Euskal Herriko Agintaritzaren Aldizkaria

214. zk., 2005eko azaroaren 10a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Hezkuntza, Unibertsitate eta Ikerketa Saila

5579

AGINDUA, 2005eko urriaren 28koa, Hezkuntza, Unibertsitate eta Ikerketa sailburuarena, ikastetxeei buruzko informazioa, alegia, 2005-2006 ikasturteari dagokiona, eredu bateratuaren bidez biltzeko dena.

Hezkuntza-plangintza eta kudeaketa arloetako beharrei erantzun ahal izateko, eta estatistika ondorioetarako, unibertsitatez besteko irakaskuntzak ematen dituzten Euskal Autonomia Erkidegoko ikastetxe guztietan 2005-2006 ikasturteari dagokion informazioa modu bateratuan bilduko da. Horretarako, Baliabide Material, Informatika eta Antolamendu Zuzendaritzaren proposamenez, hauxe

XEDATU DUT:

Lehenengoa.– Euskal Autonomia Erkidegoan beren egoitzak dituzten unibertsitatez besteko ikastetxe guztiek, Eskola Jarduera izenpean antolatu den galdera zerrendari erantzun beharko diote, eta zehaztasunez eta egiatasunez bete.

Bigarrena.– Ikastetxeko zuzendariak gainbegiratu beharko du ereduak nola bete diren, izan ere, honek abalatzen baitu bere izenpeaz, ematen den informazioaren egiazkotasuna. Galdesortak bete ondoren Lurralde Ordezkaritzek ezarritako epe barruan aurkeztu behar dira. Ondoren Estatistika Atalek erantzunen azterketa egin eta elaborazioari ekingo diote.

AZKEN XEDAPENAK

Lehenengoa.– Hezkuntzako lurralde ordezkariei esku ematen zaie, agindu honetan ezartzen dena garatzeko eta aplikatzeko beharrezkoak diren neurriak har ditzaten.

Bigarrena.– Agindu honek eragina izango du Euskal Herriko Agintaritzaren Aldizkarian argitaratu ondoren.

Vitoria-Gasteiz, 2005eko urriaren 28a.

Hezkuntza, Unibertsitate eta Ikerketa sailburua,

JOSÉ ANTONIO CAMPOS GRANADOS.