Euskal Herriko Agintaritzaren Aldizkaria

214. zk., 2005eko azaroaren 10a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Barakaldoko Lehen Auzialdiko 1 Zenbakiko Epaitegia

5583

EDIKTUA, errentak ez ordaintzeagatik desahuzioa egiteko eta errentak erreklamatzeko 763/04-A zenbakiko L2 hitzezko judizioaren ondoriozkoa.

Barakaldoko Lehen Auzialdiko 1 zenbakiko Epaitegia (Bizkaia).

Judizioa: desahuzioari buruzko hitzezko judizioa. L2 763/04.

Demandatzailea: Amaya Ayuela Nieto andrea.

Abokatua: Luis Benjamín Quintana Damborenea jauna.

Prokuradorea: Jesús María Martínez Rivera jauna.

Demandatua: Francisco Javier Rosado Lourdes jauna.

Gaia: ordainketak ez egiteagatiko desahuzioa eta errentak erreklamatzea.

2004ko azaroaren 11n, aipatu judizioan epai eman da, zeinaren epaitza ondokoa baita:

EPAITZA

Jesús Martínez Rivero prokuradoreak, Amaya Ayuela Nieto andrearen izenean eta ordez, auzi-ihesean den Francisco Javier Rosado Lourdes jaunaren aurka jarritako demanda osorik baietsi dut; horregatik, alderdiek 2003ko abenduaren 11n sinatutako errentamendu-kontratua (etxebizitza: Ruperto Medina kalea, 16. zk., 4. solairua, esk., Portugalete) suntsitutzat deklaratzen dut (arrazoia: ez ordaintzea), eta demandatua etxebizitza libre eta demandatzailearen esku uztera kondenatzen dut, legez ezarritako epean hala egiten ez badu, bertatik botako dela ohartaraziz. Halaber, demandatzaileari 3.846,48 euro ordaintzera kondenatzen dut demandatua (2004ko apiriletik azarora bitartean —biak barne— ordaindu gabe dituen errentei dagokien zenbatekoa); zenbateko horri diruaren legezko interesa aplikatuko zaio, epai honen egunetik aitzina, bi puntuz gehituta; eta horretaz gain, etxebizitza demandatzailearen esku utzi arteko errentak ere ordaindu beharko dira. Bestalde, prozesuan sortzen diren kostuak berariaz ezarriko zaizkio alderdi demandatuari.

Francisco Javier Rosado Lourdes demandatuaren gaur egungo helbidea ezezaguna denez gero, aipatu ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da, Prozedura Zibilari buruzko 1/2000 Legearen 497.2. artikuluan agindutakoarekin bat.

Ebazpen horren aurka demandatu auzi-iheslariak apelazio-errekurtsoa aurkez dezake, Bizkaiko Probintzia Auzitegian.

Epaitegi honetan aurkeztutako idazki baten bidez egin beharko da errekurtsoa, ediktu hau argitaratu eta hurrengo egunetik aurrera, bost egun balioduneko epean. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen den (PZLb, 457.2 artikulua).

Jakinarazten den ebazpenaren testu osoa interesdunaren eskura dago epaitegi honetako idazkaritzan.

Barakaldo (Bizkaia), 2005eko irailaren 28a.

IDAZKARI JUDIZIALA.