Euskal Herriko Agintaritzaren Aldizkaria

239. zk., 2006ko abenduaren 18a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Jaurlaritzaren Lehendakariordetza

6269

23/2006 EBAZPENA, urriaren 26koa, Jaurlaritzaren Idazkaritzako eta Legebiltzarrarekiko Harremanetarako zuzendariarena; honen bitartez, hainbat establezimenduetako (bertan dator zerrenda) Kanpo Larrialdietako Planak onartzen dituen Jaurlaritzaren Kontseiluaren Erabakia argitara dadila xedatzen da.

Jaurlaritzaren Kontseiluak, 2006ko urriaren 24an egindako bilkuran, hainbat establezimenduetako (bertan dator zerrenda) Kanpo Larrialdietako Planak onartzen dituen Erabakia hartu du; beraz, beharrezko zabalkundea emateko xedez, honakoa

EBATZI DUT:

Artikulu bakarra.– Euskal Herriko Agintaritzaren Aldizkarian argitaratzea hainbat establezimenduetako (bertan dator zerrenda) Kanpo Larrialdietako Planak onartzen dituen Erabakia.

Vitoria-Gasteiz, 2006ko urriaren 26a.

Jaurlaritzaren Idazkaritzako

eta Legebiltzarrarekiko Harremanetarako zuzendaria,

JOSÉ LUIS ERREKATXO LABANDIBAR.

ERANSKINA, JAURLARITZAREN IDAZKARITZAKO ETA LEGEBILTZARRAREKIKO

HARREMANETARAKO ZUZENDARIAK

URRIAREN 26AN EMANDAKO

23/2006 EBAZPENARENA

Erabakia, hainbat establezimenduetako (bertan dator zerrenda) Kanpo Larrialdietako Planak onartzen dituena.

Apirilaren 3ko 1/1996 Larrialdiak Kudeatzeko Legeko 14.3. artikuluak aurreikusten duenez plan bereziak arrisku zehatzei aurre egiteko landuko dira, arrisku horien nolakotasunak metodologia tekniko-zientifiko berezia eskatzen duenean, bereziki Babes Zibilari buruzko Oinarrizko Arauan jasotako arriskuen kasuan, Euskal Autonomia Erkidegoan eragina badute, arriskuen azterketak ematen dituen emaitzen arabera.

Plan horien artean sartzen dira ondorengo arau hauen ezarpen-eremuetan dauden establezimenduetarako landu beharreko kanpo-larrialdietako planak: istripu larrietan gai arriskutsuak tarteko direnean sortzen diren arriskuak kontrolatzeko neurriei buruzko uztailaren 16ko 1254/1999 Errege Dekretua; istripu larrietan gai arriskutsuak tarteko direnean sortzen diren arriskuen aurrean kontrola eta plangintza egiteko babes zibileko oinarrizko gida-erroa onartzen duen irailaren 19ko 1196/2003 Errege Dekretua; eta istripu larrietan gai arriskutsuak tarteko direnean sortzen diren arriskuak kontrolatzeko neurrien gain eskumena daukaten organoak zeintzuk diren adierazten duen otsailaren 20ko 34/2001 Dekretua.

Araudi horiekin bat, autonomia erkidegoetako organo eskudunek kanpo larrialdietako plana landuko dute, industrialekin lankidetzan, aurretik aztertutako, sailkatutako eta ebaluatutako balizko istripuen ondorioei aurrea hartzeko, eta hala egokituz gero, ondorioak arintzeko. Plan horrek babesteko neurri egokienak, beharrezko giza baliabideak eta baliabide materialak eta agintariak, organoak eta parte hartu behar duten zerbitzuak koordinatzeko eskema ezarriko ditu.

Kanpoko Larrialdi Planak lantzerakoan parte hartu dute bertan sartuta dauden erakundeek eta eragileek. Euskal Autonomia Erkidegoko Babes Zibilerako Batzordearen aldeko txostena jaso dute 2006ko martxoaren 30ean, eta bai beharrezko homologazioa ere, Estatuko Babes Zibileko Batzordeak aho batez erabaki ondoren, 2006ko uztailaren 19an.

Ondorioz, Jaurlaritzaren Kontseiluak, Herrizaingo sailburuaren proposamenez, 2006ko urriaren 24an egindako bileran aztertu eta gero, erabakia hartu du.

ERABAKIA

Lehenengoa.– Ondoren adierazten diren establezimenduetako Kanpo Larrialdietako Planak onartzea:

– Atotech España SA, Erandio (Bizkaia).

– Befesa Desulfuración SA, Barakaldo (Bizkaia).

– Bahía de Bizkaia GAS (BBG), Zierbena (Bizkaia).

– Formica Española SA, Galdakao (Bizkaia).

– Guardian Llodio SA, Llodio (Álava).

– Hexion Iberica SA, Hernani (Gipuzkoa) Lehen Bakelite).

– Hexion Iberica SA, Lantaron (Araba) (Lehen Bakelite).

– Igepak SA, Usurbil (Gipuzkoa).

– Terminales Portuarias SL, (TEPSA), Zierbena (Bizkaia).

– Tubacex Tubos Inoxidables SA, (TTI, S.A.), Llodio (Álava).

– Tubacex Tubos Inoxidables SA, (TTI, S.A.), Amurrio (Araba).

– Union Española de Explosivos SA, (UEE-Zuazo), Galdakao (Bizkaia).

– Union Española de Explosivos SA, (UEE-Iruña Oka), Langraiz Oka (Araba).

Bigarrena.– Jaurlaritzaren Idazkaritzak erabaki hau Euskal Herriko Agintaritzaren Aldizkarian argitaratzeko agindua emango du.