Euskal Herriko Agintaritzaren Aldizkaria

214. zk., 2005eko azaroaren 10a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Bilboko Lehen Auzialdiko 8 Zenbakiko Epaitegia

5590

EDIKTUA, 1041/04 judizio arruntaren ondoriozkoa.

Bilboko Lehen Auzialdiko 8 zenbakiko Epaitegia (Bizkaia).

Judizioa: L2 1041/04, prozedura arrunta.

Demandatzailea: HBF Auto Renting, SA.

Abokatua: Jesús Javier Fernández Castañeda.

Prokuradorea: Elsa Pacheco Gurpegui.

Demandatua: Román Madariaga García, José María Reyero García eta Miresman, SL.

Gaia: N01, judizio arrunta.

2005eko irailaren 13an, aipatutako judizioan epaia eman da, zeinaren epaitza ondokoa baita:

EPAITZA

Zati batean baietsi dut Elsa Pacheco Gurpegui prokuradoreak, HBF Auto Renting, SAren izenean eta ordez, Miresman, SL, Román Madariaga García eta José María Reyero Garcíaren aurka ezarri duen demanda.

A) Suntsitutzat eta amaitutzat deklaratzen dut ibilgailuen epe luzerako errentamendu-kontratu hau: Z12A20020006704 zenbakia, HBF Auto Renting, SAren eta Miresman, SL eta haren fidatzaile solidario diren Román Madariaga García eta José María Reyero Garcíaren artean hitzartutakoa.

b) HBF Auto Renting, SA sozietatea honako furgoneta honen jabea dela deklaratzen dut: marka: Ford; modeloa: Transit FT 350 L MIX, xasis-zenbakia:: WFOKXXGBFK1G85529; matrikula: 2995 CCX.

C) Errentamenduan sortutako errentak direla medio jasotako zenbatekoen behin betiko esleipena deklaratzen dut demandatzailearen alde.

D) Ondorioz, demandatzaileak honako honetara kondenatzen ditut: HBF Auto Renting, SAri aipatutako furgoneta modu solidarioan itzultzera; berehalakoan eta egoera onean itzuli beharko dute furgoneta hori. Halaber, furgonetaren giltzak eta dagokion dokumentazioa ere itzuli beharko dute, eta demandatuen kargura izango dira furgoneta itzultzerakoan sortzen diren gastuak. Eta epaia betearazterakoan kontuan izan beharko da ibilgailu hori, 2005eko maiatzaren 5ean, alderdi demandatzaileak izendatutako gordailuzainari, Javier Fernández Castañedari, entregatu ziola guardia zibilak.

E) Demandatuak HBF Auto Renting, SAri 3.842,45 euro modu solidarioan ordaintzera kondenatzen ditut; zenbateko hori errentamendu-kontratuaren epemugatutako errentei dagokiena izango da; hain zuzen ere, demanda aurkeztu zenean, artean ordaindu gabe zeuden errentei dagokiena. Eta epaia betearazterakoan kontuan izan beharko da, José María Reyero García demandatuak, 2005eko otsailaren 28an ordaindu zuela zenbateko hori, eta demandatzaileari entregatu zitzaiola.

F) Demandatuak honako honetara kondenatzen ditut: HBF Auto Renting, SAri epemugatutako eta ordaindu gabeko errentei dagozkien berandutza-interesak —hileko % 2az kalkulatutakoak— modu solidarioan ordaintzera; interes horiek, 2004ko urriaren 25ean, 227,99 euro osatzen zuten; halaber, 2005eko otsailaren 28rarte sortutako interesak ordaintzera kondenatzen ditut. Eta epaia betearazterakoan kontuan izan beharko da José María Reyerok epaitegi honen kontuan 227,79 euro sartu zituela, eta zenbateko hori demandatzaileari entregatu zitzaiola.

G) Demandatzaileak kondenatzen ditut HBF Auto-Renting, SAri bi mila bostehun eta laurogeita hamazazpi euro eta laurogeita hiru zentimo (2.597,83 euro) modu solidarioan ordaintzera; zenbateko hori errentamendu-kontratuan epemugatuta ez dauden errenten % 30ari (2005-09-25etik 2007-11-25era artekoak) eta urteko interesari (diruaren legezko interesa, ebazpen hau ematen denetik aitzina bi puntu gehituta) dagokio.

H) Demandatuak adierazitako guztia onartzera eta betetzera

kondenatzen ditut; halaber, ondasuna modu solidarioan entregatzera eta adierazi den bezala ordainketak egitera kondenatzen ditut. Bestalde, kostuak ez zaizkio inori ezarriko.

Demandatuak, Román Madariaga Garcíak eta Miresman, SL sozietateak, helbidea egun non duen ez dakigunez, erabaki da ebazpen hori Bizkaiko Aldizkari Ofizialean argitaratutako ediktu baten bidez jakinaraztea, Prozedura Zibilari buruzko 1/2000 Legearen 497.2 artikuluan agindutakoarekin bat (PZLb).

Ebazpen horren aurka demandatu auzi-iheslariak apelazio-errekurtsoa aurkez dezake Bizkaiko Probintzia Auzitegian.

Epaitegi honetan aurkeztutako idazki baten bidez egin beharko da errekurtsoa, ediktu hau argitaratu eta hurrengo egunetik aurrera, bost egun balioduneko epean. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen den (PZLb, 457.2 artikulua).

Jakinarazten den ebazpenaren testu osoa interesdunaren eskura dago epaitegi honetako idazkaritzan.

Bilbao (Bizkaia), 2005eko irailaren 27a.

IDAZKARI JUDIZIALA.