Euskal Herriko Agintaritzaren Aldizkaria

245. zk., 2004ko abenduaren 24a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Bilboko Lehen Auzialdiko 14 Zenbakiko Epaitegia

6667

EDIKTUA, adostasunik gabeko banaketa bati buruzko 92/04 prozeduraren ondoriozkoa.

EDIKTUA

Bilboko Lehen Auzialdiko 14 zenbakiko Epaitegia (Bizkaia).

Judizioa: L2 92/04, adostasunik gabeko banaketa.

Alderdi demandatzailea: Elisabet Blanco Grande.

Alderdi demandatua: Baghdad Bensedira.

Gaia: L02, adostasunik gabeko banaketa.

Aipatu judizioaren gainean epaia eman da, zeinaren epaitza eta idazpurua honako hauek baitira, hitzez hitz:

/2004 ZK.KO EPAIA

Epailea: Alejandro José Galán Rodríguez jauna.

Lekua: Bilbao (Bizkaia).

Eguna: 2004ko azaroaren 24a.

Alderdi demandatzailea: Elisabet Blanco Grande andrea.

Abokatua: Rosa Isabel Arancón Martínez andrea.

Prokuradorea: Teresa Martínez Sánchez andrea.

Alderdi demandatua: Baghdad Bensedira jauna.

Judizioaren gaia: L02, adostasunik gabeko banaketa.

EPAITZA

Baietsi egin dut Teresa Martínez Sánchez prokuradoreak Elisabet Blanco Grande andrearen izenean eta ordez aurkeztutako demanda, Baghdad Bensedira jaunaren aurka. Horrenbestez, behin betiko neurri hauek hartzea erabaki dut:

1.– Biek osatzen duten ezkontza, Bilbon (Bizkaia) 2002ko apirilaren 12an egindakoa, banatuta dago. Beraz, bertan behera uzten da ezkontza-elkarbizitzaren presuntzioa.

2.– Ezkontideek elkarri emandako baimenak eta ahalak errebokaturik geratzen dira, eta etxe-ahala baliatuaz beste ezkontidearen ondasun pribatiboak lotetsi ahal izateko aukera bertan behera uzten da.

3.– Emazteari izendatu zaizkio ezkontza-egoitzaren erabilera eta etxeko hornidura. Senarrak bere arropak eta gauzak atera ahal izango ditu etxebizitzatik —aterata ez baditu—, bost eguneko epean.

Kosturik ez da ezarriko.

Ebazpen hau irmo bilakatu bezain laster, jakinaren gainean jar bitez kasuan kasuko Erregistro Zibilak dagozkion erregistro-ondorioetarako.

Inpugnatzeko modua: apelazio-errekurtsoa, Bizkaiko Probintzia Auzitegian (Prozedura Zibilari buruzko Lege berriaren 455. artikulua).

Errekurtsoa epaitegi honetan aurkeztutako idazki baten bitartez egin beharko da, ediktu hau argitaratu eta hurrengo egunetik harako bost egun balioduneko epearen barruan. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen diren (PZLb, 457.2. artikulua).

Eta epai honen bitartez ebatzi, agindu eta sinatu dut.

Alde demandatuaren gaur egungo helbidea edo bizilekua ezezaguna denez gero, Prozedura Zibilari buruzko 1/2000 Legearen 156.4 eta 164. artikuluetan xedatutakoarekin bat etorriz, ediktu hau EHAAn argitaratzea ebatzi du epaileak, epaia jakinarazteko eginbidea gauza dadin.

Bilbao (Bizkaia), 2004ko azaroaren 25a.

IDAZKARI JUDIZIALA.