Euskal Herriko Agintaritzaren Aldizkaria

Euskal Autonomia Erkidegoko Ogasun Nagusiaren Dirubilketa Erregelamendua onartzen duen abuztuaren 31ko 212/1998 Dekretuaren 53. artikuluan xedatutakoren arabera, eta Zergei buruzko abenduaren 17ko 58/2003 Legearen 109. artikuluari eta hurrengoei dagokionez, eta birritan ahalegindu arren, ezinezko izan da interesdunari jakinarazpena egitea administrazio honi egotz ezin zaizkion arrazoiengatik; hori dela eta, iragarki honen bidez jakinarazten dira jakinarazi gabe dauden egintzak, eta interesdunak eta prozedura ere jarraian zehazten dira.

Ondorioz, dei egiten zaie interesdunei edo horien legezko ordezkariei -behar bezala egiaztatuak direla-, jakinarazpena jasotzeko ager daitezen, Eusko Jaurlaritzako Nahitaezko Diru Bilketako bulegoetan, egutegiko 15 eguneko epean, iragarki hau Euskal Herriko Agintaritzaren Aldizkarian argitaratzen den egunaren biharamunetik aurrera. Ondoren adierazten dira bulegoen helbideak; ordutegia hau da: astelehenetik ostiralera 08:15etik 13:30era eta 15:00etatik 18:00etara.

Epe hori amaituta aurkeztu ez badira, agertzeko epea amaitzen den egunaren biharamunetik aurrera, eranskinean zehazten den baloreari dagokion premiamendu-probidentziaren jakinarazpena egintzat joko da, lege-ondorio guztietarako.

Halaber, jakinarazten da ordezkaritza emanez gero, Zergei buruzko abenduaren 17ko 58/2003 Legearen 45. eta 46. artikuluetan xedatutakoren arabera egin beharko dela.