Euskal Herriko Agintaritzaren Aldizkaria

9. zk., 2004ko urtarrilaren 15a, osteguna

Hemen ikusgai dauden gainerako formatuen edukia PDF dokumentu elektroniko ofizial eta jatorrizkoa eraldatuz lortu da

Bestelako Xedapenak

Ogasun eta Herri Administrazio Saila

188

333/2003 DEKRETUA, abenduaren 23koa, Eusko Irratia-Radiodifusión Vasca, S.A. Sozietate Anonimo Publikoaren kapital-zabalkuntzan partaidetza izateko, Euskal Irrati Telebista-Radio Televisión Vasca Ente Publikoari baimena emateko dena.

Euskadiren Ondareari buruzko uztailaren 27ko 14/1983 Legearen 44.2 artikuluak agintzen duenez, Jaurlaritzak baimena eman diezaieke Zuzenbide Pribatuko Ente Publikoei edozein motatako sozietateak sortzeko edo euretan parte hartzeko, betiere, euren aurrekontuen kontura, eta Ekonomia eta Ogasun sailburuak eta aipaturiko enteak menpe dituen saileko buruak proposatuz gero.

2003ko abenduaren 1ean, Eusko Irratia-Radiodifusión Vasca, S.A. Sozietate Anonimo Publikoaren Batzar Nagusi Unibertsalak sozietatearen kapitala zabaltzea erabaki zuen zazpiehun eta laurogeita hamalau mila bederatziehun eta laurogeita hemeretzi euro eta laurogeita zortzi zentimotan (794.999,88 euro), euro bat eta zortzi zentimoko (1,08 euro) balio nominaleko zazpiehun eta hogeita hamasei mila ehun eta hamaika akzio berrien (736.111) jaulkipena eginez.

Euskal Irrati Telebista-Radio Televisión Vasca Eusko Irratia-Radiodifusión Vasca, S.A.ko bazkide bakarra denez gero, aipatu sozietatean bazkide izateagatik akzio berriei dagokienez dituen eskubideez baliatuz, lehen idatz-zatian zehaztutakoarekin bat etorriz, eta, akzio berriak eskuratzeko, Jaurlaritzaren Kontseiluaren baimena behar duenez.

Azkenik, Lehendakariaren uztailaren 16ko 7/2001 Dekretuaren 13.2 artikuluan xedatutakoaren arabera, Zuzenbide Pribatuko Erakunde Publikoa den Euskal Irrati Telebista-Radio Televisión Vasca Kultura Sailari atxikita dago.

Guzti horri jarraiki, Ogasun eta Herri-Administrazio eta Kultura sailburuek batera egindako proposamenez, Jaurlaritzaren Kontseiluak 2003ko abenduaren 23an egindako bileran eztabaidatu eta onartu ondoren, honako hau

XEDATU DUT:

Artikulu bakarra.– Euskal Irrati Telebista-Radio Televisión Vasca Ente Publikoari baimena ematea Eusko Irratia-Radiodifusión Vasca, S.A. Sozietate Anonimo Publikoaren kapital-zabalkuntzan parte hartzeko. Zabalkuntza hori zazpiehun eta laurogeita hamalau mila bederatziehun eta laurogeita hemeretzi euro eta laurogeita zortzi zentimokoa da (794.999,88 euro), eta euro bat eta zortzi zentimo balio nominaleko (1,08 euro) zazpiehun eta hogeita hamasei mila ehun eta hamaika akziotako (736.111) jaulkipenaz egin zen.

Euskal Irrati Telebista-Radio Televisión Vasca Ente Publikoak hartutako partaidetza burututako zabalkuntzaren %100ekoa da; beraz, Euskal Irrati Telebista-Radio Televisión Vasca Ente Publikoak aipatu zabalkuntzaren ondoren sozietatean duen partaidetza bi milioi seiehun eta zortzi mila seiehun eta laurogeita hamar euro eta hogeita hamabi zentimokoa da (2.608.690,32 euro), bi milioi laurehun eta hamabost mila laurehun eta berrogeita hamalau akziotan (2.415.454) banatua, euro bat eta zortzi zentimoko (1,08euro) balioa duelarik akzio bakoitzak. Horrek Sozietatearen kapitalaren %100 egiten du.

AZKEN XEDAPENA

Dekretu honek onartzen denetik aurrera izango ditu ondorioak.

Vitoria-Gasteizen, 2003ko abenduaren 23an.

Lehendakaria,

JUAN JOSÉ IBARRETXE MARKUARTU.

Ogasun eta Herri Administrazio sailburua,

IDOIA ZENARRUTZABEITIA BELDARRAIN.

Kultura sailburua,

MIREN KARMELE AZKARATE VILLAR.