RSS
13. zk., 2008ko urtarrilaren 18a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Bestelako Xedapenak
Ingurumen eta Lurralde Antolamendu Saila
350
EBAZPENA 2007ko irailaren 12koa, Ingurumen sailburuordearena, Fagor Ederlan, S.Coop enpresak Arrasateko (Gipuzkoa) Uribarri auzoan sustatu duen balazta-negoziorako burdinurtu plantarako ingurumeneko baimen bateratua emateko dena.
AURREKARIAK
2005eko uztailaren 22an, Carmen Iñurria Landeras andreak, Fagor Ederlan, S. Coop. enpresaren ordezkari denez eta haren izenean, Arrasateko (Gipuzkoa) Uribarri auzoan balazta-negoziorako burdinurtu planta baterako ingurumeneko baimen bateratua eskatu zuen Ingurumen eta Lurralde Antolamendu Sailean, Kutsaduraren Prebentzio eta Kontrol Integratuari buruzko uztailaren 1eko 16/2002 Legean xedatutakoaren arabera. Eskabidearekin batera, honako agiri tekniko hauek aurkeztu zituen:
– "Arrasateko (Gipuzkoa) balazta-negoziorako Uribarriko burdinurtu plantaren oinarrizko proiektua. Fagor Ederlan, S. Coop.". 2005eko uztaila.
– "Arrasateko (Gipuzkoa) balazta-negoziorako Uribarriko burdinurtu plantaren laburpen ez-teknikoa. Fagor Ederlan, S. Coop.". 2005eko uztaila.
Ingurumeneko baimen bateratua lortzeko eskaerarekin batera, proiektua Arrasateko hirigintza planeamenduarekin bateragarria dela adierazten duen Udalaren txostena aurkeztu du sustatzaileak.
Aipatutako baimena eskatu zen unean, Fagor Ederlan, S. Coop enpresak bazeukan Arrasateko Uribarriko instalaziorako jarduera-lizentzia; galdaketa jarduerarako 1999ko maiatzaren 7an eman zitzaiona. Era berean, alor horretan indarrean zegoen araudiari jarraituz, enpresa sustatzaileak beste honako baimenak era bazituen: Hondakin arriskutsuen sortzaile baimena, 2001eko ekainaren 20ko Ebazpen bidez eman zitzaiona; ibai-ibilgura isurketak egiteko baimena, 2005eko otsailaren 2ko Ebazpen bidez eman zitzaiona; eta atmosfera kutsa dezakeen instalazio izateagatik dagozkion ziurtagiriak, 2000ko abenduaren 4an eta 2003ko ekainaren 19an emanak.
Ingurumenaren Kalitatearen Zuzendaritzak txostenak eskatu zizkien prozeduran parte hartzen duten zenbait erakunderi 2005eko uztailaren 28an, Ingurumen Organoak proiektua eta proiektu horrek ingurumenean duen eraginaren gaineko azterlana jendaurrean jartzeko agindu zezan (Arrasateko Udala, Gipuzkoako Uren Kontsortzioa, Eusko Jaurlaritzako Osasun Saila, eta Industria, Merkataritza eta Turismo Saila).
Ingurumen Organoak agiri osagarriak eskatu zizkion sustatzaileari 2006ko urtarrilaren 26an; espedientea 2006ko urriaren 31n osatu zen.
Aurkeztutako agiriak nahikoa zirela egiaztatu ondoren, Ingurumen sailburuordeak 2006ko azaroaren 29an emandako Ebazpen bidez, jendaurrean jarri zen 30 egun baliodunen apean, Fagor Ederlan, S. Coop enpresak sustatutako proiektua, egoki iritzitako alegazioak aurkezteko, eta Euskal Herriko Agintaritzaren Aldizkarian nahiz Gipuzkoako Aldizkari Ofizialean argitaratu zen, bietan 2007ko urtarrilaren 3an. Era berean, Euskal Autonomia Erkidegoko bi egunkaritan argitaratu zen 2007ko urtarrilaren 7an eta proiektuak hartuko duen eremuaren ondoko auzokide bakoitzari jakinarazpena bidali zitzaien.
Jendaurreko informazioaren izapidea amaitu ondoren, alegazio-idatzi bat aurkeztu da Fagor Ederlan, S. Coop garatzen duen jardueraren ondorioz atmosferara egingo diren igorpenei, eta sor dezakeen zarata eta usainari buruz. Era berean, jendaurreko informazioaren izapide garaian hiru herritar aurkeztu ziren Arrasateko Udalean eta euren egonezina adierazi zuten jarduerak sortzen zuen zarata, leiho-ertzetan pilatzen zen hauts eta partikula mordoa eta galdaketako plantan erabiltzen zuren aminaren ondoriozko usainarengatik. I. eranskinean daude jasota organo honek gai horren gainean egin dituen oharrak.
Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 17. eta 18. artikuluetan xedatutakoa betez, 2007ko otsailaren 22an Ingurumenaren Kalitatearen Zuzendaritzak txostenak eskatu zizkien Arrasateko Udalari eta Eusko Jaurlaritzako Osasun Sailari espedientean ageri den emaitzarekin.
Joan den 2007ko ekainaren 5ean, Carmen Iñurria Landeras andreak, Fagor Ederlan, S. Coop enpresaren ordezkaria denez eta haren izenean, atmosferara igorpenak egiten dituzten beste hiru foku espedientean sartzeko eskatu zuen.
Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluari jarraituz, espediente osoa Fagor Ederlan, S. Coop. enpresaren esku jarri zen 2007ko uztailaren 19an; bertan zegoen Ingurumen eta Lurralde Antolamendu Sailak landutako Ebazpen-proposamena ere, enpresak egoki iritzitako agiri eta egiaztagiriak aurkezteko. Ingurumen eta Lurralde Antolamendu Sailean ez da sustatzailearen inolako jakinarazpenik jaso, horretarako ezarritako epean.
ZUZENBIDEKO OINARRIAK
Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 1. artikuluan xedatutakoaren arabera, lege horrek atmosferaren, uraren eta lurzoruaren kutsadura saihestea du helburu, edo hori ezinezkoa bada, kutsadura hori gutxitu eta kontrolatzea, kutsadura prebenitu eta kontrolatzeko sistema integratu bat ezarri eta ingurumen osoaren babes maila altua lortzeko.
Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 9. artikuluari jarraituz, ingurumeneko baimen bateratua behar dute 1. eranskinean aipatzen diren jardueraren bat garatzen duten instalazioak eraiki, muntatu, ustiatu, lekuz aldatu nahiz funtsezko beste aldaketaren bat egiteko. 11. artikuluaren arabera, baimen honen oinarrizko helburua baldintzak ezartzea da, araua, berau aplika daitekeen instalazio guztietan betetzen dela bermatzeko; horretarako, baimena emateko parte hartuko duten Herri Administrazio desberdinen artean koordinatuta izango den prozedura bat erabili nahi da, izapideak erraztu eta partikularrek ordaindu beharreko kargak gutxitzearren. Era beran, indarrean dagoen araudiaren araberako administrazio-baimen guztiak egintza administratibo bakar batean bildu nahi izan dira. Fagor Ederlan, S. Coop enpresak aurkeztu duen proiektuaren kasuan, baimen hauek guztiak behar ditu: hondakin arriskutsu eta ez arriskutsuen sortzaileak behar dituen baimenak; ibai-ibilgura isurketak egiteko baimena; ingurumen izaerako beste zehaztapenen artean, atmosferaren kutsadurari dagozkion baimenak; lurzoruaren kutsadura prebenitu eta hari aurre hartzeari dagozkionak.
Apirilaren 20ko 509/2007 Errege Dekretuaren, Kutsaduraren Prebentzio eta Kontrol Integratuari buruzko uztailaren 1eko 16/2002 Legea garatu eta burutzeko Erregelamendua onartzen duenaren, 3. artikuluan xedatutakoarekin bat eginez, baimen honetan sartzen dira ekoizpen-elementu eta lerroak; 16/2002 Legearen 1. eranskinean aipatzen ez diren arren, lege hori aplikatu beharreko esparruko jardueren instalazioetan gauzatzen direnak eta jarduera horrekin zerikusia dutenak.
Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 29. artikuluan xedatutakoaren arabera, Ingurumeneko Baimen Bateratua emateko prozedurak ordezten du jarduera sailkatuetarako udal lizentziaren prozedura, azaroaren 30eko 2414/1961 Dekretua, Jarduera Gogaikarri, Osasungaitz, Kaltegarri eta Arriskutsuen Erregelamenduan aurreikusten zena; ez du ordezkatzen ordea, udal agintaritzak emango duen behin betiko ebazpena. Ondorio horietarako, ingurumeneko baimen bateratua udal agintarientzat loteslea izango da baldin eta lizentzia ukatzeko bada edota neurri zuzentzaileak ezartzeko; baita goiko arauaren 22. artikuluan jasotako ingurumen alderdiei buruzko aipamena egiten bada ere. 29. artikulu horretan aipatzen denez, goiko guztiak ez ditu kaltetuko Autonomia erkidego bakoitzean, sailkatutako jarduerei aplika dakizkien gainerako arauak. Baldintza teknikoak aplikatuz, Fagor Ederlan, S. Coop enpresari dagokion ingurumeneko baimen bateratuak barne hartu ditu Euskal Autonomia Erkidegoko ingurumena babesteko otsailaren 27ko 3/1998 Lege Orokorrean aurreikusitako izapideak; horiez gain, espedientean sartu dira Arrasateko Udalaren eta Osasun Publikoko Gipuzkoako Zuzendariordetzaren txostenak.
Azkenik, instalazioak bota ditzakeen gai poluitzaileen emisioaren muga-balioak eta instalazioaren ustiaketarako bestelako baldintzak zehazte aldera, ingurumena bere osotasunean ongi babestuko dela bermatzeko, ebazpen hau egiterakoan kontuan hartu dira eskuragarri dauden teknikarik onenen erabilera eta sektoreko araudi aplikagarrian ezarritako neurriak eta baldintzak ere. Zehazki, galdaketa alorrerako aipatutako Europako Batzordearen Agiriaren (BREF) edukia izan da kontuan (Reference Document on Best Available Techniques in the Smitheries and Foundries Industry), 2005eko maiatzekoa.
Espedientean dauden agiriak eta aurkeztutako alegazioak aztertu ondoren (eranskinean doa alegazioen gaineko txostena), Ingurumen eta Lurralde Antolamendu Sailak Ebazpen-proposamena landu zuen, Fagor Ederlan, S. Coop. enpresak sustatutako proiektuari aplika dakizkiokeen baldintzak sartuta.
Goian adierazitako izapideak amaitu ondoren, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 20. artikuluan begiesten den entzunaldi-izapidea egin da.
Organo honek ingurumeneko baimen bateratua emateko eskumena du, aipatutako arauaren 13. artikuluari eta urriaren 25eko 340/2005 Dekretuaren, Ingurumen eta Lurralde Antolamendu Sailaren egitura organikoa ezartzen duenaren 9. artikuluari jarraituz.
Ondorengo araudia aztertu da: Ingurumen eta Lurralde Antolamendu Sailak 2007ko uztailaren 18an egindako Ebazpen-proposamena; Euskal Herriko Ingurumena babesteko otsailaren 27ko 3/1998 Lege orokorra; Kutsaduraren Prebentzio eta Kontrol Integratuari buruzko uztailaren 1eko 16/2002 Legea; urriaren 25eko 340/2005 Dekretuaren, Ingurumen eta Lurralde Antolamendu Sailaren egitura organikoa ezartzen duena azaroaren 26ko 30/1992 Legea, Herri-Administrazioen Araubide Juridikoaren eta Administrazio Prozedura Erkidearena; aplika daitekeen gainerako araudia.
EBATZI DUT:
Lehenengoa.– Eskoriatzako (Gipuzkoa) Gastañadui 42an helbidea izan eta IKF F-20025292 duen Fagor Ederlan, S. Coop. enpresari ingurumeneko baimen bateratua ematea, Arrasateko balazta-negoziorako Uribarrin duen burdinurtu-plantarako, Ebazpen honen bigarren atalean ezarritako baldintzak betez.
Jarduera uztailaren 1eko 16/2002 Legearen, Kutsaduraren Prebentzio eta Kontrol Integratuari buruzkoaren 1. eranskineko 2.4 kategorian dago sartuta: "metal burdintsuen galdaragintza, egunean 20 tona baino gehiago ekoizteko ahalmena duena".
Planta Arrasateko (Gipuzkoa) Uribarri auzoko A aldea-22ko lurzoruetan dago, Deba ibaiaren arroko Aramaio ibaiaren ondoan eta Legutiano eta Arrasate Aramaiotik elkartzen dituen GI-2620 errepidearen ondoan. Proiektuaren jarduera guztiak aipatutako lurzati horretan gauzatuko dira.
Jarduera nagusia burdinurtuarena da, ibilgailuen balaztak egiteko disko eta danborrak lortzeko urtu, arrak egin, hondarra prestatu, moldekatu eta akabatzeko prozesuaren bidez. Plantako ekoizpena 2005ean, balazta-negoziorako urtean 38.400 tona piezakoa izan zen.
Lehengaia (lingoteak, txapa-paketeak, txirbila eta erretornuak) parkean deskargatzen da eta ondoren garabi imanduna erabiliz siloetan gordetzen da. Hemendik lehengaia galdaketa-labeetara garraiatzeko erabiltzen diren kargako orgaren toberak betetzen dira. Kargako orgaren gehigarri-toberak ere betetzen dira (ferrosilizioa, ferromanganesoa eta grafitoa).
Galdaketako plantak hiru labe ditu. Horietatik bi materiala urtzeko erabiltzen dira (12,5 eta 8,25 Tn/orduko ahalmenekoak) eta hirugarrena, salda galdaketarako behar den tenperaturan mantentzeko (60 Tn).
Salda 2 t-ko koilara batera isurtzen da, eta orgatila batzuen bidez galdaketako unitateetaraino eraman eta bertara botatzen da. Galdaketa-unitatea salda tenperatura egokian mantendu eta banaketa neurtzen duen labea da.
Arrak egiteko hondarra, harrikatza, erretxina eta katalizadoreak erabiltzen dira. Nahastura maskorrean puzten da eta amina gaseatzen da erretxina azkartzeko. Moldeak bi makinatan fabrikatzen dira.
Galdaketa-unitatean pilatutako salda neurtuta isurtzen da, moldea betez. Desmoldekatzean hondarra eta piezak bereizten dira; hondarra berriro hondarreriaren zirkuitura itzultzen da eta piezak akaberako sekziora pasatzen dira; han hainbat prozesu (granailaketa, bizar-kentzea) eta kontroletan zehar igarotzen dira, bezeroak eskatzen duenaren arabera.
Urtzeko labeetatik egindako igorpenak txinpartak itzaltzeko ekipamendu multizikloniko batean eta mahuka-iragazkian tratatzen dira lehenik. Arrak egiteko prozesuetan amina-konposatuak igortzen dira. Horientzako bi xurgapen daude. Igorpenak aurrezikloi multzo batean zehar bideratzen dira; han partikula solidoak biltzen dira eta usainak berriz, irteerako tximinian usainak neutralizatzeko dagoen sisteman tratatzen dira. Hondarreriak eta moldekaketak bina xurgapen dituzte, mahuka-iragazki bidez lehorrean arazteko sistema. Granailatzeko makinek euren xurgapen propioa dute eta mahuka-iragazki bidez lehorrean zuzentzeko sistema.
Ur sanitarioak, industriako urak eta euri-urak Aramaio ibaiaren ibilgura isurtzen dira gaur egun saneamenduko sare bateratu batean zehar.
Sare bereizle bat egiteko asmoa dago, langileek higienean erabilitako hondakin-urak eta industriako uren isuriak: ioi-trukatzeko zutabeetako ura berritu eta garbitzen erabilitakoak, iragazkiak garbitzen erabilitakoak, purgatutako hozteko urak, konpresoreetako ura eta VIP dorreetako isuriak, saneamendu publikoko kolektore nagusira bideratzeko.
Ibai-ibilgura isuriko dira bakarrik euri-ur garbiak; urtean behin husten diren labeak eta konpresoreak hozteko zirkuituetako baltsak; eta lantegiaren mendebaldeko fatxadan dagoen maniobretarako zabalgunean kutsatutako euri-urak, azken horiek dekantazio-putzu batean tratatu ondoren.
Proiektuan, teknikarik onenen erabilera (TOE) gisa har daitezkeen honako neurriak sartu dira:
– Urtze prozesuko igorpenak nahiz moldekatu, hondarra prestatu eta akabatzeko prozesuetako fokuak, iragazketa lehorra izango dute.
– Xurgapenean sortutako finak hondarra prestatzeko prozesuan berrerabiliko dira moldeak egiten, eta aprobetxatu ez daitekeen soberakina bakarrik kudeatuko da.
– Isurbide, mazarota, muxarrakin eta akabatze-prozesu desberdinetako soberakinak urtzeko labean sartu eta prozesuan berrerabiltzen dira.
– Urtzeko labeetan sartzen den lehengaiaren % 30 inguru barne-erretornukoak dira.
Azkenik, arrak ekoizteari dagokionez, 2008. urtetik aurrera Markuleteko plantan ekoiztuko dira balazta-negoziorako behar dituzten ar guztiak. Beraz, alde horretatik, Fagor Ederlan, S. Coop. enpresak ez dauka galdaketa-plantan inolako neurri zuzentzailerik jartzeko asmorik.
Bigarrena.– Arrasaten (Gipuzkoa) Fagor Ederlan, S. Coop enpresak sustatuta, Uribarrin balazta-negoziorako burdinurtu-planta ustiatzeko honako baldintzak eta betebeharrak jartzea:
A) Fagor Ederlan, S. Coop. enpresak Administrazioarekiko harremanez arduratuko den goi mailako tituludun arduradunaren gainean Ingurumen Sailburuordetzari eman dizkion datuetan aldaketarik balego, aldaketa horien berri emango du.
B) Neurri babesle eta zuzentzaileak, sustatzaileak Ingurumen Sailburuordetza honetan aurkeztu dituen agirietan aurreikusita bezala burutuko dira, indarrean dagoen araudiaren arabera eta ondorengo ataletan ezarritakoari jarraituz:
B.1.– Airearen kalitatea babesteko baldintzak.
B 1.1. Baldintza orokorrak.
Fagor Ederlan, S. Coop. enpresaren planta ustiatzean atmosferara egingo diren igorpenak ez dituzte Ebazpen honetan ezarritako balioak gaindituko.
Prozesuan zehar atmosferara egiten den kutsatzaileen igorpen oro bildu eta ihesbide egokienean zehar kanpora bideratuko dira igorpenaren ezaugarrien arabera diseinatutako arazketa-sistema batetik igaro ondoren.
Arau orokor hau bete beharrik ez dute izango konfinatu gabeko igorpenak izan baina horiek biltzea teknikoki edo ekonomikoki bideragarria ez denean, edota ingurunean kalte urria eragiten dutela egiaztatzen duten igorpenak.
Neurriak hartuko dira ezbeharrez igorpenik gerta ez dadin, eta igorpenak giza osasunerako nahiz gizartearen segurtasunerako arriskutsuak izan ez daitezen. Atmosferara doazen efluenteak tratatzeko instalazioak behar bezala ustiatu eta mantenduko dira tenperatura aldaketari eta efluenteen konposaketa desberdinei ere aurre egin ahal izateko. Era berean, ahalik eta gehien murriztuko dira instalazio horiek gaizki dabiltzan edo geldirik dauden aldiak.
B.1.2.– Fokuak identifikatzea. Katalogatzea.
Fagor Ederlan, S. Coop. enpresaren instalazioak honako fokuak ditu, otsailaren 6ko 833/1975 Dekretuaren, Atmosferako ingurunea babesteko abenduaren 22ko 38/1972 Legea garatzeko denari jarraituz honela katalogatuta:
(Ikus .PDF)
B.1.3.– Gehienez igor daitekeen kutsatzaile-kantitatea.
Planta ustiatuko da atmosferara egiten diren igorpenak ondorengo balioak ez gainditzeko moduan:
(Ikus .PDF)
Igorpenen muga-balioak ezartzeko, sustatzaileak tximinien altuera kalkulatzeko erabili dituen parametro berberak erabili ditugu. Muga horiek bete egin beharko dira. Dena dela, neurketa-tolerantzia moduan onartuko da 1976ko urriaren 18ko Aginduaren, industriak atmosferan eragiten duen kutsadurari aurre hartu eta hori zuzentzeari buruzkoaren, 21. artikuluan adierazitakoa.
Igorpenen muga-balioak honako baldintzak beteko dituzte: 273 K -ko tenperatura eta 101,3 kPa-ko presioa eta gas lehorra.
B.1.4.– Gasak hartu eta hustea.
Fokuetako gas-hondarrak kanporatzeko tximiniek ez dute proiektuan jasota dagoen goreneko kota baino baxuagoa izango. Tximinietan behar beste neurri hartuko dira 1976ko urriaren 18ko Agindua, industriak atmosferan eragiten duen kutsadurari aurre hartu eta hori zuzentzeari buruzkoa, bete dezaten; besteak beste, laginak hartzeko puntuetara iristeko sarbide seguru eta errazak izango dituzte. Bereziki, laginak hartzeko aurreikusitako zuloen kokapena eta ezaugarriei dagokienez, laginketa-puntutik gas-fluxuak, bere norabidean zehar nahiz aurkakoan, neurketa-puntua baino lehen izan dezakeen edozein perturbazio-gunera bitarteko distantziak (L1 eta L2 parametroak) 1976ko urriaren 18ko Aginduaren III. eranskinean xedatutakoa beteko dute.
Era berean, neurketa eta irakurketa ofizialak aldez aurretik abisatu gabe egin daitezen beharrezko gutxienekoak izango dituzte (argindarra eta beste batzuk).
B.2.– Ibai-ibilgura isuriak egiteko baldintzak.
B.2.1.– Isurien jatorria eta kokapena.
Isuriak sortzen dituen jarduera nagusia: Ibilgailu motordunentzako osagai ez elektrikoak fabrikatzea.
Jarduera taldea: Metala.
JESN-Klasea-taldea-: 1-2-34.30
(Ikus .PDF)
B.2.2.– Gehienez isuri daitezkeen emari eta bolumenak.
a) 1. isuria: Maniobretako zabalguneko isurketa-urak:
Orduko emaria gehienez 40 l/s
Urtean gehinez: 2.970 m3
b) 2 eta 3 isuriak: Konpresoreak eta labeak hozteko zirkuituko urtegiko urak:
Orduko emaria gehienez 0,6 l/s
Egunean gehinez: 49 m3
Urtean gehinez: 147 m3
c) 4. isuria: Ur sanitarioak, hoztorre eta konpresoreen purgak, deskaltzifikatzaileak eta iragazkiak garbitzen erabilitako urak.
Orduko emaria gehienez 1,8 l/s
Egunean gehinez: 7,95 m3
Urtean gehinez: 1750 m3
B.2.3.– Gehienez igor daitekeen kutsatzaile-kantitatea.
Ibai-ibilgura egindako isurien kutsaduraren parametro karakteristikoak ondoren zerrendatzen direnak bakarrik izango dira, bakoitzarentzat ezarritako muga-balioetan:
a) 1. isuria: Maniobretako zabalguneko isurketa-urak.
Parametroak Gehienez igor daitekeen kutsatzaile-kantitatea
pH 5,5 eta 9,5 bitartean.
OEK 160 mg/l
Solido esekiak 80 mg/l
Olioak eta koipeak 20 mg/l
Burdina guztira 2 mg/l
Zn 3 mg/l
b) 2 eta 3 isuriak: Konpresoreak eta labeak hozteko zirkuituko urtegiko urak
Parametroak Gehienez igor daitekeen kutsatzaile-kantitatea
pH 5,5 eta 9,5 bitartean.
OEK 80 mg/l
Solido esekiak 35 mg/l
Olioak eta koipeak 20 mg/l
Burdina guztira 2 mg/l
Kloro-hondakin baliokidea 0,05 mg/l
P guztira 5 mg/l
AOX 0,5 mg/l
Zn 3 mg/l
d) 4. isuria: Ur sanitarioak, hoztorre eta konpresoreen purgak, deskaltzifikatzaileak eta iragazkiak garbitzen erabilitako urak.
Parametroak Gehienez igor daitekeen kutsatzaile-kantitatea
Tenperatura 45 ºC
pH 5,5 eta 9,5 bitartean.
Eroankortasuna 5000 µS/cm
Detergenteak 10 mg/l
Solido esekiak 600 mg/l
Olioak eta koipeak 100 mg/l
OEK 2.000 mg/l
N-NH3 40 mg/l (N)
P guztira 15 mg/l (P)
SO4 1.000 mg/l
Fenolak 5 mg/l
Fe 20 mg/l
Zn 3 mg/l
Kloro askea 0,5 mg/l
Toxikotasuna 25 equitox/m3
AOX 0,5 mg/l
Hozteko zirkuituetako urtegiko uren kalitatea egokitu egin beharko da zehaztutako mugak bete ditzan, batez ere OEK, solido eseki eta kloro-hondakin edukia.
Tenperatura. Ibaian beherako urak ez du 21,5 ºC-ko tenperatura gaindituko isurien eraginez.
Ezin dira diluzio-teknikak erabili igorpenen balio-mugak lortzeko.
Gainera, ingurune hartzailearen kalitate-arauak eta helburuak bete beharko dira. Hala egin ezean, titularrak isurientzako tratamendu egokia jarri beharko du, kalitate-helburuak lortzea galarazi ez dezaten.
Saneamendu nagusiko kolektorera egiten diren isuriak Gipuzkoako Uren Kontsortzioak kolektorera isurketak egiteko Araudik ezarri zituen baldintzak (GAO 2005-01-24).
B.2.4.– Araztu eta husteko instalazioak.
Hondakin-uren araztegiak eta neurri zuzentzaileak jartzeko, eskatzaileak espedientearen izapidetzean zehar aurkeztu dituen proiektu eta agiri teknikoen arabera egingo da, eta nagusiki ondorengoez osatuta egongo da:
– Olio-ur bereizlea Konpresoreen purgak kolektore nagusira kateatu aurretik.
– Hozteko zirkuituetako urtegiko uraren isuria arautzea; batetik bestera gutxienez 72 orduko tartea utziko da, putzu bat baino gehiago aldi berean hustu gabe. Ur horien kalitatea kontrolatu eta baimen honen B.2.3 atalean ezarritako mugak betetzeko moldatuko da.
– Dekantazio-putzua maniobrarako zabalguneko isurketa-urentzako, segundoko 46 litroko tratamendu-ahalmenarekin.
2007ko abenduaren 31n amaituko den epea baino lehen, dekantazio-putzuak behar bezala lan egiteko, saneamendu-sarea birmoldatzeko, eta kolektore nagusiko hartunerako jarduera guztiak amaitu direla egiaztatu behar da, Gipuzkoako Uren Kontsortzioak baimena eman ondoren. Egiaztagiri hori honako agiriez osatzen da:
1) Fagor Ederlan S. Coop. enpresak jarduerak amaitu dituela espresuki egindako adierazpena.
2) Sareen birmoldaketa eta kolektorerako konexiorako lanen amaierako ziurtagiria, dagozkien amaierako planoekin.
3) Gipuzkoako Uren Kontsortzioak amaierako isuri bateraturako emandako baimena.
4) Maniobra-guneko dekantazio putzuan egun euritsuan egindako analisiak.
Hartutako neurri zuzentzaileak nahikoa ez direla ikusiz gero, titularrak, baimenean ezarritako baldintzak betetzeko arduraduna denez, behar beste aldaketa egingo ditu arazketako instalazioetan, isuriak baimenean ezarritako baldintzak bete ditzan. Aldaketak Ingurumen Sailburuordetzan jakinaraziko ditu lehenik.
Kontrolerako kutxeta bat jarriko da baimendutako hondakin-ur mota bakoitzarentzako; kutxeta horiek isurien lagin esanguratsuak lortzeko beharrezko ezaugarriak izango dituzte. Kutxetak sarbide zuzena duten tokietan jarriko dira, Ingurumen eta Lurralde Antolamendu Saileko teknikariek egoki iritzitakoak ikuska ditzaten.
B.2.5.– Isurien kontrol-kanona.
Uraren Legearen Testu Bateratuaren 113. artikulua eta Jabari Publiko Hidraulikoaren Erregelamenduko (606/2003 Errege Dekretua) 291. artikulua aplikatuz, hauxe da isurien kontrol-kanonaren zenbatekoa:
(I.K.K.): Isurien kontrol-kanona= B x Pu
Pu = OP x mK
mK = C2 x C3 x C4
Izanik:
V = Baimendutako isuri-bolumena.(m3 urtean)
Pb = Oinarrizko prezioa m3-ko, isuriaren izaeraren arabera ezarrita.
K2 = Koefizientea, isuriaren ezaugarrien arabera.
K3 = koefizientea, isuriaren kutsadura-mailaren arabera.
K4 = Koefizientea, ingurune hartzailearen kalitatearen arabera.
mK = Isuriaren maiorazioko edo minorazioko koefizientea.
Pu = Isuriaren kontroleko prezio unitarioa.
a) Industriako urak
V: Bolumena B = 147 + 2.970 = 3.117 m3 urtean
OP Hondakin-urak: Industriakoak Pb = 0,03005 euro/m3
K2: 1. klasea C2 = 1
K3: Tratamenduarekin K3 = 0,5
K4: Kategoriako zona: I K4 = 1,25
mK = 1 x 0,5 x 1,25 = 0,6250
Pu = 0,03005 x 0,6250 = 0,018781 euro/ m3
Isurien kontrol-kanona= 257 x 0,018781 = 58,54 euro urtean
Zenbateko hau ez da aldatuko isurketarako baimenaren baldintzak edo isurien kontrol kanona kalkulatzeko faktoreren bat aldatzen ez den bitartean.
Urte naturala amaitzen denean, Uren Zuzendaritzak urte horretako isurien kontrol-kanonaren kitapena jakinaraziko dio baimenaren titularrari.
B.3.– Plantan sortutako hondakinak egoki kudeatzen direla bermatzeko baldintzak.
Instalazioetan sortzen diren hondakin guztiak Hondakinei buruzko apirilaren 21eko 10/1998 Legean eta aplika dakiekeen berariazko gainerako araudian xedatutakoari jarraituz kudeatuko dira; hondakinak karakterizatu egin beharko dira euren izaera zehaztu eta helburu egokiena erabakitzeko.
Hondakinen kudeaketari buruzko printzipio hierarkikoei jarraituz, hondakin oro balioztatu egin behar da eta horretarako balioztagune baimendu batera eraman behar dira. Hondakinak ezabatu egin ahal izango dira bakarrik, baldin eta horiek balioztatzea teknikoki, ekonomikoki edota ingurumen aldetik bideragarria ez dela behar bezala egiaztatzen bada. Birsortzea-berrerabiltzea lehenetsiko da balioztatzeko beste edozein modu material edo energetikoren aurretik.
Era berean, hondakinak tratatzeko Euskal Autonomia Erkidegoan instalazio baimenduak badaude, instalazio horietara bidaliko dira, autosufizientzia eta gertutasun printzipioei jarraituz.
Espresuki debekatuta dago sortzen diren tipologia desberdineko hondakinak elkarrekin edo beste hondakin nahiz efluente batzuekin nahastea; hondakinak jatorritik bertatik bereiziko dira eta horiek bildu eta biltegiratzeko bide egokiak jarriko dira, nahasketak saihesteko.
Zabortegian amaituko duten hondakinak karakterizatzeko 2002ko abenduaren 19ko Kontseiluaren 2003/33/EE Erabakian, hondakinak zabortegietan onartzeko irizpide eta prozedurak ezarri zituenean, aipatutakoa izango da kontuan.
Hondakinak biltzeko eremuek lurzoru estankoa izan beharko dute. Egoera fisiko likidoan edo oretsuan dauden edo oso bustita dutelako isuri edo lixibatuak sor ditzaketen hondakinen kasuan horiek biltzeko kubeta edo sistema egokiak jarriko dira ezbeharrean gerta daitezkeen isuriak kanpora irten ez daitezen. Hondakina hautsa bada, euri-urarekin kontakturik izan dezan edo haizeak arrasta dezan saihestuko da; behar izanez gero, estali egingo da.
Hondakinek desagertu, galdu eta ihes egingo balute, berehala jakinaraziko da gertatutakoa Ingurumen Sailburuordetzan eta Arrasateko Udalean.
B.3.1.– Hondakin Arriskutsuak.
Hauek dira sustatzaileak adierazi dituen hondakin arriskutsuak:
4. Prozesua: "Akabatzea"
Hondakina: "Ur magnetikoak"
Identifikazioa F20025292/2000012029/4/1
Hondakinaren kodifikazioa Q8//D9//L27//C51// A231//B3144
HEZ 100915
Urtean sortutako kantitatea: 0,5 Tn
Piezen kalitate-kontrolean sortzen da eta pitzadurak atzemateko erabiltzen da; magnetita-hautsa, alkalonamida eta osagai organikoak dituen disoluzio bat da.
Likido hori ordezkatzetik sortzen den hondakina, produktua garbitu edo aldatzen denean, hondakin horrentzako jatorrizko tokian identifikatuta dauden upeletan jasotzen da; behin betetakoan, hondakin arriskutsuak biltegiratzeko gunera eramaten dira.
5. prozesua: "Gas-efluenteen garbikuntza"
Hondakina: "Galdaketako finak"
Identifikazioa F20025292/2000012029/5/1
Hondakinaren kodifikazioa Q9//R4//S25//C7//H14// A231//B0011
HEZ 100909
Urtean sortutako kantitatea: 40,42 tona
Urtzeko labeetako kea garbitzeko sisteman sortzen dira. Big-bagetan jasotzen dira sortzen diren tokian, identifikatu eta biltegiratzeko berariazko guneetan dauden edukiontzietara eramaten dira, baimendutako kudeatzaileari entregatu artean.
Hondakina: "Urtze-prozesuko mahuka-iragazkiak"
Identifikazioa F20025292/2000012029/5/2
Hondakinaren kodifikazioa Q9//D15//S35//C7// H13//A241//B0011
HEZ 150202
Urtean sortutako kantitatea: 0,5 tona
Arazketa-sisteman mahukak aldatzen direnean sortzen da. Zuzenean upeletara erretiratzen da eta ondoren baimendutako kudeatzaile bati entregatzen zaio.
6. prozesua: "Zerbitzu orokorrak"
Hondakina: "Olio erabilia"
Identifikazioa F20025292/2000012029/6/1
Hondakinaren kodifikazioa Q7//R9//L8//C51// H5/6//A241//B3140
HEZ 130206
Urtean sortutako kantitatea: 7,2 tona
Makinak eta motorrak mantentzeko lanetan, olioa aldatzen zaienean sortzen da. Baimendutako kudeatzaileari entregatu arte, identifikatutako upel batean bildu eta hondakinen biltegira eramaten da.
Hondakina: "Berun-azido metagailuak"
Identifikazioa F20025292/2000012029/6/2
Hondakinaren kodifikazioa Q6//R13//S37//C18/23// H8/14//A241//B0019
HEZ 160601
Urtean sortutako kantitatea: 0,2 tona
Beruna eta azido disoluzioa duten bateriak aldatzeko eragiketetan sortzen da. Identifikatutako upeletan bildu eta biltegiratzen da, baimendutako kudeatzaile bati entregatu arte.
Hondakina: "Lanpara fluoreszenteak"
Identifikazioa F20025292/2000012029/6/3
Hondakinaren kodifikazioa Q6//R13//S40//C16// H6/14//A241//B0019
HEZ 200121
Urtean sortutako kantitatea: 0,1 tona
Lanparak aldatzen direnean sortzen da. Identifikatutako kartoizko kaxatan bildu eta berariazko guneetan biltegiratzen da baimendutako kudeatzaile bati entregatu arte.
Hondakina: "Glicol ura"
Identifikazioa F20025292/2000012029/6/4
Hondakinaren kodifikazioa Q7//D9//L20//C41// H5//A241//B0019
HEZ 140603
Urtean sortutako kantitatea: 0,1 tona
Ur-zirkuituak mantentzeko lanetan sortzen da. Identifikatutako upeletan bildu eta biltegiratzen da, baimendutako kudeatzaile bati entregatu arte.
Hondakina: "Halogenatu gabeko disolbatzaile organikoa"
Identifikazioa F20025292/2000012029/6/5
Hondakinaren kodifikazioa Q7//R13//L5//C41// H3b/5//A241//B0005
HEZ 140603
Urtean sortutako kantitatea: 0,5 tona
Mantentze-lanetan piezak garbitzean sortzen da. Mantentze-lanak egin diren instalazioan bertan biltegiratzen da eta aldioro baimendutako kudeatzaileek jasotzen dute.
Hondakina: "II. taldeko hondakin sanitarioak"
Identifikazioa F20025292/2000012029/6/6
Hondakinaren kodifikazioa Q16//D15//S1//C35// H9/14//A231//B0019
HEZ 180103
Urtean sortutako kantitatea: 0,001 tona
Mediku-zerbitzuaren azpiprozesuan sortzen da. Botikineko edukiontzi hermetikoan biltzen da eta baimendutako kudeatzaile batek erretiratzen ditu.
Hondakina: "Olio-iragazkiak"
Identifikazioa F20025292/2000012029/6/7
Hondakinaren kodifikazioa Q6//R13//S35//C51// H5//A231//B0019
HEZ 150202
Urtean sortutako kantitatea: 0,05 tona
Talde hidraulikoak mantentzeko lanetan sortzen da. Identifikatutako upeletan bildu eta biltegiratzen da, baimendutako kudeatzaile bati entregatu arte.
Hondakina: "Pila eta metal astunen nahastura"
Identifikazioa F20025292/2000012029/6/8
Hondakinaren kodifikazioa Q6//R4//S37//C11/16/ 22//H6/14//A231//B0019
HEZ 200133
Urtean sortutako kantitatea: 50 kg
Metal astunak dituzten pila prismatikoak eta botoi-pilak batera pilatzen direnean sortzen da. Identifikatutako upeletan bildu eta biltegiratzen da, baimendutako kudeatzaile bati entregatu arte.
Hondakina: "Ekipamendu elektrikoak eta elektronikoak"
Identifikazioa F20025292/2000012029/6/9
Hondakinaren kodifikazioa Q14//R4//S40//C6/18// H6/14//A231//B0019
HEZ 160213
Urtean sortutako kantitatea: 0,1 tona
Bulegoak mantentzeko lanetan eta informatika eta telefoniako ekipamendua aldatzen denean sortzen da. Identifikatutako gune batean biltegiratzen da baimendutako kudeatzaile bati entregatu arte.
Hondakina: "Erretxina + gasolioa"
Identifikazioa F20025292/2000012029/6/10
Hondakinaren kodifikazioa Q8//D13//P13//C43// H5//A231//B0019
HEZ 080409
Urtean sortutako kantitatea: 0,3 tona
Arrak egiteko erretxina-instalazioak aldizka garbitzen denean sortzen da. Identifikatutako plastikozko ontzi batean bildu eta berariazko guneetan biltegiratzen da baimendutako kudeatzaile bati entregatu arte.
Hondakina: "Hondakin azidoak"
Identifikazioa F20025292/2000012029/6/11
Hondakinaren kodifikazioa Q8//D9//L27//C23// H8//A231//B0005
HEZ 060106
Urtean sortutako kantitatea: Hondakin puntuala
Urtzeko labeak hozteko sistema garbitzen denean sortzen da. Identifikatutako upeletan bildu eta biltegiratzen da, baimendutako kudeatzaile bati entregatu arte.
Hondakina: "Hondakin-uretako lohiak"
Identifikazioa F20025292/2000012029/6/12
Hondakinaren kodifikazioa Q8//D9//P33//C24// H14//A231//B0010
HEZ 190813
Urtean sortutako kantitatea: 25 tona
Ur sanitarioen hobi septikoetan sortze da. Kudeatzaileak erretiratzen ditu zuzenean.
7. prozesua: "Hondakinak taldekatzea"
Hondakina: "Oliotutako hondakin ez organikoak"
Identifikazioa F20025292/2000012029/7/1
Hondakinaren kodifikazioa Q5//D13//S34//C51// H5//A231//B9711
HEZ 150202
Urtean sortutako kantitatea: 0,3 tona
Mantentzeko lanetan sortzen da; jariorik ez gertatzeko trapu, kotoi eta material xurgatzaileak dira. Identifikatutako upeletan biltzen da sortzen den gune inguruan eta hondakinen biltegira eramaten da gero, kudeatzaileari entregatu aurretik.
Hondakina: "Metalezko ontziak"
Identifikazioa F20025292/2000012029/7/2
Hondakinaren kodifikazioa Q5//R4//S36//C51// H5//A231//B9711
HEZ 150110
Urtean sortutako kantitatea: 0,2 tona
Olioak, desmoldekatzaileak eta abarren metalezko ontzi hutsak dira. Erabili diren puntuetan bildu eta metalezko orgetan uzten dira (Parktainerrak) hondakinak biltegiratzeko gunean, kudeatzaileari entregatu arte.
Hondakina: "Plastikozko ontziak"
Identifikazioa F20025292/2000012029/7/3
Hondakinaren kodifikazioa Q5//R13//S36//C51// H5//A231//B9711
HEZ 150110
Urtean sortutako kantitatea: 0,5 tona
Olio, taladrina eta araztegirako gehigarrien plastikozko ontziak dira. Erabiltzen diren puntuetan bildu, eta biltegian identifikatutako gunean uzten dira kudeatzaileari entregatu arte.
Hondakina: "Aerosolak"
Identifikazioa F20025292/2000012029/7/4
Hondakinaren kodifikazioa Q14//R13//S34//C51// H5//A231//B9711
HEZ 160504
Urtean sortutako kantitatea: 0,01 tona
Lan desberdinetan erabiltzen diren aerosol hutsak dira. Sortzen den gunean identifikatutako upel batean bildu eta hondakinen biltegira eramaten dira ondoren, kudeatzaileari entregatu arte.
a) Hondakin arriskutsuak biltzeko sistema bereiziak erabiliko dira, duten tipologia dela eta, isuriren bat gertatuz gero, nahasi, arriskutsuago bihurtu edo kudeaketa zaildu zezaketen kasuetan.
b) Egoera fisiko likidoan edo oretsuan dauden edo oso bustita daudelako isuri edo lixibatuak sor ditzaketen hondakin arriskutsuen kasuan, horiek biltzeko kubeta edo sistema egokiak jarriko dira ezbeharrean gerta daitezkeen isuriak kanpora irten ez daitezen. Hondakinak biltzeko sistema horiek bereiziak izango dira, euren tipologia dela eta, isuriren bat gertatuz gero, nahasi, arriskutsuago bihurtu edo kudeaketa zaildu zezaketen kasuetan.
c) Hondakin arriskutsuentzako ontzietan uztailaren 20ko 833/1988 Errege Dekretuak (hondakin toxiko eta arriskutsuei buruzko maiatzaren 14ko 20/1986 Oinarrizko Legea betearazteko oinarrizko araudia onartzen du dekretu horrek) 13. artikuluan ezarritako segurtasun-arauak kontuan izan beharko dituzte; itxita egongo dira kudeatzaileak jaso arte, isuri edo lurrundu ez daitezen.
d) Aurreko paragrafoan aipatzen diren ontziek etiketatuta egon beharko dute, eta etiketak argia, irakurtzeko modukoa eta ezabaezina izan behar du; etiketa uztailaren 20ko 833/1988 Errege Dekretuak 14. artikuluan horretarako adierazitako jarraibideen araberakoa ere izango da.
e) Hondakin arriskutsuak ezin izango dira biltegiratu sei hilabete baino gehiago.
f) Hondakinak baimendutako kudeatzailearen instalazioetara eraman aurretik, nahitaezko baldintza izango da agiri baten bidez egiaztatzea baimendutako kudeatzaile horrek hondakinak onartu dituela. Agiri horretan hondakinak onartzeko baldintzak ezarriko dira, eta egiaztatu egingo da tratatu beharreko hondakinaren ezaugarriak administrazio-baimenarekin bat datozela. Beharrezkoa izanez gero, karakterizazio xehea egin beharko da, proposatutako tratamenduaren egokitasuna egiaztatzeko.
g) Hondakin arriskutsuak eraman aurretik eta, hala badagokio, horretarako egin beharreko jakinarazpena eginda dagoela, araudian zehaztutako aurretiaz, kontrolerako eta jarraipenerako agiria bete beharko da. Agiri horren ale bat garraiolariari emango zaio, eta zamarekin batera eraman beharko da jatorritik irislekuraino. Fagor Ederlan, S. Coop. enpresak artxibategian gorde beharko ditu onarpen-agiriak eta kontrolerako zein jarraipenerako agiriak, edo horien agiri ofizial baliokideak, bost urtean gutxienez.
h) Egiaztatu egin beharko da hondakin arriskutsuak baimendutako kudeatzailearen instalazioetara eramateko erabiliko den garraiobideak betetzen dituela horrelako gaiak garraiatzeko indarrean dagoen legerian ezarritako baldintzak.
i) Fagor Ederlan, S. Coop. enpresak ekainaren 2ko 679/2006 Errege Dekretuari, Industrian erabilitako olioaren kudeaketa arautzen duenari, jarraituz kudeatu beharko du bere enpresan erabilitako olioa.
j) Ekainaren 2ko 679/2006 Errege Dekretuan, Industrian erabilitako olioaren kudeaketa arautzen duenean aurreikusitako baimendutako kudeaketa bateraturako sistema bat ezartzen ez den bitartean, Fagor Ederlan, S. Coop. enpresak irailaren 29ko 259/1998 Dekretuan, Euskal Autonomia Erkidegoan erabilitako olioaren kudeaketa arautzen duenean, begiesten diren aurreikuspenak bete beharko ditu.
k) Tresna elektriko eta elektronikoen hondakinak, horien artean hodi fluoreszenteak, tresna elektriko zein elektronikoei eta horien hondakinen kudeaketari buruzko otsailaren 25eko 208/2005 Errege Dekretuan ezarritakoaren arabera kudeatuko dira.
l) Europako Parlamentuaren eta Kontseiluaren 2000ko ekainaren 29ko 2037/2000 EE Arautegian ozono-geruza agortzen duten substantzia batzuk zehazten eta arautzen dira. Fagor Ederlan, S. Coop. enpresak era horretako substantziarik badu, substantzia horiek bildu eta suntsitu egingo dira aldeek erabakitako bide teknikoak erabiliz edota ingurumen ikuspuntutik onar daitekeen suntsiketarako beste edozein bide erabiliz; hondakin horiek birziklatu edo birsortu egingo dira bestela, aparailuak aztertu eta mantentzeko lanen aurretik nahiz desmuntatu eta suntsitu baino lehen.
m) Fagor Ederlan, S. Coop. enpresak urtero adierazi beharko du Ingurumen Sailburuordetzan, ekitaldi bakoitzean sortu dituen hondakin arriskutsu guztien jatorria, kopurua, helburua eta aldi baterako biltegiratuta dauden hondakinen zerrenda.
n) Erregistro bat edukiko du, hondakin arriskutsuei buruzko datu hauek agerrarazteko: kopurua, izaera, identifikazio-kodea, jatorria, tratatzeko metodo eta tokiak, sorrera eta lagapen datak, jasotzeko maiztasuna eta garraiatzeko modua, uztailaren 20ko 833/1988 Errege Dekretuaren 17. artikuluan ezarritakoa betez, eta uztailaren 20ko 952/1997 Errege Dekretuaren bidezko aldaketan ezarritakoa betez. Erregistro horren norainokoa eta edukia ikuskatu egingo dira, Ebazpen honetako laugarren atalean aipatzen diren baldintzak eta betebeharrak betetzen direla egiaztatzeko orduan. Sei hilean behin, Ingurumen Sailburuordetzari bidaliko zaio kontrolerako erregistro horren kopia.
o) Aurreko f, g (kudeatzaileak EAEn daudenean) m eta n idatz-zatietan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
B.3.2.– Hondakin Ez-arriskutsuak.
Sustatzaileak adierazitako hondakin ez-arriskutsuak honako hauek dira:
Hondakinaren izena HEZ kodea Aurreikusitako ekoizpena (t/urtean)
Zepak 10 09 03 2.000
Moldekatzeko
hondarrak eta arrak 10 09 08 3.000
Hondarketako finak 10 09 10 4.500
Xurgaketako finak 10 09 10 4.500
Txatarra 12 01 10 725
Zura 15 01 03 70,52
Labearen erregogorra 16 11 04 116,57
Nahasturak 20 03 01 27,95
a) Erregogor (HEZ 16 11 04), hondarketa eta xurgaketako finak (HEZ 100910), eta moldekatzeko hondarrak eta arrak (HEZ 10 09 08) gaur egun indarrean dagoen Europako hondakinen zerrendan ispilu-sarrera dutenez, horiek hondakin ez-arriskutsutzat hartuko dira, baldin eta hondakin horiek lehenengo aldiz erretiratu baino lehen karakterizatzen badira; karakterizazio horren emaitzak Ingurumen Sailburuordetzara bidali beharko dira, proposatutako kudeaketa egokia den egiaztatzeko. Baldin eta hondakina arriskutsua dela ezartzen bada, Ebazpen honetako B.3.1 idatz-zatian jasotako xedapenak aplikatuko dira.
b) Ontzi erabiliak eta ontzi-hondakinak gaika behar bezala bereizi eta eragile ekonomiko bati emango zaizkio (hornitzaileari) berriro erabili ahal izateko, baldin eta ontzi erabiliak badira, edo berreskuratzaile, birziklatzaile edo balioztatzaile baimendu bati, baldin eta ontzi-hondakinak badira.
c) Hondakin horiek ezin izango dira bi urtean baino gehiagoan biltegiratu.
d) Oro har, hondakinak hustu aurretik, baimendutako kudeatzaile batek onartzen dituelako agiria izan beharko dute, onarpen horretarako baldintzak zehaztuta. Agiri horren kopia bidali beharko zaio Ingurumen Sailburuordetzari, proposatutako kudeaketa egokia dela eta Ebazpen honetan ezarritakoa bete dela egiaztatzeko.
e) Halaber, hondakin inerte eta inertizatuen kudeaketari buruzko azaroaren 2ko 423/1994 Dekretuarekin bat etorriz, hondakin ez-arriskutsuak baimendutako zabortegi batera eraman aurretik, jarraipenerako eta kontrolerako dagokion agiria bete beharko da. Agiri horiek bost urtez gorde beharko dira.
f) Erregistro bat egingo da, datu hauekin: hondakin guztien kantitatea, izaera, identifikazio-kodea, jatorria, tratatzeko metodo eta tokiak, sorrera eta lagapen datak, jasotzeko maiztasuna eta garraiatzeko modua. Urtero, Ingurumen Sailburuordetzari bidaliko zaio kontrolerako erregistro horren kopia.
g) Aipatutako d, e (kudeatzaileak EAEkoak direnean) eta f ataletan adierazitako agiriak Ingurumen Sailburuordetzara bidaliko dira, ahal dela transakzio elektroniko bidez, IKS-L03 Sistemaren erakundeentzako bertsioa erabilita.
B.4.– Lurzoruari buruzko baldintzak.
Urtarrilaren 14ko 9/2005 Errege Dekretuan eta otsailaren 4ko 1/2005 Legean ezarritako betebeharrak betez, lurzoruaren gaineko egoerari buruz aurkeztu duen aurretiazko txostenaren arabera, eta bertan egindako oharrak kontuan izanda, Fagor Ederlan, S. Coop. enpresak segurtasun eta kontrolerako gailuak ditu bere biltegi desberdinetan lurzorua es kutsatzeko.
– Biltegi-siloak.
– Erregai-gordailuak hormigoizko zola eta jarioei eusteko kutxetarekin.
– Produktu kimikoak biltegiratzeko zolak epoxi erretxinarekin iragazkaiztutako hormigoizkoa da Isuriak biltzeko kutxetak dituzte.
– Hondakinak biltegiratzeko gunea asfaltatuta dago eta hondakin guztiak estalpean edo ontzi itxietan gordetzen dira.
B.5.– Zaratari buruzko baldintzak.
Beharrezko neurri guztiak ezarriko dira honako zarata-maila hauek ez gainditzeko:
a) Jarduera honako hauei egokitu behar zaie: etxebizitzen barrualdera jaulkitako zarata ezin izango da inoiz ere 40 dB (A) baino handiagoa izan barrualdean, etengabeko balioan neurtuta Leq 60 segundo, 08:00ak eta 22:00ak bitartean leiho eta ateak itxita, ezta 45 dB (A) ere gehienezko baliorik altuenetan.
b) Jarduera sortzen den zaratan baldintza hauek bete beharko ditu: etxebizitzen barrualdera jaulkitako zarata ezin izango da inoiz ere 30 dB (A) baino handiagoa izan, etengabeko balioan neurtuta Leq 60 segundo, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko baliorik altuenetan.
c) Era berean, zarata ezin da izan 60 dB (A) baino handiagoa, Leq 60 segundo etengabeko balioan neurtuta industria-eremuaren kanpoko itxituran.
Zarata mailak ezarrita dauden mugak gainditu ez ditzan, gaueko ordutegian itxi egingo dira konpresoreetako atea eta desmazarotatzeko atea.
C) Ingurumen Ikuskaritzako Programa.
Ingurumen-Ikuskaritzako Programa sustatzaileak aurkeztutako dokumentazioaren eta ondoko idatz-zati hauetan ezarritakoaren arabera gauzatu beharko da:
C.1.– Atmosferara egindako igorpenen kontrola.
a) Fagor Ederlan, S. Coop. enpresak igorpenak kontrolatu beharko ditu, ondorengoaren arabera:
(Ikus .PDF)
b) Neurketa guztiak kontrol-erakunde baimendu batek egin beharko ditu, eta aldizkako kontrol horiei buruzko txostenak Ingurumen Sailburuordetza honek prestatutako kontrol-erakunde baimenduen gutxieneko txostenean ezarritakora egokitu beharko du.
c) Erregistro bat egin beharko da euskarri informatikoan edo, horrelakorik ezean, paperean. Dokumentazio gaurkotua erabilita gauzatuko da erregistroa, eta industriak sortutako atmosfera-kutsadurari aurre hartu eta hura zuzentzeari buruzko 1976ko urriaren 18ko Aginduak 33. artikuluan ezarritako edukia jaso beharko du. Erregistro horretan jasoko dira sustatzaileak berak (autokontrola) zein kontrol-erakunde baimenduak egindako neurketak, mantentze-lanetako eragiketak (barne hartuta arazketa-sistemenak, esaterako, mahuka aldaketak), garbiketa, aldizkako ikuskaritzak, matxuragatik egindako geldialdiak, egiaztapenak, edozein motatako gorabeherak, eta abar. Dokumentazio horrek eguneratuta egon beharko du, eta ingurumen-ikuskariek eskuragarri izango dute gutxienez 5 urtez.
C.2.– Isuritako uren kalitatearen kontrola
Sustatzaileak aurkeztu dituen agirien arabera, ondorengo analisiak egingo dira:
(Ikus .PDF)
Dekantazio-putzuko uren lehenengo analisian B.2.3 atalean adierazitako parametroak eta EPER azpizerrendako honako parametroak neurtuko dira: P guztira, As, Cd, Cr, Cu, Ni, Pb, AOX, organoestannikoak, fenolak, HAP, kloruroak, CN eta Fluoruroak.
Adierazitako parametroetako batzuetan kantitate garrantzitsurik ez dagoela egiaztatuz gero, horien kontrol beharrik ez da izango isuriaren titularrak hala eskatzen badu espresuki.
"Erakunde Laguntzaile" batek kontrolatu eta egiaztatuko du (Jabari Publiko Hidraulikoaren Araudiko 255. artikulua) aurreko paragrafoan aipatutako parametro bakoitza.
C.3.– Zarataren kontrola.
Zarata kontrolatuko da aurkeztutako agirian egindako proposamenaren arabera.
C.4.– Emaitzak kontrolatu eta bidaltzea.
Sustatzaileak aurkeztutako dokumentazioan proposatu eta Ebazpen honetan ezarritakoaren arabera handitu edo zuzendutako Ingurumen Ikuskaritzako Programa osatzen duten analisi eta txostenen emaitzak, behar bezala erregistratuko dira eta Ingurumen Sailburuordetza honetara bidaliko dira. Ingurumen Ikuskaritzako Programaren emaitzak urtean behin bidaliko dira, martxoaren 30a baino lehen, ingurumenean aditua den erakunde bereiziak egindako txostenarekin batera. Txosten horretan emaitzen analisia egingo da eta bereziki aipatuko dira aldi horretan izandako gertaera garrantzitsuenak, horien ustezko arrazoiak eta konponbideak, aldez aurretik aipatu gabeko kasuetan laginak nola hartu diren zehaztuta.
C.5.– Ingurumen-Ikuskaritzako Programari buruzko agiri bategina.
Proiektuaren sustatzaileak ingurumen ikuskaritzako programari buruzko agiri bategina prestatuko du. Agiri horretan ingurumenaren gaineko eraginaren azterlanean proposatutako ikuskaritza-lanak ere sartuko dira; ikuskaritza-lan horiek Ebazpen honetako xedapenen bidez alda daitezke. Programa horrek honakoak zehaztu beharko ditu: kontrolatu beharreko parametroak, parametro bakoitzarentzako erreferentzia-mailak, analisi edo neurketen maiztasuna, laginketak edo analisiak egiteko teknikak, eta laginak hartzeko guneen kokapen xehatua. Halaber, dagokion aurrekontua ere barnean izan beharko du.
Horrez gain, ingurumen ikuskaritzako programak jardueraren berezko adierazleen zehaztapena eta adierazle horiek analizatzeko sistematika jasoko ditu; horrela, enpresak berak ingurumena hobetzeko ezarri dituen neurri eta mekanismoak (ingurumen-adierazleak) eraginkorrak diren egiaztatu ahal izango da.
D) Ez-ohiko egoeretan, kutsadurari aurre hartzeko neurriak eta jardunerako baldintzak.
D.1.– Planta gelditzeko eta abiarazteko eragiketak eta mantentze-lanetarako programatutako eragiketak.
Programatutako mantentze-lanetako eragiketei dagokienez, sortu daitezkeen emisio eta hondakinen balioespena egin beharko du sustatzaileak, bai eta, hala badagokio, kudeatzeko eta tratatzeko proposamena ere.
D.2.– Jarduera uztea.
Jarduera, honako hauen aplikazio esparrukoa da: lurzorua ez kutsatzeko eta kutsatutakoa garbitzeko otsailaren 4ko 1/2005 Legea (27.510 "Burdinurtua" epigrafea), eta kutsadura sor dezaketen jardueren zerrenda eta lurzoru kutsatuen adierazpenerako irizpide zein estandarrak ezartzen dituen urtarrilaren 14ko 9/2005 Errege Dekretua. Hori dela eta, Fagor Ederlan, S. Coop. enpresak hasiera eman beharko dio lurzoruaren kalitatearen adierazpenerako prozedurari, gehienez ere bi hilabeteko epean, jarduera behin betiko uzten duenetik kontatzen hasita, otsailaren 4ko 1/2005 Legeak 17.4 artikuluan xedatutakoaren arabera.
D.3.– Ez-ohiko jardunean aplikatzeko neurriak eta jarduerak.
Sustatzaileak aurkeztutako agirietan proposatzen diren egoera normaletik kanpo, ez-ohiko egoeratako jardunean aplikatu beharreko neurri eta baldintzaz gain, ondorengo ataletan ezartzen diren baldintzak ere bete behar dira:
1) Prebentziozko mantentze-lanen eskuliburua eduki beharko da instalazioen egoera bermatzeko, batez ere ustekabeko jario edo isuriak daudenean kutsadura ekiditeko eskuragarri dauden baliabideei eta segurtasun-neurriei dagokienez. Isuri-ihesak daudenean lurzorua babesteko hartu beharreko neurriak zehaztuko dira, eta zehaztasunez adieraziko da honako hauei dagokien guztia: eraikuntzarako materialak (iragazkaiztea), biltegiratzeko neurri bereziak (gai arriskutsuak), egon daitezkeen isuri-ihesak antzemateko neurriak edo gainbetetzerako alarma-sistemak, lantegiko kolektore-sarea zaindu eta garbitzekoak (sistematikoki garbitzeko beharra, maiztasuna, garbiketa-mota), eta lurzoruaren gaineko isuriak batzeko sistemak.
2) Aurreko paragrafoan adierazitako eskuliburuak ikuskaritza eta kontrolerako programa jaso beharko du, honakoak bilduko dituena: estankotasun-probak, mailen eta adierazleen egoera, balbulak, presioa arintzeko sistema, hormen egoera eta lodieren neurketa, andelen barnealdearen begi-bidezko ikuskaritzak (hormena eta estaldurena) eta kubetetako detekzio-sistemen aldizkako kontrol sistematikoa, zorua kutsa dezakeen edozein egoerari aurre hartzeko.
3) Era berean, ustiapenari buruzko eskuliburu bat eduki behar da, eta bertan, aldizka egindako mantentze-lanen berri eman behar da, baita antzemandako gertaerena ere.
4) Olioak, gehigarriak, erretxinak, eta hondakinak maneiatzeak lurzorua eta urak kutsatzeko arriskua sor dezakeela aintzat hartuta, isuri, jario edo ihesek eragina non izan dezaketen, lurzatien horien azalera guztiak iragazgaitz mantenduko dira.
5) Prozesuak behar dituen produktuak, lehengaiak eta erregaiak ingurunean ez sakabanatzeko moduan biltegiratuko dira.
6) Hauts-itxurako produktuak biltegiratzeko, silo itxiak ezarriko dira, proiektuan aurreikusita dagoen bezala.
7) Segurtasun-tarteei eta babes-neurriei dagokienez, egiaztatu egin beharko da biltegiratzeko instalazio horiek bete egiten dituztela produktu kimikoak biltegiratzeari buruz indarrean dagoen araudian ezarritako betebeharrak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.
8) Isuriak eta jarioak daudenean berehala eta eraginkortasunez jarduteko beharrezko diren material guztien behar besteko kantitatea eduki beharko da: Beharrezkoa izanez gero, berriro ontziratzeko erreserbako edukiontziak, gerta daitezkeen isuriei eusteko produktu xurgatzaile selektiboak, segurtasuneko edukiontziak, hesiak eta kaltetutako inguruneak isolatzeko seinaleztapen-elementuak, baita babes pertsonalerako ekipamendu bereziak ere.
9) Ingurumen Sailburuordetzara bidaliko da kutxetak husteko eragiketak kontrolatzeko protokolo edo agiri bidezko prozedura; eraginkortasunean eragin dezaketen produktuen isuriak ez dira tratamendu plantara eramango.
10) Larrialdi-egoeretan babes zibilari buruzko araudian ezarritakoari jarraitu beharko zaio, eta araudi horretan ezarritako baldintza guztiak bete beharko dira.
11) Titularrak beharrezko neurriak hartuko ditu araztegiak egoki ustiatzeko eta ezbeharrez gerta daitezkeen isuriak saihesteko dauden segurtasun-neurriak erabilgarri izateko.
12) Ingurunearen edo jardueraren kontrolaren gainean kalteak eragin ditzakeen gorabehera edo ez-ohiko gertaeraren baten aurrean (besteak beste, ustekabeko isuriak, sutea), Fagor Ederlan, S. Coop. enpresak gorabehera edo ez-ohiko gertaera horren berri eman beharko dio Ingurumen Sailburuordetzari.
13) Gertakari edo arazo larriren bat egonez gero, eta edozein modutan ere ustekabeko isuriren bat egonez gero, horrez gain SOS DEIAK eta Udalari jakinarazi beharko zaie berehala. Ondoren, eta gehienez ere 48 orduko epean, ezbeharrari buruzko txosten xehatua bidali beharko zaio ingurumen-organoari. Txosten horretan, gutxienez, honako datu hauek agertu beharko dira:
– Gertakari-mota.
– Gertakaria non, zergatik eta zein ordutan gertatu den.
– Iraupena.
– Ustekabeko isuria egonez gero, emaria eta isuritako gaiak.
– Mailak gainditu badira, emisioei buruzko datuak.
– Eragindako kalteen balioespena.
– Hartutako neurri zuzentzaileak.
– Berriro gerta ez dadin ezarritako neurriak.
– Aurre hartzeko neurriak eraginkortasunez aplikatzeko ezarritako epeak.
Egiaztatu egin beharko da instalazioek bete egiten dituztela suteen aurkako babesari buruz indarrean dagoen araudian ezarritako betekizunak. Egiaztapen hori egiteko, Ingurumen Sailburuordetza honi aurkeztuko zaizkio eskumena duten erakundeek emandako egiaztagiriak.
E) Baldin eta arautegi berria indarrean sartzeak, edo barneratzen diren sistemen egitura eta funtzionamenduari buruzko ezagutza berri esanguratsuetara egokitu beharrak hala egitera bagaramatza, neurri babesle zein zuzentzaileak eta ingurumen ikuskaritzako programa aldarazi ahal izango dira, bai neurtu behar diren parametroen kasuan, baita neurketaren aldizkakotasuna eta aipatutako parametroek hartu behar duten tarteari dagozkion mugen kasuan ere. Era berean, neurri babesle zein zuzentzaileak eta ingurumen ikuskaritzako programa jarduketaren sustatzaileak hala eskatuta, edo ofizioz, aldaraz daitezke, ingurumen ikuskaritzako programan lortutako emaitzetan oinarrituta.
F) Urtean behin Fagor Ederlan, S. Coop. enpresak Ingurumen Sailburuordetzari jakinaraziko dizkio atmosferara eta uretara egindako isuriei eta sortu dituen hondakinei buruzko datuak, E-PRTR-Euskadi, Kutsatzaileen igorpen eta Transferentzien Europako Inbentarioa landu landu eta eguneratzeko, apirilaren 20ko 508/2007 Errege Dekretuaren, E-E-PRTR Araudiko eta ingurumeneko baimen bateratuetako isurien gaineko informazioa ematea arautzen duenari jarraituz.
Informazio hori, datuak eman diren ekitaldiaren ondoren datorren martxoaren 31 baino lehen bidali beharko da. Informazioa Ingurumenari buruzko Adierazpenaren (IA) bidez gauzatuko da, hori baita kanpoko erakundeek eta Ingurumen eta Lurralde Antolamendu Sailak ingurumen-informazioa batak besteari elektronikoki emateko ardatza. Aipatutako bidalketa horren eragiketaren funtsa Ingurumenari buruzko Adierazpenari (IA) dagozkion ingurumenari buruzko datu teknikoak eta prozedurakoak sartzean datza, IKS-L03 Sistemako erakundeentzako bertsioa izenekoaren bidez (www.eper-euskadi.net web orrian eskuragarri). Sistema hori Ingurumen eta Lurralde Antolamendu Saileko Ingurumen-informazioa Kudeatzeko Sistema da. Datu horiek guztiek Ingurumenean Eragina duten Jardueren Euskal Autonomia Erkidegoko Erregistroa osatuko dute, Europako Ingurumen-Agentziaren Erregistrora (Europako E-PRTR Erregistroa) egiten diren informazio bidalketen oinarri dena.
Halaber, gainontzeko informazio bidalketak, Ebazpen honetan aurreikusitakoak, aipatutako Ingurumenari buruzko Adierazpenaren bidez gauzatuko dira ahal izanez gero.
Informazio hori agerikoa izango da, uztailaren 18ko 27/2006 Legearen xedapenekin bat etorriz. Lege horren bidez informazioa eskuragarri izateko, herritarren partaidetzarako eta ingurumen gaietan justizia eskura izateko eskubideak arautzen dira (2003/4/EE eta 2003/2005/EE Zuzentarauak jasotzen ditu). Horrez gain, uneoro bermatu beharko da datu pertsonalak babesteko abenduaren 13ko 15/1999 Lege Organikoan ezarritakoa bete egiten dela.
G) Ingurumeneko baimen bateratu honen eraginpeko instalazioan egindako aldaketak bat etorri beharko dira kutsaduraren prebentzio eta kontrol integratuari buruzko uztailaren 1eko 16/2002 Legeak 10.3 artikuluan ezarritako komunikazio-erregimenarekin. Hori horrela, ingurumeneko beste baimen bateratu bat behar izango da aldaketak funtsezkoak direnean.
Halaber, Euskal Autonomia Erkidegoko ingurumena babesteko otsailaren 27ko 3/1998 Legeak 50. artikuluan ezarritakoa aplikagarria izango da. Artikulu horren arabera, baldin eta proiektuaren aldaketak edo handitzeak ingurumenean kalte adierazgarriak eragin baditzakete, proiektuaren aldaketa edo handitze horiei ingurumenaren gaineko banakako ebaluazioaren prozedura ezarri beharko zaie.
Hirugarrena.– Baimen hau eraginkorra izateko, aurretik Ingurumen Sailburuordetzari agiri bidez egiaztatu beharko zaio Ebazpen honetako Bigarren idatz-zatiko puntu hauetan ezarritako baldintzak betetzen direla: B.1.4 (Tximiniek bideak badituztela 1976ko urriaren 18ko Aginduan ezarritakoaren arabera); C.1.c (Atmosferara egindako igorpenen erregistroaren eredua); C.5 (Ingurumena Zaintzeko Programaren agiri bategina); D.1 (Mantentze-lanetako isuri eta hondakinen balioespena); C.3.1 (Prebentziozko mantentze-lanetarako eskuliburua); D.3.3 (Mantentze-lanen erregistroa) eta D.3.9 (Kutxetan husteko protokoloa).
Halaber, baimen hau gauzatu aurretik, ingurumen-organo honi atxikitako zerbitzu teknikoek behar izanez gero egingo duten ikuskaritza bisitan egiaztatu beharko da instalazioak Ebazpen honetan ezarritakoa betetzen dutela.
Paragrafo honetan aipatutako baldintzak betetzen direla egiaztatzeko 6 hilabete egongo dira ebazpen hau eman den egunetik kontatzen hasita.
Adierazitako baldintzak betetzen direla egiaztatu ondoren, ebazpen bat emango da ingurumeneko baimen bateratuak ondorioak dituela adierazteko.
Laugarrena.– Ingurumeneko baimen bateratu hau 8 urteko epean egongo da indarrean, aurreko atalean ezarritakoaren arabera ondorioak dauzkan egunetik kontatzen hasita. Behin epe hori igarota, baimena berritu egin beharko da eta, hala badagokio, jarraian datozen aldietarako eguneratuko da.
Ingurumeneko baimen bateratua amaitu baino hamar hilabete lehenago, titularrak baimena berritzeko eskera egin beharko du, uztailaren 1eko 16/2002 Legearen 25. artikuluan xedatutakoa betez.
Bosgarrena.– Edozein modutan ere, ingurumeneko baimen bateratua ofizioz aldatu ahal izango da kutsaduraren prebentzio eta kontrol integratuari buruzko uztailaren 1eko 16/2002 Legeak 21. artikuluan ezarritako kasuak aintzat hartuta.
Seigarrena.– Fagor Ederlan, S. Coop. enpresak Ebazpen honetako xede den burdinurtuko plantari dagokionez egindako edozein titulartasun aldaketa jakinarazi beharko du, Ingurumen Sailburuordetzak onar dezan.
Zazpigarrena.– Baimen honek balioa galduko du honakoak gertatzen direnean:
– Ebazpen honetako Hirugarren atalean ingurumeneko baimen bateratuak ondorioak izan ditzan adierazitako baldintzak betetzen direla epe barruan egiaztatu ez eta interesdunak, behar bezala justifikatuta, baimena luzatzeko eskaerarik egiten ez badu.
– Fagor Ederlan, S. Coop. enpresaren nortasun juridikoa bukatzea indarrean dagoen araudian ezarritako kasuetan.
– Ondorioak dauzkala adierazten duen Ebazpenean xedatutakoak.
Zortzigarrena.– Ebazpen honen edukia jakinaraztea Fagor Ederlan, S. Coop. enpresari, Zestoako Udalari, ingurumeneko baimen bateratua emateko prozeduran parte hartu duten erakundeei, eta gainerako interesdunei.
Bederatzigarrena.– Ebazpen hau Euskal Herriko Agintaritzaren Aldizkarian argitaratzeko agintzea.
Hamargarrena.– Ebazpen honek ez du agortzen administrazio-bidea; horrenbestez, interesdunek gora jotzeko errekurtsoa aurkez diezaiokete Ingurumen eta Lurralde Antolamendu sailburuari, hilabeteko epean, ebazpen hau jakinarazi eta hurrengo egunean kontatzen hasita, hori guztia Herri Administrazioen Araubide Juridikoaren eta Administrazio Prozedura Erkidearen azaroaren 26ko 30/1992 Legearen 114. artikuluarekin eta ondorengoekin bat etorriz (urtarrilaren 13ko 4/1999 Legeak aldatu zuen lege hori).
Vitoria-Gasteiz, 2007ko irailaren 12a.
Ingurumen sailburuordea,
IBON GALARRAGA GALLASTEGUI.
ERANSKINA
ALEGAZIOEN TXOSTENA
Ingurumeneko baimen bateraturako prozeduraren barruan ingurumen organoak sustatu duen jendaurreko informazioaren izapideak alegazio-idatzi bat aurkeztu da. Proiektu honen gainean izan zitezkeen zalantzak argitzeko Arrasateko Udalean bi lagun egon ziren bi egunetan hiru pertsona bertaratu ziren; horietako bat Uribeauzoko Auzolagunen Elkarteko ordezkaria. Instalaziotik hurbilen bizi ez badira ere, nagusiki ibili ohi den haizea dela eta, igorpenen eragina jasaten dute.
Alegazioen idatzian adierazi dutenez, erabil daitezkeen hobekuntza teknikoen atalean ez dela bermatzen urtze, modekatze, arrak egitea, galdaketa eta desmoldekatze prozesuetan partikulen igorpenerako balioak beteko dituztenik. izan ere, lortutako igorpen balioak erreferentziako BREF agirian ezarritako goiko mugan baldin badaude, erraz gaindituko dituzte muga horiek. Gainera, agirietan zehazten denez, urtzeko prozesuan ez da MTD igorpen-baliora iritsiko. Adierazten dute ere, atmosferara igorritako partikulen analisian ez dela plantaren inguruko zonatan egon daitekeen igorpen-maila balioesteko azterlanik egin.
Bestalde, nahiz eta zarataren baldintzak hobetzeko neurriak hartu, neurri horiek arrakasta neurtu beharko litzatekeela, ingurumeneko zarataren azterlana eguneratuz.
Azkenik, adierazi dute aurkeztutako agirian zehaztu egiten dela plantaren inguruko herritarrek jasan behar izaten dituzten arazoak, arrak egitea guneko amina-usainarengatik, eta enpresak MTDn ezarritako balioa (< 5 mg/Nm3) gaur egungo baliabideekin ezin duela bete adierazten duela; ez dauka instalazioa egokitzeko asmorik Markuleteko instalazio berrietara doalako, eta ingurumeneko baimen bateratuak lantegi berria martxan jarri arte bakarrik ematen dio jardunean aritzeko baimena.
Izapide honetan Udaletxera joan ziren Arrasateko herritarrek hauxe adierazi zuten:
– Maniobren zabalgunean kamioak zama-lanetan ateratzen duten zarata.
– Leiho eta balkoietan pilatzen den hautsa eta partikulak.
– Galdaketan amina erabiltzeagatik sortzen den usaina.
Fagor Ederlan S. Coop. enpresari Arrasateko Uribarrin balazta-negozioa jartzeko eman zaion ingurumeneko baimen bateratuan beheko puntuak begietsi dira, Kutsaduraren Prebentzio eta Kontrol Integratuari buruzko uztailaren 1eko 16/2002 Legearen 22. artikuluari jarraituz:
a) Igorpenen muga-balioak, erabil daitezkeen teknikarik onenetan, alorreko araudian, eta tokiko ingurumenaren baldintzetan oinarrituta.
b) dagokionean, lurzoruaren eta lurpeko uren babesa bermatzen duten aginduak.
c) instalazioan sortutako hondakinak kudeatzeko erabiliko diren prozedura eta metodoak.
d) emisio eta hondakin mota guztiak kontrolatu eta tratatzeko sistema eta prozedurak, honakoak zehaztuta: neurketarako metodologia, maiztasuna, eta neurketak ebaluatzeko prozedurak.
e) ohikoak ez diren egoeratan, baldin eta horiek kalterik eragiten badiote ingurumenari, ustiapen-baldintzei dagozkien neurriak (esaterako, abian jartzea, ihesak, funtzionamendu akatsak, behin-behineko geldialdiak edo behin betiko ixtea).
f) Aplika dakiokeen alorreko legerian ezarritako beste neurri batzuk.
Kutsaduraren Prebentzio eta Kontrol Integratuari buruz indarrean dagoen araudian eta alor horretan ingurumenari buruz dagoen araudian xedatutakoa betez, ingurumen organo honek instalazio osoaren balioespen globala egin du eta jarduera behar bezala burutzeko hartu behar dituen neurriak zehaztu ditu.
Horrela, ingurumeneko baimen bateratu honetan Fagor Ederlan S. Coop. enpresari ezarri behar zaizkion baldintza eta eskakizunak, organo honek enpresari ezarri beharrekoak direla iritzitakoak, jasoko dira, kutsaduraren prebentzio eta kontrol integratuari buruzko uztailaren 1eko 16/2002 Legeak adierazitako helburuak betetzeko, atmosferaren, uraren eta lurzoruaren kutsadura saihesteari, edo hori ezinezkoa bada, kutsadura hori gutxitu eta kontrolatzeari dagokionez.
Muga-balioak zehazteari dagokionez, uztailaren 1eko 16/2002 Legearen 7. artikuluak ezartzen du kontuan izan behar direla:
a) 8.1 artikuluan ezarritakoaren arabera, Estatuko Administrazio Orokorrak erabil daitezkeen teknikarik onenei buruz emandako informazioa, teknika edo teknologia jakin bat erabiltzeko agindu gabe.
b) 1. eranskinean aipatutako industri jardueretakoren bat garatzen den instalazioetako ezaugarri teknikoak, horien ezarpen geografikoa eta tokiko ingurumenaren baldintzak.
c) Igorpenen izaera eta ingurune batetik bestera igarotzeko duten ahalmena.
d) Onartutako plan nazionalak, dagokionean, Batasuneko araudian ezarritako edo nazioarteko itunetan Espainiako estatuak edo Europako Batasunak hitzartutako konpromisoak betetzeko.
e) Igorpenek giza osasunean eta animalien osasunerako baldintza orokorretan izan dezaketen eragina.
f) Dagokionean, baimena emandako egunean indarrean dagoen araudian igorpenetarako ezarritako muga-balioak.
Esparru horretan, ingurumeneko baimen bateratu hau emateko kontuan izan da Galdaketa alorrerako Europako Batasuneko BREF agiria (Reference Document on Best Available Techniques in Smitheries and Foundries Industry), 2005eko maiatzekoa, partikulen igorpenerako 5-20 mg/Nm3-ko muga-balioa aurreikusten duena. Organo honen esku dauden agirien arabera, galdaketako igorpenak ez dira 20 mg/Nm3-ra iristen; muga-balio hori aipatutako agirian agertzen da eta ez du gainditzen aplika dakiokeen alorreko araudian ezarritakoa. Beraz, organo honen iritziz muga-balio horiek betetzea nahikoa da ingurumenean eta giza osasunean instalazioak izan dezakeen eragina saihesteko.
Bestalde, zaratak sortutako eragozpenak direla eta, aipatu behar da baimen honen B.1.5 atalean hauxe dagoela jasota:
"Beharrezko neurri guztiak ezarriko dira honako zarata-maila hauek ez gainditzeko:
a) Jarduera honako hauei egokitu behar zaie: etxebizitzen barrualdera jaulkitako zarata ezin izango da inoiz ere 40 dB (A) baino handiagoa izan barrualdean, etengabeko balioan neurtuta Leq 60 segundo, 08:00ak eta 22:00ak bitartean leiho eta ateak itxita, ezta 45 dB (A) ere gehienezko baliorik altuenetan.
b) Jarduera sortzen den zaratan baldintza hauek bete beharko ditu: etxebizitzen barrualdera jaulkitako zarata ezin izango da inoiz ere 30 dB (A) baino handiagoa izan, etengabeko balioan neurtuta Leq 60 segundo, 22:00ak eta 08:00ak bitartean, leiho eta ateak itxita, ezta 35 dB (A) ere gehienezko baliorik altuenetan.
c) Era berean, zarata ezin da izan 60 dB (A) baino handiagoa, Leq 60 segundo etengabeko balioan neurtuta industria-eremuaren kanpoko itxituran.
Zarata mailak ezarrita dauden mugak gainditu ez ditzan, gaueko ordutegian itxi egingo dira konpresoreetako atea eta desmazarotatzeko atea."
Era berean, eta zarata kontrolatzeari dagokionez, kontrol hori sustatzailean proposatutakoaren arabera egingo dela aipatzen da; zarata urtero neurtuko da jardueraren mugetatik kanpo eta instalazioa jardunean ari denean.
Azkenik, aminak erabiltzeagatik sortzen den usainak eragindako eragozpenen kasuan, Fagor Ederlan, S. COOP– enpresak ingurumeneko baimen bateratu hau lortzeko aurkeztu dituen agirien arabera, arrak egiteko prozesuetan aminatu-konposatu igorpenak egiten dira; baina horientzako badituzte bi sistema xurgatzaile: Igorpenak aurrezikloi multzo batean zehar igarotzen dira; han partikula solidoak biltzen dira eta usainak berriz, irteerako tximinian usainak neutralizatzeko dagoen sisteman tratatzen dira.
Gainera, Fagor Ederlan S. Coop. enpresak aurkeztutako agirien arabera, 2007ra arte balazta-negoziorako ar guztiak Uribarriko bere plantan fabrikatuko ditu eta 2008. urtetik aurrera, ekoizpena Markuleteko enpresako galdaketa-planta berrira eramango dute. Alde horretatik, aipatu behar da Ingurumen sailburuordearen 2007ko ekainaren 29ko Ebazpenaren bidez Arrasaten Fagor Ederlan S. Coop.ek sustatutako Markuleteko burdinurtuko plantak ingurumenean duen eraginaren adierazpena egin eta ingurumeneko baimen bateratua eman zitzaiola. Aminei dagokienez, 20 mg/Nm3-ko muga-balioa jarri zitzaion, sustatzaileak 5 mg/Nm3-ko balioa ez duela gaindituko adierazi bazuen ere; izan ere, gas garbigailu bat jarriko da, Burdin Metalurgiako Europako Batzordeko BREF agirian, "Integrated Pollution Prevention and Control. Reference Document on Best Available Techniques in the Smitheries and Foundries Industry. May 2005" n aipatzen den teknikarik onenetarikoa.