RSS
185. zk., 2008ko irailaren 29a, astelehena
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Agintariak eta Langileria
Zarauzko Udala
5427
ERABAKIA. Zarauzko Udaleko Udaltzaingoari atxikitako lehen-mailako udaltzainen hiru lanpostu merezimendu-lehiaketa bidez betetzeko oinarriak eta deialdia onartzen dituena.
Alkatetzaren 2008ko abuztuaren 28ko ebazpena:
Ekonomia, Ogasun eta Barne Araubide Batzordeak 2008ko uztailaren 21ean egindako bilkuran onartutako proposamena ikusita
ERABAKI DUT:
Lehenengoa.– Udal honetako funtzionarioen plantillan hutsik dauden lehen-mailako udaltzainen hiru lanpostu merezimendu-lehiaketa bidez betetzeko probak arautuko dituzten oinarri bereziak onartzea.
Bigarrena.– Dagokion deialdia egitea.
Zarautz, 2008ko abuztuaren 29a.
JARDUNEKO ALKATEA.
ZARAUZKO UDALEKO UDALTZAINGOARI ATXIKITAKO LEHEN-MAILAKO UDALTZAINEN HIRU LANPOSTU MEREZIMENDU-LEHIAKETA BIDEZ BETETZEKO DEIALDIA
I.– Deialdiaren xedea eta parte hartzeko bete beharreko baldintzak.
1.– Deialdi honen xedea da Zarauzko Udaleko Udaltzaingoari atxikitako lehen-mailako udaltzainen hiru lanpostu, gaur egun hutsik daudenak, merezimendu-lehiaketa bidez betetzea, Euskal Herriko Polizia Kidegoetako Funtzionarioen Lanpostuen Hornidurari buruzko araudia onartzen duen abenduaren 22ko 388/1998 Dekretuak xedatutakoarekin bat etorriz.
Deitutako lanpostu-kopurua handitu daiteke, baldin hautaketa-prozesu hau bukatu aurretik beste lanposturen bat hutsik geratzen bada (praktiketako funtzionarioak izendatzeko kalifikazio-epaimahaiak proposatuta), Euskal Herriko Poliziaren hautespen- eta prestakuntza-araudia onartzen duen uztailaren 19ko 315/1994 Dekretuaren 40.2 artikuluan xedatutakoarekin bat etorriz.
Deitutako lanpostu-kopurua baino izangai gehiagok gainditzen badituzte ariketa baztertzaileak, izangai horien zerrenda gorde egingo da, postu berdin edo antzekoetarako lanpostu ez-iraunkorrak sortzen direnean erabili ahal izateko.
2.– Lanpostuen ezaugarriak:
Plaza: Administrazio Bereziko Zerbitzu Berezien azpieskala. Lehen-mailako udaltzaina.
Lanpostua: Lehen-mailako udaltzaina.
Taldea: C2.
Maila: 15.
Hizkuntza-eskakizuna: 2.a, derrigorrezkoa.
– Zereginak: indarrean dagoen Eginkizunen Zerrendan finkatutakoak.
3.– Deialdi honetan Euskal Herriko Polizia Kidegoetako karrerako funtzionarioek har dezakete parte, baldintzak betetzen badituzte; bai Ertzaintzakoek bai Udaltzaingokoek, indarrean dagoen Lanpostuen Zerrendan ezarritakoarekin bat etorriz.
Funtzionario horiek C2 sailkapen-taldekoak izan behar dute eta Lehen-mailako Udaltzain kategoriakoak, urriaren 18ko 403/1994 Dekretuak, alde batetik Euskal Herriko Polizia Kidego ezberdinetako mailen arteko baliokidetasunak eta bestetik maila horietako lanpostuak betetzeko jatorrizkoa ez den kidegoetan eskatzen den heziketa maila finkatzen dituenak, 4. artikuluan ezarritakoa betez.
Deialdi honetan parte hartzeko, ezinbestekoa izango da gutxienez bi urte pasatuta izatea jatorrizko lanpostua jabetzan hartu zenetik. Nolanahi, denbora-muga hori ez zaie aplikatuko behin-behineko atxikipena duten izangaiei, baldin atxikipen hori beste lanpostu bati uko egin izanaren ondoriozkoa ez bada, 4/1992 Legearen 70.2.c) artikuluan ezarritakoaren arabera.
Egoera hauetan dauden karrerako funtzionarioek har dezakete parte deialdian: zerbitzu aktiboan, zerbitzu berezietan, haurrak zaintzeko eszedentzian edo 4/1992 Legeak, Euskal Herriko Poliziari buruzkoak, 82.1 artikuluan aurreikusitako eszedentzian daudenak, eta Lege horrek berak 89.2 artikuluan ezartzen duen eran, zerbitzu aktiboan berriz hasi direnak.
Halaber, parte hartu ahal izango dute -eta, hala, prozedura honen bidez, zerbitzu aktiboari berriz ekin- honako egoeran dauden funtzionarioak: nahitaezko eszedentzian daudenak, beste Herri Administrazio batzuetan zerbitzuan daudenak, edo 4/1992 Legearen 63. artikuluak xedatzen duen moduan birgaitu dituztenak, bai eta sei hilabetetik gora lan gabe utzi diren funtzionarioak eta borondatez eszedentzia hartu duten gainerakoak ere, betiere egoera horietarako finkatuta dagoen denboraldia beteta badute.
Aldiz, ezingo dute deialdi honetan parte hartu 190/2004 Dekretuak, Euskal Herriko Administrazioetako funtzionarioen lanpostuak hornitzeko araudia onartzen duenak, 10.3 artikuluan zerrendatutako egoeretan dauden funtzionarioek, ez eta Euskal Herriko Poliziaren Zehapen Araubidearen 15. artikuluak agintzen duenaren arabera, lekualdatzeko zehapena jaso duten funtzionarioek ere.
Bestalde, ezingo dute deialdian parte hartu gutxieneko egonaldiko epe berezia duen lanpostu bati atxikitako funtzionarioek, non eta abenduaren 22ko 388/1998 Dekretuak 5. artikuluko 3. atalean zehaztutako kasuren bat gertatzen ez bada.
Izangaiek BTP gida-baimena izan behar dute, ibilgailu ofizialak gidatzeko baimena ematen duena.
4.– Parte hartzeko baldintza guztiak eta lanpostuan aritzeko betebeharrak betetzeko erreferentzia-data eskabideak aurkezteko epea bukatzen denekoa izango da.
II.– Eskabideak aurkeztea.
1.– Lehiaketa honetan parte hartzeko eskabideetan, izangaiek deitutako lanpostua betetzeko ezaugarriak betetzen dituztela adierazi beharko dute. Eskabideak Udalbatzako alkate-batzarburuari zuzenduko zaizkio, Zarauzko Udaleko Erregistro Orokorrean edo Administrazio Jardunbide Erkidearen 30/1992 Legeak 38.4 artikuluan zehazten dituen lekuetan aurkeztuta. Baldin eta eskabideak postaz bidaltzen badira, kartazala irekita eraman behar da postetxera, han, ziurtatu aurretik, eskabideak zigilatu eta data ditzaten.
Interesdunek, parte hartzeko eskabideaz gain, honako dokumentu hauek ere aurkeztu beharko dituzte:
a) NANaren fotokopia.
b) Baloratuko diren merezimenduen ziurtagiriak. Prestakuntza- eta hobekuntza-ikastaroak zein titulu akademiko ofizialak egiaztatzeko, prestakuntza eman duen erakundeak egindako ziurtagiriak aurkeztu beharko dira, parte hartzeko eskabidearekin batera.
c) 2. hizkuntza-eskakizunaren ziurtagiria, euskararen azterketa egin beharrik ez izateko.
d) BTP karnetaren fotokopia.
2.– Eskabideak aurkezteko epea 15 egun baliodunekoa izango da, deialdiaren iragarkia Euskal Herriko Aldizkari Ofizialean argitaratu eta hurrengo egunetik kontatzen hasita.
III.– Izangaiak onartu edo baztertzea.
1.– Alkate-batzarburuak, ebazpen bidez, onartu eta baztertuen behin-behineko zerrendak onartuko ditu. Zerrenda horiek udaletxeko iragarki-taulan jarriko dira ikusgai eta izangaiek 10 egun balioduneko epea izango dute erreklamazioak aurkezteko.
2.– Behin-behineko zerrenda horiek behin betikoak izango dira erreklamaziorik aurkezten ez bada. Aldiz, erreklamaziorik izanez gero, ebazpen bidez baietsi edo ezetsiko dira eta behin betiko zerrendak onartuko dira. Behin betiko zerrendak ere iragarki-taulan jarriko dira ikusgai.
IV.– Hautaketa Batzordea.
1.– Hautaketa Batzordeak honako kide titular eta ordezkari hauek izango ditu:
Batzordeburua:
– Udaltzaingoko ofizialordea.
Batzordekideak:
– Euskal Herriko Polizia Akademiaren ordezkari arituko den teknikaria.
– Zarauzko Udaleko lehen-mailako udaltzain bat.
Idazkaria:
– Udaleko idazkari nagusia edo bere ordez izendatzen duen funtzionarioa.
IVAPeko ordezkari bat ere izendatuko da, euskara gaitasunaren proba egiteko.
2.– Herri Administrazioen Araubide Juridikoaren eta Administrazio Prozedura Erkidearen Legeak 28. eta 29. artikuluetan finkatzen dituzten parte ez hartze eta errefusatze kasuak aplikatuko zaizkie batzordekideei.
3.– Hautaketa Batzordeari egokituko zaio oinarri hauek ulertzerakoan sor daitezkeen zalantza eta kontu guztiak argitzea, bai eta prozesua behar bezala joan dadin hartu beharreko akordio guztiak hartzea ere, aplikatzekoa den lege-araubidean edo oinarri hauetan aurreikusi ez den guztirako. Hautaketa Batzordearen akordioen kontra errekurtsoak jar daitezke, administrazio-prozedura arautzen duen legeriak agintzen duen moduan.
4.– Batzordeak aukera izango du bere lanerako aholkulariak edo enpresa espezializatuak hartzeko, ariketaren baterako beharrezko ikusten baditu. Aholkulari horiek, dena den, beren espezialitate teknikoetan lagundu besterik ez dute egingo.
V.– Lehiaketa.
1.– Lehiaketa honek bi fase izango ditu. Lehenengoan, oinarri hauetako I. eranskinean adierazitako merezimendu orokorrak baloratuko dira, eta bigarrengoan, ordea, II. eranskineko ariketak (merezimendu espezifikoak) egin beharko dira.
2.– Eskabideak aurkezteko epe amaiera izango da merezimenduak baloratzeko erreferentzia-data, eta parte hartzeko eskabidearekin batera aurkeztu beharreko dokumentu bidez egiaztatuko dira. Balorazio-prozesuan izangaiei azalpenak edo, kasuan kasu, dokumentazio osagarria eskatu ahal izango zaie, alegatutako eta, kasuan kasu, egiaztatutako merezimenduak frogatzeko.
3.– Izangai bakoitzak ebaluatuko den kontzeptu edo ariketa bakoitzean jasotako puntuak eta lortutako azken puntuazioa aktan jaso beharko dira. Akta horretarako egingo da eta batzordeko idazkariak sinatu beharko du eta batzordeburuak ikus-onetsi. Baldin eta merezimenduen azken puntuazioan berdinketa badago, merezimendu espezifikoen bigarren proban puntuazio handiena lortu duena hartuko da kontuan berdinketa desegiteko.
4.– Deialdiko bi faseak amaitzen direnean, batzordeak zehaztuko du, deitutako postuen arabera, hautaketa-prozesua gainditu duten izangaien zerrenda, lortu duten azken puntuazioaren arabera ordenatuta. Ondoren, ebazpen-proposamena egin eta Alkatetzara bidaliko du.
Deialdi honetan parte hartzeko baldintzak eta deitutako lanposturako lana egiteko baldintzak betetzen dituztela frogatu ondoren, alkateak deialdia erabakita utziko du ebazpen bidez. Ebazpena Gipuzkoako Aldizkari Ofizialean argitaratuko da.
VI.– Esleipena.
1.– Deialdi honetako lanposturen bat esleitzen bada, horrek aurreko lanpostua uztea ekarriko du, 190/2004 Dekretuaren 22. artikuluan agintzen den moduan. Prozedurari amaiera emango dion ebazpenean, aurreko lanpostua utzi eta berria jabetzan hartzeko data bera jarri ahal izango da langile esleipendun guztientzat, baldin polizia-zerbitzua antolatzeko egoki ikusten bada.
2.– Esleitutako destinoek borondatezko izaera izango dute; hortaz, ez dute inolako kontzepturen izenean kalte-ordainik jasotzeko eskubiderik sortuko.
VII.– Aplikatzekoa den araudia.
Oinarri hauetan zehaztu ez den guztirako ondorengoek xedatutakoa jarraituko da: 4/1992 Legea, uztailaren 17koa, Euskal Herriko Poliziari buruzkoa; 388/1998 Dekretua, abenduaren 22koa, Euskal Herriko Polizia Kidegoetako funtzionarioen Lanpostuak Hornitzeko Araudia onartzen duena; 190/2004 Dekretua, urriaren 13koa, EAEko Herri Administrazioetako funtzionarioen Lanpostuak Hornitzeko araudia onartzen duena; eta aplika daitezkeen gainerako araudiak.
I. ERANSKINA
MEREZIMENDU OROKORRAK
Ondoren zehaztuko diren merezimenduak soilik baloratu eta kalifikatuko dira, merezimendu bakoitzerako finkatutako baremoaren arabera. Fase honetan gehienez ere 50 puntu lortu ahal izango dira.
1.– Egindako lanaren balorazioa:
Gehienez ere 30 puntu emango dira: 3 puntu urte oso bakoitzeko, edozein Herri Administrazioren mendeko Oinarrizko Eskalan Lehen-mailako Udaltzain lanpostuetan jarduneko zerbitzuan aritutako denbora. Zerbitzuan aritutako denbora kontatzerakoan zenbatu egingo dira karrerako funtzionario izendatu aurretiko praktikaldian egindako zerbitzuak ere.
2.– Euskal Herriko Polizia Ikastetxean edo zentro baliokideren batean Oinarrizko Eskalakoentzat deitutako prestakuntza- eta espezializazio-ikastaroak, behar bezala gainditutakoak:
Gutxienez 20 orduko espezializazio-ikastaroak, Trafiko, Bide Segurtasun edota Atestatuen arloekin zuzenean lotutakoak: 2 puntu gainditutako ikastaro bakoitzeko.
Gutxienez 200 orduko espezializazio-ikastaroak, Trafiko, Bide Segurtasun edota Atestatuen arloekin zuzenean lotutakoak: 20 puntu gainditutako ikastaro bakoitzeko.
Ikastaroen balorazioa hurrenez hurren haztatuko da aurreko baremoaren arabera.
Atal honetan gehienez 20 puntu lortu ahal izango dira.
Inola ere ez dira baloratuko deialdian parte hartzeko edota dagozkien eskala edo kategoriak lortzeko derrigorrez eskatzen diren ikastaroak.
II. ERANSKINA
MEREZIMENDU ESPEZIFIKOAK (ARIKETAK)
Fase honetan gehienez 30 puntu lortu ahal izango dira.
Ondorengo ariketak egiteko, izangaiek kirol arropa egokia jantzita azaldu beharko dute.
– 1. ariketa (derrigorrezkoa eta ez baztertzailea): abdominalak.
1.– Ahoz gora etzanda, hankak elkartuta eta erdiflexionatuta, eskuak garondoaren atzean gurutzatuta, eta oinak oholeko kalapiean lotuta dituztela.
2.– Izangaia esertzen da eta, gorputz-enborra ezkerrera biratuta, eskuineko ukondoaz ezkerreko belauna ukituko du.
3.– Hasierako posiziora itzuli.
4.– Izangaia esertzen da eta, gorputz-enborra eskuinera biratuta, ezkerreko ukondoaz eskuineko belauna ukituko du.
5.– Hasierako posiziora itzuli.
Minutu batez arituko dira eta ongi egindako errepikapenak kontatuko dira.
– 2. ariketa (derrigorrezkoa eta ez baztertzailea): 1.000 metro korrika.
Irteerako posizioa zutikakoa: aurreko hankak irteerako lerroa ukituko du.
– 3. ariketa (derrigorrezkoa eta baztertzailea): igeriketa
Izangaiek 100 m egin behar dituzte igerian, estilo librean, gehienezko denborarik gabe, uretatik abiatuta, eta ezingo dute kortxo-ilaran edo igerileku ertzean sostengatu edo abiada hartu.
Gizonezkoak
Hombres Emakumezkoak
Mujeres
Nota
Nota Abdominalak
Abdominales 1.000 m
1.000 m 100 m libre
100 m libres Abdominalak
Abdominales 1.000 m
1.000 m 100 m libre
100 m libres
10 65 3´15” 1´30” 65 4´10” 1´35”
9 61-64 3´20” 1´35” 61-64 4’15” 1´40”
8 57-60 3´25” 1´40” 57-60 4’20” 1´45”
7 53-56 3´30” 1´45” 53-56 4’25” 1´50”
6 49-52 3´37” 1´50” 49-52 4’32” 1´55”
5 45-48 3´45” 1´55” 45-48 4´45” 2´00”
4 41-44 3´50” 2´00” 41-44 4’50” 2´05”
3 36-40 3´55” 2´05” 36-40 4’55” 2´10”
2 32-35 4´00” 2´10” 32-35 5’00” 2´15”
1 27-31 4’05” 2´15” 27-31 5’05” 2´20”
0 26/gutxiago
26/menos 4’10”/gehiago
4’10”/más 2´20”/gehiago
2´20”/más 26/gutxiago
26/menos 5’10”/gehiago
5’10”/más 2´25”/gehiago
2´25”/más
