Euskal Herriko Agintaritzaren Aldizkaria

140. zk., 2004ko uztailaren 23a, ostirala

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Industria, Merkataritza eta Turismo Saila

4054

EBAZPENA, 2004ko maiatzaren 31koa, Energia zuzendariarena, Donostiako udal barrutian "Miramon 6" izeneko 13,2 kV-ko Transformazio-Zentroa (mota: txabola garai bakuna) instalatzeko baimena ematen duena eta instalazioa burutzeko proiektua onartzen duena. Erref.: RI 20/24069 - A.T.H. 41/2001.

Iberdrola, SA. enpresak hala eskatuta, espediente bati eman zaio hasiera lurralde bulego honetan. Izan ere, enpresa horrek honako eskabidea egin du: aipatutako aireko linea elektrikoa eta transformazio zentroa instalatzeko administrazioaren baimena eman eta instalazioa burutzeko proiektua onartzeko. Enpresaren helbide soziala honakoa da: Mikeletegi kalea 1/3, Donostia. Bestalde, enpresak behar bezala bete ditu Instalazio elektrikoen garraio, banaketa, merkataritza, hornidura eta administrazio prozedurako jarduerak arautzen dituen abenduaren 1eko 1955/2000 Errege Dekretuaren (2000-12-27ko BOE) VII. tituluko II. kapituluan ezarritako izapideak, testu bereko azken xedapenetatik lehenengoan finkatutakoarekin bat etorriz, eta Industriari buruzko uztailaren 16ko 21/1992 Legean eta horrekin bat datozen gainerako legezko xedapenetan xedatutakoaren arabera.

Aurkeztutako proiektua aztertu da. Proiektua Fermín Labayen Jauregui elkargokideak (1180 kolegiatu zenbakia) sinatu du eta Gipuzkoako Peritu eta Industri Ingeniari Teknikoen Elkargo Ofizialak ikus-onetsi du. Ikus-onespenak 2001eko maiatzaren 17ko data du.

Industria, Merkataritza eta Turismo Sailaren egitura organikoa eta funtzionala ezartzen duen urriaren 16ko 223/2001 Dekretuak (2001-10-24ko EHAA) ematen dizkion eskumenez baliatuz, Energia zuzendariak honakoa.

EBATZI DU:

Baimena ematea Iberdrola, SA. enpresari Donostiako udal barrutian "Miramon 6" izeneko 13,2 kV-ko Transformazio Zentroa (mota: txabola garai bakuna) instalatzeko eta onartzea instalazioa burutzeko proiektua. Hona hemen proiektuaren ezaugarriak:

"Miramon 6" izeneko transformazio zentroa:

Mota: txabola garai bakuna.

Potentzia: 630 Kva.

Transformazio Erlazioa: 13.200/420 V.

Ebazpen hau abenduaren 1eko 1955/2000 Errege Dekretuan xedatutakoaren arabera eta honako baldintza orokor hauek ezarriz eman da:

1.– Obrak onartutako proiektuaren arabera egin beharko dira, dagokionean eskatu eta baimentzen diren aldakuntzekin.

2.– Instalazioak abiarazteko epea urtebetekoa izango da, ebazpen hau ematen denetik hasita.

3.– Instalazioen titularrak obrak amaitu izanaren berri emango dio Gipuzkoako Lurralde Bulegoari, honek behin betiko azterketa gauzatu eta instalazioak abiarazteko akta egin dezan.

4.– Baimen hau udalen edo probintzia-mailako baimen edo lizentzien eta obrak egiteko beharrezkoak diren bestelakoen kalterik gabe eta hauetatik bereiz ematen da eta eskatzailea ez du horiek lortzeko betebeharretik salbuesten. Halaber, hirugarrenek izan litzaketen eskubideen kalterik gabe eta jabetza-eskubidea salbu utziz ematen da.

Ebazpen honek ez du administrazio bidea amaitzen, eta, ondorioz, interesdunak gorako errekurtsoa aurkeztu ahal izango dio Administrazio eta Plangintzako sailburuordeari, hilabeteko epearen barruan ebazpen honen jakinarazpena jaso eta biharamunetik hasita, betiere azaroaren 26ko Administrazio Publikoen Araubide Juridikoaren eta Administrazio Prozedura Erkidearen 30/1992 Legea aldatzen duen 4/1999 Legean ezarritakoaren arabera.

Vitoria-Gasteiz, 2004ko maiatzaren 31.

Energia zuzendaria,

TXABER LEZAMIZ CONDE.