Euskal Herriko Agintaritzaren Aldizkaria

233. zk., 2004ko abenduaren 7a, asteartea

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Bilboko Lehen Auzialdiko 11 Zenbakiko Epaitegia

6250

EDIKTUA, ordainketak ez egiteagatiko desahuzioa egiteko hitzezko judiziori buruzko 258/04 zk.ko prozeduraren ondoriozkoa.

EDIKTUA

Bilboko Lehen Auzialdiko 11 zenbakiko Epaitegia (Bizkaia).

Judizioa: L2 258/04, hitzezko judizioa.

Alderdi demandatzailea: María Gloria Carbayo Lafuente.

Alderdi demandatua: Monserrat Casquero Sánchez eta José María Sousa Vela.

Gaia: N11, ordainketak ez egiteagatiko desahuzioa.

Aipatu judizioaren gainean ebazpena hartu da. Hau dio, hitzez hitz:

150/04 ZK.KO EPAIA

Epailea:	Bilboko Lehen Auzialdiko 11 zenbakiko Epaitegiko magistratua.	

Lekua:	Bilbao (Bizkaia).	

Eguna:	2004ko urriaren 20a.	

Alderdi 	María Gloria Carbayo Lafuente.	

demandatzailea:

Abokatua:	María Aranzazu Villarroel Durántez.	

Prokuradorea:	Susana Sánchez Hidalgo.	

Alderdi 	Monserrat Casquero Sánchez eta

demandatua:

José María Sousa Vela.	

Abokatua:	eta	

Prokuradorea:	eta	

Judizioaren gaia:	N11, ordainketak ez egiteagatiko desahuzioa.	

AURREKARIAK

Lehenengoa.– M.ª Gloria Carbayo Lafuente andrearen ordezkariak demanda aurkeztu zuen. Banaketa-txandaren arabera, epaitegi honi egokitu zitzaion demanda bideratzea. Demandan, batetik, demanda oinarritzeko beharrezkotzat eta aplikagarritzat jo zituen egitateak eta zuzenbideko oinarriak aipatu zituen; eta bestetik, epaitegiari eskatu zion José M.ª Sousa Vela jaunaren eta Monserrat Casquero Sánchez andrearen kontrako epaia emateko, demandatzaileari honako hauek ordaintzera kondenatuz: 1.892,09 euro eta legezko interesak, ordaindu gabeko errenten erreklamazioari dagozkionak hain zuzen; azkenik, kostuak berariaz demandatuari ezartzeko eskatu zuen.

EPAITZA

Baietsi egin dut M.ª Gloria Carbayo Lafuente andrearen ordezkariak aurkeztutako demanda, Monserrat Casquero Sánchez andrearen eta José M.ª Sousa Vela jaunaren kontra. Kondenatu egin behar ditut eta kondenatu egiten ditut demandatuak 1.892,09 euro, legezko interesak eta prozesu honen kostuak ordaintzera.

Inpugnatzeko modua: apelazio-errekurtsoa, Bizkaiko Probintzia Auzitegian (Prozedura Zibilari buruzko Lege berriaren 455. artikulua). Errekurtsoa epaitegi honetan aurkeztutako idazki baten bitartez egin beharko da, ediktu hau argitaratu eta hurrengo egunetik harako bost egun balioduneko epearen barruan. Errekurtso horretan, bestalde, honako hauek adierazi beharko dira: zein ebazpen apelatzen den, errekurritzeko nahia eta zein erabaki inpugnatzen den (PZLb, 457.2 artikulua).

Epai honen bidez erabaki, agindu eta izenpetu dut.

Alderdi demandatuak helbidea edo bizilekua non duen jakiterik ez dagoenez gero, epaileak erabaki du ediktu hau epaitegiko iragarki-oholean eta Euskal Herriko Agintaritzaren Aldizkarian argitaratzea, demandatuari epaia jakinarazteko eginbidea gauzatzeko. Hala agintzen da Prozedura Zibilari buruzko 1/2000 Legearen 156.4 eta 164. artikuluetan.

Bilbao (Bizkaia), 2004ko urriaren 25a.

IDAZKARI JUDIZIALA.