Euskal Herriko Agintaritzaren Aldizkaria

224. zk., 2006ko azaroaren 23a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hezkuntza, Unibertsitate eta Ikerketa Saila

5877

AGINDUA, 2006ko azaroaren 6koa, Hezkuntza, Unibertsitate eta Ikerketa sailburuarena, argitara ematen duena Bigarren Hezkuntzako Institutuetako, Goi Mailako Lanbide Heziketako Berariazko Institutuetako, Hizkuntza Eskola Ofizialetako eta Musika Kontserbatorioetako unibertsitateaz kanpoko sare publikoko irakaskuntzako langileen plantillak Lanpostuen Zerrenda berriaren arabera egokitzeko prozesuaren behin betiko emaitza.

Urriaren 10eko 198/2006 Dekretuaren bidez (2006ko urriaren 25eko EHAA, 204. zk.) aldatutako apirilaren 16ko 86/2002 Dekretuak (2002ko apirilaren 19ko EHAA, 74. zk.), alde batetik, irizpideak ezarri zituen Lanpostuen Zerrendak, ikasturtez ikasturte, Bigarren Mailako Irakaskuntzako Institutuetako, Hizkuntza Eskola Ofizialetako, Musika Kontserbatorioetako eta Goi–Mailako Lanbide–Heziketako Berariazko Institutuetako zein irakaslerengan duen eragina zehazteko; bestetik, irakasleak dagozkien zentroetan berriro atxikitzeko prozesua arautu zuen. Hori guztia, jakina, aipatu ikastetxe publikoen plantilla ikasturte bakoitzean egokitzeko asmoz gure Autonomia Erkidegoaren errealitate akademiko, demografiko eta soziolinguistiko aldakorrari.

Beste alde batetik, urriaren 10eko 196/2006 Dekretuaren bidez (urriaren 23ko EHAA, 202. zk.), Euskal Autonomia Erkidegoko Bigarren Hezkuntzako Herri Ikastetxeetan, Helduen Hezkuntzakoetan, Hizkuntza Eskola Ofizialetan, Erdi Mailako Musika Kontserbatorioetan eta Arte Eskoletan lan–kontratuko irakasleentzat eta Irakaskuntzako hainbat kidegotako funtzionarioentzat erreserbatutako lanpostuen zerrenda onartu zen.

Aipaturiko arauetan jartzen duena betetzearren, eragindako ikastetxe bakoitzean ekin zaio langileak berratxikitzeko prozesuari, eta 86/2002 Dekretuaren 17. artikuluak aurrez ikusitako aparteko bileraren baitan gauzatu da prozesu hori, eta bileren aktetan dago jasota prozesuaren emaitza.

Akta horiek esku artean, ongi daudela ikusirik, edo akatsik antzemanez gero, akatsok konpondurik, eta gertatutako gorabeherak eta aurkeztutako erreklamazioak azterturik, bidezko da prozesuaren behin betiko emaitzaren berri ematea orain. Eta horretarakoxe da, hain zuzen ere, Agindu hau. Bete da, horrenbestez, 86/2002 Dekretuaren 17. artikuluak xedaturikoa.

Ondorioz, honako hau

XEDATU DUT:

1.– Argitara ematea Bigarren Hezkuntzako institutuetako, Hizkuntza Eskola Ofizialetako, Musika Kontserbatorioetako eta Goi Mailako Lanbide Heziketako Berariazko Institutuetako unibertsitateaz kanpoko sare publikoko irakaskuntzako langileen plantillak Lanpostuen Zerrenda berriaren arabera egokitzeko prozesuaren behin betiko emaitza. Honako agiri hauek erabiliko dira horretarako:

a) I. eranskina: lekuz aldaturik gertatu diren pertsonen zerrenda. Ondokoak adierazten dira horiei buruz: zein lanpostutik aldarazi dituzten, lanpostu horren espezialitatea, hizkuntza–eskakizuna eta derrigorrezkotasun–data; zein fasetan parte hartu duten eta atxikipen–mota.

b) II. eranskina: ezabatuen zerrenda.

c) III. eranskina: beste lanpostu batera berratxikitako pertsonen zerrenda. Ondokoak adierazten dira horiei buruz: zein lanpostura berratxiki dituzten, espezialitatea, hizkuntza–eskakizuna eta derrigorrezkotasun–data zehaztuz; prozesuaren zein fasetan berratxiki diren eta atxikipen–mota.

d) IV. eranskina: aurreko prozesuetan lekuz aldaturik gertatu eta, orain, atzera plazaren erabateko titularitatea lortu dutenen zerrenda. Behin betiko destinoko plazaren espezialitatea, hizkuntza–eskakizuna eta derrigorrezkotasun–data ere zehaztu dira, baita prozesuaren zein fasetan parte hartu duten eta atxikipen–mota ere.

e) V. eranskina: baterabiltze– edo integrazio–prozesuetan parte hartu duten pertsonen zerrenda. Behin betiko destinoko plazaren espezialitatea, hizkuntza–eskakizuna eta derrigorrezkotasun–data ere zehaztu dira, baita atxikipen–mota ere.

2.– 86/2002 Dekretuaren 18.1.e artikuluak aurrez ikusi duenaren arabera, langileak birbanatzeko prozesu honek 2006–2007 ikasturte hasieratik (2006ko irailaren 8a) aurrera izango ditu ondorioak.

Agindu honen aurka, aukerako berraztertzeko errekurtsoa jar dakioke, Hezkuntza, Unibertsitate eta Ikerketa sailburuari, hilabeteko epean, edo administrazioarekiko auzi–errekurtsoa, Euskal Autonomia Erkidegoko Auzitegi Nagusiaren Administrazioarekiko Auzietako Salan, bi hilabeteko epean. Agindu hau Euskal Herriko Agintaritzaren Aldizkarian argitaratu eta hurrengo egunetik aurrera hasiko dira zenbatzen errekurtso baterako eta besterako epeak.

Vitoria–Gasteiz, 2006ko azaroaren 6a.

Hezkuntza, Unibertsitate eta Ikerketa sailburua,

JOSÉ ANTONIO CAMPOS GRANADOS.

LABURDUREN ESANAHIA

ALDIA/TXANDA:

1.1 lekuz aldaraziko diren langileak zehaztea.

1.2 lekuz aldarazitako langileek titularitatea berreskuratzea.

2.1 espezialitate bereko eta hizkuntza–eskakizun edo derrigorrezkotasun data ezberdineko lanpostuetan berratxikitzea, eta hizkuntza–aldaketak.

2.2 espezialitate ezberdineko lanpostuetan berratxikitzea.

2.3 lekuz aldarazitako eta berratxiki gabeko pertsonak berratxikitzea.

BT lanpostuak baterabiltzea.

ADSKRIPZIO–MOTA (AM):

B ongi adskribatuta.

P 2. HE egiaztazeko mugaeguna gaindituta duten lanpostuetan IGArekin aldi baterako ongi adskribatuta.

E HE egiaztatzeko mugaeguna gaindituta duten lanpostuetan HErik gabe (hizkuntza–aldaketa) aldi baterako ongi adskribatuta.

T HE atzeratutako lanpostuetan HErik gabe aldi baterako ongi adskribatuta.

OHARRAK:

EPEA: lanpostuari HE ezabatzea, egiaztatzeko epea bete izanagatik.