RSS
195. zk., 2007ko urriaren 9a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizi Administrazioa
Irungo Lehen Auzialdiko 1 Zenbakiko Epaitegia
5499
EDIKTUA, ordainketak ez egiteagatiko 126/07 hitzezko judizioaren ondoriozkoa.
JAKINARAZPEN ZEDULA
Irungo (Gipuzkoa) Lehen Auzialdiko 1 zenbakiko Epaitegian, Julia Bustamante Muñoz andreak eskatuta, 126/07 desahuzioari buruzko hitzezko judizioa bideratu da, Distribuciones Bidasoa Kosta y Goierri, SLren aurka (gaia: errentak ez ordaintzeagatiko desahuzioa eta errentak erreklamatzea). Judizio horren prozeduraren gainean epaia eman da, zeinaren idazpurua eta epaitza ondokoak baitira:
113/2007 EPAIA
Irun, 2007ko irailaren 10a.
Nik, Gonzalo Pérez Sanzek, Irungo Lehen Auzialdiko 1 zenbakiko Epaitegiko epaile naizen aldetik, ikusi ditut desahuzioari buruzko 126/2007 hitzezko judiziorako autoak. Alderdi demandatzailea: Julia Bustamante Muñoz andrea, Emma Guerrero Azañedo prokuradoreak ordezkatuta, eta Olga Fernández Hernández letratuak lagunduta. Alderdi demandatua: Distribuciones Bidasoa Kosta y Goierri, SL. Gaia: ordainketak ez egiteagatiko desahuzioa.
EPAITZA
Osorik baietsi dut Emma Guerrero Azañedo prokuradoreak Julia Bustamante Muñozen izenean aurkeztutako demanda. Horregatik, Irungo Berio kaleko 2. zenbakian (atzealdea) dagoen lokal komertzialaren errentamendu-kontratua suntsitutzat deklaratzen dut, errentak ez baitira ordaindu. Eta alderdi demandatuari ohartarazten zaio legeak ezarritako epean lokala utzi beharko duela; horrela egiten ez badu, indarrean atera beharko du kostuak berak ordainduta. Eta Distribuciones Bidasoa Kosta y Goierri SL kondenatzen da auzi-jartzaileari 2.676,98 euro ordaintzera. Halaber, prozesuko kostuak ere Distribuciones Bidasoa Kosta y Goierri SLk ordaindu beharko ditu.
Jakinaraz bekie ebazpen hau alderdiei.
Ebazpen hau ez da irmoa eta bere aurka apelazio-errekurtsoa aurkez daiteke bost eguneko epean.
Bidal bedi ebazpen honen lekukotza auto nagusietara.
Eta nire epai honen bidez erabaki, agindu eta sinatzen dut.
Eta Distribuciones Bidasoa Kosta y Goierri, SL demandatuari behar bezalako jakinarazpena egiteko balio dezan eman eta sinatzen dut hau, Irunen (Gipuzkoa), bi mila eta zazpiko irailaren hamarrean.
IDAZKARIA.