Euskal Herriko Agintaritzaren Aldizkaria

188. zk., 2005eko urriaren 3a, astelehena

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Barakaldoko Lehen Auzialdiko 5 Zenbakiko Epaitegia

4879

EDIKTUA, guraso eta seme-alaben arteko harremanen gaineko 1101/04 prozeduraren ondoriozkoa.

Barakaldoko Lehen Auzialdiko 5 zenbakiko Epaitegia (Bizkaia).

Judizioa: L2 1101/04 seme-alaba adingabeei buruzko neurriak, adostasunik gabeko espedientea.

Alderdi demandatzailea: Ainhoa Sánchez Carballo.

Alderdi demandatua: José María Suárez Clemente.

Gaia: guraso eta seme-alaben arteko harremanak.

Alderdi demandatuari zedula entregatzea erabaki da aipatu judizioan. Zedula horren testuak hau dio, hitzez hitz:

169/05 EPAIA

Barakaldon, bi mila eta bosteko martxoaren hamaikan.

Nik, José Gabriel Álvarez Lópezek, Barakaldoko Lehen Auzialdiko (Familia) 5 zenbakiko Epaitegiko epaile magistratua naizen aldetik, ikusi ditut 1101/04 zenbakiko autoak (PZLb, seme-alaba adingabeei buruzko neurriak, adostasunik gabeko espedientea). María Carmen Ulibarrena Bellido prokuradoreak, Ainhoa Sánchez Carballoren izenean eta ordez eta Lucía Urbaneja Riego letraduak lagunduta, demanda bat aurkeztu du auzi-iheslari den José María Suárez Clementeren aurka, eta demanda horren ondorioz izapidetu dira, hain justu, aipatu autoak. Fiskaltzak parte hartu du. Erregearen izenean eta Konstituzioak ematen dizkidan ahalmenez baliatuz, ondoko epaia eman dut.

EPAITZA

Zati batean baietsi egin dut María Carmen Ulibarrena Bellido prokuradoreak, Ainhoa Sánchez Carballoren izenean eta ordez aurkeztu duen zaintzari eta elikagaiei buruzko demanda, José María Suárez Clementeren aurkakoa. Beraz, honako neurri hauek agintzen ditut:

a) Uxue eta Iker adingabeen zaintza eta babespea emazteari eman zaizkio; zaintza ez duen gurasoarentzat ez da bisita-erregimenik ezarri.

b) Senarrak hilero laurehun (400) euro ordaindu beharko dizkio emazteari, seme-alaben elikagai-pentsio gisa, 200 euro seme-alaba bakoitzeko. Dirua, emazteak izendatzen duen kontuan sartu beharko du, aurreratuta, hil bakoitzaren lehenengo bost egunen barruan. Zenbateko hori urtarrilaren lehenero eguneratuko da Estatistikako Institutu Nazionalak edo antzeko erakundeak argitaratutako KPIk izaten dituen aldaketen arabera.

Ez da kosturik ezarriko.

Jakinaraz bekie epai hau alderdiei, irmoa ez dela eta apelazio-errekurtsoa aurkez dezaketela adieraziz. Epaitegi honetan eta bost eguneko epearen barruan aurkeztu beharko da errekurtso hori, eta Probintzia Auzitegia arduratuko da errekurtsoaz.

Eta epai honen bitartez, erabaki, agindu eta sinatzen dut.

Argitalpena.– Epaiari dagokion egunean, jendaurreko entzunaldia egiten ari zelarik, epaia eman zuen epaile magistratu berberak eman, irakurri eta argitaratu zuen. Eta nik, idazkari naizenez, horren guztiaren fede ematen dut.

Alderdi demandatuaren gaur egungo helbidea edo bizilekua ezezaguna denez gero, Prozedura Zibilaren 1/2000 Legeko 156.4 eta 164 artikuluetan xedatutakoarekin bat etorriz, epaileak, 2005-07-29ko Probidentziaren bitartez, Euskal Herriko Agintaritzaren Aldizkarian ediktu hau argitaratzea ebatzi du, epaiaren jakinarazpen-eginbidea gauza dadin.

Barakaldo (Bizkaia), 2005eko uztailaren 29a.

IDAZKARI JUDIZIALA.