RSS
233. zk., 2004ko abenduaren 7a, asteartea
- Bestelako formatuak:
- Testu elebiduna
Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da
Justizi Administrazioa
Donostia-San Sebastiángo Lehen Auzialdiko 1 Zenbakiko Epaitegia
6251
EDIKTUA, judizio arrunt bati buruzko 35/03 prozeduraren ondoriozkoa.
JAKINARAZPEN ZEDULA
Donostiako Lehen Auzialdiko 1 zenbakiko Epaitegian, L2 35/03 prozedura arrunta bideratu da (judizio arrunta), Juan Olasagasti Larburuk eskatuta, Trenwick International Limited aseguru-etxearen kontra. Prozedura horren gainean epaia eman da. Hona hemen idazpurua eta epaitza, kopiatuta:
669/04 (234/04) EPAIA
Epailea: Margarita Hidalgo Bilbao andrea.
Lekua: Donostia-San Sebastián.
Eguna: bi mila eta lauko urriaren hamahirua.
IZO: 20.05.2—03/000368 Prozedura: L2 35/03, prozedura arrunta.
Alderdi demandatzailea: Juan Olasagasti Larburu.
Abokatua:
Prokuradorea: Santiago Tames Alonso.
Alderdi demandatua: Trenwick International Limited.
Abokatua:
Prokuradorea:
Judizioaren gaia: judizio arrunta.
EPAITZA
Baietsi egin dut Santiago Tames Alonso epaitegietako prokuradoreak eta Juan Olasagasti Larburu jaunak aurkeztutako demanda, Trenwick International Limited aseguru-etxearen aurka. Kondenatu egin behar dut eta kondenatu egiten dut demandatua 24.040,48 euro ordaintzera, eta bai zenbateko horri dagozkion legezko interesak ordaintzera ere, Aseguruen Kontratuei buruzko Legearen 20. artikuluan zehazten den eran. Kondenatu egiten dut, baita ere, prozesuko kostuak ordaintzera.
Epai honen aurka apelazio-errekurtsoa aurkez daiteke: bost eguneko epean aurkeztu beharko da, epaitegi honetan, Donostiako Probintzia Auzitegian ebatz dezaten.
Eta honen bitartez, epaia eman, agindu eta sinatu egiten dut.
Argitalpena: Aipatutako epaia sinatu eta argitaratu du izenpetzen duen epaile magistratuak, entzunaldi publikoa egiten ari zela, egun berean. Fede ematen dut.
Demandatu den Trenwick International Limited aseguru-etxeari behar bezalako jakinarazpena egiteko balio dezan egin eta sinatu dut hau, Donostia-San Sebastiánen, 2004ko azaroaren 3an.
IDAZKARIA.