Euskal Herriko Agintaritzaren Aldizkaria

228. zk., 2008ko azaroaren 27a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizia Administrazioa

Gernika-Lumoko Lehen Auzialdiko 2 Zenbakiko Epaitegia

6610

EDIKTUA, segidako traktuari berriro ekiteko bideratutako 411/08 prozeduraren ondoriozkoa.

JAKINARAZPEN ZEDULA

Prozedura horretan ebazpena eman da. Honela dio, hitzez hitz:

Gernika-Lumoko (Bizkaia) Lehen Auzialdiko 2 zenbakiko Epaitegia.

Allende Salazar 9 - 48300 PK

IZO: 48.03.2-08/602075.

Prozedura: 411/08, traktuari berriro ekiteko jabari espedientea.

Gaia: segidako traktuari berriro ekitea.

Imanol Erkiaga Marques, Ana Maria Erkiaga Marques, Maria Milagros Erkiaga Markes eta Esperanza Erkiaga Markes.

Prokuradorea: Maria Cruz Celaya Ulibarri, Maria Cruz Celaya Ulibarri, Maria Cruz Celaya Ulibarri eta Maria Cruz Celaya Ulibarri.

PROBIDENTZIA

Epaia ematen duen epailea: Amaia Polo Perez.

Lekua: Gernika-Lumo (Bizkaia).

Eguna: bi mila eta zortziko azaroaren laua.

Maria Cruz Celaya Ulibarri prokuradoreak idazki hau, horri dagozkion agiriak eta ahalordea eta kopia aurkeztu ditu. Horiek jasota, izapideak egiteko onartu da, eta ondorengo finkaren segidako traktuari berriro ekiteko jabari-espedienteari ekingo zaio:

- Lekeitio hiribilduan, Narea kaleko 5.ean kokatuta dagoen lonja, ondoren zehazten den erregistroko deskribapena duena:

- Hirikoa: aipatu kaleko 5 zenbakiko etxearen sotoak 818 oin karratuko azalera du. Etxeak, Tomasa Ocamiz andrearen jaraunsleen beste etxe batekin egiten du muga iparraldetik.

- 69 zenbakiko finka gisa markatuta dago eta Markinako Jabetza Erregistroan -299 liburukia, 75 liburua, 224 folioa- inskribatuta.

Prokuradorea alderditzat hartuko da, Imanol Erkiaga Marques, Ana Maria Erkiaga Marques, Maria Milagros Erkiaga Markes eta Esperanza Erkiaga Markesen izenean eta ordez; hurrengo jakinarazpen eta eginbideak berari egingo zaizkio, aurkeztu duen ahalordearen indarrez eta autoetan testigantza jaso ondoren itzuli egingo zaio.

Bidal bekio aurkeztutako idazkia Ministerio Fiskalari, idazkiaren kopiak eta agiriak entregatuz eta dei egin bekie honakoei: Jose Antonio Goitiz Balunbururi erregistroko titular gisa, katastroan bere izenean finka duen pertsona gisa Ricardo Erquiaga Alcibarri, hamar eguneko epean espedientean agertu ahal daitezen, betiere zuzenbidez aldeko dutena alegatzeko; eta helbide ezezaguna dutenei ediktu bidez egingo zaie dei, Euskal Herriko Agintaritzaren Aldizkarian eta Epaitegiko iragarki-oholean argitaratuaz ediktuak.

Dei egin eskatutako inskripzioak kalterik egin diezaiekeen pertsonei -ez baitakigu nortzuk diren-, finkari dagokion udaleko iragarki-oholetan, epaitegikoan eta Euskal Herriko Aldizkari Ofizialean ediktuak argitaratuz. Horrela, hamar eguneko epean, espedientean agertu ahal izango dute, aipatu diren ondorioetarako. Halaber, Hipoteka Legeko 201.3 artikuluan xedatutakoaren arabera, finkaren gutxi gorabeherako balioa dela-eta, Bizkaian zabalkunde handienetakoa duten egunkarietako batean argitaratuko da.

Eman bitez aipatu ediktuak.

Inpugnatzeko modua: epaitegi honetan aurkeztu beharreko berraztertzeko errekurtso bidez; hala ere, inpugnatu arren, erabakitakoa bete egingo da. Errekurtsoa idatziz aurkeztu beharko da, bost egun balioduneko epean, jakinarazpena egin eta hurrengo egunetik hasita, eta errekurtsogilearen iritziz izandako arau-haustea zehaztu beharko da. Betekizun horiek betetzen ez badira, ez da errekurtsoa onartuko (PZLb-ren 451. eta 452. artikuluak).

Epaileak ebatzi eta sinatu du. Fede ematen dut.

Epailearen sinadura. Idazkariaren sinadura.

Jose Antonio Goitiz Balunburu eta Ricardo Erquiaga Alcibar non dauden ez dakigunez ez eta inskripzioak kalte egin diezaiekeen pertsonak nortzuk diren eta non dauden ere, ediktu hau egin dut, jakinarazpen-zedularen balioa izan dezan.

Gernika-Lumo (Bizkaia), 2008ko azaroaren 4a.

IDAZKARIA.