- eta prentsa-arduraduna; kodea: EL10711; hornidura: 1; ordainsari-maila: 15, EAEko Administrazio Orokorreko lan-kontratuko langileen hitzarmenean (70.863,85 euro gordin urtean).

- Destinoa: Donostia-San Sebastián.

2.- Xedea eta eginkizunak.

2.1.- Xedea:

Euskal kulturak eta euskarak kanpoan duten agerpenari eta horien hedapenari buruzko edukiak eman eta zabaltzea Euskadin. Prentsa eta komunikazio esparruko erakundeen artean jarduerak sustatu eta koordinatzea, beharrezkoak diren irizpideak ezarrita, eta esparru horretan aholkuak ematea. Informazio-komunikatuak eta argitalpenak zein horien zabalkundea egitea. WEBaren arloan aplikazioak diseinatzea eta proiektuak kudeatzea. Proiektuon ondorioz sortzen diren jarduerak gainbegiratu, aplikazio horien errendimendua kontrolatu, eta arlo horretan informazioa editatuko du.

2.2.- Eginkizun nagusiak:

• Euskararen eta euskal kulturaren gaineko informazioa eta edukiak sartzea kanpoko komunikabide eta iritzi esparruetan.

• Kanpoko eta Euskadiko komunikazio bulegoekin dauden harremanak kudeatzea.

• Arlo sektorialean irizpideak ezartzea.

• Argitalpenak kudeatzea.

• Erakunde arteko jarduerak koordinatzea.

• Prentsa eta komunikazioari buruzko aholkuak ematea.

• Prentsa eta komunikazioko informazioa kontrolatzea.

• Prentsa eta komunikazioarekin izan beharreko elkarrizketak eta harremanak kudeatzea.

• Prentsa eta komunikazioaren arloko jarduerak sustatzea.

• Argitalpenetarako prentsa-txostenak egitea.

• WEBaren arloko aplikazioak diseinatzea.

• WEBaren arloko proiektuak kudeatzea.

• WEBaren arloan informazioa editatzea.

• WEBeko estatistikak kontrolatzea.

3.- Deialdian parte hartzeko baldintzak:

3.1.- Titulazioa: Informazio zientzietako lizentziatura, hurrengo espezialitateetan: kazetaritza edo ikus-entzunezko irudia edo publizitatea eta harreman publikoak.

3.2.- Euskara: 3. hizkuntza eskakizuna.

Derrigortasun data: 2009-03-31.

3.3.- Berariazko ezagutzak.

Ingelesaren menderatze operatibo eraginkorra izan behar da (C1).

4.- Hautaketa-prozesua.

Oposizio-lehiaketa izango da hautaketa-prozedura.

4.1.- Oposizio-fasea.

Oposizio-fasean bi ariketa egin beharko dira nahitaez, eta hautagaiak baztertzeko erabiliko dira:

a) Lehenengo ariketa. Ariketa teorikoa izango da. Nahitaez egin beharko da eta hautagaiak baztertzeko erabiliko da. Gaien zerrenda honi erantsita dago. Ariketa idatzizkoa izango da eta hautagaiek gaien zerrendako gairen bati buruz egindako galdera/galderak erantzun beharko dute/dituzte. Ariketa honetan 0-20 puntu lortu ahal izango dira; beraz, gutxienez 10 lortu behar dira ariketa gainditzeko.

b) Bigarren ariketa. Hautagaiek lanpostuaren eginkizunekin zerikusia duen kasu praktiko bat garatu beharko dute. Ariketa honetan 0-50 puntu lortu ahal izango dira; beraz, gutxienez 25 lortu behar dira ariketa gainditzeko.

4.2.- Euskara-proba eta honen balorazioa.

Euskara-proba 3. hizkuntza-eskakizuna egiaztatzeko egingo da. Derrigortasun-data amaituta duten lanpostuetan euskararen ezagutza (3. hizkuntza-eskakizuna) nahitaezkoa izango da lanpostua eskuratu nahi bada.

4.3.- Lehiaketa-fasea.

Lehiaketa-faseko kalifikazioa merezimenduengatik lortutako puntuen batura izango da, baremo honen arabera:

a) Esperientzia: gehienez ere 18 puntu lor daitezke.

- Lanpostuko eginkizunekin zerikusi zuzena duten lanpostuetan azken bost (5) urteetan herri administrazioan bildutako esperientzia: 0,3 puntu emango dira lan egindako hileko, 18 puntu gehienez. Hilabetera heltzen ez diren aldiak ez dira kontuan hartuko.

- Lanpostuko eginkizunekin zerikusi zuzena duten lanpostuetan azken bost (5) urteetan herri administraziotik kanpo bildutako esperientzia: 0,15 puntu emango dira lan egindako hileko, 9 puntu gehienez. Hilabetera heltzen ez diren aldiak ez dira kontuan hartuko.

b) Tituluak.

Espezialitateko, graduondoko edo deitu den lanpostuarekin zerikusia duen beste titulu ofizial baliokide bat: 3 puntu gehienez.

c) Hizkuntzak.

Gehienez ere zortzi (8) puntu emango dira, betiere baremo honen arabera:

• Ingeles:

- C2 mailako ezagutza (Maisutza): 6 puntu.

• Frantsesa:

- C2 mailako ezagutza (Maisutza): 6 puntu.

- C1 mailako ezagutza (Menderatze Operatibo Eraginkorra): 4 puntu.

• Alemana:

- C2 mailako ezagutza (Maisutza): 6 puntu.

- C1 mailako ezagutza (Menderatze Operatibo Eraginkorra): 4 puntu.

d) Ikastaroak.

Deitutako lanpostuarekin zerikusia duten trebakuntza eta hobekuntza ikastaroak: 2,5 puntu gehienez.

KOMUNIKAZIO- ETA PRENTSA-ARDURADUNAREN LANPOSTUA BETETZEKO HAUTAPEN-PROZESUKO EPAIMAHAIKO KIDEAK

Epaimahaiburua: Jon Lezertua Rodríguez

Ordezko epaimahaiburua: Nestor Arana Arabaolaza

1. epaimahaikidea: Igor Goirizelaia Ziardegi

1. epaimahaikidearen ordezkoa: Miren Itziar Urresti Bilbao

2. epaimahaikidea: Ane Miren Crespo Calvo

2. epaimahaikidearen ordezkoa: José Luis Ibarzabal Egibar

3. epaimahaikidea: Roman Valentín Berriozabal Azpitarte

3. epaimahaikidearen ordezkoa: Javier Arrese Martínez

4. epaimahaikidea: Eneko Oregi Goñi

4. epaimahaikidearen ordezkoa: Imanol Uriguen Garaizabal

Idazkaria: Bakarne Agirre Arrieta

Ordezko idazkaria: José Antonio Urdangarin Arrizabalaga

KOMUNIKAZIO ETA PRENTSA ARDURADUNA: GAIEN ZERRENDA

1. gaia.- 1978ko Konstituzioa. Printzipio orokorrak. Eskubide eta askatasunen gaineko arauak Konstituzioan. Oinarrizko eskubideak babestu eta bermatzeko araudia. Etetea.

2. gaia.- Euskal Autonomia Erkidegoko Autonomia Estatutua. Euskal Autonomia Erkidegoaren eskumenak. Euskal Autonomia Erkidegoko botereak.

3. gaia.- Eusko Jaurlaritza: osaera eta funtzionamendua. Lehendakaria: estatutua, izendapena, eskumenak, kargu-uztea eta ordezkapena.

4. gaia.- Euskararen ofizialtasunari buruzko araudia Euskal Autonomia Erkidegoan. Oinarrizko esparru juridikoa: Espainiako Konstituzioa, Autonomia Estatutua eta azaroaren 24ko 10/1982 Oinarrizko Legea, euskararen erabilera normalizatzeari buruzkoa.

5. gaia.- Euskadiko kultura politikak. Oinarrizko esparru juridikoa: Espainiako Konstituzioa, Autonomia Estatutua eta Lurralde Historikoei buruzko Legea.

6. gaia.- Etxepare Euskal Institutua / Basque Institute sortzeko Legea eta hura garatzeko araudia.

7. gaia.- Europar Batasuna. Erakundeak eta organoak. Europako Kontseilua.

8. gaia.- Erkidegoko zuzenbidea: funtsezko ezaugarriak. Subsidiariotasunaren printzipioa.

9. gaia.- NBE: alderdi orokorrak. Nazio Batuen erakunde espezializatuak: Unesco.

10. gaia.- Euskadiko kanpoko ekintza: lege-esparrua, antolaketa eta jarduteko arloak.

11. gaia.- Euskadiren parte hartzea EBeko erakunde eta organoetan.

12. gaia.- Euskararen ezagutza eta erabilera EBean.

13. gaia.- Euskadi eta mugaz gaindiko lankidetza.

14. gaia.- Kanpoan dauden euskal erkidegoak.

15. gaia.- Intereseko gune nagusienak eta Euskadik kanpoan dituen harremanak.

16. gaia.- Administrazio egintza: ekoizpena, edukia, motibazioa eta forma. Administrazio egintzen legezkotasunaren presuntzioa. Administrazio egintzaren eraginkortasuna. Administrazio egintzen erabateko deuseztasuna, deuseztagarritasuna eta ezeztapena. Administrazioaren isiltasuna.

17. gaia.- Legea. Kontzeptua eta ezaugarriak. Lege motak. Lege Organikoa eta Lege Arrunta. Estatuko legeak eta autonomiako legeak. Araudia: erregelamendu-ahala. Legearen eta erregelamenduaren arteko erlazioa. Legezkotasun printzipioa.

18. gaia.- Administrazio prozedura: 30/1992 Legea, azaroaren 26koa, Herri Administrazioen Araudi Juridikoaren eta Administrazio Prozedura Erkidearena: printzipio orokorrak. interesdunak. Herritarren eskubideak. Administrazio prozedura: prozeduraren faseak.

19. gaia.- Herri administrazioen zerbitzuko langileak: tipologia. Langile publikoen eskubideak eta betebeharrak. Euskararen erabileraren normalizazioa herri administrazioan: printzipio orokorrak, hizkuntza-eskakizuna, hizkuntza-eskakizunak derrigorrezkoak diren ala ez.

20. gaia.- Herri administrazioen erantzukizuna. Ondare erantzukizuna. Erantzukizunaren ekintza. Herri administrazioaren zerbitzura dauden agintarien eta langileen erantzukizunak.

21. gaia.- 4/2005 Legea, otsailaren 18koa, emakumeen eta gizonen berdintasunerakoa. Xedea, aplikazio-eremua eta printzipio orokorrak.

22. gaia.- 15/1999 Lege Organikoa, abenduaren 13koa, datu pertsonalak babestekoa: helburua eta printzipioak. Otsailaren 25eko 2/2004 Legea, Titulartasun Publikoko Datu Pertsonalen Fitxategiei eta Datuak babesteko Euskal Bulegoa sortzeari buruzkoa. I. titulua, Datuak Babesteko Euskal Agentziaren eta Datuak Babesteko Erregistroaren eginkizunak.

23. gaia.- Euskadiko komunikabideen egoera.

24. gaia.- Erakundeen komunikazioa, erakundeko komunikazio bulegoen bitartekoen, eginkizunen eta antolaketaren bidez.

25. gaia.- Internet bidezko komunikazioa.

26. gaia.- Kanpoan hizkuntzak edota kulturak zabaltzen dituzten erakunde nagusiak (Instituto Cervantes, Instituto Ramón Llull, British Institute, Aliance Française, Goethe)

27. gaia.- Otsailaren 25eko 2/2004 Legea, Titulartasun Publikoko Datu Pertsonalen Fitxategiei eta Datuak babesteko Euskal Bulegoa sortzeari buruzkoa. I. titulua, Datuak Babesteko Euskal Agentziaren eta Datuak Babesteko Erregistroaren eginkizunak.

28. gaia.- Euskararen ofizialtasunari buruzko araudia Euskal Autonomia Erkidegoan. Oinarrizko esparru juridikoa: Espainiako Konstituzioa, Autonomia Estatutua eta azaroaren 24ko 10/1982 Oinarrizko Legea, euskararen erabilera normalizatzeari buruzkoa.

29. gaia.- Euskararen Erabilera Sustatzeko IV. Plan Orokorra: helburu nagusia, helburu estrategikoak eta helburu bereziak.

30. gaia.- 86/1997 Dekretua, apirilaren 15ekoa, Euskal Autonomia Erkidegoko herri administrazioetan euskararen erabilera normalizatzeko prozesua arautzen duena.

31. gaia.- 2006ko inkesta soziolinguistikoa. Euskararen bilakaerari, erabilerari eta sustapenari buruzko jarrerak.

32. gaia.- Kalitatearen kudeaketa. EFQM ereduaren oinarrizko printzipioak.

33. gaia.- 2007. urtera arteko Kulturaren Euskal Plana, 2015. urtera arteko oharrak emanez: eginkizuna eta norabide nagusiak, baterako pentsamendu estrategikoa, antolaketaren gaineko alderdiak eta jarduteko ildoen eta ekintzen identifikazioa.

34. gaia.- Euskal Herrian 2007-2008 aldian izan diren kulturako ohituren, jardunen eta kontsumoaren gaineko estatistika: emaitza nagusiak.

35. gaia.- XXI. mende hasierako hizkuntza politikarako oinarriak. Itun berria egitea.

36. gaia.- Hizkuntza politikaren etorkizuna. Hizkuntza Politikarako Sailburuordetzaren 2005-2009 proiektua.

III. ERANSKINA

Plaza bat: Euskara sustatzeko eta zabaltzeko arloko arduraduna.

1.- Plazaren ezaugarriak:

- Lanpostua: Euskara sustatzeko eta zabaltzeko arloko arduraduna; kodea: EL10451; hornidura: 1; ordainsari-maila: 15, EAEko Administrazio Orokorreko lan-kontratuko langileen hitzarmenean (70.863,85 euro gordin urtean).

- Destinoa: Donostia-San Sebastián.

2.- Xedea eta eginkizunak.

2.1.- Xedea:

Euskara bultzatu eta zabaltzeko esparruan planak, programak eta azterlanak egitea eta arlo horretako ikerketak zuzentzea. Gainera, jarduera horiek ebaluatuko ditu, eta horretarako beharrezkoak diren irizpideak ezarriko. Hori guztia egiteko, aipatutako jarduera horiek kudeatu eta horietan parte hartzen duten erakundeak aholkatuko ditu.

2.2.- Eginkizun nagusiak:

• Euskara unibertsitateetan eta mundu osoko beste zentro batzuetan erabili, aztertu eta ikasi dadin sustatzea.

• Mundu osoan zehar euskara hitz egiten duten erkidegoetan euskara ikasi dadin sustatzea.

• Kanpoan euskara aztertzeko beharrezkoak diren giza baliabideak, hizkuntza-baliabideak eta baliabide didaktikoak ematea.

• Euskara bigarren hizkuntza moduan irakasten espezializatuta dauden irakasleak treba daitezen bultzatzea.

• Euskara nazioartean egon dadin sustatzea. Horretarako, hizkuntzak zabaltzeko helburuarekin egiten diren azoka eta erakusketetan parte hartuko da.

• Gaztelania, katalana eta galegoa kanpoan bultzatu eta zabaldu nahi dituzten beste erakunde batzuekin batera koordinatzea euskara sustatzeko jarduerak.

• Euskara sustatzeko jarduerak koordinatzea beste herri administrazio edo erakunde batzuekin, batez ere euskara duten gainerako lurraldeetakoekin, baldin eta haien xedea euskara bultzatzea bada.

• Euskara normalizatzen diharduten erakundeekin lankidetza egonkorra mantentzea.

• Unibertsitateekin eta beste erakunde batzuekin hitzarmenak edota akordioak gauzatzea, euskara kanpoan zabaltzeko eta euskaraz sor dadin bultzatzeko.

• Euskararen sustapen orokorrerako jarduerak gauzatzen dituzten erakunde publiko eta pribatuei diru-laguntzak ematea kudeatzea.

• Euskara kanpoan zabaltzeko ekintzak egin daitezen sustatzea. Horretarako, sare telematikoak, informazioaren eta komunikazioaren teknologiak eta gizarteko komunikabideak erabiliko dira.

3.- Deialdian parte hartzeko baldintzak:

3.1.- Titulazioa: unibertsitateko lizentziatura.

3.2.- Euskara: 3. hizkuntza eskakizuna.

Derrigortasun data: 2009-03-31.

3.3.- Berariazko ezagutzak:

Ingelesaren menderatze operatibo eraginkorra izan behar da (C1).

4 urteko esperientzia antzeko eginkizunetan.

4.- Hautaketa-prozesua.

Oposizio-lehiaketa izango da hautaketa-prozedura.

4.1.- Oposizio-fasea.

Oposizio-fasean bi ariketa egin beharko dira nahitaez, eta hautagaiak baztertzeko erabiliko dira:

4.2.- Euskara-proba eta honen balorazioa.

4.3.- Lehiaketa-fasea.

Lehiaketa-faseko kalifikazioa merezimenduengatik lortutako puntuen batura izango da, baremo honen arabera:

a) Esperientzia: Gehienez ere 18 puntu lor daitezke.

b) Tituluak.

Espezialitateko, graduondoko edo deitu den lanpostuarekin zerikusia duen beste titulu ofizial baliokide bat: 3 puntu gehienez.

c) Hizkuntzak.

Gehienez ere zortzi (8) puntu emango dira, betiere baremo honen arabera:

• Ingelesa:

- C2 mailako ezagutza (Maisutza): 6 puntu.

• Frantsesa:

- C2 mailako ezagutza (Maisutza): 6 puntu.

- C1 mailako ezagutza (Menderatze Operatibo Eraginkorra): 4 puntu.

• Alemana:

- C2 mailako ezagutza (Maisutza): 6 puntu.

- C1 mailako ezagutza (Menderatze Operatibo Eraginkorra): 4 puntu.

d) Ikastaroak.

Deitutako lanpostuarekin zerikusia duten trebakuntza eta hobekuntza ikastaroak: 2,5 puntu gehienez.

EUSKARA SUSTATZEKO ETA ZABALTZEKO ARLOKO ARDURADUNAREN LANPOSTUA BETETZEKO HAUTAPEN-PROZESUKO EPAIMAHAIKO KIDEAK

Epaimahaiburua: Joseba Erkizia Itoitz

Ordezko epaimahaiburua: Araceli Díaz de Lezana Fernández de Gamarra

1. epaimahaikidea: Román Valentín Berriozabal Azpitarte

1. epaimahaikidearen ordezkoa: Joseba Lozano Santos

2. epaimahaikidea: Pedro Álvarez Mingo

2. epaimahaikidearen ordezkoa: Mikel Olaziregi Martínez de Ilarduia

3. epaimahaikidea: Gema González de Txabarri Miranda

3. epaimahaikidearen ordezkoa: Gotzon Egia Goienetxea

4. epaimahaikidea: Eneko Oregi Goñi

4. epaimahaikidearen ordezkoa: Imanol Uriguen Garaizabal

Idazkaria: Ane Crespo Calvo

Ordezko idazkaria: Elene Etxezarreta Etxeberria

EUSKARA SUSTATU ETA ZABALTZEKO ARLOKO ARDURADUNA. GAIEN ZERRENDA

1. gaia.- 1978ko Konstituzioa. Printzipio orokorrak. Eskubide eta askatasunen gaineko arauak Konstituzioan. Oinarrizko eskubideak babestu eta bermatzeko araudia. Etetea.

2. gaia.- Euskal Autonomia Erkidegoko Autonomia Estatutua. Euskal Autonomia Erkidegoaren eskumenak. Euskal Autonomia Erkidegoko botereak.

3. gaia.- Eusko Jaurlaritza: osaera eta funtzionamendua. Lehendakaria: estatutua, izendapena, eskumenak, kargu-uztea eta ordezkapena.

4. gaia.- Europar Batasuna. Erakundeak eta organoak. Europako Kontseilua.

5. gaia.- Erkidegoko zuzenbidea: funtsezko ezaugarriak. Subsidiariotasunaren printzipioa.

6. gaia.- NBE: alderdi orokorrak. Nazio Batuen erakunde espezializatuak: Unesco.

7. gaia.- Euskadiko kanpoko ekintza: lege-esparrua, antolaketa eta jarduteko arloak.

8. gaia.- Euskadiren parte hartzea EBeko erakunde eta organoetan.

9. gaia.- Euskararen ezagutza eta erabilera EBean.

10. gaia.- Euskadi eta mugan zeharko lankidetza.

11. gaia.- Administrazio egintza: ekoizpena, edukia, motibazioa eta forma. Administrazio egintzen legezkotasunaren presuntzioa. Administrazio egintzaren eraginkortasuna. Administrazio egintzen erabateko deuseztasuna, deuseztagarritasuna eta ezeztapena. Administrazioaren isiltasuna.

12. gaia.- Legea. Kontzeptua eta ezaugarriak. Lege motak. Lege Organikoa eta Lege Arrunta. Estatuko legeak eta autonomiako legeak. Araudia: erregelamendu-ahala. Legearen eta erregelamenduaren arteko erlazioa. Legezkotasun printzipioa.

13. gaia.- Administrazio prozedura: 30/1992 Legea, azaroaren 26koa, Herri Administrazioen Araudi Juridikoaren eta Administrazio Prozedura Erkidearena: printzipio orokorrak. Interesdunak. Herritarren eskubideak. Administrazio prozedura: prozeduraren faseak.

14. gaia.- Herri administrazioen zerbitzuko langileak: tipologia. Langile publikoen eskubideak eta betebeharrak. Euskararen erabileraren normalizazioa herri administrazioan: printzipio orokorrak, hizkuntza eskakizuna, hizkuntza eskakizunak derrigorrezkoak diren ala ez.

15. gaia.- Herri administrazioen erantzukizuna. Ondare erantzukizuna. Erantzukizunaren ekintza. Herri administrazioaren zerbitzura dauden agintarien eta langileen erantzukizunak.

16. gaia.- 4/2005 Legea, otsailaren 18koa, emakumeen eta gizonen berdintasunerakoa. Xedea, aplikazio-eremua eta printzipio orokorrak.

17. gaia.- 15/1999 Lege Organikoa, abenduaren 13koa, datu pertsonalak babestekoa: helburua eta printzipioak.

18. gaia.- 2/2004 Legea, otsailaren 25ekoa, Datu Pertsonaletarako Jabetza Publikoko Fitxategiei eta Datuak Babesteko Euskal Bulegoa Sortzeari buruzkoa. I. titulua, Datuak Babesteko Euskal Agentziaren eta Datuak Babesteko Erregistroaren eginkizunak.

19. gaia.- Euskararen ofizialtasunari buruzko araudia Euskal Autonomia Erkidegoan. Oinarrizko esparru juridikoa: Espainiako Konstituzioa, Autonomia Estatutua eta azaroaren 24ko 10/1982 Oinarrizko Legea, euskararen erabilera normalizatzeari buruzkoa.

20. gaia.- Euskararen Erabilera Sustatzeko IV. Plan Orokorra: helburu nagusia, helburu estrategikoak eta helburu bereziak.

21. gaia.- 86/1997 Dekretua, apirilaren 15ekoa, Euskal Autonomia Erkidegoko herri administrazioetan euskararen erabilera normalizatzeko prozesua arautzen duena.

22. gaia.- 2006ko inkesta soziolinguistikoa. Euskararen bilakaerari, erabilerari eta sustapenari buruzko jarrerak.

23. gaia.- Kalitatearen kudeaketa. EFQM ereduaren oinarrizko printzipioak.

24. gaia.- 2007. urtera arteko Kulturaren Euskal Plana, 2015. urtera arteko oharrak emanez: eginkizuna eta norabide nagusiak, baterako pentsamendu estrategikoa, antolaketaren gaineko alderdiak eta jarduteko ildoen eta ekintzen identifikazioa.

25. gaia.- Euskal Herrian 2007-2008 aldian izan diren kulturako ohituren, jardunen eta kontsumoaren gaineko estatistika: emaitza nagusiak.

26. gaia.- XXI. mende hasierako hizkuntza politikarako oinarriak. Itun berria egitea.

27. gaia.- Hizkuntza politikaren etorkizuna. Hizkuntza Politikarako Sailburuordetzaren 2005-2009 proiektua.

IV. ERANSKINA

Plaza bat: Euskara sustatzeko eta zabaltzeko teknikaria.

1.- Plazaren ezaugarriak:

- Lanpostua: Euskara sustatzeko eta zabaltzeko teknikaria; kodea: EL10450; hornidura: 1; ordainsari-maila: 12, EAEko Administrazio Orokorreko lan-kontratuko langileen hitzarmenean (56.075,41 euro gordin urtean).

- Destinoa: Donostia-San Sebastián.

2.- Xedea eta eginkizunak.

2.1.- Xedea:

Euskara sustatu eta zabaltzeko planak eta programak prestatzea; horretarako, bidezkoak diren ebaluazio txostenak egingo dira eta plan eta programa horietan esku hartzen duten erakundeen kontsultak erantzungo dira.

2.2.- Eginkizun nagusiak:

• Laguntzak edota diru-laguntzak kudeatzea.

• Azterketen eta ikerketen jarraipena egitea.

• Arlo sektorialeko jarduerei buruz aholkuak ematea.

• Erakunde arteko jarduerak koordinatzea.

• Prestakuntza kudeatzea.

• Jardunari buruzko txostenak egitea.

• Planak eta programak kudeatzea.

• Kanpoan euskara ezagutzak frogatzen dituzten ziurtagiriak emateko probak antolatzea.

3.- Deialdian parte hartzeko baldintzak:

3.1.- Titulazioa: unibertsitateko lizentziatura edo diplomatura.

3.2.- Euskara: 3. hizkuntza eskakizuna.

Derrigortasun data: 2009-03-31.

3.3.- Berariazko ezagutzak:

Ingelesaren menderatze operatibo eraginkorra izan behar da (C1).

2 urteko esperientzia antzeko eginkizunetan.

4.- Hautaketa-prozesua.

Oposizio-lehiaketa izango da hautaketa-prozedura.

4.1.- Oposizio-fasea.

Oposizio-fasean bi ariketa egin beharko dira nahitaez, eta hautagaiak baztertzeko erabiliko dira:

4.2.- Euskara-proba eta honen balorazioa.

4.3.- Lehiaketa-fasea.

Lehiaketa-faseko kalifikazioa merezimenduengatik lortutako puntuen batura izango da, baremo honen arabera:

a) Esperientzia: Gehienez ere 18 puntu lor daitezke.

b) Tituluak.

Espezialitateko, graduondoko edo deitu den lanpostuarekin zerikusia duen beste titulu ofizial baliokide bat: 3 puntu gehienez.

c) Hizkuntzak.

Gehienez ere zortzi (8) puntu emango dira, betiere baremo honen arabera:

• Ingelesa:

- C2 mailako ezagutza (Maisutza): 6 puntu.

• Frantsesa:

- C2 mailako ezagutza (Maisutza): 6 puntu.

- C1 mailako ezagutza (Menderatze Operatibo Eraginkorra): 4 puntu.

• Alemana:

- C2 mailako ezagutza (Maisutza): 6 puntu.

- C1 mailako ezagutza (Menderatze Operatibo Eraginkorra): 4 puntu.

d) Ikastaroak.

Deitutako lanpostuarekin zerikusia duten trebakuntza eta hobekuntza ikastaroak: 2,5 puntu gehienez.

EUSKARA SUSTATZEKO ETA ZABALTZEKO TEKNIKARIAREN LANPOSTUA BETETZEKO HAUTAPEN-PROZESUKO EPAIMAHAIKO KIDEAK

Epaimahaiburua: Araceli Díaz de Lezana Fernández de Gamarra

Ordezko epaimahaiburua: Joseba Erkizia Itoitz

1. epaimahaikidea: Joseba Lozano Santos

1. epaimahaikidearen ordezkoa: Román Valentín Berriozabal Azpitarte

2. epaimahaikidea: Mikel Olaziregi Martínez de Ilarduia

2. epaimahaikidearen ordezkoa: Pedro Álvarez Mingo

3. epaimahaikidea: Gotzon Egia Goienetxea

3. epaimahaikidearen ordezkoa: Gema González de Txabarri Miranda

4. epaimahaikidea: Eneko Oregi Goñi

4. epaimahaikidearen ordezkoa: Imanol Uriguen Garaizabal

Idazkaria: Elene Etxezarreta Etxeberria

Ordezko idazkaria: Ane Crespo Calvo

EUSKARA SUSTATU ETA ZABALTZEKO TEKNIKARIA. GAIEN ZERRENDA