RSS
59. zk., 2006ko martxoaren 24a, ostirala
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Agintariak eta Langileria
Herrizaingo Saila
1570
EBAZPENA, 2006ko martxoaren 20koa, Euskal Herriko Poliziaren Ikastegiko zuzendariarena, 2005eko abenduaren 26ko Ebazpenaz (2006ko urtarrilaren 16ko EHAA, 10. zk.) deitutako Ertzaintzaren Oinarrizko Eskalako Agente Kategorian sartzeko hautaketa prozeduran onartutako eta bazter utzitako izangaien behin betiko zerrenda onartzen duena eta oposizio aldiaren lehenengo proba egiteko data zehazten duena.
Ertzaintzaren Oinarrizko Eskalako Agente Kategorian sartzeko hautaketa prozedurarako deia egiten duen 2005eko abenduaren 26ko (2006ko urtarrilaren 16ko EHAA, 10. zk.) Ebazpeneko Laugarren Oinarrian eta Zortzigarren Oinarriko 2. eta 5. zenbakietan ezarritakoarekin bat etorriz, honako hau
EBATZI DUT:
Lehenengoa.– 2006ko martxoaren 1eko Ebazpenaz (martxoaren 7ko EHAA, 46. zk.) argitaratutako hautaketa prozedurako onartuen behin-behineko zerrendan Ebazpen honetako I. eranskinean jasota datozen izangaiak sartzea, bereen eskabide zenbakien bitartez identifikatutakoak direnak.
Bigarrena.– Aipatutako zerrendok behin betiko egitea.
Hirugarrena.– Oposizio aldiko lehenengo proba egiteko eguna argitaratzea. Aipatutako proba Euskal Herriko Poliziaren Ikastegiko instalazioetan izango da; Arkauten, 2006ko apirilaren 8an, 09:00etan.
Oposizioan parte hartuko dutenek nortasun agiri nazionala, pasaportea edo gidatzeko baimena eraman beharko dute proba honetara; Epaimahai Kalifikatzaieleak noiznahi eska baitiezaieke hori erakusteko.
Ebazpen honen kontra, administrazio bideari amaiera ematen baitio, interesatuek Euskal Herriko Poliziaren Ikastegiko zuzendariaren aurrean aukerako berraztertzeko errekurtsoa jarri ahal izango dute argitaratu eta biharamunetik hasita hilabeteko epean; edota zuzenean aurkatu ahal izango dute administrazio-auzietarako orden jurisdikzionalarren aurrean argitaratu eta hurrengo egunetik hasita bi hilabeteko epean. Azkeneko hau aukeratuz gero, administrazio-auzietarako epaitegietako lurralde eskumenetarako arauak hartuko dira kontuan, Administraziorekiko Auzietarako Jurisdikzioaren uztailaren 13ko 29/1998 Legearen 14. artikuluan jasotakoak.
Arkaute, 2006ko martxoaren 20a.
Euskal Herriko Polizia Ikastegiko zuzendaria,
GUADALUPE CAMINO GARCÍA.
