Euskal Herriko Agintaritzaren Aldizkaria

188. zk., 2005eko urriaren 3a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Gernika-Lumoko Lehen Auzialdiko 1 Zenbakiko Epaitegia

4881

EDIKTUA, zenbateko bat erreklamatzeari buruzko 194/05 prozeduraren ondoriozkoa.

Gernika-Lumoko (Bizkaia) Lehen Auzialdiko 1 zenbakiko Epaitegia.

Judizioa: L2 194/05, prozedura arrunta.

Alderdi demandatzailea: Fomivalsa, S.A.

Alderdi demandatua: Eclipse Sport, S.L.

Gaia: judizio arrunta, zenbateko bat erreklamatzekoa.

Alderdi demandatuari zedula entregatzea erabaki da aipatu judizioan. Zedula horren testuak hau dio, hitzez hitz:

EPATZE-ZEDULA

Epatzea agintzen duen auzitegia: Gernika-Lumoko (Bizkaia) Lehen Auzialdiko 1 zenbakiko Epaitegia.

Ebazpenaren gaia: goian aipatutakoa.

Nor epatzen den: Eclipse Sport, S.L., alderdi demandatua denez.

Helbidea: Zabalondo 44 - Mungia (Bizkaia).

Epatzearen xedea: aipatutako judizioan agertzea, alderdi demandatu gisa demandari erantzuteko. Honekin batera demandaren kopia, aurkeztutako dokumentuena eta demanda onartzeko autoarena doaz.

Zein auzitegiren aurrean agertu behar duen: epaitegi honen egoitzan.

Agertzeko epea: hogei egun baliodun, epatze hau egin eta hurrengo egunetik aurrera zenbatuta.

LEGEZKO OHARTARAZPENAK

1.– Agertzen ez bazara, prozesu honetan auzi-iheslaritzat joko zaitugu. Auzi-iheseko deklarazio hori jakinarazitakoan, ez zaizu beste jakinarazpenik egingo, prozesuari amaiera ematen dion ebazpenarena izan ezik (Prozedura Zibileko 1/2000 Legeko –PZLb-ko– 496 eta 497. artikuluak).

2.– Prokuradore bidez eta abokatuak lagunduta agertu beharko duzu judizioan (PZLb-ko 23 eta 31. artikuluak).

3.– Prozesua bideratzen ari den bitartean bizilekuz aldatuz gero, Auzitegi honi ezagutarazi egin beharko diozu (PZLb-ko 155.5 artikuluko lehenengo paragrafoa).

Gernika-Lumon (Bizkaia), bi mila eta bosteko irailaren batean.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legeko 156.4 eta 164 artikuluetan xedatutakoarekin bat etorriaz, epaileak, 2005-09-01eko probidentziaz, ediktu hau epaitegiko iragarki-oholean eta EHAAn argitaratzea erabaki du, epatzeko eginbidea gauza dadin hain justu ere.

Gernika-Lumo (Bizkaia), 2005eko irailaren 1a.

IDAZKARI JUDIZIALA.