Euskal Herriko Agintaritzaren Aldizkaria

79. zk., 2004ko apirilaren 29a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Justizi Administrazioa

Bilboko Lehen Auzialdiko 1 Zenbakiko Epaitegia

2236

EDIKTUA, errentak ez ordaintzeagatiko desahuzio bati buruzko 736/03 hitzezko judizioaren ondoriozkoa.

Bilboko Lehen Auzialdiko 1 zk.ko Epaitegia.

Judizioa: L2.736/03 desahuzio bati buruzko hitzezko judizioa.

Demandatzailea: Gloria Cano Aja, Olga Ortiz Cano, Maria Luisa Ortiz Cano eta Javier Ortiz Cano.

Abokatua: De Castro Velasco, Fernando, De Castro Velasco, Fernando, De Castro Velasco, Fernando eta De Castro Velasco, Fernando.

Prokuradorea: Asunción Hurtado Madariaga, Asunción Hurtado Madariaga, Asunción Hurtado Madariaga eta Asunción Hurtado Madariaga.

Demandatua: Maria Angeles Carballo Azpitarte.

Gaia: N11, errentak ez ordaintzeagatiko desahuzioa.

2003-10-15ean, aipatu judizioan epai eman da, zeinaren epaitza ondokoa baita:

EPAITZA

1.– Maria Angeles Carballo Azpitarteren aurka, Gloria Cano Aja, Olga Ortiz Cano, Maria Luisa Ortiz Cano eta Javier Ortiz Canoren izenean eta haien ordez, Hurtado prokuradoreak sustatutako demanda onetsi egiten da, ebazpen honen aurrekarietan zehaztutako finkaren gaineko kontratua deseginda dagoela deklaratzen da, eta aipatu finka uztera kondenatzen da alde demandatua, legezko epearen barruan hala egiten ez badu, handik botako dela ohartaraziz.

2.– Prozesu honetan sortutako kostuak demandatuak ordaindu beharko ditu.

Aurka egiteko era: Bizkaiko Probintzia Auzitegian aurkeztutako apelazio errekurtsoaren bitartez (PZLb, 455. artikulua).

Jakinarazpena egin eta hurrengo egunetik harako bost egun balioduneko epearen barruan egin beharko da errekurtsoa, epaitegi honetan aurkeztutako idazki baten bitartez. Errekurtso horretan, bestalde, apelatutako ebazpena aipatu, errekurritzeko borondatea adierazi eta aurkatutako erabakiak zehaztu beharko dira (PZLb 457.2 artikulua).

Errekurtsoa aurkezteko idazkia onartzeko, ezinbestekoa izango da mugaeguneratutako errentak eta kontratuaren arabera aldez aurretik ordaindu beharrekoak ordainduta dituela egiaztatzea (PZLb, 449.1 artikulua).

Eta epai honen bitartez erabaki, agindu eta sinatu egiten dut.

Maria Angeles Carballo Azpitarte demandatuaren gaur egungo helbidea ezezaguna denez gero, Prozedura Zibilaren 1/2000 Legearen 497.2 artikuluan xedatutakoarekin bat etorriaz, aipatu ebazpena Euskal Herriko Agintaritzaren Aldizkarian argitaratutako ediktu batez jakinaraztea erabaki da.

Ebazpen horren aurka demandatu auzi-iheslariak apelazio errekurtsoa aurkez dezake Bizkaiko Probintzia Auzitegian.

Epaitegi honetan aurkeztutako idazki baten bitartez egin beharko da errekurtsoa, ediktu hau argitaratu eta hurrengo egunetik harako bost egun balioduneko epearen barruan. Errekurtso horretan, bestalde, honako hauek adierazi beharko dira: apelatutako ebazpena, errekurritzeko nahia eta aurkatzen diren erabakiak (PZLren 457.2 artikulua).

Jakinarazten den ebazpenaren testu osoa interesatuaren esku dago auzitegi honetako idazkaritzan.

Bilbao (Bizkaia), bi mila eta lauko otsailaren hogeita bosta.

IDAZKARI JUDIZIALA.