Euskal Herriko Agintaritzaren Aldizkaria

224. zk., 2006ko azaroaren 23a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Vitoria-Gasteizko Lehen Auzialdiko 2 Zenbakiko Epaitegia

5881

EDIKTUA, zenbatekoa erreklamatzeko 1167/05 prozedura arruntaren ondoriozkoa.

Vitoria–Gasteizko Lehen Auzialdiko 2 zenbakiko Epaitegia.

Judizioa: 1167/05 prozedura arrunta.

Demandatzailea: Juan Carlos Marchena Aguirrebeitia.

Abokatua: Rey Martinez, Sofia.

Prokuradorea: Julian Sanchez Alamillo.

Demandatua: Maria del Puy Prosa Ruiz de Arechavaleta, Maximo Prosa Ovanos, Juan Carlos Prosa Ruiz de Arechavaleta, Maria del Carmen Prosa Ruiz de Arechavaleta eta Milagros Ruiz de Arechavaletaren jaraunsle ezezagunak

Gaia: diru–zenbatekoa erreklamatzea.

2006–07–31n, aipatu judizioan epai eman da, zeinaren epaitza ondokoa baita:

Carlos Marchena Aguirrebeitiaren izenean eta ordez epaitegietako Sanchez prokuradoreak aurkeztutako demanda onartzen dudanez gero; Maximo Prosa Ovanos, Juan Carlos Prosa Ruiz de Arechavaleta, Maria del Carmen Prosa Ruiz de Arechavaleta eta Maria del Puy Prosa Ruiz de Arechavaletak ordezkatutako Milagros Ruiz de Arechavaleta Lopez de Eguilazen testamentuzko edo legezko jaraunsleak eta jaraunspen jasogabea honako honetara kondenatzen ditut: 36 zenbakiko hiri–finkari kendutako terreno–zatia itzultzera, hain justu ere, (Pinzolas jaunaren txostenean emandako deskripzioaren arabera) 205,355 metro karratu, aipatu finkaren hego–mendebaldean kokatuak; hartarako, aipatu aldean atzera eginez, aipatu terrenoko hesi, landaketa eta instalazioak kenduaz, eta hura auzi–jartzailearen esku utziaz. Horretaz gain, alderi demandatua honetara ere kondenatzen dut: bide–zortasuneko terrenoa lehendik zuen erabileretarako jartzera (hasierako hesia eta landaketa kenduz, zortasunpeko terrenoan den osina ez erabiliaz, eta terreno horretan nekazaritza–makineria ipini barik). Alderdi demandatuari ezartzen dizkiot berariaz prozesuko kostuak.

Epai horren aurka apelazio–errekurtsoa aurkez daiteke, epaitegi honen aurrean, epaia jakinarazi eta bost eguneko epean.

Jakinaraz bekie ebazpen hau alderdiei.

Bidal bedi epai honen testigantza autoetara eta artxiba bedi jatorrizko Epaien Liburuan.

Horrela erabaki, agindu eta izenpetzen du Lourdes Prado Cabrerok, Vitoria–Gasteizko Lehen Auzialdiko bi zenbakiko epaitegiko epaile magistratuak.

Milagros Ruiz de Arechavaleta demandatuaren egungo bizilekua ezezaguna denez, ebazpen hori Euskal Herriko Agintaritzaren Aldizkarian ediktu bidez jakinaraztea erabaki da, Prozedura Zibileko 1/2000 Legearen 497.2 artikuluan xedatutakoaren arabera (PZLb).

Ebazpen horren aurka demandatu auzi–iheslariak apelazio–errekurtsoa aurkez dezake, Arabako Probintzia Auzitegian.

Errekurtsoa prestatzeko, idazkia aurkeztu behar da epaitegi honetan bost egun balioduneko epean, ediktu hau argitaratu eta biharamunetik aurrera. Idazki horretan, bestalde, honakoak adieraziko dira: apelatutako ebazpena, errekurritzeko nahia eta zein erabaki inpugnatzen diren (PZLb, 457.2 artikulua).

Jakinarazten den ebazpenaren testu osoa auzitegi honetako idazkaritzan dago, interesdunaren eskura.

Vitoria–Gasteiz, 2006ko urriaren 30a.

IDAZKARI JUDIZIALA.